Ako ang Dalan,Ang Kamatuoran ug Ang Kinabuhi

Ako ang Dalan,Ang Kamatuoran ug Ang Kinabuhi This is all about our spiritual faith and belief that GOD is a symbol of Righteousness..

09/06/2025

WALAY RELIHIYON NGA MAKALUWAS

Mao kini Ang sagad akong madungog sa mga tawo nga kulang sa kahibalo ug pagtoo sa ilang mga spiritual leader ug sa mismong pagtulun an nga ilang gitudlo ug gisangyaw..Kasagaran sa mga debate ug pakiglantugi sa lain lain nga pundok puro nakatutok sa bibliya ug sila pulos nag angkon nga sila Ang sakto ug maoy tinuod nga tinukod ni kristo ..

Apan walay makahatag ug saktong tubag kon makaluwas ba Ang imong relihiyon ..Ang uban nag ingon walay laing makaluwas gawas Kang kristo Jesus kon mo ila Lang ka nga siya Ang imong diyos...Pero sa kadaghang relihiyon nga natukod sa kalibutan pareho nga nagsangyaw sa mga pagtulun an ni kristo ug nag ila kaniya nga makagagahom nga diyos...Pero nganong kinahanglan paman nga kini debatihan?Kon Ang matag usa ka relihiyon magkahiusa Lang sa pagtuman sa ilang tagsa2x ka pagtulun an nga ilang gitudlo sa ilang mga ginsakupan Aron malikayan Ang kagubot ug panagdebate sa kadalanan..

Apan unsa man gyod Ang tinud anay nga hinungdan kon nganong kini gi debatihan man sa kadaghanan..Tungod kini sa GAHUM UG KWARTA Kay kon kinsa Ang mas daghan maoy mas gamhanan maong daot didto daot diri ug saway didto saway diri ang kasagaran nga atong madungog sa ubang tinuohan..Sila nag angkon nga nagsunod sila sa pagtulon an ni kristo apan dili NATO Makita sa ilang mga binuhatan...Dili kana maoy tinud anay nga pagtulun an ni kristo..siya nag ingon paghigugmaay kamo ug ayaw pagdinautay..pagmapaubsanon kamo ug dili magpatas anay sa Garbo..

Pipila Lang kini sa iyang mga pagtulun an nga iyang gitudlo sa dinhi pa siya sa kalibutan..apan dili kaayo ni nimo Makit an sa ubang mga tinuohan labi na kon Ang ilang katuyuan Mao Ang paglumpag sa mas daghan..Mao kini Ang iyang gipasabot sa iyang geingon nga daghan Ang nagsampit kaniya ug GINOO ug nag ila kaniya nga DIYOS..apan sila dili iyaha Kay nagsimba Lang sila kaniya pinaagi sa pulong ug dili sa ilang binuhatan..

Maong dili Ang relihiyon Ang makaluwas...kon dili Ang binuhatan sa tawo..

06/11/2024

Ang BABOY bisan unsaon nimo ug ligo aron malimpyo... Mas pili on jud niyang moligid sa iyang kaugalingong hugaw....

Ingon usab niana ang kinabuhe sa TAWO..bisan unsaon nimo ug tudlo,sulti ug mga maayong buhat ug pagtulun an...mas pili on jud niya ang pagbuhat ug sayop ug dautan..nga maoy makadaot ug makahugaw sa iyang pagkatawo..

Mao kini ang kahulugan nganong gidili ang pagkaon sa mga mahugaw nga mananap...dili ang karne sa baboy nga gihungit sa baba sa tawo ang makahugaw sa iyang pagkatawo...kon dili ang batasan ug kinaiya sa maong mananap nga ma adapt sa tawo nga maoy hinungdan nga mahugawan ang iyang pagkatawo...

Ang pagkatapulan usa kana ka dakong sala sa mata sa Diyos..ang tawo nga sama ug kinaiya sa usa ka baboy mobangon lang ug mokaon...human ug kaon moligid rasad dayon.Ang maong buhat usa kana ka dakong supak sa kasuguan sa diyos sa dihang gibuhat niya tawo.
Sa dihang gibuhat niya si adan ug si eva ug gipapuyo niya sa kalibutan nga mao ang ilang lawas...siya miingon pagpakabuhi kamo nga magpatulo sa inyong singot ug pagpilopilo kamo ug mga maayong buhat hangtod nga kamo mahibalik sa matood ninyong panagway nga mao ang matuod nga dagway sa Diyos..

