Flores National High School - 300313

17/08/2026

ACADEMIC EXCELLENCE AWARD 2026
Flores National High School

Pagkilala sa Kahusayan, Pagpupursigi, at Mabuting Pag-uugali!

Ipinapaalam sa lahat ng mga Batang Floresians ang mga pamantayan para sa Academic Excellence Award:

✅ General Average na 90 pataas
✅ Walang Final Grade na mas mababa sa 80 sa anumang learning area
✅ Walang anumang derogatory record o disciplinary case sa loob ng buong school year

Kailan igagawad?
Ang Academic Excellence Award ay igagawad sa pagtatapos ng School Year bilang pagkilala sa mga mag-aaral na nagsikap at nagpakita ng kahusayan sa kanilang pag-aaral.

Paano kinukuwenta ang grado?

Final Grade (FG) – average ng Term Grades sa bawat learning area, na niroround off sa pinakamalapit na whole number.

General Average (GA) – average ng lahat ng Final Grades sa mga learning area na kinuha sa buong school year.

Sa Flores National High School, hindi lamang mataas na grado ang ating pinahahalagahan—kundi ang pagiging mahusay, mabait, responsable, at disiplinadong Batang Floresian.

Batang Floresians… Mahusay-Mabait!
United in Purpose, Unstoppable in Progress!

Batay sa DepEd Order No. 015, s. 2026 – Revised Guidelines on Classroom Assessment, Grading System, and Awards and Recognition for the K to 12 Basic Education Program.

17/08/2026

Congratulations Ma’am Vi ✌️

CONGRATULATIONS to our Schools Division Superintendent DR. VIVIAN LUZ S. PAGATPATAN for your well-deserved promotion from CESO VI to CESO V.

We are so proud of you.

-From your SDO Pangasinan II Family

(Greeting deck courtesy of Richard Jo Lawrence Aben, SDO Pangasinan II)

17/08/2026

LEARNING CONTINUES AT FLORES NATIONAL HIGH SCHOOL DESPITE HABAGAT 🌧

August 17, 2026 | Flores National High School

Flores National High School refuses to let bad weather stall education. Following class suspensions due to the Habagat, School Head Dr. Shiahari I. Cortez spearheaded the immediate implementation of the school's Learning Continuity Plan to ensure uninterrupted learning from home.

Our dedicated teachers prepared contextualized and ILAW-based Learning Activity Materials that learners can accomplish at home. These materials are designed to be relevant to the learners’ needs, experiences, and current situation.

This effort reflects the commitment of our teachers to ensure that learning continues beyond the classroom. Despite the challenges brought by the weather, learners are encouraged to stay engaged, complete their learning activities, and continue developing their knowledge and skills with the support of their families.

The Learning Continuity Plan reminds us that education does not stop when classes are suspended. With the dedication of our teachers, the cooperation of our learners and parents, and the leadership of our school head, learning remains possible even in challenging times.

🌱 At Flores National High School, we believe that every learner deserves the opportunity to learn—anytime, anywhere, and in every circumstance.

Learning continues. Hope continues. Education continues. 💙📖

16/08/2026

📢 PUBLIC ADVISORY

Ipinababatid sa publiko na suspendido ang face-to-face classes sa lahat ng antas sa mga pampubliko at pribadong paaralan sa Bayan ng Umingan ngayong Lunes, Agosto 17, 2026, dahil sa patuloy na epekto ng Southwest Monsoon (Habagat).

Sa kabila nito, pinapayuhan ang mga paaralan na ipatupad ang alternative learning methods upang maipagpatuloy ang pag-aaral ng mga mag-aaral mula sa kani-kanilang tahanan.

Hinihiling sa mga mag-aaral, magulang, g**o, at school personnel na manatiling ligtas, maingat, at updated sa mga opisyal na abiso hinggil sa sitwasyon.

Para sa kaligtasan ng lahat, makiisa at sumunod sa mga itinakdang panuntunan.

Stay Safe, Uminganians!💙🧡

13/08/2026

Patikim pa lang ’yan! 👀🔥

Mas marami pang exciting na aabangan ngayong taon sa FNHS Home Economics! 👩‍🍳👨‍🍳✨

Mula sa kusina hanggang sa mga bagong likhang produkto—may mga talento, ideya, at sorpresa na unti-unting ihahain ng ating mga batang Floresians. 💚

🍰 Mga bagong produkto
👩‍🍳 Mas advanced na skills
💡 Mas makabagong ideas
🏆 Mas maraming oportunidad
🔥 At mga proyekto na siguradong mapapa-“WOW!”

Kung patikim pa lang ang nakita ninyo…
HINTAYIN NINYO ANG SUSUNOD! 😉

FNHS Home Economics — where skills become talents, and talents become opportunities.

Batang Floresians… Mahusay-Mabait
United in Purpose, Unstoppable in Progress!

11/08/2026

GO GREEN | FLORES NATIONAL HIGH SCHOOL 🌿
SDO Pangasinan II

Sa Flores National High School, isinasabuhay natin ang pagiging Green, Responsible, at Environmentally Conscious sa pamamagitan ng mga simpleng gawain na may malaking epekto sa ating paaralan at komunidad.

