SIBOL

PASASALAMAT AT PAGBATI!

Lubos ang pasasalamat ng Tacloban City National High School – SIBOL sa aming mga tagasuporta at gabay sa matagumpay na paglahok sa Tacloban City Division Schools Press Conference 2026!

Maraming salamat kay
G. Noel B. Coritana, Prinsipal, Gng. Jeane P. Beron, OIC–Filipino Department Head, Gng Rutchel M. Rosada at Bb. Marian Karren M. Nogal, School Paper Advisers.
Sa inyong walang sawang paggabay at inspirasyon, naabot namin ang tagumpay na ito!

Mabuhay, TCNHS SIBOL!
Patunay kayong ang sipag, talino, at dedikasyon ay daan tungo sa tagumpay.

Mga Nagwagi:

🥇 Christine Angela Cordova
Unang Pwesto, Pagsulat ng Editoryal

🏅 Gianne Enverzo
Ikaapat na Pwesto, Pagsulat ng Kolum

🥉 Christine Ogsimer
Ikalimang Pwesto, Pagsulat ng Lathalain

Kita-kits RSPC 2026 sa Sogod, Southern Leyte!

"Labindalawang Taon Pagkaraan: Mga Sugat na Hindi Malilimot, Pag-asang Patuloy na Sumisibol"

Sa bawat pag-ihip ng hangin tuwing Nobyembre, tila ba sumasabay ang mga alaala ng isang araw na bumago sa kasaysayan ng mga Leyteño, ang araw na sinalanta ng Bagyong Yolanda ang Tacloban at iba pang bahagi ng Kabisayaan. Labindalawang taon na ang lumipas mula noong ika-8 ng Nobyembre 2013, subalit sariwa pa rin sa alaala ang ingay ng malalakas na alon, ang pag-ugong ng hangin, at ang mga iyak ng mga nawalan ng tahanan, pamilya, at pag-asa.

Ang Araw ng Delubyo

Noong araw na iyon, tila sinubok ng kalikasan ang tibay ng bawat puso. Dumating si Yolanda, ang pinakamalakas na bagyong naitala sa kasaysayan ng bansa. Walang sinanto: mga bahay na winasak, mga puno’t poste na pinutol ng hangin, at libo-libong buhay na nawala sa isang iglap. Sa gitna ng dilim, tanging dasal at pagtitiis ang sandigan ng bawat isa.

Pagbangon sa Gitna ng Pagkawasak

Ngunit sa kabila ng pagdurusa, hindi kailanman nagpasuko ang mga Taclobanon. Muling itinayo ang mga paaralan, itinaguyod ang mga kabuhayan, at muling binuo ang mga tahanan. Unti-unti, muling sumilay ang liwanag. Mula sa mga abo ng trahedya, tumubo ang binhi ng pag-asa.

Ang mga kabataang dating saksi lamang ng unos ay ngayo’y naging tinig ng inspirasyon mga g**o, lider, at mamamahayag na patuloy na nagpapaalala. “Hindi lamang kami mga biktima, kami ay mga nakaligtas.”

Alaala at Pananampalataya

Tuwing sumasapit ang anibersaryo ng Bagyong Yolanda, nagiging sagradong sandali ito ng paggunita. Sa mga kandilang sinisindihan at bulaklak na inihahandog, muling sumisiklab ang diwa ng pagkakaisa at pananampalataya. Hindi ito simpleng pag-alaala ng trahedya, kundi isang pagpapatunay na kayang bumangon ng isang bayang may pusong matatag.

Pag-asa sa Bawat Bukas

Labindalawang taon na ang lumipas, at marami na ang nagbago. Ang mga gusaling muling itinayo ay simbolo ng tibay; ang mga batang ipinanganak pagkatapos ni Yolanda ay mga sagisag ng bagong pag-asa. Ngunit higit sa lahat, nananatiling aral ang kalamidad, ang kahalagahan ng pagkakaisa, kahandaan, at malasakit sa isa’t isa.

Sa paglipas ng panahon, hindi kailanman mabubura ang bakas ng Bagyong Yolanda. Ngunit sa puso ng bawat Leyteño, mas malakas pa rin ang hangin ng pag-asa kaysa sa unos ng nakaraan. Bawat unos ngayon ay palakas nang palakas ngunit ang pananampalataya ay magpapatuloy at di matitinag.