Ang pagkatapulan usa kana ka salawayon nga kinaiya ug dili kana kinaiya sa diyos kon dili iya kana sa yawa..Sa panahon ni jesukristo nagsulti siya ug sambingay mahitungod sa usa katawo nga giyawaan nga iyang gihinginlan..ug ang maong mga yawa mihangyo kang jesus nga pasudlon sila sa panon sa mga baboy..kay ngano man tungod kay ang kinaiya sa maong tawo haom ug takdo sa kinaiya sa mga baboy nga mao usab ang batasan ug kinaiya sa yawa nga miulipon sa maong tawo..

Sa karon nga panahon daghang mga tawo nga naulipon gihapon sa YAWA bisan paman sa kadaghan sa mga relihiyon nga nagtudlo ug lain laing pagtulun an aron unta paglimpyo sa ilang mga katawhan.. apan kadaghan nagpabelin gihapon nga nagligid sa hugaw nilang binuhatan ug sa kabati sa ilang mga kinaiya ug batasan...

God Bless kanatong tanan..

20/08/2024

Mao jud ni ang geingon nga kamatuoran..

02/05/2023

Sa kadaghan sa relihiyon o pundok sa tinuohan nga mitumaw karon sa kalibutan nganung usa raman ang kunuhay gisangyaw ug gialagaran...usa ra ang bibliya nga gitamdan... mao ra ang pagtulun an ni Hesukristo samtang siya nagpakabuhe pa dinhe sa kalibutan...pero sa dili pako mo padayon mangutana una ko...sa relihiyon nga imong gituohan karon nakaila ba gyod kang tinud anay sa imong giila nga Ginoo nga imong Dios?Nakaila ka ba kon si kinsa si Hesus ug si kinsa usab si Kristo ug nganung gitawag man siya ug Hesukristo..nganung silang duha nahimo mang usa sigon sa atong mabasa diha sa bibliya..
Ako sa akong pagtoo isip kristiyano...akong gidukiduki sa akong kaugalingon uban sa mga tawo nga mga makinaadmanon..aron akong matubag kining akong mga pangutana karon..
Sa bibliya geingon nga si Hesus matuod nga Tawo ug matuod nga Dios nga sa atu pa duha ka hiyas nga nahiusa diha sa usa ka lawas..
Sa sinugdan sa nahuman na paghimo sa Dios ang kalibutan ug ang tanang butang makita ug dili makita...ang Dios miingon buhaton ko ang TAWO sama sa matod kong panagway aron siya maoy magmando sa tanan nakong binuhat dinhi ibabaw sa kalibutan..ug mikuha siya ug lapok ug gihimo niyang LAWAS sa TAWO..Nga sa akong pagsabot unang gihimo sa Dios ang TAWO nga sama ug dagway sa DIOS ispirito ug walay lawas..ug sama niya ang tawo kaniadto dili makita..apan sa dihang ang tawo iyang gibuhatan ug lawas pinaagi sa yuta..maong karon ang tawo ato nang makita..ug timan e nga kanang atong makita nga maglakaw sa yuta dili kana ang tinuod nga tawo kon dili..lawas lang kana sa tawo apan ang tinuod nga tawo mao kana ang naghatag ug kinabuhe anang maong lawas nga atong makita ug mao kana ang matuod nga dagway sa Dios..Mao kana ang buot ipasabot sa kasulatan nga nag ingon..Tawo sa abog ka gikan ug sa abog ka usab pauli..ang atong lawas nga gikan sa yuta mo pauli pud ug ilubong ilawom sa yuta..apan ang TAWO nga ispirito gikan sa Dios...mo pauli usab ngadto uban sa Dios..

Si HESUS mao ang lawas sa tawo nga gipili sa Dios aron maoy iyang himuong instrumento sa iyang pagpakatawo dinhi sa kalibutan..si Hesus sa diha pa sa sabakan ni Santa Maria gilalang...gi nurture ug gi amuma nang daan sa ispirito sa Dios handtod sa iyang pagkahimugso..Mao kining bahina sa kasulatan nga nag ingon..Ako ug Ang akong amahan usa ra..Ug ang Amahan nagpakatawo pinaagi sa Anak..Ug walay makaadto sa amahan kon dili moagi sa anak..kining maong mga pulong mga misteryo kining tinago nga wala gipasabot sa mga simbahan ug sa nagkalain laing tinuohan..

