25/10/2023
SOLGA(State of the Learner Government Address 2023)
"Sa MATAPAT NA PAGLILINGKOD, BAMBANIANS PANALO"
Magandang araw po sa ating mga minamahal na g**o at kapuwa ko mag-aaral na narito ngayon, muli sa mga hindi pa din po nakaka kilala sa akin, ako po si Erica Briones ang pangulo ng Supreme Secondary Learner Government.
At ngayong araw po ay aking ipapahayag ang aming mga nagawa ngayong unang quarter ng aming panunungkolan bilang SSLG Officers. Gayon din ipapahayag po ng SSLG ang aming mga plano para sa mga susunod pang mga buwan hanggang matapos ang aming termino.
Naganap ang election ng SSLG noong June 1 SY of 2022-2023, at sa aming pagkapanalo inumpisahan namin ang aming panunungkolan mula ng kami ay nanumpa sa ating butihing Principal Mr. Randy S. Del Rosario noong June 16, 2023. Kasama nito ay nagkaroon ng turn-over ceremony sa pagitan Ng former SSG officers and interim SSLG officers. Ang lahat ng SSG fund ay tinurn over ni former SSG President Eloisa Orellana sa SSLG treasurer na si Lara Jane B. Guerrero na nangangahalagang Anim na libo apat na daan at labing anim na Piso (6416). Ang nasabing pondo ay nagmula sa miscellaneous fee collection ng SSG sa nakaraang taon. kasama sa naturn over sa bagong set ng SSLG officers ay ang mga dokumento na may kaugnayan sa SSG.
At sa kalagitnaan ng bakasyon, ang SSLG ay nagkaroon ng 3 days training, Youth Leadership Summit na ginanap sa Bamban Elementary School kalahok ang ibat ibang kabataang leaders mula sa Tagkawayan.
Sa tatlong araw namin dito, pinag-aralan namin kung papaano ang tunay na pamamalakad ng isang leader.
Ang ilan sa mga pinag-aralan namin ay
*YOUTH IMPACT IN NATIONS BUILDING
*IMPORTANT OF EDUCATION IN YOUTH
*NATIONS PARTICIPATION
*EARLY PREGNANCY AND ADOLESCENT
*SOCIAL INCLUSION AND EQUITY
*ECONOMIC EMPOWERMENT
*LEADERSHIP AND GLOBAL MOBILITY
*TEAM BUILDING
*CLEAN UP DRIVE
*YOUTH AS RESPONSIBLE FARMER
*PEACE AND SECURITY
*at UNDERSTANDING CLIMATE CHANGE
na patungkol lahat sa pagpapatakbo ng isang grupo.
At noong June 16, 2023 naman po, nagkaroon ng Tagkawayan District 2 election ang SSLG ng Mapulot NHS, Mansilay NHS, Tabason NHS, Tagkawayan NHS at Bamban NHS, na dinalohan ko at ni Vice President Rissa Joy Maralit na ginanap sa Tagkawayan NHS. At ngayon ay kasalukoyan po akong Treasurer ng SSLG Tagkawayan District 2 at representative naman si Vice President
At ngayong SY 2023-2024, sa pagdating ng Brigada Eskwela, ang lahat ng SSLG officer ay nakiisa upang isagawa ito. Sa loob ng anim na araw ng brigada mula August 14-19, nagpabasa ang mga SSLG Officer sa mga incoming grade 7 at nag-assist sa mga ipinagawa ng g**o (paglilinis, pagluluto sa canteen at pagpipintura)
At sa unang araw ng pasukan nong August 29, 2023 ay ginampanan na namin ng tuloyan ang mga responsibilidad na sa amin ay naka atang.
Sa pangunguna ng kalinisan ng paligid at pagbabantay ng kapayapaan ng eskwelahan.
At bilang mga mag aaral na makabansa, aming pinangungunahan ang flag ceremony tuwing Lunes 7:15 ng umaga at flag retreat tuwing biyernes 3:50 ng hapon. Kasama dito ang pagmomonitor ng pag-lilinis ng mga estudyante araw araw at paninita ng maling gawain ng estudyante tulad ng paninigarilyo.
At sa pagpasok ng Setyembre, nagkaroon ng aktibidad ang ating paaralan na intramurals at Zonal Meet na parehong ginanap dito sa Bamban kalahok ang ibat ibang paaralan. Tumulong ang SSLG Officers sa pagsasagawa nito, inayos po namin ang room ng Grade 9 Daisy na syang kinainan ng officials. Nag assist din po kami sa kanila tulad na lamang ng pagbibigay ng merienda at pagiging line man. (And yes! Congratulations sa ating mga players nanalo o natalo Bambanians are so proud of you all!!!)
