https://www.facebook.com/1036686626200312/

Ang Luntian, Macababbad Street, Linao Norte, Tuguegarao City (2026)

12/08/2026

SBPC 2026 SA LINAO NHS, MATAGUMPAY NA PINASINAYAHAN

Sa makulay at makabuluhang pagbubukas, pormal na sinimulan ng Linao National High School ang School-Based Press Conference (SBPC) 2026 ngayong ika-12 ng Agosto hanggang ika-14 ng Agosto sa Paaralang Gymnasium, na may temang, “Beyond the Pen: Empowering Voices, Inspiring Change.”

Isang marangal na layunin ang gawaing ito na mahasa ang husay, palawakin ang kaalaman, at hubugin ang dangal ng mga mag-aaral sa larangan ng pamamahayag, upang makapili ng mga pinakamahusay na kakatawan sa mas mataas na antas ng paligsahan.

Mas lalo pang pinaganda ang pagtitipon sa pagdalo ng mga kagalang-galang na inanyayahang tagapagsalita. Sila ay magbabahagi ng kanilang mayamang karanasan at kadalubhasaan — isang natatanging pagkakataon upang matuto mula sa mga tunay na dalubhasa sa larangan.

Sa kanyang memsahe, binigyang-diin ni Gng. Eloisa M. Mabborang, Punong-Guro, ang dakilang misyon ng pamamahayag na maging tapat na tinig ng katotohanan at mabisang lakas ng pagbabago. Ang kanyang mensahe ay nagbigay-liwanag at nagpasigla sa puso ng bawat kabataang manunulat.

Ngayon, ang bawat kalahok ay bitbit ang pag-asa, husay, at pangarap — handang gamitin ang pluma bilang sandigan ng katotohanan at inspirasyon ng pag-unlad.

12/08/2026

TULONG PANG-ESKWELAHAN NG LGU, IBINIGAY SA LINAO NHS

Ipinamahagi ng LGU ang tulong na nagkakahalaga ng ₱10,000 para sa mga mag-aaral ng Linao National High School. Ang halagang ito ay ibinigay bilang suporta sa paaralan para sa Brigada Eskwela sa pangunguna ni Mayor Maila Ting Que.

Layunin ng programa na tugunan ang iba’t ibang pangangailangan ng mga mag-aaral, g**o, at kawani ng paaralan. Magkakaiba ang hinihinging tulong ng iba’t ibang paaralan, ngunit pinili ni Punong-g**o Eloisa M. Mabborang na kagamitang pang-eskwelahan tulad ng kuwaderno at papel ang ipamahagi. Ito ay batay sa pagsusuri kung saan natuklasang marami sa mga mag-aaral ang kulang sa ganitong kagamitan. Ang mga benepisyaryo ay ang mga mag-aaral na pinili ng mga g**o na tunay na nangangailangan ng ganitong kagamitan.

Ayon kay Mabborang, "Malugod naming tinatanggap ang tulong na ito mula sa LGU at kay Mayor Maila. Batay sa aming pagsusuri, marami sa ating mga mag-aaral ang walang sapat na kuwaderno at papel. Malaking tulong ito upang masig**o na mayroon silang kagamitan at makasabay nang maayos sa klase bilang suporta sa ating Brigada Eskwela."

Taos-puso namang nagpasalamat ang mga benepisyaryong mag-aaral sa LGU at kay Mayor Maila sa napapanahong suporta. Ang tulong na ito ay hindi lamang kagamitan sa pag-aaral, kundi inspirasyon upang mas pagbutihin pa ang kanilang pag-aaral. Ang pagtutulungan ng pamahalaan at paaralan ay tiyak na magbubunga ng mas magandang kinabukasan ng kabataan.

03/08/2026

Linao NHS, Tuguegarao City Component Police Station, Nagkaisa sa Paglulunsad ng Buwan ng Wika 2026

Pormal na inilunsad ng Linao National High School ang pagdiriwang ng Buwan ng Wika 2026 sa pakikipag-ugnayan ng Tuguegarao City Component Police Station bilang pagpapakita ng suporta sa pagpapaigting ng paggamit ng wikang Filipino at responsableng paggamit ng makabagong teknolohiya.