TCNHS, Namayagpag sa Social Studies Month Quizathon at Skillathon 2025

Muling pinatunayan ng Tacloban City National High School (TCNHS) ang husay at talino ng mga estudyante nito matapos magwagi sa "Social Studies Month Quizathon at Skillathon 2025" na ginanap noong Nobyembre 6, 2025 sa Leyte National High School (LNHS) sa ilalim ng temang "Social Studies: Fostering Civic Competence, Heritage Awareness, and Global Citizenship.”

Sa naturang patimpalak, nakamit ng TCNHS ang dalawang unang puwesto, tatlong ikatlong puwesto, isang ikaapat na puwesto, at isang ikapitong puwesto, patunay ng dedikasyon at kahusayan ng mga kalahok sa larangan ng Araling Panlipunan.

Unang puwesto ang nasungkit ni Aaron Jeith M. Esquadra sa "Sagisag Kultura Quiz Bee", habang doble namang karangalan ang ibinigay ni Krisha Mae Capagalan ng matapos makuha ang 1st Place sa "Digital Poster Making Contest" at 3rd Place sa "United Nations Quiz Bee".

Hindi rin nagpahuli si Keyrie Elieson T. Enoc na nakakuha ng 3rd Place sa "81st Leyte Landing Quiz Bee", at si Xian Labrague na nagwagi rin ng 3rd Place sa "Geography and Map Reading Contest."

Ayon sa mga kalahok, ang kanilang tagumpay ay bunga ng walang sawang paghahanda, masusing pag-aaral, at gabay ng kanilang mga coach at g**o. “Ang bawat reviewer, ensayo, at pagsasanay ay naging susi sa tagumpay,” ayon sa mga Krisha Mae Capagalan.

Lubos naman ang pasasalamat ng buong paaralan, sa pamumuno ni G. Noel B. Coritana, sa mga g**o at tagapagsanay na sina Meredith C. Carandang, Angelica Bañadora, Rey Ann M. Morden, Jennifer Christa Marie Buenafe, Sir Aureo L. Molabola, Sir Marl Jeric Robillos at Gng. Anita Sorila sila ang patuloy na gumagabay sa mga mag-aaral tungo sa kahusayan at karangalan.

“Sipag at husay na talento, bunga ay panalo!”Tunay na ipinagmamalaki ng buong TCNHS ang kanilang mga mag-aaral na nagbigay ng karangalan sa paaralan.

🖋Keyrie Elieson T. Enoc
📷TCNHS AP Teachers

Hindi Kampeon, Ngunit Isang Inspirasyon

Dalawang mag-aaral mula sa Grade 10 STE ng Tacloban City National High School sina Affine Empty Galos at Jhon David Fabon, ang nagpamalas ng husay at talino sa ginanap na Division Science, Technology, and Mathematics Fair (DSTMF) 2025.

Si Galos ay lumahok sa Division TUKLAS and STEM Innovation Expo 2025 Physical Science (Individual Category) at nagwagi ng ikalawang puwesto, samantalang si Fabon naman ay sumabak sa Division Science Quiz Bee 2025 Junior High School Category at nakamit ang ikatlong puwesto.

Kahanga-hanga ang ipinakitang determinasyon ni Galos nang makipagsabayan sa mga kalahok na Senior High School students. Sa kabila ng pagiging Junior High School pa lamang, ipinamalas niya ang talas ng isip at kahusayan sa paggawa ng research proposal, dahilan upang masungkit ang ikalawang gantimpala.

Hindi rin nagpahuli si Fabon na buong tapang na nakipagsabayan sa kapwa Junior High School participants. Sa kanyang talino, tiyaga, at kumpiyansa, napatunayan niyang karapat-dapat siya sa tagumpay na kanyang natamo.

“I want to thank our dear God for this unexpected blessing, and to everyone who supported me along the way. This achievement isn’t just mine, it’s ours.,” saad ni Galos.

Samantala, ibinahagi naman ni Fabon ang kanyang taos-pusong pasasalamat at karanasang di niya inaasahan, “I wasn’t really expecting it. I only came because I had a lot of lacking activities, but I’m thankful I did. Feels strange, but in a good way. I just hope I made my school proud.”

