15/09/2026
๐๐๐๐๐๐๐ | ๐๐๐ ๐ค๐ข๐ฅ๐๐ฅ๐ ๐๐ญ ๐๐๐ฌ๐๐ฌ๐๐ฅ๐๐ฆ๐๐ญ, ๐๐๐ฆ๐ฉ๐จ๐ค ๐ฌ๐ ๐๐๐๐๐๐๐๐๐๐ โ๐๐ ๐ง๐ ๐๐ง๐๐
Upang higit na mapagtibay ang ugnayan at pagtutulungan ng paaralan, tahanan, at pamayanan, nagtipon ang mga magulang, mag-aaral, opisyal ng barangay, at iba pang stakeholder sa Ika-2 KUMUSTAHAN โ26 ng Kinatakutan Elementary School (KnES) na ginanap sa Covered Court ng paaralan noong Setyembre 11.
Pinakatampok sa programa ang pagkilala sa mga mag-aaral na nagpamalas ng sipag, husay, mabuting asal, at regular na pagpasok sa paaralan. Iginawad sa mga karapat-dapat na mag-aaral ang Perfect Attendance, Masigasig Award, at Namumukod-Tangi Award, gayundin ang Character Awards para sa mga mag-aaral sa Kindergarten at Grade 1.
Binigyang-pugay rin sa pamamagitan ng Salamat Po Award ang mga magulang at iba pang masugid na tagasuporta ng paaralan bilang pagkilala sa kanilang mahalagang ambag at patuloy na pakikiisa sa mga programa at gawain ng KnES.
Naging bahagi rin ng KUMUSTAHAN ang pagbabalik-tanaw sa mga nagawa at tagumpay ng paaralan sa Unang Termino ng Taong Panuruan 2026โ2027. Sa kanyang ulat, ibinahagi ni Dr. Mark Anthony L. Tabunan, Punongg**o I, ang pinakahuling balita hinggil sa paglahok ng apat na mag-aaral ng KnES sa Palarong Quezon 2026, tampok ang pagkakamit ng tig-tatlong medalya nina Kemwell Nash I. Palivino at Ella Nicole R. Venerable.
Ibinahagi rin ang mga tagumpay ng paaralan sa athletics sa Palarong Bayan 2026 at ang pagkakamit nito ng titulong Overall Champion sa District Festival of Talents. Kabilang sa mga nagwagi sina Kaleb Matthew B. Palegar at Kemwell Nash I. Palivino sa TechnoFusion; Briella Samantha M. Almocera, First Runner-Up sa Plot-Twisting Challenge; at Brainard Samuel Suaiso at Harvey Inocencio, First Runner-Up sa STEMazing.
Kinilala rin ang pangkat ng Indak ng Lahi na binubuo nina Young Ingrid Sarmiento, Sofia Cantor, Tricia Sangcap, Rhianna Pampolan, Kiev Cruzado, Jamar Iglesia, Chandler Sangcap, at Kobe Garcia, na nagtapos bilang Second Runner-Up. Nakamit din ni Ken Jarille Reformado ang Second Runner-Up sa Awit ng Lipi.
Tinalakay naman ni Gng. Ivelyn Sarmiento ang kalagayang pinansiyal ng paaralan bilang bahagi ng pagpapanatili ng bukas at malinaw na pamamahala at pagbibigay-kaalaman sa mga stakeholder hinggil sa mga pondo ng KnES.
Ipinaliwanag din sa mga dumalo ang mga nakatakdang programa at gawain ng paaralan, kabilang ang Investiture Ceremonies para sa mga batang scout. Pinangunahan ang pagtalakay nina Gina Amparo para sa Kab Scout, Cristina Socito para sa Star Scout, Meriam Ricafranca para sa Girl Scout, at Russel Jonathan Marcos para sa Boy Scout. Inihayag din ang nakatakdang Induction Rites sa susunod na buwan.
Nagpahayag naman ng buo at matibay na suporta ang pamahalaang barangay sa mga programa at proyekto ng paaralan. Sa pangunguna ni Punong Barangay Luzviminda Bulalacao, kinatawan nina Kagawad Victor De Silva Jr., Kagawad Luzviminda Inocencio, at Kagawad Jomari Doctolero, tiniyak ng barangay na patuloy itong makikiisa at magbibigay ng nararapat na suporta sa mga programa at pangangailangan ng KnES.
Nagpahayag din ng kanilang pagbati at pakikiisa sina SGC Co-Chairperson Domingo Desdir at SPTA President Enrico De Chavez, na kapwa kumatawan sa patuloy na suporta ng mga magulang at stakeholder sa mga adhikain ng paaralan.
Matapos ang pangkalahatang programa, ipinamahagi at ipinaliwanag ng bawat g**ong tagapayo sa mga magulang ang mga grado ng kanilang mga anak para sa Unang Termino. Naging pagkakataon din ito upang personal na mapag-usapan ng mga g**o at magulang ang pag-unlad, pagganap, at mga pangangailangan ng bawat mag-aaral.
Sa pagtatapos ng programa, personal namang iniabot nina Kagawad Luzviminda Inocencio at Gng. Cynthia Hayin ang kanilang tulong-pinansyal sa paaralan, patunay ng patuloy na suporta at malasakit ng mga stakeholder sa mga programa at pangangailangan ng KnES.