PROJECT HAKOT ay isang magandang gawain na naglalayong:

✅ HALINAT – Maglaan ng oras upang linisin ang ating paligid.
✅ AYUSIN – Panatilihing maayos at malinis ang mga gamit at kapaligiran.
✅ KALAT ORGANISAHIN – Ihiwalay at ayusin ang basura ayon sa tamang kategorya.
✅ TIPUNIN – Tipunin ang mga kalat at ilagay sa tamang lugar para sa wastong pamamahala ng basura.

🥤 Sa FNHS Canteen, isinusulong natin ang NO SINGLE-USE PLASTIC at gumagamit ng mas environment-friendly na paper food containers, paper cups and plates, at wooden utensils.

♻️ Isinasagawa rin ang waste segregation upang ang mga basurang maaari pang mapakinabangan ay maihiwalay at maproseso nang wasto.

🎨 Sa pamamagitan naman ng PROJECT CREATIVE, binibigyan natin ng bagong buhay ang mga materyales sa pamamagitan ng reuse, recycling, at creative transformation.

📄 Paalala: Ang paggamit ng papers at scrap papers ay para sa classroom activities lamang, at hinihikayat ang lahat na gamitin ang papel nang wasto at matipid.

🌏 Maliit na hakbang. Malaking pagbabago.
🤝 Sama-sama para sa malinis, ligtas, at berdeng Flores National High School!

💚 Be Green. Be Responsible. Be a Proud Floresian!

UNITED IN PURPOSE, UNSTOPPABLE IN PROGRESS 🌿

10/08/2026

MENTAL HEALTH & WELLNESS HABANG NAKA-ADM

Habang nagpapatuloy ang ating pag-aaral sa pamamagitan ng Alternative Delivery Mode (ADM), mahalagang alagaan hindi lamang ang ating pag-aaral kundi pati na rin ang ating isip, damdamin, at katawan.

Narito ang ilang paraan upang hindi mainip at manatiling mentally healthy habang nasa bahay:

🎯 1. MAG-SET NG GOALS
Magtakda ng maliliit at kayang abuting goals araw-araw.

📅 2. GUMAWA NG SCHEDULE
Balansihin ang oras para sa module, pahinga, gawaing bahay, hobby, at bonding kasama ang pamilya.

📖 3. GAWING MASAYA ANG PAG-AARAL
Gumamit ng notes, mind maps, drawings, at reward system pagkatapos ng gawain.

🎨 4. LINANGIN ANG HOBBY
Magbasa, gumuhit, magsulat, magluto, tumugtog, o gumawa ng anumang malikhaing bagay.

🏃 5. MAG-EXERCISE
Maglaan ng 20–30 minuto para sa stretching, walking, dancing, o simpleng exercise.

🧘 6. MAG-MEDITATE AT MAGPAHINGA
Huminga nang malalim at maglaan ng ilang minuto para sa tahimik na relaxation.

🌿 7. MAG-ALAGA NG HALAMAN
Ang gardening at pag-aalaga ng halaman ay magandang paraan upang makapag-relax.

🎵 8. MAKINIG SA MUSIKA
Mag-enjoy sa paboritong kanta at gamitin ang musika bilang paraan ng pagpapahinga.

📵 9. LIMITAHAN ANG SCREEN TIME
Magpahinga mula sa cellphone, social media, at online games kapag kinakailangan.

👨‍👩‍👧 10. MANATILING KONEKTADO
Makipag-usap sa pamilya, kaibigan, g**o, o sinumang pinagkakatiwalaan.

TANDAAN, BATANG FLORESIANS!

Hindi kailangang harapin ang lahat nang mag-isa. Kung nakakaramdam ng matinding pagod, lungkot, pag-aalala, o nahihirapan nang magpatuloy, humingi ng tulong at makipag-usap sa taong pinagkakatiwalaan.

Mag-Aral kahit saan. Ligtas lagi. Kinabukasan ay ating abutin!

Batang Floresians… MAHUSAY-MABAIT!
United in Purpose, Unstoppable in Progress!

10/08/2026

🚨 IWAS SAKIT, MAGING LIGTAS!

Sa panahon ng kalamidad at pagbaha, iwasan ang pagtatampisaw o paglusong sa tubig-baha kung hindi kinakailangan. Ang tubig-baha ay maaaring kontaminado ng ihi ng daga at iba pang mikrobyo na maaaring magdulot ng mga sakit tulad ng leptospirosis, diarrhea, impeksiyon sa balat, tetanus, at iba pang impeksiyon.

⚠️ KUNG NAGTAMPISAW O NALUSONG SA BAHA:
🧼 Maligo agad gamit ang malinis na tubig at sabon.
🩹 Linisin at takpan ang anumang sugat o gasgas.
👕 Magpalit agad ng malinis at tuyong damit.
💧 Uminom ng malinis at ligtas na tubig.
🩺 Kung magkaroon ng lagnat, pananakit ng katawan, matinding panghihina, pagsusuka, pagtatae, pamumula o pamamaga, agad na magsabi sa magulang/tagapag-alaga at magpakonsulta sa health worker o doktor.
❌ Huwag mag-self-medicate.

