ALS Talavera South Official

Nahulog ka lang pero hindi ka nadurog.
Ang pagkabigo ay nangangahulugan din na lumilipad ka nang matayog,
Pero sa’yong pagbagsak, hindi ka na mag-uumpisa sa wala—
Kundi mula sa mas matibay na bagwis ng aral na iyong nakuha.
Nag-iisa ka lang ngunit hindi ka malungkot.
Ang hindi pagdepende sa iba ay nangangahulugan din ng paglangoy sa sariling laot,
Sapagkat sa reyalidad ng buhay, may mga pagkakataon na sarili mo lang ang iyong kakampi—
Kaya’t huwag manghinayang na lumayo sa mga bagay at tao na hindi naman makabubuti.
Natatakot ka lang subalit sumusubok.
Naghihina pero hindi marupok.
Nangangahulugan lamang ito na palaging may natitirang pag-asa gaano man karami ang pagkalugmok—
Makararating din sa tuktok.
Hangga’t nahihirapan ka’t hindi humihinto,
Napapagod ngunit hindi sumusuko,
Nasasaktan at lumalago—
Mas tumatatag din ang iyong puso.

Malugod po naming binabati ang aming mga mag-aaral sa ALS Talavera South sa inyong matagumpay na pagtatapos sa Alternative Learning System. Ang araw na ito ay isa sa mga pinakamasayang sandali sa inyong paglalakbay patungo sa pagpapalawak ng kaalaman at pag-abot ng inyong mga pangarap. Tunay na kahanga-hanga ang inyong determinasyon at sipag na nilampasan ang mga hamon ng hindi tradisyunal na pag-aaral upang maabot ang tagumpay.

Ang pagtatapos ninyo sa ALS ay hindi lamang simbolo ng inyong akademikong tagumpay kundi pati na rin patunay ng inyong katatagan, dedikasyon, at tapang sa pagharap sa mga pagsubok. Nawa’y magsilbing inspirasyon ang inyong tagumpay sa inyong mga pamilya, kaibigan, at sa buong komunidad upang patuloy na pahalagahan ang edukasyon bilang susi sa magandang kinabukasan.

Tandaan ninyo na ang pagtatapos ay simula lamang ng mas marami pang oportunidad at pag-aaral. Hinihimok namin kayong ipagpatuloy ang inyong paglalakbay sa buhay—mag-aral pa, magpursige, at maging halimbawa sa iba. Ang inyong tagumpay ay patunay na walang hadlang sa taong may determinasyon at pangarap.

Muli, binabati namin kayo ng taos-pusong pagbati at nawa’y patuloy kayong pagpalain ng tagumpay at kasiyahan sa lahat ng inyong mga pagsusumikap.

Maligayang bati at Mabuhay kayo!

----Mula sa inyong mga ALS Teachers

Hundreds of ALS learners gathered at Talavera National High School Amphitheater, Talavera Nueva Ecija to celebrate their successful completion of the program, earning certificates that attest to their academic achievements. The event was attended by ALS teachers, SDO key officials, EPSAs, family members, and community leaders who lauded the graduates for their dedication and perseverance. Keynote speaker Fatima San Jose emphasized the transformative power of education and encouraged graduates to pursue further opportunities for growth.Testimonies from graduates revealed the significant impact ALS had on their lives. Many shared stories of overcoming personal challenges and societal barriers, attributing their success to the flexible and supportive learning environment ALS provides.

Congratulations!

“Every child deserves a champion; an adult who will never give up on them, who understands the power of connection and insists that they become the best they can possibly be.” - Rita Pierson

Happy World Teachers Day!!!

Opisyal na Pagbubukas ng Klase 2025-2026

Ang unang araw ng eskuwela ay puno ng kaba at pananabik. Ito ay simula ng isang bagong yugto sa ating buhay kung saan tayo ay makatatanggap ng bagong kaalaman at makakasalamuha ng mga bagong kaklase at magiging kaibigan.

Ang unang araw na ito ay isang pagkakataon upang magsimula ng may pag-asa at determinasyon. Nawa ay gamitin natin ito upang abutin ang ating mga pangarap at maging matagumpay sa ating pag-aaral.




Enrol Now!