Ug si KRISTO..mao ang PULONG...GAHOM UG KINAADMAN sa usa ka TAWO nga gitawag ug DIOS nga mao si HESUS..
Sa nahimugso nga si Hesus nagpuyo siya sa kalibutan sama kanato nagkinabuhe siya nga normal tipon sa mga judeo sa unang panahon..apan sa dihang niabot na ang adlaw nga ang iyang lawas andam na sa pagsulod sa ispirito sa DIOS nga mao si KRISTO gidala siya ni San Juan Bautista sa suba sa Jordan aron adto siya bunyagan pinaagi sa tubig..ug si San Juan miingon ako usa lamang ka SAPA apan siya nga nagsunod kanako usa ka dakong BAHA..ako nagabunyag pinaagi sa tubig apan siya magabunyag pinaagi sa ispirito ug sa kalayo..ug diha2x naabli ang panganod ug nitugdon ang ispirito sa Dios kang Hesus sa dagway sa usa ka salampati..ug nadungog nila ang kusog kaayong tingog nga nag ingon..siya ang pinalangga kong anak ug pinaagi kaniya ako nalipay pag ayo..Ug sugod niadtong panahuna nagtudlo ug nagsangsaw na si Hesus mahitungod sa gingharian sa Dios ug naghimo na usab siya ug daghang milagro kay naa nman kaniya si KRISTO nga mao ang PULONG..GAHOM..UG KINAADMAN sa DIOS..

Ang LAWAS nga HESUS nahiusa na sa ispirito nga gitawag ug KRISTO maong silang duha nahimo nang usa maong gitawag na siya ug HESUKRISTO sa ubang mga birsikulo sa bibliya..
Kita sama kang Hesus TAWO usab kita pwede usab kita nga himuong instrumento sa Dios aron ang iyang balaang ispirito iyang ipadala kanato..sa unsa man nga paagi sama sa gibuhat sa mga santos gitawag na sila ug santos tungod kay sila nahimong balaan..sama kang San Agustin sa iyang pagkadautan kaniadto sa iyang pagka bisyoso..sa iyang pagka bati ug binuhatan kaniadto..uban sa pag ampo ug pangaliya ni Santa Monica nga iyang inahan ngadto sa Dios..ang agustin nga bugoy ug dautan nausab ug nahimong tarong ug nahimong pari ug obispo ug nahimong Amahan sa Santisima Trinidad..siya ang nakadiskubre sa Dios nga Amahan..Dios nga Anak ug Dios ispirito Santo diha sa usa lamang ka Lawas..
Hinaot nga nakahatag ko ug pagtulun an kaninyo..ug salamat kaninyong tanan nga nagsunod kanako dinhi..GOD BLESS US ALL...

Kon ang DIOS naghatag ug kinabuhe sa tawo...moabot usab sa tawo ang kamatayon..Ug pinaagi diha sa maong kamatayon hukman...
21/04/2023