Kasabay ng buwang ito ng September, ay ipinagdiwang ang teachers day. Sa pangunguna ng SSLG Officers, nagkaroon kami ng meeting na kung saan ang bawat section ay nagkaroon ng celebration sa ibat ibang araw mula September 5 hanggang October 4 kasama ang aming adviser.
At sa pagdating ng October 5, ang SSLG officer ay naghanda ng simpleng pasasalamat sa ating mga minamahal na g**o sa pamamagitan ng pagbigay ng simpleng regalo at paggawa ng freedom wall na kung saan tayong mga estudyante ay nagbigay ng mensahe sa ating mga g**o
At kasabay din ng araw na to ng October 5 ay nagkaroon ng Symposium ang Senior High about army, at sa pangangasiwa ng SSLG ay tumulong po kami para sa merienda ng ating panauhin.
At ngayon pong kasalukoyan nandito ako para ilatag ang mga pinaplano pa ng SSLG para sa ating paaralan
Isa na dito ang pagkakaroon ng I'd,
Mahalagang magkaroon ng I'd Ang bawat estudyante o identification card para sa pagkakakilanlan ng bawat estudyante. Marami ang lumalabas at pumapasok sa ating paaralan na outsider na kinakailangan nating maiwasan upang mapanatili ang kaligtasan ng bawat mag-aaral. At sa pamamagitan ng I'd, mamomonitor natin ang mga estudyante ng Bamban at hindi.
At nakasalalay ito sa kakayahan ng eskwelahan at approval ng ating Principal na sana ay mapagbigyan.
Isa pang project ng SSLG ay Reading Program. Ang pagsulat at pagbasa ang isa sa mga napaka halaga mong matutunan bilang isang estudyante, ito ay isang kayamanan na hindi mananakaw nino man kaya mahalaga na tayo ay matuto at magkaroon ng kaalaman. Kaya ang SSLG Officers ay handang gumabay sa mga grade 7 at maging katuwang ng g**o sa pagtuturo sa kanila.
Ngayon pong 2nd grading ay uumpisahan na ang Reading Program for grade 7, tuwing Wednesday and Friday ang aming pagpapabasa.
At sa darating na November, wala pang tiyak na araw ay magkakaroon po tayo ng ground improvement, ang lahat ng estudyante ay mag ki-clean up drive.
Isa sa layunin ng paaralan ay turoan ang mag-aaral na maging isang mahusay na mamamayan kaya naman ang simpleng paglilinis at pagtatapon ng basura sa tamang basurahan ay laking tulong na sa ating kalikasan.
Kaya naman po ang bawat isa ay inaasahan na tumulong sa paglilinis hindi lamang sa araw ng clean up drive kundi sa araw araw na pag punta natin sa paaralan.
Naniniwala po ako na ang paaralan ang isa sa mga sumisimbolo sa atin bilang isang estudyante kaya mahalaga na mapanatili natin ang kaayosan nito dahil tayo din ang makikinabang.
Sumunod dito ay ang pag dating ng December. Plano po ng SSLG na magkaroon ng event kasabay ng Christmas Party. Ang pagganap ng Christmas Kantata at Mr. and Ms. Santa Claus.
Ang pagiging estudyante ay hindi madali, alam ko ang pressure na nararamdaman ninyo at alam ko din po na ang simpleng kasiyahan ay laking tulong sa atin para maramdaman ang tunay na halaga ng pagiging estudyante.
Kaya naman ang pagkakaroon ng Christmas Kantata at Mr. and Ms. Santa Claus ay mangyare sana, sa approval ng ating Principal.
Isa pang isasagawa ng SSLG Officers ay ang pagpapatuloy ng aming serbisyo sa inyo. Ang pangunguna sa mga tamang gawain, ang pagpapasunod sa inyong mga kapuwa ko estudyante at higit sa lahat ay ang pagpuksa sa maling gawain tulad na lamang ng gambling, cutting at smoking. Sa tulong ng mga magulang at g**o ay sisikapin namin na ang mga estudyanteng napupunta sa maling gawain ay mapigil, sa pamamagitan ng pagdedesiplina at tamang pag gabay sa atin.
At bilang namumuno, hangad ko na ang bawat isa sa atin ay mapabuti kaya naman sana ang mga maling gawain ng estudyante ay unti unti na nating bagohin.
May mas higit pang bagay na mas makakatulong sa atin para makapag libang at hindi ang paninigarilyo.
At kung sakali naman na kayo ay hindi mapigilan, ang eskwelahan ay hindi akma para sa inyong maling gawain. Ang SSLG o kahit na sino man ang makakita sa inyong maling gawain, ay may karapatang magsumbong sa inyong advisers.
Ang pagsusumbong na ito ay hindi para magpa sikat, kundi para matulongan kayo at magabayan ng tama. Ngunit sa huli, mas maganda pa din na ang bawat isa ay maging isang magandang ehemplo ng kabataan sa loob at labas ng paaralan.
