05/08/2026
U4U Teen Facilitators' Training and Interpersonal Communication Skills 101
Augosto 4, 2026 (Martes)
Isang makabuluhang araw ng pagkatuto at paghubog ng pamumuno ang naranasan ng mga piling student leaders ng paaralan sa isinagawang U4U Teen Facilitators' Training and Interpersonal Communication Skills 101.
Lumahok sa pagsasanay ang mga mag-aaral na may pangunahing tungkulin sa Supreme Secondary Learner Government (SSLG), Classroom Officers, at mga opisyal ng iba't ibang organisasyon tulad ng TALA Club, YES-O, MAPEH Club, TLE Club, Communications Club (English at Filipino), Mathematics Club, Science Club, at EsP Club. Layunin ng pagsasanay na higit pang malinang ang kanilang kakayahan sa pamumuno, interpersonal communication, teamwork, at pagiging epektibong peer facilitators na magsisilbing mabubuting halimbawa sa kanilang kapwa mag-aaral.
Ang programang ito ay naisakatuparan sa inisyatiba ng TALA Club, sa pangunguna ng Club Adviser na si Ma'am Aira Pearl Y. Aliwalas at ng Club President na si Missy Diane SP. Delfin, bilang bahagi ng kanilang layunin na ihanda ang mga student leaders hindi lamang sa pamumuno kundi pati sa responsableng pakikipag-ugnayan at paglilingkod sa kapwa.
Isa sa mga tampok ng pagsasanay ang makabuluhang talakayan ni Ma'am Maylin C. Viray, Municipal Population Officer ng Local Population Development Office โ Municipality of Tanay, Rizal, tungkol sa Teenage Pregnancy at ang mga epekto nito sa kabataan, sa kanilang kinabukasan, pamilya, at komunidad. Bukod dito, nagbahagi rin siya ng mahahalagang aral at praktikal na tips kung paano maging isang mabuting lider, mahusay na tagapakinig, at epektibong tagapagsalita, isang lider na hindi lamang nagsasalita nang malinaw, kundi nagsasalita rin nang may paggalang, malasakit, at puso. Katuwang si Sir Moises Nanez, Municipal Population Staff, na lalong nagpalalim sa pag-unawa ng mga mag-aaral sa kanilang papel bilang mga kabataang lider at peer facilitators sa loob at labas ng paaralan.
Maraming salamat po sa pagtanggap at pagtugon sa aming kahilingan at sa pagbabahagi ng kanilang oras, kaalaman, at inspirasyon. Ang kanilang suporta ay malaking ambag sa paghubog ng mga kabataang lider na may kakayahang makinig, makipag-usap nang maayos, maglingkod nang may malasakit, at maging positibong impluwensya sa aming paaralan at komunidad.
Patuloy na naniniwala ang Laiban Integrated School na ang mahusay na lider ay nagsisimula sa mabuting komunikasyon, marunong sumunod, tamang pagpapahalaga, at pusong handang maglingkod sa iba.
Teen Facilitators' Training