Kon ang DIOS naghatag ug kinabuhe sa tawo...moabot usab sa tawo ang kamatayon..Ug pinaagi diha sa maong kamatayon hukman sa dios ang tawo kon unsa ang iyang binuhatan samtang siya nagpakabuhe dinhi sa kalibutan kon kini iya bang gigamit sa MAAYO o sa DAUTAN...
Ang "KAMATAYON" mao kini ang gikahadlukan sa tanan katawhan dinhi sa kalibutan..Gani ang kadaghanan nanginabuhe..nag negusyo..nanarbaho aron makapalit ug pagkaon aron ang tawo mabuhe..Apan ang tawo kuwang sa kasayuran nga ang pagkaon nga iyang gihaguan ug maayo sa pagpanarbaho...mao ra usab ang makapatay sa iyang hinulaman nga kinabuhe...
Ang lawas sa tawo nga gikan sa yuta...mabuhe pinaagi sa pagkaon nga abot gikan sa yuta..apan ang espirito nga maoy naghatag ug kinabuhe sa lawas sa tawo dili mabuhe sa mga butang kalibutanon..kon dili sa mga butang langitnon ug balaanon..
Ang Ginoo nag ingon "Ang tawo dili mabuhi pinaagi sa Pan lamang...kon dili sa mga Pulong usab sa Dios nga nagikan sa baba sa mga Balaan" unsa may buot ipasabot niini?
Ang Dios nagpadala ug mga propeta nganhi sa kalibutan ug sila kadtong mga tawo nga nagtudlo ug nagsangyaw sa iyang mga pulong ug pagtulun an..apan ang tawo kuwang sa kadasig sa pagpaminaw ug sa pagkat on niini kay maoy naglabi sa iyang tinguha ang pagkab ot sa mga butang ug bahandi sa kalibutan..Kon ato lang masabtan ang kalainan sa kinabuhi sa tawo kaniadto ug kinabuhe sa tawo karon..
Kaniadto ang tawo mamatay inig abot sa hustong panahon sa iyang katiguwangon..apan karon ang tawo mamatay bisan pa ug naa pa siya sa panahon sa iyang kabatan on...nganu man?Tungod kay kaniadto ang mga tawo nagsunod pa sa mga pagtulun an nga gikan pa sa ilang mga katigulangan...apan karon ang tawo nagsunod na sa pagtulun an nga iya na sa kalibutan...kon nakabantay ta dunay tawo nga tiguwang na pero baskog ug buhe pa...pero duna say tawo nga batan on..himsog pero patay na..nganu man?tungod kay ang lawas lang ang himsog kay nagsubra ang iyang pagkaon nga kalibutanon..apan ang espirito nga maoy naghatag ug kinabuhi sa lawas...gigutom sa pagkaon nga espirtuhanon..
Unsa man ang PAGKAON nga espirituhanon?Pulong sa Dios..ug ang iyang mga pagtulun an..Sa dihang si hesus naglakaw sa dalan kuyog sa iyang mga tinun an gibati siya ug ka gutom..ug mihangad siya sa kahoy nga igera aron sa pagpangita ug bunga niini aron maoy iyang kan on..apan wala siyay nakita nga bunga ug diha-diha iya kining gitunglo ug namatay...Ingon usab niani ang kinabuhi sa tawo..sama sa kahoyng igera kon wala usab kitay bunga o abot sa atong binuhatan gikan sa iyang mga pagtulun an..mahimo usab kita niyang tungluhon ug diha2x silotan sa kamatayon..
Busa higala may panahon pa kita...puy an nato ang gingharian sa Dios dinhi sa kalibutan.Gingharian nga siya lamang ang atong alagaran..siya lang ang kanunay nga maghari diha sa atong huna2x..pagbati ug sa atong mga buhat...Ayaw pagkuyog sa tuyok sa kalibutan karon nga puno sa kahilayan ug kadautan..kon dili ka gusto nga sa Dios ikaw paga silotan..

01/07/2021

Ang ikatulong pulong sa atong Ginoo nag ingon.ANG KINABUHI,Walay makaadto sa amahan kung dili moaagi kanako.
Sulod sa taas nga panahon wala ako makasabot niini,Pero sa dihang akong gihatagan ug higayon sa pagpamalandong,akong nakita ang DALAN,ug akong nasabtan ang KAMATUORAN ug ang kahulugan sa KINABUHI ni JESUS.

Sa iyang pag anhi sa kalibutan gipakatawo siya sa sabakan sa iyang inahan nga si Santa Maria ug gitawag siya ug Anak sa Dios...kay lalang man siya sa espirito santo..Pero sa iyang pag anhi dili aron siya maglipay lipay kon dili uban sa dakong MISYON..nga mao ang pagluwas sa pinalanggang katawhan sa Dios.

Nagpakabuhi siya sa kalibutan sama kanato,ug nagkinabuhi nga puno sa pagpaubos,pagka maampuon ug pagka masinugtanan sa kabubut on sa iyang amahan,ug sa dihang miaabot na ang adlaw sa iyang pag antos ug pagpalansang sa krus,wala siya magduha2x sa pagsunod ug pagtuman sa iyang MISYON..bisan pa kini ug nagkahulugan pa sa iyang KAMATAYON.

