St. Jude Parish School - ALS

Gusto mo bang mag-aral kaya lang...

Unang Yugto: Ang Pamamalakaya

Sa kasalukuyang datos mula sa UNESCO Institute of Statistics,
ang Pilipinas ay may 91% learning poverty rate at 90% learning deprivation rate. Sabi nga ni Former tourism chief Rafael Alunan II, malapit na tayong tawaging "the Idiot Nation". Pero paano pa ito matutugunan kung mamimili ang isang mag-aaral kung pagkasalat sa kabuhayan o pagkasalat sa karunungan.

Sa pagpunta ko sa Pamilihang Lungsod ng Trece Martires, ilan sa mga nagtatrabaho dito ay hindi pa nakatapos ng junior high school. Maganda ang programang inilalatag ng St. Jude Parish School -ALS Program dahil hindi lamang magtatapos sa JHS diploma ang ibibigay nila kundi pati skills training programs mula sa TESDA. Kaya lang ang sabi nga ng mga naka-usap ko, maganda ang program, pero mas mahalaga yung araw na araw nilang kita. Basta kumikita at natutustusan ang pangangailangan.

Ano kaya ang makakakumbinsi sa kanilang magbalik eskuwela?