https://www.facebook.com/138458959359584/

La Liga Humanista, A. Reyes Street, Taguig (2026)

23/08/2026

𝗗𝗘𝗦𝗜𝗚𝗡 𝗢𝗙 𝗧𝗛𝗘 𝗪𝗢𝗥𝗟𝗗: 𝗪𝗢𝗠𝗘𝗡 𝗙𝗔𝗥𝗠𝗘𝗥𝗦 𝗔𝗖𝗥𝗢𝗦𝗦 𝗧𝗛𝗘 𝗚𝗟𝗢𝗕𝗘 🌾👩‍🌾

Isang tema, iba’t ibang bansa, at sari-saring kuwento ng kababaihang magsasaka! Ipakita ang iyong pagkamalikhain sa pamamagitan ng isang disenyong kumakatawan sa 𝗮𝘀𝘀𝗶𝗴𝗻𝗲𝗱 𝗻𝗮 𝗯𝗮𝗻𝘀𝗮, habang binibigyang-diin ang kultura, mga kilalang simbolo, at mga tanawin nito na iniuugnay sa tema ng 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗬𝗲𝗮𝗿 𝗼𝗳 𝘁𝗵𝗲 𝗪𝗼𝗺𝗮𝗻 𝗙𝗮𝗿𝗺𝗲𝗿. 🌾

Bukas ang kategoryang ito para sa 𝗟𝗔𝗛𝗔𝗧 𝗻𝗴 𝘀𝗲𝗸𝘀𝗶𝘆𝗼𝗻 𝗻𝗴 𝗦𝗲𝗻𝗶𝗼𝗿 𝗛𝗶𝗴𝗵 𝗦𝗰𝗵𝗼𝗼𝗹 mula sa alinmang strand! 🎨📢

Ang entry ay ipapaskil sa labas ng silid-aralan ng bawat pangkat na makikilahok.

🌏 𝗖𝗢𝗨𝗡𝗧𝗥𝗬 𝗔𝗦𝗦𝗜𝗚𝗡𝗠𝗘𝗡𝗧: Bawat seksiyon ay bibigyan ng isang (1) bansa na kanilang bibigyang-buhay sa disenyo.

🗓️ 𝗗𝗘𝗔𝗗𝗟𝗜𝗡𝗘 𝗡𝗚 𝗣𝗔𝗚𝗣𝗔𝗣𝗔𝗦𝗞𝗜𝗟: Setyembre 7, 5:00 PM
👤 𝗠𝗚𝗔 𝗞𝗔𝗟𝗔𝗛𝗢𝗞: Isang (1) entry mula sa bawat seksiyon
🖼️ 𝗠𝗘𝗗𝗜𝗨𝗠: White cartolina o 1/8 illustration board

Ipakita kung paano nagiging bahagi ng pagkakakilanlan ng isang bansa ang kultura, agrikultura, at lakas ng kababaihan. 🌾🌍✨

22/08/2026

🎬 𝗦𝗔𝗟𝗔𝗬𝗦𝗔𝗬 𝗦𝗔 𝗟𝗘𝗡𝗧𝗘: 𝗠𝗔𝗜𝗞𝗟𝗜𝗡𝗚 𝗗𝗢𝗞𝗨𝗠𝗘𝗡𝗧𝗔𝗥𝗬𝗢 𝗔𝗧 𝗩𝗜𝗗𝗘𝗢🎥

May kuwento ka bang gustong maibahagi? Boses ng komunidad na gustong iparinig? Ito na ang pagkakataon mong maipakita ang iyong galing at pagiging malikhain!
Bukas ang kategoryang ito para sa LAHAT ng seksiyon ng Senior High School mula sa alinmang strand—𝗦𝗧𝗘𝗠, 𝗔𝗕𝗠, 𝗛𝗨𝗠𝗦𝗦, 𝗚𝗔𝗦, 𝗮𝘁 𝗧𝗩𝗟! 📢

🗓️ 𝗗𝗘𝗔𝗗𝗟𝗜𝗡𝗘 𝗡𝗚 𝗣𝗔𝗚𝗣𝗔𝗦𝗔: Setyembre 9 (11:59 PM)
⏱️ 𝗛𝗔𝗕𝗔 𝗡𝗚 𝗩𝗜𝗗𝗘𝗢: 4 hanggang 6 na minuto (4-6 minutes)
👤 𝗠𝗚𝗔 𝗞𝗔𝗟𝗔𝗛𝗢𝗞: Isang (1) entry mula sa bawat seksiyon ng mga strand