Apan subo kaayo nga palandungon nga kadaghanan sa mga TAWO ug tinuohan nag angkon nga sila LUWAS na nga kunuhay sila mga ANAK SA DIOS,wala lang nasabti sa uban ug ilang nalimtan nga kitang tawo mga binuhat lang sa Dios ug tinugyanan sa tanang mga butang nga iyang binuhat dinhi ibabaw sa kalibutan,ug kay binuhat man lang ta niya kana nagpasabot nga kita iyang mga ULIPON,ulipon nga unta angay nga mosunod sa iyang mga sugo..ug magtuman sa iyang mga BALAOD.

Apan lahi ang nahitabo sa kalibutan karon,Ang TAWO na ang magbuot ug ang tawo na ang naghimo ug BALAOD ug ang DIOS..gisalikway na sa mga TAWO...Sama ra nga ang Dios imong gisalikway kon dili nimo masabtan ang tinud anay nga kahulagan sa iyang pag anhi..Siya mianhi aron ipakita sa mga TAWO ang TARONG nga mga buhat aron unta sundon natong mga tawo aron kita mahi apil sa pag ihap sa mga piniling katawhan Dios,Timan e nga si jesus miingon Ako Ang Nagpili kaninyo,ug dili kamo ang nagpili kanako,Mao kana ang buot niyang ipasabot nga Walay makaadto sa Amahan kn dili moagi kaniya.

12/07/2020

Sulod sa pipila ka tuig ang milabay, sukad ako unang higayon nga mihimo ug pagpasabot mahitungod sa mensahi ug mga pulong sa atong Ginoong Jesukristo pinaagi sa akong kaugalingong panabot uban sa iyang paglamdag kanako.
Dunay higayon nga ako makaingon nga angayan ko ba kaha kining hunungon,o kaha akong ipadayon,kay basin unya hinuon ug makahatag unya kini ug kalibog kaninyo diha sa inyong hunahuna.Ug tuod man diha sa kalibog sa akong hunahuna,midaog gayod ang akong kadasig ug kasibot sa pagpadayon niniing maong buhat,kay alang kanako mas nindot pamation nga samtang buhi pa kita niining kalibutana aduna kitay gibuhat nga pagpakabana alang sa kaayuhan sa kalibutan ug sa iyang katawhan..

Ang KAMATUORAN nga giingon sa atong Ginoo diha sa iyang mga pulong, nagdala kini ug halawom nga kahulugan nga dili masayon sa pagsabot sa usa lamang ka ordinaryong hunahuna sa tawo..Busa tugute ako ninyong hatagan ko kini ug kahulugan, pinaagi sa akong yanong hunahuna ug panabot basin nalang kon duna kamoy makutlo niining pagtulun an nga sarang inyong mahimong gabayan sa atong adlaw-adlaw nga pagpakabuhi dinhi sa kalibutan...
Si Jesukristo mao ang matuod nga DIOS ug matuod nga TAWO..nga nagpakabuhe sa kalibutan uban kanato..ug gani iya kining napamatud an pinaagi sa iyang pagdupa ug pagpakamatay sa krus..
Ang kadaghanan nagalibog kon unsa ang kahulugan niini ug gani gidibatihan pa kini sa uban..Pero alang kanako ang gidala niyang kamatuoran mao nga siya Tawo sama kanato,gipakatawo siya sa sabakan ni santa Maria nga tawo sama kanato..ug nagpakabuhe siya sa kalibutan isip TAWO sama kanato..Siguro makaingon mo nga taphaw o walay unod kining akong mga pulong kay kini mabasa mn ninyo sa bibliya ug sama ra nga kini akong gi kopya gikan sa bibliya..apan dili..aron inyong masabtan ang akong katuyuan..hatage ako ug higayon nga ako kining tagsa tagsaon sa pagpasabot..
Sa pagbuhat sa DIOS sa kalibutan ug sa tanang butang makita ug dili makita..siya miingon buhaton ko ang TAWO sama sa matuod kong panagway..buot pasabot ang tawo sama sa Dios dili makita ang iyang imahe o panagway..unsay iyang gihimo mikuha siya ug yuta,lapok ug giporma niya kini ug lawas sa tawo nga sama kanato dunay mata,ulo,ilong,dunggan,kamot ug tiil..ug iyang gihuypan ang ilong aron ang TAWO nga sama niya ispirito mosulod sa lawas sa tawo nga yuta aron kini makabaton ug kinabuhe..ug diha nahimo si ADAN...
Apan timan e nga ang lawas sa tawo yuta sama sa gitumban nato nga kalibutan..maong sama ra nga ang batasan ug kinaiya sa tawo yutan on o kalibutanon...mahigugmaon sa mga butang ug bahanding kalibutanon..kon sa SCIENCE sila niingon nga ang TAO ang pinakamataas na uri nang hayop sa MUNDO..Tinuod man kasagaran mas mo patigbabaw gyod ang kinaiya sa tawo ang iyang pagka mananap ilabi na kon naa siya sa tumang kasuko..matag usa ka klasing mananap duna kini gidalang batasan ug kinaiya..ug kay ang tawo mananap mansad dili nato ikalimod nga kining maong batasan ug kinaiya anaa usab kini kanato..
Pero ayaw ug kalimot nga ang tawo gihimo pinaagi sa duha ka butang..ang lawas ra nato ang dautan o may batasan ug kinaiya nga iya sa kalibutan..pero ang ispirito nga naghatag ug kinabuhe sa lawas BALAANON..
Busa tawo PAGMATA na binuhat ka sa Dios nga labing balaan busa hatage sad ug gibug aton ang batasan ug kinaiya sa Dios nga imong magbubuhat,kupti usab ang batasag kinaiya sa Dios..Ang pagka mahigugmaon sa mga butang balaanon,dili sa mga butang kalibutanon..Ang pagka manggihatagon,maampo on ug mapasaylu on..

