Ang Marmol - Teresa NHS

30/08/2026

𝗔𝗡𝗚 𝗠𝗔𝗥𝗠𝗢𝗟 | 𝗟𝗨𝗣𝗢𝗡 𝗡𝗚 𝗣𝗔𝗧𝗡𝗨𝗚𝗨𝗧𝗔𝗡

Buong pagmamalaking ipinakikilala ng Ang Marmol, opisyal na pampaaralang pahayagan ng Teresa National High School, ang Lupon ng Patnugutan sa Taong Panuruan 2026–2027 – mga kabataang mamamahayag na magsisilbing tinig ang katotohanan, tagapagdala ng impormasyon, at tagapaghatid ng mga kuwentong nagbibigay-inspirasyon.

Sa bawat pahina, larawan, at salitang kanilang lilikhain, mananatiling buhay ang adhikaing malaya, makabuluhan, at responsableng pamamahayag.

At mananatiling tapat sa kanilang paniniwala,
𝙏𝙞𝙣𝙩𝙖 𝙖𝙣𝙜 𝙎𝙖𝙣𝙙𝙖𝙩𝙖, 𝙆𝙖𝙩𝙤𝙩𝙤𝙝𝙖𝙣𝙖𝙣 𝙖𝙣𝙜 𝙋𝙖𝙣𝙖𝙩𝙖

24/07/2026

Mainit na pagbati sa mga mga mag-aaral na napabilang sa Top 5 (Ang Marmol) sa ginanap na 2026 School Press Conference noong Hulyo 18, 2026!

Ipinamalas ninyo ang husay, talento, at dedikasyon sa larangan ng pamamahayag. Nawa'y magsilbing inspirasyon ang tagumpay na ito upang lalo pa ninyong paghusayin ang kakayahan at patuloy na linangin ang inyong galing sa pagsusulat at pamamahayag.

Pasasalamat din po sa mga magulang sa walang sawang paggabay at pagsuporta na naging sandigan ng mag-aaral sa kanilang nakamit na tagumpay.

Patuloy na magningning, magbigay-inspirasyon, at ipagpatuloy ang pagtataguyod ng katotohanan at kahusayan sa larangan ng pamamahayag.

24/07/2026

31/03/2026

𝐓𝐈𝐍𝐆𝐍𝐀𝐍 | 𝗔𝗡𝗚 𝗠𝗔𝗥𝗠𝗢𝗟 𝗦𝗖𝗛𝗢𝗢𝗟 𝗬𝗘𝗔𝗥 𝟮𝟬𝟮𝟱–𝟮𝟬𝟮𝟲 𝗡𝗘𝗪𝗦𝗟𝗘𝗧𝗧𝗘𝗥 📰

Sa loob ng buong taong panuruan 2025–2026, maraming mahahalagang pangyayari ang nagbigay-hugis sa buhay ng mga mag-aaral, g**o, at ng buong komunidad ng Teresa National High School. Mula sa mga akademikong tagumpay at mahahalagang programa ng paaralan hanggang sa mga kaganapang may epekto sa komunidad at lipunan, bawat kuwento ay maingat na naitala at inilahad. ✍🏻

Bilang opisyal na pampaaralang pahayagan ng Teresa National High School sa Filipino, buong paggalang na inihahandog ng Ang Marmol ang School Year 2025–2026 Newsletter—isang komprehensibong tala ng mga balita, tampok na artikulo, at mahahalagang pangyayaring humubog sa buong taon ng panuruan. 💚✨

⬇️ Para sa mas malinaw na bersyon, buksan ang link:

https://drive.google.com/drive/folders/1vLDg83JDlJn63KcxEOFa6aKqOAEj6KCP

14/11/2025

𝐋𝐔𝐏𝐎𝐍 𝐍𝐆 𝐏𝐀𝐓𝐍𝐔𝐆𝐔𝐓𝐀𝐍 ✨💛

Ipinagmamalaki ng 𝑨𝒏𝒈 𝑴𝒂𝒓𝒎𝒐𝒍, ang opisyal na pampaaralang pahayagan ng Teresa National High School, ang mga 𝒌𝒂𝒔𝒂𝒑𝒊 𝒏𝒈 𝒑𝒂𝒕𝒏𝒖𝒈𝒖𝒕𝒂𝒏 𝒑𝒂𝒓𝒂 𝒔𝒂 𝑻𝒂𝒐𝒏𝒈 𝑷𝒂𝒏𝒖𝒓𝒖𝒂𝒏 2025–2026—mga kabataang tagapagdala ng 𝗽𝗮𝗻𝗶𝗯𝗮𝗴𝗼𝗻𝗴 𝘁𝗶𝗻𝘁𝗮 𝗻𝗴 𝗸𝗮𝘁𝗼𝘁𝗼𝗵𝗮𝗻𝗮𝗻 𝗮𝘁 𝗵𝘂𝘀𝗮𝘆 𝘀𝗮 𝗽𝗮𝗺𝗮𝗺𝗮𝗵𝗮𝘆𝗮𝗴! ✍🏻💚

13/09/2025

Isang taos-pusong pagbati sa lahat ng mga nanalo sa JOURN IS LIFE: 2025 District Schools Press Conference!