May temang “Wikang Filipino at AI: Kasangkapan sa Pananaliksik at Tulay sa Yaman ng Impormasyon,” tampok sa paglulunsad ang pagpapahalaga sa wikang Filipino bilang mahalagang kasangkapan sa pagkatuto, pananaliksik, at epektibong komunikasyon sa gitna ng mabilis na pag-unlad ng artificial intelligence (AI).

Dumalo sa programa sina PCPT. Ian Paul Valeros, kasama ang mga ilang tauhan ng Tuguegarao City Component Police Station, bilang pakikiisa sa pagbubukas ng selebrasyon, kasama ang pamunuan ng paaralan, mga g**o, at mga mag-aaral na nagbigay-buhay sa makabuluhang gawain.

Sa kanyang mensahe, binigyang-diin ni Eloisa M. Mabborang,punongg**o ang kahalagahan ng patuloy na pagmamahal at paggamit ng wikang Filipino kasabay ng matalinong paggamit ng AI bilang katuwang sa pagkatuto at pananaliksik. Aniya, ang teknolohiya ay higit na nagiging makabuluhan kung ito ay ginagamit nang may pananagutan at nananatiling nakaugat sa pagpapahalaga sa sariling wika at kultura.
Kasabay ng paglulunsad ay ang pagpapakilala sa iba't ibang patimpalak at gawaing inihanda ng paaralan para sa buong buwan ng Agosto. Layunin ng mga aktibidad na malinang ang pagkamalikhain, mapalawak ang kaalaman sa wikang Filipino, at maipakita ang kahalagahan nito bilang tulay sa yaman ng impormasyon sa makabagong panahon.

Sa pamamagitan ng pagdiriwang na ito, muling pinagtitibay ng Linao NHS at mga kapulisan ang pangako nitong hubugin ang mga mag-aaral na may pagmamalaki sa wikang Filipino at handang makiisa sa makabagong mundo nang may sapat na kaalaman, responsibilidad, at pagmamahal sa sariling kultura.

01/08/2026

Ipinagdiriwang natin ngayong buwan ang yaman ng ating sariling wika—ang Wikang Filipino na nag-uugnay sa atin mula Luzon, Visayas, hanggang Mindanao. Hindi lamang ito salita, kundi kaluluwa ng ating kultura at pundasyon ng ating pagiging Pilipino.

Sa Linao National High School, isinusulong natin ang pagmamahal sa sariling wika bilang susi sa mas malalim na pagkakaunawaan at pagtutulungan. Gamitin natin ito nang tama, yamanin, at ipagmalaki sa buong mundo!

📢 Samahan niyo kami sa aming mga gawain ngayong buwan!

30/07/2026

Matias, Iniluklok Bilang Assistant School Head Designate ng LNHS

Pormal na isinagawa ang Installation Ceremony ni G.Marvin J. Matias bilang Assistant School Head Designate ng Linao NHS, isang mahalagang hakbang sa patuloy na pagpapalakas ng pamumuno at pamamahala ng paaralan.
Pinangunahan ang seremonya ni Richard G. Agudo, Human Resource Management Officer, na siyang nangasiwa sa pormal na installation. Dumalo rin sina Rocky Banatao, Arnold Quizzagan, Public Schools District Supervisor (PSDS), Raiza Mones, Assistant Principal, Jansten Mapatac, Incoming Education Program Supervisor (EPS) in Mathematics, at Amir M. Aquino, Head , Public Affairs Unit, Office of the Regional Director, DepEd Regional Office II, kasama ang mga g**o, kawani, at iba pang panauhin.

