Deped Tayo POTOL ES Tayabas City

𝐏𝐎𝐓𝐎𝐋𝐈𝐀𝐍𝐒, 𝐋𝐔𝐌𝐀𝐇𝐎𝐊 𝐒𝐀 𝐌𝐀𝐓𝐇𝐄𝐌𝐀𝐓𝐈𝐂𝐒 𝐐𝐔𝐄𝐒𝐓 𝟐𝟎𝟐𝟔

Matagumpay na isinagawa ang 𝐓𝐚𝐲𝐚𝐛𝐚𝐬 𝐌𝐚𝐭𝐡 𝐐𝐮𝐞𝐬𝐭 𝟐𝟎𝟐𝟔 sa Tayabas East Central School bilang bahagi ng pagdiriwang ng Mathematics Month 2026 na may temang "𝘔𝘢𝘵𝘩𝘦𝘮𝘢𝘵𝘪𝘤𝘴 𝘢𝘯𝘥 𝘏𝘰𝘱𝘦". Kabilang sa mga kalahok ang mga piling mag-aaral mula sa Potol Elementary School na buong tapang na kinatawan ang kanilang paaralan sa iba’t ibang grade level.

Ang mga kalahok mula sa Potol ES ay sina:
- Eurhe Zeaiah T. Salsona (Grade 3) – Coach: Ma’am Erlita C. Jumawan
- Rhia Kisha A. Averilla (Grade 4) – Coach: Ma’am Maria Gela A. Lleva
- Sam N. Anyayahan (Grade 5) – Coach: Ma’am Maria Conception R. Cuadra
- Cristaline E. Aquitaña (Grade 6) – Coach: Ma’am Karla Mae R. Collantes

Sa kabila ng mahigpit na kompetisyon, nagningning ang husay ni 𝐒𝐚𝐦 𝐍. 𝐀𝐧𝐲𝐚𝐲𝐚𝐡𝐚𝐧 mula Grade 5 matapos makamit ang 𝐢𝐤𝐚𝐭𝐥𝐨𝐧𝐠 𝐩𝐮𝐰𝐞𝐬𝐭𝐨 (𝟑𝐫𝐝 𝐏𝐥𝐚𝐜𝐞). Isang patunay ito ng kanyang dedikasyon at galing sa larangan ng matematika, gayundin ng masigasig na paggabay ng kanyang coach.

Ang Math competition ay taunang patimpalak na naglalayong hubugin ang talino, tiyaga, at pagmamahal ng mga kabataan sa matematika. Sa pamamagitan ng ganitong mga aktibidad, higit na nahuhubog ang kakayahan ng mga mag-aaral at naipapakita ang kahalagahan ng Mathematics Month bilang selebrasyon ng katalinuhan at pagkamalikhain.

Congratulations batang Potolians!

𝐏𝐄Ñ𝐀𝐅𝐋𝐎𝐑𝐈𝐃𝐀, 𝐏𝐈𝐋𝐀𝐊 𝐍𝐀 𝐃𝐀𝐍𝐆𝐀𝐋 𝐍𝐆 𝐓𝐀𝐘𝐀𝐁𝐀𝐒 𝐒𝐀 𝐑𝐀𝐀𝐌 𝟐𝟎𝟐𝟔 🥈🌟

Muling umangat ang pangalan ng Tayabas City sa larangan ng Taekwondo!
Sa mahigpit na laban ng Regional Athletic Association Meet (RAAM) 2026, ipinakita ni Lady Collen Peñaflorida ang kanyang tapang at husay sa Sparring, na nagbunga ng SILVER MEDAL para sa lungsod.

Hindi matatawaran ang kanyang dedikasyon at pusong palaban. Mula sa eliminations hanggang sa finals, dala niya ang dangal ng Tayabas at ang sigaw ng suporta ng mga Batang Potolians.

Kasama sa tagumpay na ito ang walang sawang paggabay nina Coach Jay, Coach Herman, at Coach Grace, na naging sandigan at inspirasyon sa bawat hakbang ng kanyang paglalakbay.

Ang medalya ay simbolo ng tibay, disiplina, at pagkakaisa—isang paalala na ang tagumpay ay bunga ng sama-samang pagsisikap ng atleta, g**o, at komunidad.

Pagpupugay sa iyo mula sa Deped Tayo POTOL ES Tayabas City. Padayon!

