14/10/2021
STATE OF THE SCHOOL ADDRESS
S.Y. 2020 - 2021
Ang ating mundo ay binalot ng pangamba dahil sa banta ng CoVid-19. Higit sa malaking naapektuhan ang pamamaraan ng pagaaral ng mga estudyante sa bawat paaralan sa ating bansa. Pansamanatalang itinigil ang face to face classes upang maiiwas ang mga g**o at mga estudyante sa banta ng CoVid-19. Ganoon pa man hindi tumigil ang Kagawaran ng Edukasyon upang makagawa ng iba’t ibang pamamaraan upang maipagpatuloy ang pagaaral ng ating mga estudyante gamit ang naaangkop na learning modality sa ating paaralan.
Alinsunod sa mandato ng ating Kagawaran at sa tulong ng lahat ng stakeholders, ang CAT High School Annex ay nagpatuloy na nagsagawa ng mga Programa, Proyekto at mga Gawain (PPAs) upang maisakatuparan ang paglulunsad ng School Year 2020-2021.
Narito ang mga accomplishments ng ating paaralan sa nagdaang School Year sa areas ng Access, Quality at Governance.
ACCESS
Nagsagawa ang CAT HS Annex ng Early Registration para sa mga estudyante ng Grade 7, mga Transferees at mga Balik-Aral noong March 26 to May 31, 2020. Base sa Learners’ Information System o LIS, nagtala ang ating paaralan ng 95 Grade 7 registrants at 14 na mga Transferees. Ang kabuuang bilang ng ating mga magaaral ay 350 na tumaas ng 38 o 12.18% kumpara sa nakaraang School Year.
Ang bilang ng transferees na naging dahilan ng pagtaas ng ating enrollment ay dahil sa pag uwi ng mga residente ng Brgy. Balete na dating nagtatrabaho sa ibang lugar bago ang pandemya.
Sa katatapos lamang na virtual graduation na ginanap noong July 23, 2021, ang ating paaralan ay nagtala ng 70 Completers na may 100% Graduation rate.
Sa kabilang banda, nagkaroon tayo ng 8 Transferred out students dahil sa Change of Residence.
Upang mas mapaigting ang ating enrollment system sa panahon ng CoVid-19, ang ating paaralan ay nagsagawa ng remote enrollment gamit ang ating Official School FB Page para sa announcement. Nagtalaga tayo ng enrollment kiosk sa ating Brgy Hall at paaralan upang maipasa ng mga magulang ang enrollment form at requirements tulad ng birth certficate at report cards para sa grade 7 sa mga drop boxes. Para sa mga follow-up informations, ang mga g**o ay matiyagang kumontak sa mga magulang at guardians sa pamamagitan ng messenger at text messaging.
QUALITY
Distance Learning Modality through Printed Materials ang ating ipinatupad na angkop sa ating mga estudyante. Sila ay nabigyan ng mga Self-Learning Modules at Learning Activity Sheets na inimprenta ng ating mga g**o gamit ang 35% MOOE funds at donations mula sa ating mga stakeholders.
Gumamit din ang ating mga g**o ng Google Meet para sa minsan isang linggong Kumustahan para sa ating mga estudyante.
Nagsagawa ng pagsulat ng learning activity sheets ang Learning Resources Team ng Tarlac City Schools Division Office kung saan 8 CATHSA Teachers ang kabahagi bilang manunulat at illustrator.
Upang lalong mahasa ang ating mga g**o sa pagsasagawa ng Distance Learning Modalities, tayo ay nagsagawa ng iba’t ibang learning action cells (LACs) tulad ng mga sumusunod:
Upang mas mapaigting ang mental health ng mga g**o at estudyante, naglunsad tayo ng virtual mental health forum. Upang mahasa naman ang kanilang kakayahan, nagsagawa tayo ng mga monthly celebrations na may school-wide na patimpalak. Lumahok din tayo sa iba’t ibang contests sa iba’t ibang asignatura katulad ng online Campus Journalism, electronic school publication, Pataasandiwa, at Gawad Siklab.
Pinaigting din natin ang pagpapatupad ng mga Intervention Programs na naglalayong abutin at turuan ang mga piling estudyante na nahihirapan sa pagbasa at pagbilang. Nagsagawa tayo ng Project Reach at Project all Numerates.
Sa taong ito, may mga g**ong napromote sa kanilang mga position. May dalawang naging Teacher III, karagdagang dalawa na nagpasa ng papel para sa Teacher III at isang Head Teacher.
GOVERNANCE
Nagsagawa ang ating paaralan ng mga hakbang na may kinalaman sa educational facilities gamit ang school MOOE bilang pagbibigay ng quality education services sa ating mga estudyante
Nagpagawa tayo ng 2 units portable handwashing malapit sa gate at pinarepair ang mga existing washing facilities kasabay ng repair ng jetmatic, water tanks and pipes para sa health and safety protocols.
Nagsubscribe din tayo sa Converge ICT Solutions para maging WiFi Zone ang ating school na magiging malaking tulong sa pagconduct ng Online Class Kumustahan at pagparticipate sa mga Virtual webinars.
Upang masigurado ang safety ng mga g**o at magulang na pumupunta sa ating paaralan, nagsagawa tayo ng mga mekanismo katulad ng health declaration form, QR Code contact tracing at mga health protocols tulad ng paglalagay ng thermal scanner at alcohol dispenser. Pinalagyan natin ang kanilang mga tables ng protective covering with braces. Binigyang priority ang repair ng Faculty Comfort Room.
Bilang tugon sa vaccination program ng ating pamahalaan laban sa CoVid 19, ang mga g**o ng paaralan ay nakilahok sa pagbabakuana. Sa kasalukuyan, may 2 g**o na ang fully vaccinated, 5 ang naka 1st dose at 6 ang naghihintay ng schedule nila.
Ang ating paaralan ay nakatanggap ng mga sumusunod na suporta at tulong materyal at pinansiyal.
Tayo ay patuloy na tumatanggap at bukas sa lahat ng mga tulong na maaaring ibigay ng ating mga stakeholders. Patuloy tayong gagawa ng mga programa para maibigay ang pangangailangan ng ating mga estudyante at mga magulang sa susunod na pagpapatupad ng School Year 2021 - 2022.
Hangad namin na ibigay ang pinakamahusay na paglilingkod sa ating mga magaaral, kaya samahan niyo po kami. Muli maraming salamat po. Ang Diyos ang magpala sa bawat isa.
- MAY A. AVELINO, PhD
Principal I/ Central Azucarera de Tarlac High School Annex
