Tagapagtaguyod ng Literatura at Wika - Tagaytay City Science NHS - ISHS

13/07/2026

🤎

𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟔: 𝐏𝐨𝐬𝐭𝐞𝐫 𝐑𝐞𝐯𝐞𝐚𝐥!

Maaari mo nang ma-download o makakuha ng kopya ng poster ng Buwan ng Wikang Pambansa 2026 na may temang "Wikang Filipino at AI: Kasangkapan sa Pananaliksik at Tulay sa Yaman ng Impormasyon.”

Mada-download ang digital na poster at iba pang kolaterals sa: https://hostyurl.com/HB40c1

𝐇𝐢𝐧𝐠𝐠𝐢𝐥 𝐬𝐚 𝐭𝐞𝐦𝐚

Kinikilala ng tema ng Buwan ng Wika 2026 ang magkaugnay na papel ng wikang Filipino at artificial intelligence (AI) para sa makabansang gawain ng pananaliksik. Panawagan ito para sa responsableng paggamit ng AI habang tinitiyak na may makabuluhang espasyo ang Wikang Pambansa sa mga usaping may kinalaman sa mga umuusbong na teknolohiya at kaugnay na usaping pang-etika rito.

Itinuturing ang AI bilang kasangkapan para maiangat pa lalo ang kalidad ng saliksik na inihahandog ng mga Pilipino, unang-una, para sa mga kapuwa Pilipino. Habang kinakasangkapan ang AI, patuloy pa ring tinatahak ng wikang Filipino ang landas ng intelektuwalisasyon na magbubunga ng panloob at panlabas na pagbabago sa bansa. Sa ganitong paraan, kapuwa ang AI at wikang Filipino ay nagiging tulay na gagamitin ng mga Pilipino para sa kanilang pinapangarap na magandang búkas.

Ating ipagdiwang ang ating Wikang Pambansa sa Agosto 2026!

10/05/2026

Maligayang araw sa lahat ng mabubuti at mapagmahal na ilaw ng tahanan!

Happy ’sDay! 🌷

Ngayong araw, taos-pusong pagpupugay at pasasalamat ang ipinaaabot ng buong Department of Education sa lahat ng mga ilaw ng tahanan, sa mga nanay at sa lahat ng tumatayong ina na walang sawang nagsasakripisyo, nag-aaruga, at nagbibigay inspirasyon para sa kinabukasan ng bawat bata.

Kayo ang unang g**o ng pagmamahal, kabutihan, at pangarap. Sa inyong bawat yakap, payo, at sakripisyo, hinuhubog ninyo ang mas malakas at mas mabuting mga kabataan. ❤️

12/02/2026

Gawing makahulugan ang bawat sandali sa pamamagitan ng munting regalong mula sa pagmamahal!

Bisitahin ang Booth ng TANGLAW at pumili mula sa aming Mystery Box na puno ng surpresa, Flower Balloon na siguradong magpapangiti, sariwang mga bulaklak na simbolo ng wagas na pag-ibig, at matatamis na tsokolateng magpapadama ng lambing sa bawat kagat.

Tamang-tama ito para sa iyong minamahal, kaibigan, pamilya, g**o, o kahit para sa iyong sarili. Sapagkat sabi nga, “Ang pag-ibig ay hindi nasusukat sa laki ng regalo, kundi sa lalim ng damdaming ibinibigay.” 💘

Matatagpuan ang aming booth sa bungad lamang ng pathway, katabi ng guard house— madali lang hanapin, di'ba? Kaya, halina at iparamdam ang pag-ibig ngayong Araw ng mga Puso! 🌹🍫

11/02/2026

“Ang tunay na pag-ibig ay tulad ng malinaw na tubig na dalisay, tapat, at nananatiling matatag sa kabila ng anumang pagsubok.”

Ngayong araw, tunghayan natin ang maikling kuwento na “Suyuan sa Tubigan” ni Macario Pineda, isang salaysay ng wagas na pagmamahalan ng magkasintahang Sela at Fidel.

Saksi ang tahimik na pook sa kanilang mga pangarap at pangako, na sa kabila ng mga hamon sa pagkakaiba ng antas sa lipunan, ay nanaig pa rin ang tunay na pag-ibig na hindi nasusukat sa yaman, kundi sa katapatan at tibay ng damdamin.

Ikaw, naniniwala ka bang kayang lampasan ng tunay na pagmamahal ang anumang pagsubok? Halika! Ibahagi ang iyong pananaw sa comment section.

