28/01/2026
๐๐จ๐จ๐ฆ-๐ญ๐จ-๐๐จ๐จ๐ฆ ๐๐๐ฆ๐ฉ๐๐ข๐ ๐ง, ๐ข๐ฌ๐ข๐ง๐๐ ๐๐ฐ๐ ๐ฉ๐๐ซ๐ ๐ฌ๐ ๐๐๐๐ ๐๐ฅ๐๐๐ญ๐ข๐จ๐ง
TAGONGON, Tagbina, Surigao del Sur โ Naging masigla at makabuluhan ang isinagawang room-to-room campaign ng mga kandidato para sa School Elementary Learner Government (SELG) Election ngayong umaga sa Mababang Paaralan ng Tagongon. Layunin nitong ipakilala ang mga partido at kanilang mga plataporma sa mga mag-aaral bago ang halalan.
Tatlong partido ang lumahok sa kampanya: ang STARS (Safe, Talented, Active, Responsible Students) na pinamumunuan ni Jeff Scivey Pandac, ang BIDABATA (Bibong, Disiplinado, At Aktibong Bata) sa pamumuno ni Rean Guyzer P. Perandos, at ang KNK (Kaibigan ng Kalikasan) na pinangungunahan ni Shalanie K. Asuncion.
Nilibot ng mga kandidato ang lahat ng silid-aralan mula Kindergarten hanggang Baitang 6, kung saan sila nagpakilala, nagbahagi ng kanilang layunin, at hinikayat ang mga mag-aaral na makiisa sa nalalapit na SELG Election. Masiglang sinalubong ng mga mag-aaral ang bawat grupo at aktibong nakinig sa mga ipinakilalang adhikain.
Ang bawat partido ay may mga adviser na pre-service teachers na gumabay sa kanila sa buong aktibidad sa ilalim ng pangangasiwa ng SELG Adviser na si Bb. Jeneva L. Algones, na nagsig**o na maayos, disiplinado, at makabuluhan ang isinagawang kampanya.
Sa pamamagitan ng aktibidad na ito, mas napalalim ang kamalayan ng mga mag-aaral sa kahalagahan ng pamumuno at pakikilahok sa demokratikong proseso sa paaralan.