Bagama’t hindi nila nasungkit ang unang puwesto, itinuturing pa rin silang karangalan at inspirasyon ng TCNHS. Ang kanilang dedikasyon at tagumpay ay patunay na hindi kailangang maging kampeon upang mag-iwan ng marka.

Sa kanilang hangaring mas paunlarin pa ang sarili, parehong nagbabalak sina Galos at Fabon na muling sumabak sa iba pang patimpalak hindi lamang para sa sariling pangarap, kundi upang patuloy na magbigay ng galak at dangal sa kanilang paaralan.

Hindi man naging kampeon, tiyak na sa puso ng bawat estudyante, sila’y naging inspirasyon.

Reviewer sa kaliwa, kape sa kanan
Puyat man, tuloy pa rin ang laban
SIYA, huwag isipin at isantabi,
Para di umasa bukas sa katabi.

Bakuna Eskwela, ipinagpatuloy sa TCNHS sa kabila ng lindol

Tacloban City — Sa kabila ng pagyanig na dulot ng malakas na lindol kamakailan, muling isinagawa ngayong umaga sa Tacloban City National High School (TCNHS) ang programang Bakuna Eskwela upang mapangalagaan ang kalusugan ng mga mag-aaral sa Baitang 7.

Layunin ng programa na maprotektahan ang kabataan laban sa mga nakahahawang sakit sa pamamagitan ng pagbibigay ng Measles-Rubella (MR) at Tetanus-Diphtheria (TD) vaccines. Ang mga ito ay epektibong panlaban sa mga sakit na maaaring magdulot ng komplikasyon kung mapabayaan.

Isa sa mga nabakunahang mag-aaral, si Pajarilio, ay nagsabing, “Medyo masakit at mahapdi ang injection, pero alam kong para ito sa aming kalusugan.”

Pinangunahan ang aktibidad ni Nurse Angelyn Modesto, katuwang sina Nurse Sherry Mae Urgel at Nurse April Jan Beltran, na nagsagawa ng ligtas at sistematikong pagbabakuna. Ayon kay Bb. Modesto, mahalagang maipagpatuloy ang ganitong mga inisyatiba kahit matapos ang lindol upang mapanatiling ligtas at handa ang mga estudyante.

Ang programang Bakuna Eskwela ay bahagi ng health initiative ng Department of Health (DOH) sa pakikipagtulungan ng DepEd School Health Section, bilang tugon sa pangangailangang mapanatili ang kalusugan ng mga kabataan sa gitna ng mga hamon ng panahon.

Sa tulong ng agham at makabagong teknolohiya sa medisina, patuloy na isinusulong ng TCNHS ang adbokasiyang “Kalusugan para sa Kabataan, Agham para sa Kinabukasan.”Ang bawat turok ng bakuna ay simbolo ng pag-asa, hakbang tungo sa mas ligtas, mas malusog, at mas matatag na henerasyon.









✍🏻: Affine Empty Galos

ARAL Program, opisyal nang ipinatupad sa TCNHS

Unang sabak para sa pangarap!
Bilang pagbibigay-halaga sa mga pangunahing pangangailangan ng mga mag-aaral, inumpisahan na ng Tacloban City National High School (TCNHS) ang unang araw ng Academic Recovery and Accessible Learning (ARAL) Program ngayong Oktubre 8, 2025 na pinangunahan ang mga paghahanda ng Koordineytor nito na si Maria Edna R. Bahin at ng iba pang kaguruan ng English Department ng pinamumunuan ni Daisy L. Varona.

Ang walong linggo o dalawang buwang programang ito ay inaasahang mapagtatagumpayan sa tulong ng dalawampu't walong (28) mga Tutors, walo rito ay para sa ARAL-Basic (mga mag-aaral na nahihirapan sa pagbigkas ng mga salita at kailangan pang linangin ang pag-unawa), at ang iba naman ay para sa ARAL-Plus (mga mag-aaral na hindi pa gaanong nalilinang ang kanilang pag-unawa).

Mayroon namang natukoy na dalawang daan at apatnapu't isang (241) mga tutees mula baitang 7 hanggang baitang 10 gamit ang Group Screening Test (GST) sa Philippine Informal Reading Inventory (Phil-IRI) na nilalayong malaman kung naaayon ba ang kakayahan sa pag-unawa ng isang mag-aaral sa kasalukuyan niyang baitang.