Ang inyong dedikasyon at husay sa pamamahayag ay naging susi sa inyong pagtatagumpay.
Ipagpatuloy lang ninyo ang pagiging boses ng katotohanan!

05/09/2025

Isang matagumpay na programa ang isinagawa noong Agosto 29, 2025 sa pakikipagtulungan ng Republic Cement Teresa Plant, 3M Philippines, at EcoLoop sa pangunguna ng kanilang mga kinatawan: Atty. Angella Edralin (EcoLoop Director), Mr. Rodel Santiago, Mr. Ron Dayap, Mr. Marvin Noces, Engr. Yan Eso, Ms. Rochelle Bautista, at Sir Albert Velasco kasama ang kanyang team. Layunin ng aktibidad na palakasin ang ugnayan ng mga institusyon at paaralan tungo sa mas matibay na adbokasiya para sa kapaligiran at komunidad.

Sa kaniyang mensahe, ipinahayag ni Ma’am Connie A. Madrid, Principal IIl ng Teresa National High School, ang taos-pusong pasasalamat sa lahat ng katuwang na organisasyon na patuloy na sumusuporta sa mga kabataan. Nagbigay rin ng inspiradong mensahe si Sir Albert Velasco, habang si Sir Jimmy Torres naman ang naghatid ng closing remarks na nag-iwan ng paalala sa kahalagahan ng pagkakaisa at pakikipagtulungan para sa kapakanan ng mga mag-aaral at ng kalikasan.

✍🏻 Johari P. Macarimbang
🖼️ Allyn I. Buya
🖼️ Johari P. Macarimbang

08/08/2025

Upang gunitain ang ika-30 anibersaryo ng pagkakatatag ng Teresa National High School, idinaos ng paaralan ang dalawang araw na Booth Fair na naghatid ng saya at sigla sa mga estudyanteng Teresaño.

Sa pangunguna ng Student Council, katuwang ang iba’t ibang organisasyon at club, tunay na enjoy to the max ang mga mag-aaral at g**o sa makulay na selebrasyon. Tampok dito ang mga kapana-panabik na palaro at iba’t ibang masasarap na pagkain na lalong nagpasigla sa pagdiriwang!

✍️Jerren Matthew San Buenaventura
📸 Cassandra Khate Moreno

01/08/2025

Ang 𝐀𝐠𝐨𝐬𝐭𝐨 ay 𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚. Halina't makiisa sa pagdiriwang na may temang "Paglinang sa Filipino at Katutubong Wika: Makasaysayan sa Pagkakaisa ng Bansa."

31/07/2025

Hulyo 31 | Nutri-Jingle Contest

Bilang selebrasyon ng Nutrition Month, idinaos ang Jingle Making Contest na dinaluhan ng baitang 7 hanggang baitang 10. Lahat ng estudyante ay hindi nagpatalo. Kabog!

Kahit na natigil ang pagdiriwang ng Nutrition Month ng limang taon dahil sa lockdown at pagbabago ng school calendar, kayang-kaya pa ring makipagsabayan ng mga estudyanteng Teresaño!

Nakaayon ang patimpalak sa temang: 'Food at Security, maging priority! Sapat na pagkain, karapatan natin.'

Pinangunahan naman nina Mr. Alvin Malaya, Mrs. Margie J. Valdez at Mr. Edward S. Juliano ang pagpili sa mga nanalo sa bawat baitang—katuwang ang ibang g**o sa TLE.

Narito ang listahan ng mga nanalo:

Baitang 7
🥇 Admirable
🥈 Generous
🥉 Prime

Baitang 8
🥇 Felipe
🥈 Prime
🥉 Aquino

Baitang 9
🥇 Prime
🥈 Anthurium
🥉 Begonia

Baitang 10
🥇 Prime
🥈 Amethyst
🥉 Emerald

Hep, hep, hep! Hindi pa dito nagtatapos ang lahat. Ang mga nanalo sa lahat ng grade levels ay paglalabanin pa upang makuha ang GRAND CHAMPION ng Nutri-Jingle Making Contest ng Teresa National High School.

Back to zero ang lahat ng maglalaban-laban. Ang ibig sabihin nito? Lahat ay may tyansang manalo!

✍️Lhian Jaira Ballesteros
📷Ma'am Rosyl, Angelica Reignne Gibaga