𝐏𝐄Ñ𝐀𝐅𝐋𝐎𝐑𝐈𝐃𝐀, 𝐀𝐃𝐕𝐀𝐍𝐂𝐈𝐍𝐆 𝐓𝐎 𝐁𝐀𝐓𝐓𝐋𝐄 𝐅𝐎𝐑 𝐆𝐎𝐋𝐃🥋🏆

Hindi matitinag ang tapang ng Tayabas City!
Matapos ang sunod-sunod na panalo kontra SDO San Pablo, SDO Laguna, SDO San Pedro, at SDO Carmona, muling pinatunayan ni Lady Collen Peñaflorida ang kanyang husay sa Category 1 Sparring sa nagpapatuloy na Regional Athletic Association Meet (RAAM) 2026.

Dahil sa kanyang walang humpay na determinasyon at disiplina, opisyal nang FOR GOLD si Peñaflorida, handa nang lumaban para sa pinakamataas na karangalan. Isang hakbang na lang at tiyak na magbubunga ng gintong tagumpay para sa Tayabas City!

Isang inspirasyon sa lahat ng Batang Potolians: na sa bawat laban, may panibagong kwento ng tapang, tiyaga, at pag-asa. 💪🔥

𝐏𝐄Ñ𝐀𝐅𝐋𝐎𝐑𝐈𝐃𝐀, 𝐖𝐀𝐆𝐈 𝐊𝐎𝐍𝐓𝐑𝐀 𝐒𝐃𝐎 𝐒𝐀𝐍 𝐏𝐀𝐁𝐋𝐎 𝐀𝐓 𝐒𝐃𝐎 𝐋𝐀𝐆𝐔𝐍𝐀 𝐒𝐀 𝐒𝐏𝐀𝐑𝐑𝐈𝐍𝐆 𝐒𝐀 𝐑𝐀𝐀𝐌 𝟐𝟎𝟐𝟔

Matagumpay na naipanalo ni 𝐋𝐚𝐝𝐲 𝐂𝐨𝐥𝐥𝐞𝐧 𝐏𝐞ñ𝐚𝐟𝐥𝐨𝐫𝐢𝐝𝐚 ng Tayabas City ang dalawang magkasunod na laban sa Category 1 Sparring sa nagpapatuloy ng Regional Athletic Association Meet (RAAM) 2026 ngayong Marso 11, 2026.

Sa unang laban, hinarap ni Peñaflorida ang kinatawan ng San Pablo City sa isang maigting na tunggalian. Sa kabila ng tensiyon at lakas ng kalaban, nanaig ang estratehiya at kontrol ng pambato ng Tayabas City na nagbigay-daan upang makuha ang unang panalo.

Sumunod naman ang ikalawang laban kung saan muli niyang ipinamalas ang determinasyon laban sa manlalaro mula sa Lalawigan ng Laguna. Sa patuloy na pag-angat ng kumpiyansa at tiyaga, muling nagwagi si Peñaflorida, dahilan upang makapagtala ang Tayabas City ng dalawang sunod na tagumpay sa naturang kategorya.

Ang pagkakapanalong ito ay patunay ng masusing paghahanda, disiplina, at dedikasyon ng atleta at ng buong coaching staff ng Tayabas City higit sa tulong ng Isports Tayabas. Nagpahatid naman ng pasasalamat ang delegasyon sa lahat ng sumusuporta at patuloy na nagdarasal para sa tagumpay ng kanilang koponan.

𝐏𝐎𝐓𝐎𝐋 𝐃𝐄𝐋𝐄𝐆𝐀𝐓𝐈𝐎𝐍, 𝐍𝐀𝐆𝐏𝐀𝐊𝐈𝐓𝐀 𝐍𝐆 𝐋𝐀𝐊𝐀𝐒 𝐒𝐀 𝐏𝐎𝐎𝐌𝐒𝐀𝐄 𝐀𝐓 𝐀𝐓𝐇𝐋𝐄𝐓𝐈𝐂𝐒 𝐄𝐕𝐄𝐍𝐓𝐒 𝐍𝐆 𝐑𝐀𝐀𝐌 𝟐𝟎𝟐𝟔 𝐒𝐀 𝐁𝐀𝐓𝐀𝐍𝐆𝐀𝐒 𝐂𝐈𝐓𝐘

Patuloy na ipinapamalas ng Potol delegation ang kanilang kahusayan sa iba’t ibang larangan matapos makapagtala ng kapuri‑puring resulta sa 𝐏𝐨𝐨𝐦𝐬𝐚𝐞 at 𝐀𝐭𝐡𝐥𝐞𝐭𝐢𝐜𝐬 sa pagpapatuloy ng Regional Athletic Association Meet (RAAM) 2026 na ginanap Batangas City.