Inaasahang ang ARAL Program ay may malaking pagbabago na makikita sa mga mag-aaral. Ito ay magsisilbing isa sa mga hakbang patungo sa unti-unting pag-abot nila ng kanilang mga adhikain at pangarap.

Pagbasa ang Pag-asa: TCNHS, inilunsad ang ARAL Program

Tacloban City NHS — Sa layuning mapaunlad ang kakayahan sa pagbasa at pag-unawa ng mga mag-aaral, pormal na inilunsad ng Tacloban City National High School (TCNHS) ang ARAL Program noong Oktubre 3, 2025, sa isang makabuluhang seremonya na pinangunahan nina Reading Coordinator, Maria Edna Bahin at English Department Head, Daisy L. Varona.

Ang ARAL Program, alinsunod sa Republic Act No. 12028, ay pambansang programa ng Department of Education (DepEd) na naglalayong tugunan ang mga kakulangan sa batayang edukasyon. Sa taong ito, nakatuon ang programa sa literasi o kakayahang bumasa at umunawa, na itinuturing na pundasyon ng lahat ng pagkatuto. Sa pamamagitan ng sistematikong pagtuturo ng mga sinanay na tutors, layunin ng ARAL na gabayan ang mga mag-aaral na hirap sa pagbasa tungo sa pagiging kumpiyansa at malayang mambabasa.

Dinaluhan ng mga magulang, tagapangalaga, at mga kinatawan ng komunidad ang nasabing programa. Kabilang sa mga dumalo sina Edna Bañadora, SPTA Vice President; Josefina Pamor, kinatawan ng Barangay Education Committee; Sonia Marteja, kinatawan ng Barangay Agriculture Committee; at Archie Buena, SK Chairman, bilang patunay ng kanilang buong suportang pakikiisa.

Sa kanyang pambungad na mensahe, binigyang-diin ng ARAL Program Coordinator ang kapangyarihan ng pagbabasa at kung paanong ito ay maaaring magbago ng takbo ng buhay ng mga mag-aaral. Ang kanyang mga salita ay nagsilbing inspirasyon upang mas mapagtanto ng mga magulang at kabataan ang kahalagahan ng pagbabasa sa pag-abot ng tagumpay.

Ibinahagi din ang mga natukoy na benepisyaryong mag-aaral mula Grade 7 hanggang Grade 10 na nangangailangan ng dagdag na gabay sa pagbasa. Hinikayat din niya ang mga magulang na makipagtulungan sa paaralan sa pagtuturo ng mga pangunahing kasanayan sa pagbabasa at pag-unawa. Mga kasanayang mahalaga sa kinabukasan ng bawat mag-aaral.

Buong pusong nagpahayag ng suporta si SPTA Vice President Edna Bañadora, na naniniwalang sa pagkakaisa ng mga g**o, magulang, at komunidad, ay tiyak na magtatagumpay ang programa.
Pinaalalahanan ni English Department Head, Daisy Varona ang mga magulang na huwag mahiya kung kabilang ang kanilang mga anak sa mga tutee. Ayon sa kanya, ang ARAL Program ay konkretong hakbang upang matulungan ang mga batang may kahinaan sa pagbasa.

Bilang pagtatapos ng programa, naglagda sa Commitment Wall ang mga g**o, lider ng estudyante, magulang, SPTA officers, at iba pang stakeholder bilang simbolo ng kanilang suporta at pangako sa pagpapatupad ng ARAL Program.
“Sa Tacloban City National High School, handang-handa na, tara na! ARAL na!”
Isang matatag na panawagan ng pagkakaisa at determinasyon upang gawing mambabasa ang bawat mag-aaral , tunay na hakbang tungo sa mas maliwanag na kinabukasan.

Bawat bata, may gabay,
Bawat pangarap, abot-kamay

💜💜💜

Pormal na pagluklok sa bagong punong-g**o ng TCNHS

Tacloban City, Oktubre 1, 2025 – Sa kabila ng mainit na panahon at blackout dulot ng 6.9 na lindol kamakailan, matagumpay na isinagawa ang Installation Ceremony para sa pormal na pagluklok kay G. Noel B. Coritana bilang Secondary School Principal II ng Tacloban City National High School (TCNHS) sa TCNHS Gymnasium.