Maaaring isumite ang gawa sa inilaang link:
https://forms.gle/8JHTtvPcoZATfUVh7

21/08/2026

Sa paggunita ng 𝐍𝐢𝐧𝐨𝐲 𝐀𝐪𝐮𝐢𝐧𝐨 𝐃𝐚𝐲, inaalala natin hindi lamang ang isang pangalan sa kasaysayan, kundi ang tapang na magtanong, magsalita, at manindigan para sa bayan.

Si Benigno “Ninoy” Aquino Jr. ay naging bahagi ng isang mahalagang yugto ng kasaysayan ng Pilipinas. Isang paalala na ang demokrasya, kalayaan, at karapatang magsalita ay hindi dapat ituring na mga bagay na basta na lamang umiiral. Ang mga ito ay pinangangalagaan sa pamamagitan ng tapang, pakikilahok, at paninindigan ng bawat mamamayan.

Ngayong araw, ang La Liga Humanista ay nakikiisa sa paggunita kay Ninoy Aquino, at sa diwang patuloy na nagtutulak sa bawat Pilipino na 𝗺𝗮𝗸𝗶𝗮𝗹𝗮𝗺, 𝗺𝗮𝗴𝘁𝗮𝗻𝗼𝗻𝗴, 𝗮𝘁 𝗺𝗮𝗻𝗶𝗻𝗱𝗶𝗴𝗮𝗻.

🖼️: Opisyal sa Pampublikong Impormasyon | Jabat

20/08/2026

𝙈𝘼𝙆𝙄𝘼𝙇𝘼𝙈: 𝘼𝙣𝙜 𝙢𝙖𝙣𝙖𝙝𝙞𝙢𝙞𝙠 𝙨𝙖 𝙝𝙖𝙧𝙖𝙥 𝙣𝙜 𝙠𝙖𝙥𝙖𝙗𝙖𝙮𝙖𝙖𝙣 𝙖𝙮 𝙥𝙖𝙜𝙥𝙖𝙗𝙤𝙧 𝙨𝙖 𝙢𝙖𝙡𝙞𝙣𝙜 𝙨𝙞𝙨𝙩𝙚𝙢𝙖.

Paano natin haharapin ang bukas kung hindi natin kinikilala ang mga suliraning kinakaharap ng ating bayan ngayon?

Sa bawat araw, nararanasan ng mga Pilipino ang mga hamong dulot ng mga kakulangan sa sistema. Mula sa mga lugar na patuloy na binabaha tuwing malakas ang ulan, hanggang sa mga serbisyong pampubliko at emergency response na sinusubok sa oras ng pangangailangan. Kasabay nito ang pagtaas ng gastusin na patuloy na nakaaapekto sa pang-araw-araw na pamumuhay ng maraming pamilya.

Higit sa mga problemang ito, mahalagang mapanatili ang espasyo para sa malayang pagtatanong at pagpapahayag. Ang mga usapin hinggil sa red-tagging, pananagutan ng mga nasa kapangyarihan, at impluwensiya ng mga dinastiyang pulitikal ay nararapat pag-usapan nang malaya, batay sa ebidensya, at may paggalang sa karapatan ng bawat mamamayan.

Hindi natin kailangang masanay sa mga problemang tila paulit-ulit na lamang. May karapatan tayong magtanong, magsuri, at humingi ng malinaw na pananagutan mula sa mga institusyong nagsisilbi sa bayan.

Ang mga kaganapan sa kasalukuyan ay paalala na ang pagiging mamamayan ay hindi nagtatapos sa pagkakaroon ng boses. Kailangan din itong samahan ng kaalaman, kritikal na pag-iisip, at responsableng pagkilos.

Hindi sapat na tayo ay galit, kailangan nating maging mulat. Hindi sapat na tayo ay mulat, kailangan nating kumilos. 𝗠𝗮𝗸𝗶𝗮𝗹𝗮𝗺. 𝗠𝗮𝗴𝘁𝗮𝗻𝗼𝗻𝗴. 𝗠𝗮𝗴𝘀𝘂𝗿𝗶. 𝗠𝗮𝗻𝗶𝗻𝗱𝗶𝗴𝗮𝗻.