🛡️ TANDAAN:

Iwasan ang baha kung hindi kinakailangan.
Panatilihing malinis ang katawan at kapaligiran.
Ang tamang kaalaman at pag-iingat ay proteksiyon laban sa sakit.

💚 Batang Floresians… MAHUSAY-MABAIT!
🌱 United in Purpose, Unstoppable in Progress!

Flores National High School
Brgy. Flores, Umingan, Pangasinan

10/08/2026

MGA PAALALA AT GABAY SA ATING MGA BATANG FLORESIANS

Dahil sa No Face-to-Face Classes dulot ng kalamidad, patuloy pa rin ang ating pagkatuto sa pamamagitan ng Alternative Delivery Mode (ADM) bilang bahagi ng ating Learning Continuity Plan.

Kahit wala tayo sa loob ng silid-aralan, tuloy ang pag-aaral!
Narito ang ilang mahahalagang paalala para sa ating mga mag-aaral:

✅ Unahin ang kaligtasan – Manatili sa ligtas na lugar at sundin ang mga abiso ng awtoridad.
✅ Sumunod sa mga gawain – Gawin at ipasa ang mga learning tasks sa itinakdang oras.
✅ Panatilihin ang komunikasyon – Makipag-ugnayan sa inyong mga g**o kung may katanungan o suliranin.
✅ Maging tapat at responsable – Iwasan ang plagiarism at pandaraya.
✅ Gumawa ng iskedyul – Maglaan ng sapat na oras para sa pag-aaral, pahinga, at iba pang gawain.
✅ Gamitin nang wasto ang teknolohiya – Gamitin ang gadgets at internet para sa makabuluhang pag-aaral.
✅ Huwag mahiyang humingi ng tulong – Nandito ang inyong mga g**o, magulang, at paaralan upang umalalay.
✅ Manatiling positibo at mapagkalinga – Sa panahon ng kalamidad, mahalaga ang pagkakaisa at malasakit sa isa’t isa.

Sa mga magulang/tagapag-alaga:
Ang inyong gabay, suporta, at pag-unawa ay malaking bahagi ng tagumpay ng ating mga anak. Samahan natin sila sa kanilang pag-aaral habang nananatili silang ligtas.

Mag-Aral kahit saan. Ligtas lagi. Kinabukasan ay ating abutin!

Batang Floresians… MAHUSAY-MABAIT! 💚
United in Purpose, Unstoppable in Progress!

04/08/2026

PAALALA MULA SA FLORES NATIONAL HIGH SCHOOL

HUWAG HINTAYING MAABOT ANG 20% NA PAGLIBAN — KILOS AGAD SA UNANG SENYALES!

Ang regular na pagpasok sa paaralan ay mahalaga upang matiyak ang tuloy-tuloy na pagkatuto at magandang kinabukasan ng ating mga mag-aaral.

Alinsunod sa DepEd Order No. 15, s. 2026, ang School Year 2026–2027 ay may 201 araw ng klase. Ang 20% na pagliban ay katumbas ng 40 araw lamang. Kapag lumampas dito, maaaring maapektuhan ang akademikong pagganap at pag-angat ng mag-aaral.

Hindi natin hihintayin na umabot sa 20%!

Sa Flores National High School, nagsisimula na ang Term 1 Intervention kapag ang isang mag-aaral ay umabot na sa 12 araw na pagliban. Layunin nitong maagapan ang patuloy na pagliban sa pamamagitan ng:

✅ Pakikipag-ugnayan sa magulang o tagapag-alaga
✅ Guidance at counseling
✅ Academic remediation at learning support
✅ Regular na attendance monitoring
✅ Pagbuo ng intervention plan ng paaralan, g**o, magulang, at mag-aaral

📌 Halimbawa ng Komputasyon:

* Kabuuang araw ng klase: 201
* 20% ng 201 = 40.2 araw
* Maximum na pinapayagang pagliban: 40 araw
* Kapag 12 araw na ang pagliban sa Term 1, isasailalim na sa intervention ang mag-aaral upang hindi na umabot sa 20%.

Ang maagang pagkilos ay susi upang maiwasan ang:

* Pagbaba ng academic performance
* Pagdami ng naiwang aralin
* Posibleng hindi pag-angat sa susunod na baitang
* Mas mataas na panganib ng pag-drop out

Mga Magulang, katuwang namin kayo sa tagumpay ng inyong mga anak. Ang inyong paggabay at pakikipagtulungan sa paaralan ay malaking hakbang upang matiyak ang kanilang regular na pagpasok at matagumpay na pag-aaral.

Flores National High School
Tagline: Batang Floresians… Mahusay-Mabait
School Mantra: United in Purpose, Unstoppable in Progress.
School Year 2026–2027

Bawat araw ng pagpasok ay isang hakbang tungo sa pangarap. Sama-sama nating siguraduhing walang batang maiiwan.