Sa panahon ni MOISES ang Ginoo seloso ug masuk anon ilabi na kon ang tawo makasala..apan mipatigbabaw ang iyang pagka mapailubon uban sa mga pangaliya ni Moises nga unta dili silotan ang katawhan..apan dili sa tanang higayon ang Dios mopailob dunay mga higayon nga ang mga nasod ug katawhan nga masalaypon iyang paga laglagon sama sa SODOMA ug GOMURA..
Human sa panahon ni Moises sa dihang ang DIOS nalipay ug nahimuot sa kalampusan sa iyang misyon sa pagdala sa iyang katawhan sa yuta sa CANAAN gikan sa Ehipto,ang dapit nga gisaad sa DIOS alang sa iyang katawhan..
Ang Dios mihimo ug kasabutan ug panaad uban ni Moises nga ang kalibutan dili na niya laglagon ug silotan,ug ang iyang katawhan hatagan na niya ug kagawasan sa pagpakabuhe sa kalibutan subay sa iyang mga Balaod ug pagtulun an nga iyang gihatag ni Moises..Apan subo palandungon nga motumaw gyod ang pagkadautan sa tawo..Sa dihang gihatagan sa Dios ang tawo sa iyang kagawasan sa pagpili sa unsay iyang gustong matang ug pamaagi sa pagpakabuhe,kon si kinsa ang iyang simbahon ug alagaran...aduna gyoy uban nga mipili sa pagkadautan ug ang uban nagpaulipon sa kalibutan..Daghan ang nangandoy nga iyang makuptan ang tanang bahandi sa CANAAN o sa kalibutan tungod sa kaabunda niini..ang uban giusik usikan hangtod nga nahutdan ang kinaiyahan ug ang Dios ilang nakalimtam..
Sa pagdagan sa panahon ang pagkadautan sa tawo misanay ug midaghan ug midaghan pa gayod.Sila nagpatuyang sa ilang kagustuhan ug pipila lang ang nagpabilin diha sa sabakan sa Dios nga nagpabilin nga nagtamod ug nagkupot sa iyang mga pagtulun an..Mihakop lukop sa tibuok kalibutan ang pagpakasala ug pagkadautan sa twao..ug kining tanan wala malilong sa mga mata sa magbubuhat..Ug labaw sa tanan wala usab siya malimot sa kasabutan ug sa kanunay iyang gitamdan ang iyang panaad nga dili na niya silutan ug laglagon ang katawhan..Busa nagpili siya ug usa ka tawo nga maoy mangulo sa iyang katawhan si ABRAHAM sa usa ka banay nga mao unya ang mamahimong sinugdan sa iyang gingharian...Gikan sa panahon ni Abraham,ni Jacob,ni Isaac,ni Solomon..ug ni Hari DAVID...niabot ang usa ka mesiyas nga mao si HESUS..