20/08/2026

𝗗𝗜𝗪𝗔𝗡𝗚 𝗠𝗔𝗥𝗔𝗛𝗨𝗬𝗢: 𝗕𝗮𝗹𝗮𝗴𝘁𝗮𝘀𝗮𝗻 𝗽𝗮𝗿𝗮 𝘀𝗮 𝗪𝗶𝗸𝗮𝗻𝗴 𝗞𝗶𝗻𝗮𝗴𝗶𝘀𝗻𝗮𝗻 🇵🇭

Noong 𝗔𝗴𝗼𝘀𝘁𝗼 17, muling nagtipon sa 𝗔𝗩𝗥 𝗻𝗴 𝗧𝗮𝗴𝘂𝗶𝗴 𝗡𝗮𝘁𝗶𝗼𝗻𝗮𝗹 𝗛𝗶𝗴𝗵 𝗦𝗰𝗵𝗼𝗼𝗹 ang mga 𝗛𝗨𝗠𝗔𝗡𝗜𝗦𝗧𝗔 para sa isang makabuluhang araw Ng Patimpalak sa Balagtasan at pagppamalas ng talas ng isip, husay sa pangangatwiran, at pagmamahal sa wikang Filipino.

Kaugnay ng tema ng 𝗕𝘂𝘄𝗮𝗻 𝗻𝗴 𝗪𝗶𝗸𝗮 2026, “𝗪𝗶𝗸𝗮𝗻𝗴 𝗙𝗶𝗹𝗶𝗽𝗶𝗻𝗼 𝗮𝘁 𝗔𝗜: 𝗞𝗮𝘀𝗮𝗻𝗴𝗸𝗮𝗽𝗮𝗻 𝘀𝗮 𝗣𝗮𝗻𝗮𝗻𝗮𝗹𝗶𝗸𝘀𝗶𝗸 𝗮𝘁 𝗧𝘂𝗹𝗮𝘆 𝘀𝗮 𝗬𝗮𝗺𝗮𝗻 𝗻𝗴 𝗜𝗺𝗽𝗼𝗿𝗺𝗮𝘀𝘆𝗼𝗻,” hinarap ng bawat pangkat ang iba’t ibang usapin tungkol sa AI, pananaliksik, pagsulat, gramatika, impormasyon, at mga wikang rehiyonal at katutubo.

Iba-iba man ang mga paksang tinalakay, iisa ang diwang namayani. Sa panahong patuloy na umuunlad ang AI, mahalagang matutunan itong gamitin nang wasto at responsable, lalo na bilang kasangkapan sa edukasyon at pagpapalawak ng kaalaman.

19/08/2026

𝐈𝐬𝐚𝐧𝐠 𝐏𝐚𝐧𝐠𝐚𝐥𝐚𝐧, 𝐈𝐬𝐚𝐧𝐠 𝐏𝐚𝐧𝐢𝐧𝐢𝐧𝐝𝐢𝐠𝐚𝐧

Bago naging bahagi ng ating pang-araw-araw na pakikipag-usap ang wikang Filipino, may mga taong nagsulong ng isang wikang magsisilbing tulay sa pagkakaunawaan at pagkakaisa ng mga Pilipino. Isa sa kanila si 𝐌𝐚𝐧𝐮𝐞𝐥 𝐋𝐮𝐢𝐬 𝐐𝐮𝐞𝐳𝐨𝐧, na isinilang sa Baler, Aurora noong 𝐀𝐠𝐨𝐬𝐭𝐨 𝟏𝟗, 𝟏𝟖𝟕𝟖 at kinikilala bilang 𝐀𝐦𝐚 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚.

Sa kaniyang pamumuno, isinulong ang pagkakaroon ng isang pambansang wikang magsisilbing ugnayan ng isang bansang binubuo ng iba't ibang wika at kultura.

Ngunit ang wika ay hindi lamang kasangkapan sa pakikipag-usap. Ito ay daluyan ng ating kasaysayan, kaalaman, kultura, at pagkakakilanlan. Sa bawat salitang ginagamit natin, may mga kuwentong nagmula sa nakaraan at kaalamang maaari nating maipasa sa susunod na salinlahi.