Sa kanyang mensahe, sinabi ni PEloisa M. Mabborang,Punongg**o na ang pagtatalaga kay Matias ay magpapalakas pa sa pamunuan ng paaralan.
"Malugod naming tinatanggap si Sir Marvin sa aming pamunuan. Nawa'y maging daan ang kanyang pamumuno sa patuloy na pag-unlad ng Linao National High School at sa mas mahusay na paglilingkod para sa ating mga mag-aaral."
Nagpasalamat naman si G.Matias sa tiwala ng Kagawaran ng Edukasyon at nangakong gagampanan ang kanyang tungkulin nang may integridad, dedikasyon, at malasakit. Binigyang-diin din niya ang kahalagahan ng pagtutulungan ng pamunuan, mga g**o, at mga stakeholder upang patuloy na maitaguyod ang kalidad ng edukasyon sa paaralan.
Nagtapos ang programa sa panawagan ng pagkakaisa at sama-samang pagkilos tungo sa iisang layunin—ang patuloy na paghahatid ng dekalidad, inklusibo, at makabuluhang edukasyon para sa bawat mag-aaral ng Linao NHS

24/07/2026

PANOORIN |Matagumpay na isinagawa ng Linao National High School ang Mass Induction Ceremony para sa mga opisyal ng Supreme Secondary Learner Government (SSLG), School Parent-Teacher Association (SPTA), School Governing Council (SGC), Faculty Club, at iba pang kinikilalang samahan sa paaralan sa ilalim ng pamumuno ni Punong-g**o Eloisa Mangulad-Mabborang.

Pinangunahan ang panunumpa sa katungkulan ni Grace Arago, Executive Assistant IV, bilang kinatawan ni Tuguegarao City Mayor Maila Ting-Que, na nagbigay-inspirasyon sa mga bagong halal na opisyal na mamuno nang may integridad, pananagutan, at tapat na paglilingkod.

24/07/2026

Bagong Pamunuan ng LNHS, Pormal nang Nanumpa sa Kanilang Tungkulin

Sa isang makabuluhan at makulay na seremonya na ginanap ngayon araw, Hulyo 24, sa Linao NHS, pormal nang nanumpa ang mga bagong halal na opisyal ng Supreme Secondary Learner Government (SSLG) at iba’t ibang organisasyon at mga club sa paaralan. Ang naturang panunumpa ay hudyat ng pagsisimula ng panibagong yugto ng pamumuno na inaasahang magpapalakas sa kultura ng serbisyo, pananagutan, at aktibong pakikilahok sa loob ng paaralan.

Kasabay ng mga opisyal ng SSLG at mga club, opisyal ding nanumpa ang mga bagong pinuno ng School Parent-Teacher Association (SPTA), School Governance Council (SGC), at mga Faculty Officers, na pawang may mahalagang papel sa pagpapatibay ng ugnayan ng paaralan, mga magulang, g**o, at iba pang katuwang sa edukasyon.

Pinangunahan ni Hon. Grace Arago, Executive Assistant IV, ang seremonya ng panunumpa bilang induction officer, kasama si Education Supervisor Denizon Domingo, na kumatawan kay Mayor Maila Ting-Que. Sa kanilang mensahe, binigyang-diin nila na ang tunay na pamumuno ay hindi lamang nasusukat sa hawak na posisyon kundi sa kakayahang magsilbi nang may integridad, pananagutan, at malasakit. Hinikayat din nila ang mga bagong opisyal na maging aktibong katuwang sa pagpapatupad ng mga programang magpapayabong sa pagkatuto, disiplina, at pagkakaisa sa buong komunidad ng paaralan.

Nagbigay rin ng suporta ang iba’t ibang stakeholder na dumalo sa programa, kabilang si Fr. Andy Gumangan, kura paroko ng Sta. Rosa Parish, na muling nagpatunay sa patuloy na pakikiisa ng simbahan sa mga layunin at adhikain ng LNHS para sa kapakanan ng mga mag-aaral.

Sa kanyang mensahe, taos-pusong binati ni Punongg**o Eloisa Mangulad ang mga bagong halal na opisyal at hinimok silang maging mga pinunong may malinaw na direksiyon, mabuting halimbawa, at tunay na lingkod ng kanilang kapwa. Binigyang-diin niya na ang epektibong pamumuno ay nakikita sa kakayahang makinig, makipagtulungan, at magsulong ng mga inisyatibang may positibong epekto sa buong paaralan.