🔍 Zakura Sebastian
✍🏻 Sheera Nobleza
💻 Louise Janel Pangilinan

09/02/2026

Bagong araw, bagong salita ang matututuhan! 🤎

Alam mo ba kung ano ang alimuom? Ito ay ang amoy na nalalanghap natin kapag umuulan matapos ang matinding init ng araw. Galing ito sa magkahalong langis ng mga halaman, bakterya sa lupa, at ulan.

Kaya sa susunod na umulan, subukan mong huminto sandali at namnamin ang amoy ng paligid—baka alimuom na pala ang naaamoy mo.

🔍 Althea Manalo
✍️ Andrea Bendo
💻Cangmaong, Bon, Yabut at Bay

26/01/2026

Bawat araw, may bago tayong matututuhan! 🤎

Ang Pilipinas ay binubuo ng eksaktong 7,641 na isla na nahahati sa Luzon, Visayas, at Mindanao. Ang bawat pangkat ng kapuluan ay may sariling kultura, wika, at kasaysayan na nagpapakita ng yaman at pagkakaiba-iba ng ating bansa.

Sa likod ng dami ng mga isla, mas lalong tumitingkad ang pagkakakilanlang Pilipino na dapat nating ipagmalaki.

Kaya, halina! Sama-sama nating tuklasin at pahalagahan ang ating pagkakakilanlang Pilipino! 🌊

Sanggunian: https://www.facebook.com/share/p/1AYMDEfTw2/

🔍 Andrea Bendo
✍️ Andrea Bendo
💻Cangmaong, Bon, Yabut at Bay

23/01/2026

Panibagong linggo, panibagong Bugtong!
⁠
Alam mo ba? Ang Bugtong ay hindi lamang isang libangan. Bahagi rin ito ng ating mayamang panitikan kung saan ito ay nilikha upang patalasin ang ating isipan.

Kaya naman, tara! Makisagot, makisaya at matutong muli mula sa BugTanong! ✨
⁠
Ang iyong hula, sa komento ay ating pag-usapan. At kung ikaw naman ay tama, tiyak na ito ay aming pupusuan!

🔎: Alyrah Bisuyan
✍🏻: Yuri Tibayan
💻: Zachary Tan, Eloiza Dumugon, Harley Marasigan, Alyrah Bisuyan

21/01/2026

“Ang tunay na pamana ay hindi nasusukat sa halaga, kundi sa aral na naiiwan.”

Ngayong araw, tunghayan natin ang isang kuwento mula sa panulat ni Lamberto Gabriel, na nagpapakitang ang yaman ay hindi lamang nasusukat sa pera at ari-arian.

Dito, isang amang magsasaka ang nag-iwan sa kanyang mga anak ng lupa at mga kasangkapan sa bukid. Sa una, inakala nilang walang halaga nag mga ito. Ngunit sa paglipas ng panahon, napagtanto nilang ang tunay na nais ipagkaloob ng ama ay ang sipag, tiyaga, at dangal ng marangal na paggawa.

🌾 Ikaw, ano ang itinuturing mong pinakamahalagang pamana? Halina! Ibahagi ang iyong pananaw sa comment section.

🔍 Althea Fyfe Gonzales
✍🏻 Zakura Sebastian
💻 Sunnie Cabrillos at Reynaldo Graviles

19/01/2026

Bawat araw, may bago tayong matututuhan! 🤎

Noong 1593, naganap ang kauna-unahang paglimbag ng aklat sa Pilipinas, ang Doctrina Christiana. Nakasulat ito sa wikang Espanyol at Tagalog, at naglalaman ng mga pangunahing aral ng Kristiyanismo.

Higit pa sa pagiging isang aklat, malaki ang naging impluwensya nito sa ating mga pagpapahalaga at kultura.

Kaya, halina! Patuloy na kilalanin ang mga pundasyon ng ating pagkakakilanlan. 🇵🇭📚

Sanggunian: https://www.facebook.com/nationallibraryofthephilippines

🔍 Andrea Bendo
✍️ Andrea Bendo
💻Cangmaong, Bon, Yabut at Bay

17/01/2026

Bagong bugtong ng TANGLAW ay pag-isipan. Halina, basahin at inyong hulaan! 🧠📖

Sagot ay sa comment section natin pag-usapan. Sabay natin muling tuklasin ang wikang Filipino na hitik sa kaalaman! ✨

🔎: Alyrah Bisuyan
✍🏻: Yuri Tibayan
💻: Harley Rose Marasigan, Eloiza Dumugon, Zachary Tan, Alyrah Bisuyan