Sa paggunita sa 𝐢𝐤𝐚-𝟏𝟒𝟖 𝐚𝐧𝐢𝐛𝐞𝐫𝐬𝐚𝐫𝐲𝐨 ng kapanganakan ni Manuel L. Quezon, balikan natin ang kaniyang ambag sa pagtataguyod ng pambansang wika at alalahanin ang halaga ng wikang patuloy na nag-uugnay sa atin bilang isang bayan.

Sapagkat sa pag-unawa sa wikang nagmula sa ating kasaysayan, mas nauunawaan din natin kung sino tayo bilang mga Pilipino. 🇵🇭

✍🖼: Ikalawang Pangulo | Gutierrez

19/08/2026

𝙈𝙖𝙡𝙞𝙜𝙖𝙮𝙖𝙣𝙜 𝙆𝙖𝙖𝙧𝙖𝙬𝙖𝙣, 𝙎𝙞𝙧 𝙒𝙚𝙨𝙡𝙞𝙚 𝙂𝙖𝙗𝙖𝙩! Ang inyong puso para sa lahat ng mga humanista at sa kapwa ay patuloy na nagbibigay-inspirasyon sa amin na maging mas mabuting bahagi ng lipunan. Ang mga pangaral ninyo ay ang nagsisilbing gabay sa amin upang ipagpatuloy ang diwang makatao. ✊

Maraming salamat po sa inyong walang-sawang pag-akay at pagmamahal. Mula sa La Liga Humanista, Maligayang Kaarawan po! 🙌🎊

14/08/2026

🛺 𝙍𝙐𝙏𝘼 𝙇𝙇𝙃: 𝘼𝙉𝙂 𝘽𝙄𝙔𝘼𝙃𝙀 𝙉𝙂 𝙈𝙂𝘼 𝙉𝘼𝙂𝙋𝘼𝙋𝘼𝙂𝘼𝙇𝘼𝙒 𝙎𝘼 𝘽𝘼𝙔𝘼𝙉

“𝗣𝗮𝗿𝗮 𝗽𝗼!”
Mga simpleng salitang paulit-ulit na naririnig sa pasada. Ngunit sa likod ng bawat destinasyon, may mga kuwentong mas mahaba kaysa sa rutang binabyahe sa jeep.

May gurong maagang bumabangon upang magturo.
May kamay na abala sa pagtatayo ng mga gusali.
May tindera na buong araw nakatayo para may maiuwi sa hapag.
May empleyadong humahabol sa oras upang hindi mahuli sa trabaho.
May rider na kumakayod sa bawat angkas.
May mga manggagawang tahimik na naglilinis, nag-aayos, nagluluto, nag-aalaga, naglilingkod, at nagpapatakbo ng mga serbisyong madalas nating napapansin lamang kapag wala sila.

Iba-iba ang trabaho, iba-iba ang ruta, ngunit iiisa lamang dahilan ng pagpapatuloy: ang mabuhay, makapaglingkod, at may maiuwi para sa mga mahal sa buhay.

Dahil ang tunay na bumubuhay sa isang bayan ay hindi lamang ang mga gusali, negosyo, at mga makina.

Ang bayan ay umaandar dahil may mga taong patuloy na bumibiyahe para rito.

Kaya sa araw-araw na pag-usad ng mundo, huwag nating kalimutan ang mga kamay na nasa likod nito.

𝗔𝗻𝗴 𝗽𝗮𝗴𝗹𝗮𝗹𝗮𝗸𝗯𝗮𝘆 𝗻𝗴 𝗺𝗮𝗻𝗴𝗴𝗮𝗴𝗮𝘄𝗮 𝗮𝘆 𝗯𝗶𝘆𝗮𝗵𝗲 𝗿𝗶𝗻 𝗻𝗴 𝗯𝗮𝘆𝗮𝗻.