𝐌𝐚𝐭𝐚𝐭𝐚𝐠 𝐧𝐚 𝐏𝐚𝐠𝐭𝐚𝐭𝐚𝐩𝐨𝐬 𝐬𝐚 𝐏𝐨𝐨𝐦𝐬𝐚𝐞
Sa Free Style Poomsae, dalawang atleta ang pumasok sa Top 10 sa kabila ng kanilang unang pagsabak sa nasabing kategorya:
📌𝘡𝘢𝘳𝘪𝘯𝘢 𝘝𝘪𝘦𝘯 𝘉. 𝘉𝘢𝘶𝘵𝘪𝘴𝘵𝘢 — 𝘙𝘢𝘯𝘬 6
📌𝘏𝘦𝘭𝘪𝘰𝘴 𝘋𝘺𝘢𝘯𝘯 𝘉. 𝘙𝘢𝘣𝘪𝘯𝘢 — 𝘙𝘢𝘯𝘬 8

Sa Team at Individual Poomsae, nagpakita rin ng solidong performance ang koponan:
📌𝘔𝘪𝘹𝘦𝘥 𝘗𝘰𝘰𝘮𝘴𝘢𝘦 𝘛𝘦𝘢𝘮 — 12𝘵𝘩 𝘗𝘭𝘢𝘤𝘦
📌𝘛𝘦𝘢𝘮 𝘗𝘰𝘰𝘮𝘴𝘢𝘦 — 17𝘵𝘩 𝘗𝘭𝘢𝘤𝘦
📌𝘐𝘯𝘥𝘪𝘷𝘪𝘥𝘶𝘢𝘭 𝘗𝘰𝘰𝘮𝘴𝘢𝘦 — 𝘯𝘢𝘴𝘢 𝘙𝘢𝘯𝘬 16–18

Kinikilala ang kanilang dedikasyon at disiplina sa kabila ng matinding kompetisyon mula sa iba’t ibang delegasyon sa CALABARZON.

𝐌𝐚𝐭𝐚𝐭𝐚𝐠 𝐧𝐚 𝐏𝐚𝐠𝐭𝐚𝐭𝐚𝐤𝐛𝐨 𝐧𝐠 𝐀𝐭𝐡𝐥𝐞𝐭𝐢𝐜𝐬 𝐓𝐞𝐚𝐦
Hindi rin nagpahuli ang mga kalahok ng Potol sa Athletics.
Sina 𝘈𝘯𝘨𝘦𝘭𝘣𝘦𝘳𝘵 𝘋. 𝘓𝘢𝘪𝘥𝘰 at 𝘊𝘭𝘢𝘳𝘬 𝘑𝘢𝘺 𝘚. 𝘓𝘢𝘪𝘥𝘰 ay kapwa nagtala ng panalo sa kanilang mga heat events, patunay ng kanilang bilis at determinasyon. Gayunpaman, sa kabila ng kanilang matagumpay na pagwawagi sa heat, hindi sila nakasama sa final round.
Sa kabila nito, nananatiling mataas ang paghanga ng paaralan sa kanilang ipinakitang sportsmanship at pagsisikap na makipagsabayan sa rehiyonal na antas.

𝐏𝐚𝐠𝐡𝐚𝐡𝐚𝐧𝐝𝐚 𝐩𝐚𝐫𝐚 𝐬𝐚 𝐒𝐩𝐚𝐫𝐫𝐢𝐧𝐠
Inaasahang mas magiging masigla ang kampanya ng Potol Taekwondo Team ngayong araw, sapagkat sasabak na sila sa Sparring Category ng RAAM 2026.

Nagpahatid ng pasasalamat ang buong delegasyon sa lahat ng patuloy na sumusuporta at nananalangin para sa kanilang matagumpay na partisipasyon.

𝟏𝐬𝐭 𝐆𝐀𝐖𝐀𝐃 𝐒𝐀𝐍𝐆𝐇𝐀𝐘𝐀, 𝐏𝐀𝐆𝐏𝐔𝐏𝐔𝐆𝐀𝐘 𝐒𝐀 𝐇𝐔𝐒𝐀𝐘 𝐀𝐓 𝐀𝐌𝐁𝐀𝐆 𝐍𝐆 𝐆𝐔𝐑𝐎 𝐀𝐓 𝐒𝐓𝐀𝐊𝐄𝐇𝐎𝐋𝐃𝐄𝐑𝐒

Idinaos ng Potol Elementary School ang 𝟏𝐬𝐭 𝐆𝐚𝐰𝐚𝐝 𝐒𝐀𝐍𝐆𝐇𝐀𝐘𝐀 (𝘚𝘢𝘭𝘶𝘥𝘰 𝘴𝘢 𝘈𝘮𝘣𝘢𝘨 𝘯𝘨 𝘕𝘢𝘵𝘢𝘵𝘢𝘯𝘨𝘪𝘯𝘨 𝘎𝘢𝘭𝘪𝘯𝘨 𝘵𝘶𝘯𝘨𝘰 𝘴𝘢 𝘏𝘶𝘴𝘢𝘺, 𝘈𝘥𝘩𝘪𝘬𝘢, 𝘢𝘵 𝘠𝘢𝘮𝘢𝘯 𝘯𝘨 𝘈𝘬𝘢𝘥𝘦𝘮𝘺𝘢) noong 𝐌𝐚𝐫𝐬𝐨 𝟑, 𝟐𝟎𝟐𝟔, bilang pagkilala sa mahahalagang kontribusyon ng mga g**o at matibay na pakikipag‑ugnayan ng mga stakeholder sa pagtataguyod ng dekalidad na edukasyon.

