29/08/2025
Pagdiriwang ng Buwan ng Wika Agosto 28,2025
Masiglang ipinagdiwang ng Mohon National High School ang Buwan ng Wika sa pamamagitan ng isang makabuluhang programa kahapon na pinangunahan nina Marbe Aldohueza at James Tacuyan. Nagsimula ang programa sa isang taimtim na panalangin na nagbigay-diin sa diwa ng pasasalamat at pagkakaisa. Sinundan ito ng nakaaantig na mensahe mula kay Ginoong Johnas A. Villaver na nagbigay-diin sa kahalagahan ng pagpapanatili at pagsusulong ng Wikang Filipino at kulturan
g Pilipino.
Nagpatuloy ang programa sa pagpapakilala ng mga kagalang-galang na hurado para sa iba’t ibang paligsahan: sina Johnas A. Villaver, Leomar C. Purtado, at Baroy Bargamento, na nagsiguro ng patas at makabuluhang paghusga sa mga kalahok.
Ipinamalas ng mga mag-aaral mula Baitang 7 hanggang 12 ang kanilang galing at pagiging malikhain sa pamamagitan ng iba’t ibang paligsahan tulad ng Boses Pinoy at Bayani Look-Alike. Bawat pagtatanghal ay sumasalamin sa yaman ng Wikang Filipino at tradisyong Pilipino, na sinalubong ng hiyawan at palakpak mula sa mga manonood.
Nagbigay rin ng karagdagang sigla sa pagdiriwang ang pormal na pagbubukas ng mga gawain sa Matematika at Agham, na nagpapakita ng pangako ng paaralan sa kabuuang pagkatuto sa pamamagitan ng pagsasanib ng pagpapahalaga sa kultura at kahusayan sa akademya.
Matapos ang kapanapanabik na mga paligsahan, pinarangalan at kinilala ang mga nagwagi para sa kanilang husay, talento, at dedikasyon.
Part 1
📸 : Gino Lambongan
✍️ : Gino Lambongan