Ang Paghahanap
Isa akong g**o sa Alternative Learning System — ALS. Minsan, napapaisip ako kung alam ba talaga ng mga tao kung ano ang ginagawa namin. Akala ng iba, katulad lang kami ng mga regular na g**o — nagtuturo, nagche-check ng module, nagtatalakay ng aralin. Pero ang hindi alam ng karamihan, may mas mabigat kaming ginagawa bago pa magsimula ang lahat ng iyan — ang hanapin mismo ang mga mag-aaral namin.
Hindi kami naka-upo lang sa loob ng barangay hall kung saan kami nagkaklase at naghihintay na pumasok ang estudyante. Kaming mga ALS teacher, naglalakad sa ilalim ng tirik na araw, tumatawid sa makikipot na eskinita kung saan dikit-dikit ang mga bahay kung saan dama mo ang hirap ng buhay. Dumadaan kami sa palengke, sa kalye, sa mga tahimik na sulok ng barangay — at pati sa malalawak na palayan kung saan ramdam mo ang init ng araw na dumidikit sa balat. Lahat ng iyan, ginagawa namin para lang hanapin ‘yung mga taong iniwan na ng sistema — ‘yung mga napilitang huminto sa pag-aaral dahil mas pinili ang paghahanapbuhay kaysa eskwela.
Madalas, nakakausap namin ang mga batang ina habang kalong ang anak, hindi na sigurado kung para pa ba sa kanila ang edukasyon. May mga tatay rin kaming nakakausap — mga tricycle driver, magsasaka, construction worker — na sa gitna ng trabaho ay napapa-upo namin sandali para pakinggan kami. Ipinaliwanag namin kung ano ang ALS, at sinusubukan naming itanim sa kanila ang pag-asang pwede pa…na kaya pa.
Hindi madali. May mga araw na uuwi kaming pagod, pawisan, sunog sa araw, at minsan, may bigat sa dibdib. Marami ang tatanggi. May tatawa lang. May titingin na parang sinasabi sa sarili, “Wala na ‘kong panahon d’yan.”
Pero bumabalik pa rin kami — araw-araw — kasi alam naming sa bawat lugar na pinupuntahan namin, may isa, kahit isa lang, na handang makinig. May isa na kaya pang mangarap ulit. At ‘yung isa na ‘yon, sapat na para ituloy namin ‘to.
Hindi lang basta programa ang ALS. Isa itong misyon. Tawag ng puso. Hindi lang ito tungkol sa pagtuturo ng kaalaman, kundi pag-intindi, pag-unawa, at pagkakaroon ng pusong handang buhatin ang mga pangarap ng mga taong halos mawalan na ng pag-asa.
At habang may isang nag-aabang, habang may isa pang gustong lumaban para sa pangarap niya — andito kami. Lalakad kami. Kakatok kami. At magtuturo kami.
— Isang ALS Teacher

ctto

Thank you so much po for your kindness and generosity! ABC3 IŤ Solutions. We are grateful and blessed po, hindi po kayo nagdalawang isip na igrant ang aming request. Thank you po Sir Anthony at sa mga crew na nag install kahit po maulan, napakabilis at napakabait pong kausap.God bless you po!

FREE Internet Installation done.

Sa lahat ng Kabataan o may edad na hindi nakapagtapos ng pag-aaral, 12 years old at pataas na hindi nakapagtapos bg elementarya o 16 years old at pataas na hindi nakapagtapos ng junior high school, gawing ang magtapos ng elementary at junior high school sa pamamagitan ng ALS!

Mag-enroll na sa aming mga community learning center (CLC) na malapit sa inyong barangay I sa mga pampublikong paaralan na pinkamalapit sa inyong lugar.

• Talavera South Central Learning Center – Pinagpanaan, Talavera, Nueva Ecija
• Sibul Elementary Learning Center – Sibul, Talavera, Nueva Ecija
• Caputican Elementary Learning Center – Caputican, Talavera, Nueva Ecija

(c) ALS Talavera South Official

BE A STUDENT as long as you still have SOMETHING TO LEARN and this will all YOUR LIFE - Henry Doherty

Everyday is enrolment Day, kaya kung ikaw ay nahinto sa pag-aaral at nagnanais na makatapos, ang programang ALS ay para sa iyo.

Para sa mga katanungan maaari po kayong mag- message sa aming page ALS Talavera South Official .

CAPUTICAN CLC
Caputican Elementary School
Caputican Talavera Nueva Ecija

SIBUL CLC
Sibul Elementary School
Sibul Talavera Nueva Ecija

Invest in uour dreams,
Grind now,
Shine later!

Ikaw ba ay nahinto at nais mong ipagpatuloy ang iyong pag-aaral. Maaari pa po tayong magenrol, Magtungo po lamang sa pinakamalapit na CLC.

Talavera South Central School
Pinagpanaan Talavera Nueva Ecija

Sibul Elementary School
Sibul Talavera Nueva Ecija

Caputican Elementary School
Caputican Talavera Nueva Ecija