Bilang pagtatapos ng makasaysayang okasyon, nagkaisa ang buong komunidad ng LNHS sa panalangin at paninindigan na ang pagkakaisa ng pamunuan, g**o, magulang, at mga mag-aaral ang magsisilbing pundasyon ng mas matatag, masaganang, at matagumpay na kinabukasan ng paaralan. Ang araw na ito ay hindi lamang naging pagkilala sa mga bagong halal, kundi paninindigan ng lahat na magtutulungan para sa iisang layunin—ang makapagbigay ng de-kalidad na edukasyon at gabay sa bawat mag-aaral ng Linao NHS.

| Jecelle De La Cruz
📸: Krisha A. Corpuz at Shear Jashub F. Pamittan

18/07/2026

BALITA| Oryentasyon sa Programang ARAL, Isinagawa

Upang mapagtibay ang suporta ng mga magulang at matugunan ang mga kakulangan sa pagkatuto ng mga mag-aaral, pinangunahan ng Kagawaran ng Wika ng Linao National High School ang oryentasyon para sa mga benepisyaryo ng Programang ARAL at kanilang mga magulang noong Hulyo 16 sa LNHS Gymnasium. Ito ay alinsunod sa Batas Republika Blg. 12028 o ang Batas sa Programang Pagbawi at Madaling Pagkatuto (ARAL), at sa Kautusan ng Kagawaran Blg. 013, s. 2024 na naglalaman ng mga alituntunin para sa pagpapatupad nito.

Sa ikalawang taon na ng pagpapatupad nito, layunin ng oryentasyon na talakayin ang kahalagahan ng Programang ARAL at bigyang-diin ang papel ng mga magulang at tagapag-alaga sa pagsubaybay at pagsuporta sa mga mag-aaral sa buong panahon ng interbensyon.

Sa kanyang mensahe, hinikayat ng Punong-Guro na si Eloisa Mangulad-Mabborang ang mga mag-aaral na pakinabangan nang husto ang pagkakataong iniaalok ng programa. Binanggit niya ang patuloy na dedikasyon ng mga g**o ng English at Filipino na tulungan ang mga mag-aaral na mapabuti ang kanilang kasanayan sa pagbasa at pag-unawa.

Ibinahagi naman ni Alvine T. Rumusud, Tagapamahala ng ARAL, ang mga layunin, pakinabang, at kasalukuyang kalagayan ng programa. Iniulat niya na mayroong 46 na mag-aaral mula Baitang 7 hanggang 10 ang kasalukuyang kalahok ngayong taon, kumpara sa 78 noong nakaraang taon—bunga na ng pagbuti ng antas ng marami at hindi na nila kailangan ang karagdagang tulong.

Ipinakilala naman ni Alvin M. Darauay, g**o sa Ingles, ang mga tagapagturo ng ARAL na mamamahala sa lingguhang sesyon ng pagtuturo para sa mga benepisyaryo.

Isang bukas na talakayan na pinangasiwaan ni Rosell M. Balmores ang nagbigay-daan sa mga magulang na magtanong tungkol sa programa. Sa tanong tungkol sa dalas ng pagtuturo, ipinaliwanag ni Balmores na magkikita ang mga mag-aaral at kanilang tagapagturo minsan sa isang linggo, tuwing Huwebes mula ika-3:00 hanggang ika-4:00 ng hapon.

Nagkaroon din ng pagpapalabas ng bidyo na nagpapakita ng mga tagumpay ng ARAL noong nakaraang taon, kabilang ang pagdalaw na tinatawag na LAKBAY ARAL sa Sentro ng Pagkatuto at Sanggunian ng Lalawigan ng Cagayan at sa Museo ng Cagayan.

Pinasasalamatan din ng Language Department ang suporta ni Punong-Guro Eloisa Mangulad-Mabborang at ni Evangeline Macababbad, tagapamahala ng kantina, para sa meryendang inihanda para sa gawain.