01/08/2026

"𝐀𝐧𝐠 𝐡𝐢𝐧𝐝𝐢 𝐦𝐚𝐫𝐮𝐧𝐨𝐧𝐠 𝐥𝐮𝐦𝐢𝐧𝐠𝐨𝐧 𝐬𝐚 𝐩𝐢𝐧𝐚𝐧𝐠𝐠𝐚𝐥𝐢𝐧𝐠𝐚𝐧 𝐚𝐲 𝐡𝐢𝐧𝐝𝐢 𝐦𝐚𝐤𝐚𝐫𝐚𝐫𝐚𝐭𝐢𝐧𝐠 𝐬𝐚 𝐩𝐚𝐫𝐨𝐫𝐨𝐨𝐧𝐚𝐧."
— 𝙳𝚛. 𝙹𝚘𝚜𝚎 𝙿. 𝚁𝚒𝚣𝚊𝚕

May dahilan kung bakit sa pagmamaneho, hindi sapat na nakatuon lamang ang tingin sa unahan. Kailangang marunong ding sumulyap sa salamin, alalahanin ang dinaanan, at unawain ang direksiyong tinatahak upang ligtas na makarating sa patutunguhan.

Gayon din ang wika. Ngayong sa pabilis ang pag-sulong ng teknolohiya, mas nagiging mahalaga ang kakayahan nating umunawa, magsuri, at magpahayag ng impormasyon. Ngunit ang kaalamang tunay na napapakinabangan ay yaong naihahatid sa wikang nauunawaan ng bawat Pilipino.

Sa pagdiriwang ng Buwan ng Wikang Pambansa, binibigyang-diin ang temang 'Wikang Filipino at AI.' Isang paalala na ang teknolohiya ay Kasangkapan sa Pananaliksik at Tulay sa Yaman ng Impormasyon. Higit pa itong nagiging makabuluhan kapag ginagamit upang palawakin ang kaalaman, hindi lamang ng iilan, kundi ng buong sambayanan.

Ang wikang Filipino ay hindi kailanman magiging hadlang sa pag-unlad. Sa halip, ito ang lingguaheng mag-uugnay; sa kaalaman at sa mamamayan, sa makabagong teknolohiya at sa ating pagkakakilanlan.

Habang bumibilis ang pag-ikot ng mundo, nawa'y hindi natin iwanan ang wikang nagdadala sa atin upang maunawaan ito. Sapagkat ang kinabukasan ay hindi lamang sinusukat sa husay ng teknolohiya, kundi sa kakayahan nating gamitin ito nang may kamalayan, pananagutan, at pagmamahal sa sariling wika.

Sa pagdiriwang ngayong Agosto, nawa'y maging paalala na ang bawat hakbang natin tungo sa kinabukasan ay higit na magiging matatag kung dala natin ang ating sariling wika. Sapagkat ang wikang pinahahalagahan ay nagsisilbing direksiyon ng bansang patuloy na umuunlad.

✍🖼: Ikalawang Pangulo | Gutierrez

31/07/2026

🚦𝙈𝙖𝙡𝙞𝙜𝙖𝙮𝙖𝙣𝙜 𝙥𝙖𝙜𝙡𝙖𝙡𝙖𝙠𝙗𝙖𝙮, 𝙛𝙪𝙩𝙪𝙧𝙚 𝙄𝙨𝙠𝙤𝙡𝙖𝙧 𝙣𝙜 𝘽𝙖𝙮𝙖𝙣!

Hindi hadlang ang haba ng daan kung ang destinasyon ay kinabukasang ipinaglalaban. Sa bawat pag-ikot ng gulong, kasabay ang pag-usad ng pangarap, hanggang marating ang hantungan ng bawat Iskolar ng Bayan.

Ang pinakamahalagang biyahe ay hindi lamang pagtungo sa UP, kundi papunta sa mas magandang bukas.

𝙉𝙖𝙬𝙖'𝙮 𝙥𝙖𝙡𝙖𝙧𝙞𝙣 𝙠𝙖𝙮𝙤, 𝙐𝙋𝘾𝘼𝙏 𝙩𝙖𝙠𝙚𝙧𝙨! 🌻🙏

🖼️: Opisyal ng Pampublikong Impormasyon | Nathan Jabat

La Liga Humanista

23/08/2026

22/08/2026

21/08/2026

20/08/2026

20/08/2026

19/08/2026

19/08/2026

14/08/2026

01/08/2026

31/07/2026

Address

Website

Alerts

Shortcuts

Share

Category

Listing takedown request