Kalakip ng patuloy naming serbisyo ay ang Bambayanihan sa paaralan. Dito nakapasok ang kaayosan at kalinisan ng ating eskwelahan.
Sa pangunguna ng SSLG ay patuloy po naming sisikapin na maging isang magandang huwaran sa inyo.
Sa simpleng paglilinis araw araw ng ating mga area, ang pagwawalis ng loob at labas na room. Ang pagkakaroon ng tamang basurahan. Tatlong basurahan;
nabubulok, di-nabubulok at recyclable.
At lalot higit ang pagpapanatili ng kalinisan ng ating Cr na tayo din naman ang nakikinabang.
Bakit nga ba mahalaga na panatilihin ang kalinisan ng ating paaralan ? Sapagkat tayo mismo ang nandito, responsibilidad natin na ayosin, kumilos at pansinin ang mga bagay na di kaaya aya tulad na lamang ng kalat ng basura sa loob ng eskwelahan dahil tayo din naman po mismo ang may dahilan nito.
Tulad na lamang ng narinig ko sa matatanda, na ang kalinisan daw ng ating bahay ay sumasalamin sa iyong pagkatao. At oo tama nga naman ito, dahil kung ikaw ay responsable at madesiplinang mamamayan, sa inyo pa lang tahanan ay ipinapakita mo na ito sa pamamagitan ng pagpapanatili ng kalinisan.
At mga kapuwa ko estudyante, ang eskwelahan ang pangalawa natin tahanan kaya naman ipakita natin na ang Bambanians ay may pag mamahal sa ating paaralan. Panatilihin natin ang kaayosan at kalinisan nito.
Ang pagiging aktibong mag-aaral ay hindi lamang bumabase sa kung gaano kataas ang gradong iyong nakukuha, kundi sa tamang pakiki salamuha din nito sa kapuwa estudyante. Kaya naman, ang eskwelahan ay nagkakaroon ng activities hindi para mag-aliw lamang kundi para hubogin din ang estudyante sa tamang pakiki salamuha nito ng tama sa ating mga kapuwa estudyante at maging sa mga g**o.
Kaya naman, sa pagpasok ng February ay isang event pa uli ang hinahangad ng SSLG na sana ay maaprobahan ng ating minamahal na Principal. Ang Valentines Day, nakapaloob dito ang ibat ibang booth na manggagaling mismo sa ideya ninyo at ang King and Queen with the twist. Yes there's a twist na talagang makakapag paaliw sa atin.
Dumako naman po tayo sa pondo.
Ang pondo po na pumapasok sa SSLG ay nananatiling nasa tamang pangangalaga at ginagamit sa makabulohang bagay, sa pag alis ng SSLG Of SY 2023-2024 ay hinahangad namin na makapag iwan kami ng isang ala-ala na makikita ng mga estudyante lumipas man ang ilang taon.
At sa pamamagitan po ng pondo, sisikapin namin na maipagawa ang opisina ng SSLG ng sa ganun, mas maging inspirado ang susunod na henerasyon ng mag-aaral na mapangalagaan ang pakapag bigay ng serbisyo sa inyo mga kapuwa ko estudyante at sa ating paaralan
At sa patuloy na kaganapan sa eskwelahan, asahan po ninyo na ang serbisyo ng SSLG Officers ay mananatiling aktibo, pinapangakong gagawin pa din namin ang aming mga tungkolin.
Ngunit hindi ko po magagampanan ng ayos ang aking pamumuno ng walang tulong ninyo mga kapuwa ko estudyante.
Inaasahan ko na patuloy pa din po ang inyong suporta at pakikiisa sa akin bilang pangulo ng ating paaralan.
Magagampanan ko po ng ayos ang aking pamumuno kung ang mga taga sunod ay makikiisa. Hangad ko po ang ikakaganda para sa paaralan at aking kamag-aral. Kaya po sana ang inyong pakikiisa ay aking makuha hanggang sa matapos ang aking termino sa paaralan.
Maraming salamat po sa mga taong patuloy na naniniwala sa aking kakayahan, asahan ninyo na gagampanan ko pa din ng tama ang aking serbisyo at handang makinig sa inyong mga opinyon at hinaing.
At sa mga taong hindi naniniwala at ayaw sa aking pamumuno, patawad po. Sana ay makuha ko ang hinahangad ninyo, tanging gusto ko lamang ay ang makakabuti para sa ating lahat.
At tayo po ay nasa iisang eskwelahan, kaya sana manaig sa ating lahat ang pagkakaisa.
Muli, ako po si Erica Briones, ang pangulo ng SSLG Supreme Secondary Learner Government
"Being a leader is not about power, it is about leading people towards the right direction"
Maraming salamat at magandang hapon po.
-2024