Pinangunahan ni Principal III, 𝐃𝐞𝐧𝐧𝐢𝐬 𝐎. 𝐋𝐚𝐛𝐢𝐭𝐚, layunin ng naturang gawad na itampok ang natatanging serbisyo, dedikasyon, at patuloy na suporta ng mga katuwang ng paaralan—mga g**o, magulang, barangay officials, at iba’t ibang organisasyong nag-aambag sa mga programa at proyekto ng institusyon.

Sa seremonya, binigyang-pugay ang mga g**o na nagpakita ng higit‑sa‑karaniwang husay at malasakit sa pagtuturo, gayundin ang mga stakeholder na patuloy na tumatangkilik at sumusuporta sa mga adhikain ng paaralan.

Ang 𝐆𝐚𝐰𝐚𝐝 𝐒𝐀𝐍𝐆𝐇𝐀𝐘𝐀 ay nagpatibay sa pagkakaisa ng komunidad at nagbigay-diin sa pagpapatuloy ng serbisyong may puso, may layunin, at nakatuon sa kapakanan at tagumpay ng bawat mag-aaral.

𝐏𝐎𝐓𝐎𝐋 𝐄𝐒 𝐖𝐀𝐆𝐈 𝐍𝐆 𝐈𝐊𝐀𝐋𝐀𝐖𝐀𝐍𝐆 𝐏𝐔𝐖𝐄𝐒𝐓𝐎 𝐒𝐀 𝐒𝐓𝐄𝐌𝐀𝐙𝐈𝐍𝐆; 𝟏𝟏 𝐏𝐀𝐀𝐑𝐀𝐋𝐀𝐍 𝐍𝐀𝐆𝐋𝐀𝐁𝐀𝐍 𝐋𝐀𝐁𝐀𝐍

Muling nagningning ang Potol Elementary School sa 𝐃𝐢𝐯𝐢𝐬𝐢𝐨𝐧 𝐅𝐞𝐬𝐭𝐢𝐯𝐚𝐥 𝐨𝐟 𝐓𝐚𝐥𝐞𝐧𝐭𝐬 (𝐃𝐅𝐎𝐓) 𝟐𝟎𝟐𝟔 matapos masungkit ang 𝟐𝐧𝐝 𝐏𝐥𝐚𝐜𝐞 𝐬𝐚 𝐒𝐓𝐄𝐌𝐀𝐙𝐈𝐍𝐆 𝐂𝐚𝐭𝐞𝐠𝐨𝐫𝐲, na ginanap noong March 3, 2026, sa West Palale National High School kung saan 11 paaralan ang nagsipagtagisan ng husay.

Kinatawan ng Potol ES sina 𝐒𝐚𝐦 𝐍. 𝐀𝐧𝐲𝐚𝐲𝐚𝐡𝐚𝐧 ng Grade 5 at 𝐂𝐫𝐢𝐬𝐭𝐚𝐥𝐢𝐧𝐞 𝐄. 𝐀𝐪𝐮𝐢𝐭𝐚ñ𝐚 ng Grade 6, sa paggabay ng kanilang mga coach na sina Ma’am Maria Concepcion R. Cuadra at Ma’am Karla Mae R. Collantes.

Samantala, nakibahagi rin ang iba pang kalahok ng paaralan sa mga kategoryang isinagawa sa Lawigue Elementary School, kabilang sina 𝐙𝐡𝐚𝐢𝐫𝐚 𝐍. 𝐌𝐚𝐫𝐪𝐮𝐞𝐳 para sa History Quiz, 𝐍𝐢𝐤𝐤𝐢 𝐁𝐥𝐲𝐭𝐡𝐞 𝐀. 𝐀𝐥𝐚𝐲𝐚𝐧 para sa Story Enders Cup, at 𝐀𝐥𝐭𝐡𝐞𝐚 𝐂. 𝐀𝐬𝐚𝐥𝐝𝐨 para sa Tahirawan.

Sa pamamagitan ng kanilang dedikasyon at kompetitibong diwa, muling naipakita ng Potol Elementary School ang mataas na antas ng kahusayan ng kanilang mga mag-aaral.