17/03/2026
PNHS DEBATE : Boses ng Paninindigan sa Usaping Feminismo
Noong Lunes, Marso 16, 2026, napuno ng kasiyahan at enerhiya ang bakuran ng Pooc National High School nang magsagawa ng debate ang mga estudyante ng Pooc National High School at Cebu Normal University. Ang tema ng debate ay “The Aestheticization of Feminism by Filipino Media Influencers,” na nagturo kung paano nakaapekto ang social media sa pananaw ng publiko tungkol sa feminismo sa Pilipinas.
Namangha ang mga manonood sa malinaw at maayos na paglalahad ng parehong kuponan. Tinalakay nila kung paano makatulong o makapagdulot ng maling pananaw sa feminismo ang mga media influencer, gamit ang mga halimbawa mula sa kilalang Filipino content creators. Pinakita ng debate ang kritikal na pag-iisip, pagiging malikhain, at kakayahang makipagtalakayan ng mga kalahok.
Pinangunahan ang debate ni Mr. Daniel Thurman Darroca bilang adjudicator. Ang kanyang mga payo at puna ay nakatulong sa mga estudyante upang mas mapabuti ang kanilang argumento at pagpapahayag.
Ang kaganapan ay hindi lamang isang paligsahan, kundi pagkakataon din para sa mga estudyante na matuto tungkol sa mahahalagang isyu, magsanay sa pagtutulungan, at maranasan ang saya ng kompetisyon. Nagtapos ang umaga sa mga ngiti, palakpakan, at pamamahagi ng mga sertipiko sa mga nagwagi, kalahok, at adjudicator, na nagbigay inspirasyon sa lahat.