Sinimulan ang programa sa pamamagitan ng pagtugtog ng Pambansang Awit at isang panalangin, na sinundan ng Opening Remarks ni Gng. Joelma I. Dagami, PSDS-DLC III / Concurrent OIC School Head. "Salamat sa oportunidad na maging School Head ulit", saad niya.

Isinagawa naman ang Reading of Special Order ni Gng. Naisy L. Brosas, HRMO ng DepEd Division of Tacloban City, na nagpatibay sa pormal na pagkakahirang kay G. Coritana.

Nagbigay rin ng makabuluhang mensahe si Dr. Henrietta T. Managbanag, EdD, CESO VI, Assistant Schools Division Superintendent, na nagpahayag ng buong suporta at tiwala sa bagong pamunuan ng paaralan lalo na sa nalalapit nitong Golden Year Anniversary.

Sa kanyang Acceptance Speech, taos-pusong nagpasalamat si G. Noel B. Coritana at ipinangako ang patuloy na paglilingkod nang may integridad, dedikasyon, at malasakit para sa mga mag-aaral, g**o, at buong pamayanan ng TCNHS.

Pinangasiwaan ang programa ni G. Romulo Wilson John D. Reyes bilang Master of Ceremony. Masigla ring nakibahagi ang mga kaguruan at dating kasamahan mula sa Tacloban National Agricultural School (TNAS)at si Dr. Monina E. Gabrino bilang tanda ng kanilang suporta.

Sa pamumuno ng bagong punong-g**o, at sa pakikipagtulungan ng DepEd Tacloban City Schools Division, nananatiling tapat ang TCNHS sa adhikaing maitaguyod ang dekalidad, inklusibo, at makabuluhang edukasyon para sa lahat ng mag-aaral.

Kainang Pamilya Mahalaga Day: Sama-samang Pagtitipon, Sama-samang Pagmamahalan

Bilang bahagi ng pagdiriwang ng National Family Week, ipinagdiriwang ngayong Setyembre 22, 2025 ang Kainang Pamilya Mahalaga Day. Layunin nitong hikayatin ang bawat pamilyang Pilipino na maglaan ng oras para sa sabayang salu-salo sa hapag-kainan.

Sa kabila ng abalang buhay, mahalagang paalalahanan na ang oras kasama ang pamilya ay hindi mapapantayan ng anumang bagay. Ang hapag-kainan ay nagsisilbing puwang ng pagbabahaginan ng kuwento, pagmamahalan, at pagkakaisa.

Sa bawat simpleng kainan, tumitibay ang samahan, mas nagiging bukas ang komunikasyon, at mas lumalalim ang ugnayan ng bawat isa.

Sa araw na ito, paalala sa lahat na ang pinakamahalagang yaman ay ang pamilya. Sa matibay na pamilya nagsisimula ang matatag na pamayanan at bansa.

Kaya’t bilang mga kabataan makiisa at nawa’y magsilbi itong paanyaya na higit na pahalagahan ang oras sa piling ng pamilya sapagkat ang simpleng pagsasalo ay daan tungo sa mas masayang tahanan at mas maliwanag na kinabukasan.

Isantabi muna ang gadyet, kahit mahigpit ang badyet basta't sama-sama at may pagkakaisa lahat may magagawa at malalampasan lahat ng problema.

Sa paggunita ng “Kainang Pamilya Mahalaga” Day, naglabas ang Malacañang ng Memorandum Circular Blg. 96 na nag-uutos ng suspensyon ng klase at trabaho sa lahat ng tanggapan ng pamahalaan sa ilalim ng Ehekutibong sangay simula ala-una (1:00 p.m.) ng hapon sa Lunes, Setyembre 22, 2025.

Ang paggunita na ito, alinsunod sa Proklamasyon Blg. 60 (s. 1992) at Proklamasyon Blg. 326 (s. 2012), ay nagbibigay-diin sa kahalagahan ng pamilya bilang pundasyon ng lipunang Pilipino. Hinihikayat ang lahat ng mag-aaral at kawani ng pamahalaan na gugulin ang makabuluhang oras kasama ang kanilang mga mahal sa buhay at magnilay sa mga pinahahalagahang birtud na nagpapalakas sa ating mga komunidad.

Pahalagahan natin ang pamilyang Pilipino na pinagmumulan ng ating lakas, pagkakaisa, at katatagan. Sila ang tunay na masasandalan lalo na ngayon na ang buhay ay puno ng iba't ibang pagsubok.