02/09/2025
Mahal naming mamamayan ng Barangay Tambang,
Isang maalab na pagbati mula sa Tamban National High School!
Kaugnay ng nalalapit naming ika-37 taong anibersaryo sa darating na Setyembre 8, 2025, kami po ay taos-pusong humihiling ng inyong kooperasyon at pakikiisa sa isasagawang malawakang Clean-up Drive sa darating na Setyembre 4, 2025, ganap na alas-6:00 ng umaga. Para sa mga mag-aaral, ang assembly time ay 5:30 ng umaga sa TNHS.
Ang gawaing ito ay hindi lamang bahagi ng aming paghahanda sa selebrasyon, kundi isa ring panawagan para sa atin lahat na maging katuwang sa pagtataguyod ng isang malinis, maayos, at ligtas na komunidad. Nawa’y magsimula tayo sa ating sariling bakuran at palawakin ang malasakit hanggang sa buong Barangay Tambang. Magkaisa tayo upang gawing huwaran ang ating barangay pagdating sa kalinisan at disiplina.
Ang inyong aktibong pakikiisa ay mahalagang hakbang para sa mas maaliwalas na kapaligiran at mas magandang kinabukasan para sa susunod na henerasyon. Hinihikayat namin ang bawat isa na maging inspirasyon at tagapangalaga ng ating kapaligiran.Ito ay magsisilbing "wake-up call" para sa ating lahat na maging aktibong tagapangalaga ng ating kapaligiran.
Maraming salamat po sa inyong walang sawang suporta sa mga programa at adhikain ng Tambang National High School.
Lubos na gumagalang,
Ang mga Estudyante, G**o, at Pamunuan ng Tambang National High School
sa pangunguna ng aming Punong-guro, G. Rolando L. Narbato Jr.