Sa wala pa matawo si HESUS nagpili usa siya ug usa ka babaye nga mamahimong inahan sa iyang bugtong anak nga ipadala niya nganhi sa kalibutan..si Maria gikan sa banay nila ni San Juaquin ug Santa Ana..nga sa ato pa usa ka babaye matarong ug mahadlokon ug maampuon sa Dios..ug sa maong higayon si Maria nanamkon o nagsabak sa lalang sa ispirito sa Dios..hangtod nga gipakatawo niya ang batang HESUS...
Tungod sa dakong gugma sa Dios sa iyang katawhan bisan paman sa ilang pagka dautan,ug sa pagtamod niya sa maong kasabutan nga dili na niya silotan ang katawhan...iyang gipadala ang iyang bugtong anak diha sa maong lawas nga gitawag ug HESUS..timan e nga ang Hesus mao ang lawas ug ang ispirito nga naghatag ug kinabuhe sa maong lawas mao ang ispirito sa DIOS..maong siya gitawag ug matuod nga Tawo,ug DIOS nga matuod..nga sa ato pa ang gamhanang Dios nagpakatawo pinaagi kang Hesus..Ug ato kini nga mapamatud an sa dihang si Hesus miingon nga Ako ug ang akong amahan usa ra,kinsa katong nakakita ug nakadungog kanako...nakakita ug ug nakadungog usab kaniya nga nagpadala kanako...
Apan unsa ba gyod ang iyang tuyo ug misyon sa iyang pag anhi sa kalibutan..sigon sa mga pagtulon an sa mga lainlaing simbahan ug sa atong mga katigulangan,siya daw mianhi aron pagluwas nato nga iyang mga katawhan..kon ingnon nato niana pagsabot mura jud ug katuohan...pero time pa ako usa nga palawoman ang maong kahulugan..ug KAMATUORAN.
Kon siya nagpakamatay aron sa pagluwas nato buot pasabot luwas natang daan bsan ug padayon patang nagpakadautan kay iya naman tang gipakamatyan...Hoy katawhan pagmata ang Kamatuoran nga geingon ni Hesus sa iyang pag anhi sa kalibutan mao kini...Siya mianha aron iyang ipakita sa katawhan ang tinud anay nga hiyas,batasan ug kinaiya sa Dios..siya mismo ang mianhi ug me demonstrate usaon pagbuhat ug mga butang maayo..aron unta atong ika patigbabaw ug atong ipahiuli ang tinud anay nga batasan ug kinaiya sa tawo nga atong nakalimtan sa dihang kita iyang gihatagan ug kagawasan sa pagpili sa pagbuhat ug maayo ug dautan...apan unsay nahitabo ang katawhan buta ug bungol sa kamatuoran kay kita wala makasabot sa mga milagro nga iyang gipakita,ug sa mga pagtulun an nga atong nadungog..hinuon siya gipatay ug gipalansang sa krus..apan ang tanan gikinahanglan nga mahitabo aron matuman ang iyang misyon sa kalibutan..
Gikinahanglan nga makita sa katawhan ang iyang pag antos,pagpasakit,pagdupa ug papalansang sa krus aron kini mahimong panig ingnan sa katawhan aron sila masayod ug makakita sa mga butang nga balaanon..Ang pagkabalaan sa HUNAHUNA,sa iyang PAGBATI ug sa iyang nga BUHAT...nga bisan sa iyang kagamhanan wala siya maghunahuna pagamit sa iyang gahom aron sa pagluwas sa iyang kaugalingon..bisan sa gibati niyang kasakit kauhaw ug kagutom..gipili niya ang pabuhat sa katarong pagdawat sa kamatayon aron kahatagan ug katumanan ang kabubut on sa iyang amahan...
Hangtod karon kita gihatagan ug kagawasan sa pagpili kinsa ang atong alagaran siya ba..ang DIOS nga nagbuhat sa tanang butang sa kalibutan..o ang kagustuhan sa atong LAWAS nga tipik lamang sa kalibutan nga atong gitumban...
Kita usab angay natong tamdan ug dili nato kalimtan nga ang Dios ang tinubdan sa tanan natong panginahanglan...atong ipakita niya nga ato nang nakaplagan ang iyang gingharian dinhi sa kalibutan...gikihanglan lang nga siya ang kanunay nga maghari diha sa atong..HUNAHUNA...PAGBATI...UG BUHAT...iyang ihatag kanato ang tanan nga atong gikinahanglan kon siya lang ang atong alagaran aron kita makasulod sa iyang...GINGHARIAN..