Opisyal na nagsimula ang Programang ARAL sa araw ding iyon matapos magkita ang mga tagapagturo at ang kanilang mga itinalagang mag-aaral, at isinagawa ang unang bahagi ng interbensyon sa pamamagitan ng mga gawaing pang-emosyonal at panlipunan.

18/07/2026

₱30K na tulong, ibinigay sa kauna-unahang Sports Clinic ng Wrestling at Boxing ng LNHS

Sa pagbubukas ng bagong kabanata ng palakasan sa Tuguegarao, hindi lamang pondo ang inialay ni Dr. Cleofe Mary Jane D. Torres, SDO-Medical Officer, kundi pati na rin ang liwanag at pag-asa na ang bawat atleta ay may lugar at pagkakataong umunlad.

Sa pormal na paglulunsad ngayong araw sa Linao NHS ng Sports Clinic , ipinagkaloob ni Dr. Torres ang kabuuang ₱30,000 bilang suporta sa mga programa sa palakasan ng paaralan at pangunahing pondo para sa kauna-unahang Sports Clinic sa Wrestling at Boxing sa buong nasasakupan ng dibisyon.

Ang donasyon ay bunga ng pagkakaisa ng tatlong pundasyon na nagpapatuloy sa magandang adhikain ng kanilang mga nag-alay ng buhay: ang Dr. Melody Dishoso Torres Memorial Foundation, Engr. Aniceto Cacal Torres Memorial Foundation, at Donya Paula Araneta Camacho Dichoso Foundation, na nag-ambag ng tig-₱10,000 bawat isa.

Kilala at pinahahalagahan na ang walang sawang suporta ni Dr. Torres sa mga atleta ng Linao. Taun-taon ay nagbibigay siya ng karagdagang insentibo sa mga manlalaro ng Boxing at Wrestling tuwing natatapos ang CaVRAA: ₱1,500 para sa Ginto, ₱1,000 para sa Pilak, at ₱500 para sa Tanso. Isang patunay ito na hindi lamang sa pagsisimula kundi maging sa tagumpay ay katuwang nila si Dr. Torres.

Ang proyektong ito ay inisyatiba ni G. Redemptor T. Lauigan, Head Teacher, na magtitipon ng mga atleta sa loob ng limang magkakasunod na Sabado—mula Hulyo 18—sa LNHS Gymnasium. Dinaluhan ito ng Kagawaran ng MAPEH, mga dating atleta ng paaralan, at mga piling mag-aaral-atleta mula sa iba’t ibang paaralan sa buong dibisyon. Naroon din bilang mga panauhin sina Rey Ferrer (Tuguegarao City Sports Coordinator), PSDS Edwin Catulin, at Sonny Timbas.

Sa kanyang mensahe, ipinaalala ni Dr. Torres na ang tulong na ito ay higit pa sa pera—ito ay pagpapatibay na ang palakasan ay daan tungo sa mas mabuting kinabukasan ng kabataan.

“Ang pondong ito ay alay hindi lamang para matuto ng tamang suntok o tama ng hawak. Ito ay para hubugin ang inyong disiplina, tapang, at pagkakaisa. Bilang suporta sa ating mga programa sa palakasan, nais naming walang maiwan sa pangarap na mapaunlad ang sarili,” ani Dr. Torres.

Ayon kay G. Lauigan, ang pondo ay gagamitin sa pagbili ng mga kagamitan, pagsisig**o sa kaligtasan ng mga manlalaro, at iba pang pangangailangan upang mapanatili ang maayos na takbo ng mga gawaing pampalakasan.

Para sa mga atleta, ang pagkakataong ito ay hindi lamang pagsasanay—ito ay patunay na may mga taong handang umalalay upang ang kanilang galing ay lalo pang mamukadkad. Sa tulong na ito, mas lumalakas ang loob ng bawat isa na harapin ang mga susunod na hamon sa labas at loob ng palaruan.

Ang Luntian

12/08/2026

12/08/2026

03/08/2026

01/08/2026

30/07/2026

24/07/2026

24/07/2026

18/07/2026

18/07/2026

Address

Website

Alerts

Shortcuts

Share

Category

Listing takedown request