23/11/2018

Ang atong Ginoong Jesucristo nag ingon Ako ang Dalan ang Kamatuoran ug ang Kinabuhi..
Ug ako sa akong kaugalingon nakapangutana kon unsa ba ang tinud anay nga hubad ug buot ipasabot niining maong sambingay..Sama nga si Pedro nakapangutana usab ngadto sa atong Ginoo sa pag ingun,magtutudlo nganu man nga kon makigsulti ka namu ipaagi mn nimu ug sambingay,nganong dili man nimu isulti sa dayag aron kami makasabot?Apan si Jesus mitubag...gituyo ko kini Pedro kay kadto lamang mga tawo nga nagbuhat susama sa akong mga buhat mao lamang ang makasabot niini..
Kon mao si kinsa man ang makapasabot niini karong panahuna kon mismo si Pedro nga apostoles ni Jesus kaniadto wala makasabot niini bisan kon siya pa ang kanunay nga ikuyog sa atong Ginoo. Si Pedro nga kanunay makadungog sa mga pagtulun an ni kristo,kanunay nga nakakita sa mga milagro nga gihimo ni Jesus,ug nagbuhat usab sa mga buhat nga gihimo ni Jesucristo..apan bisan paman sa tanan nga iyang nadungog,nakita ug nahimo kulang pa gihapon ang iyang kaalam ug kahibalo sa pagtugkad ug pagsabot sa pulong sa Dios.
So si kinsa man ang tinud anay nga makahubad ug makasabot niini?Wala gayod gawas lamang kon ikaw lamdagan sa ispirito sa Dios ug panalanginan nga ikaw makaambit sa iyang Himaya..
Mao nga ako sa akong kaugalingon nakapamalandong nga hatagan ko nalang ug nindot nga kahulugan kining maong mga pulong basin nalang kini makatabang sa akong pagkinabuhi ug mahimong gabayan sa akong panaw pagkab ot sa tinud anay nakong tuyo niining kalibutana.
Alang naku sa iyang geingon nga siya mao ang DALAN,nindot alang naku ang kahulugan niini.Kon sa iyang pagkinabuhi dinhi sa kalibutan,ug sa iyang paglakaw subay sa hustong dalan sa kinabuhi,naabot ug nakab ot gyud niya ang iyang katuyuan sa iyang pag anhi sa kalibutan subay sa plano ug kabubut ot sa iyang langitnong Amahan.
Mao nga alang nako ang tinud anay niyang katuyuan sa iyang pag anhi sa kalibutan dili aron pagluwas nato sigon sa gitudlo ug gituohan sa kadaghanan,ug pagsabot sigon sa gitudlo sa atong mga katigulangan..Kon dili siya mianhi aron sa pagtudlo ug pagpakita ug mga maayong buhat aron kita mosunod kaniya sa pagbuhat sigon sa kasuguan ug kabubut on sa DIOS..
Mao nga angay usab kita nga mosunod ug mosubay sa hustong dalan nga iyang gilaktan dinhi sa kalibutan..nga mao ang dalan sa KATARONG...
Bisan paman kon kita makasinati ug mga pagsuway ug kasakitan basta mahiabot lang kita sa iyang Gingharian..Kay siya nag ingon ako mag una kaninyo ug didto andamon ko ang mga lawak alang sa matag usa kaninyo..apan timan i usab nga kita mahimong angayan nianang maong mga lawak depende sa atong mga buhat dinhi sa kalibutan kon kini MAAYO ba o DAUTAN..
Maong angay natong hinumduman ang mga buhat ni Jesucristo dinhi sa kalibutan kay mao kini ang tinud anay natong gabayan sa atong pagkinabuhi dinhi sa kalibutan..Pagkinabuhi diha sa KATARUNG..atong gunitan kanunay ang katarung diha sa atong,HUNAHUNA,diha sa atong mga PAGBATI..ug diha sa atong mga BUHAT...

Address

Tabunok
Talisay
6045

Website

Alerts

Be the first to know and let us send you an email when Ako ang Dalan,Ang Kamatuoran ug Ang Kinabuhi posts news and promotions. Your email address will not be used for any other purpose, and you can unsubscribe at any time.

Shortcuts

Share

Category