El Kapitan

Ipinagmamalaki kayo ng El Kapitan, Gweneth Frances Montilla at Jermaine! 🤍

Binabati at buong ipinagmamalaki ng buong SNSHS ang matagumpay na pakikilahok ng ating kapwa Niña na sina Gweneth Frances Montilla at Jermaine Codera, mga campus-journalist sa Filipino, sa Regional Schools Press Conference 2026 na ginanap sa Sogod, Southern Leyte mula ika-19 hanggang ika-23 ng Enero, 2026. Sila ay lumahok sa mga patimpalak na Pagsulat ng Editoryal at Pagwawasto at Pag-uulo ng Balita. ✨

Sila ay nakipagtagisan ng galing sa panulat laban sa deligadong mula sa iba’t ibang schools division ng DepEd Region 8.

Ang kanilang paglahok sa nasabing patimpalak ay nagpapakita lamang ng galing at husay ng isang Niño at Niña na kayang makipagsabayan sa mas mataas na antas ng kompetisyon.

El Kapitan, Nagwagi sa Division Schools Press Conference 2026

Tacloban City — Muling pinatunayan ng mga mamamahayag-estudyante ng El Kapitan, ang opisyal na pahayagang pampaaralan ng Sto. Niño Senior High School, ang kanilang husay sa larangan ng kampanyang pampahayagan matapos magwagi sa ginanap na Division Schools Press Conference (DSPC) 2026 ng Schools Division of Tacloban City noong Nobyembre 7–12, 2025 sa Leyte National High School.

Kabilang sa mga nag-uwi ng karangalan ay sina Jermaine S. Codera, na nakamit ang Ika­lawang Gantimpala sa Pagwawasto at Pag-uulo ng Balita, at Gweneth Frances Montilla, na ginawaran ng Ikatlong Gantimpala sa Pagsulat ng Editoryal. Parehong ginabayan ng kanilang tagapagpasanay na si Gng. Mary Rose Ombrog-Piajo, ang dalawa ay magpapatuloy sa pagsabak sa Regional Schools Press Conference (RSPC) 2026 na nakatakdang idaos sa Sogod, Southern Leyte.

Ipinahayag ni Gng. Piajo ang kanyang labis na pagmamalaki sa tagumpay ng kanyang mga mag-aaral. Ayon sa kanya, “Ang kanilang dedikasyon at pagsisikap ay tunay na inspirasyon hindi lamang sa kanilang kapwa mamamahayag, kundi sa buong Sto. Niño Senior High School.”

Bukod sa dalawang nagwagi, lumahok din ang 24 pang mag-aaral na mamamahayag ng El Kapitan sa iba’t ibang kategorya gaya ng pagsulat ng balita, pagsulat ng kolum, pagsulat ng balitang pampalakasan, pagsulat ng akdang pang-agham at teknolohiya, pagguhit ng kartung pang-editoryal, at radio broadcasting (Filipino).

Ang El Kapitan ay patuloy na nagpapaigting sa pagsasanay at paghubog sa mga kabataang mamamahayag upang maisulong ang matapat, responsable, at makabayang pamamahayag sa lokal na antas.

WALANG PASOK MULA LUNES!

Inanunsyo ni Mayor Alfred S. Romualdez ang suspensyon ng klase simula bukas, Nobyembre 3, hanggang Martes, Nobyembre 4, dulot ng inaasahang malakas na bagyong Tino.

Pinapayuhan ang lahat na maghanda at lumikas sa mas ligtas na lugar.

Bagong SNSHS Prince at Princess 2025, Pormal nang Hinirang sa Pagtatapos ng SNSHS Family Day 2025

Sto. Niño, Oktubre 4, 2025 — Isang makulay at masayang selebrasyon ang naganap sa Sto. Niño Senior High School (SNSHS) ngayong ika-4 ng Oktubre 2025, kung saan isinabay ang taunang SNSHS Family Day sa koronasyon ng mga bagong SNSHS Prince at Princess 2025. Tampok sa programa ang paghirang kay Terry Aaron Kaehr bilang bagong SNSHS Prince at kay Jane Valerie Fabilane bilang SNSHS Princess 2025.

Bukod sa pagiging highlight ng Family Day, ang nasabing kompetisyon ay isa ring fund-raising activity na naglalayong makalikom ng pondo para sa pagpapatayo ng bagong entablado ng paaralan — ang SNSHS Stage. Ang proyektong ito ay bunga ng inisyatibo ng School Parent Teacher Association (PTA) sa pakikipagtulungan ng lahat ng mga magulang, g**o, estudyante, at tagapamahala ng paaralan.

Ang patimpalak ay isinagawa upang kilalanin ang karisma, talino, at personalidad ng mga piling mag-aaral, habang isinusulong ang diwa ng pagtutulungan at pagbibigayan sa loob ng komunidad ng paaralan.

Narito ang kumpletong talaan ng mga nagwagi:

SNSHS Prince 2025:
👑 Terry Aaron Kaehr – SNSHS Prince 2025
🥈 Scott Hernan Daño – 1st Runner-up
🥉 Rod Daniel Mabo – 2nd Runner-up
Ryan James Basilio – 3rd Runner-up
Ronald Bacalla – 4th Runner-up
Dante Puyos Jr. – 5th Runner-up
Kian Justine Cañanora – 6th Runner-up
Rey Embodo – 7th Runner-up
Kenth Bajen – 8th Runner-up
Bryan James Escalante – 9th Runner-up

SNSHS Princess 2025:
👑 Jane Valerie Fabilane – SNSHS Princess 2025
🥈 Debbie Love Cadisal – 1st Runner-up
🥉 France Quianne Bolivar – 2nd Runner-up
Yelena Beatriz Han – 3rd Runner-up
Mary Grace Tuyak – 4th Runner-up
Kaira Shyr-Ann Villanueva – 5th Runner-up
Criselda Sipaco – 6th Runner-up
Mary Michaela Tingzon – 7th Runner-up
Junna Mae Diano – 8th Runner-up
Marloth Rice Pascua – 9th Runner-up
Chelsea Miraflor – 10th Runner-up
Sunshine Sayco – 11th Runner-up

Naghatid ng inspirasyon ang mga kalahok sa kanilang pagpapamalas ng kumpiyansa, talino, at dedikasyon. Puno ng sigla ang buong araw habang ang mga pamilya at g**o ay buong pusong sumuporta sa kani-kanilang kandidato.

Ang selebrasyong ito ay hindi lamang patungkol sa tagisan ng galing at ganda, kundi isang paalala na sa kabila ng kompetisyon, mas mahalaga pa rin ang pagkakaisa, pamilya, at pagkakaibigan. Higit sa lahat, ang sama-samang pagsisikap ng buong komunidad ng SNSHS ay patunay na ang pagkilos para sa ikabubuti ng paaralan ay tunay na makakamit kapag may pagkakaisa.

Maligayang pagdiriwang ng araw ng mga g**o! ✨ Ma’am at Sir, maraming salamat po sa lahat ng inyong itinuro at paggabay. ❤️

𝗪𝗔𝗟𝗔𝗡𝗚 𝗣𝗔𝗦𝗢𝗞 | The City Government of Tacloban releases Executive Order No. 2025-09-048, suspending classes in ALL LEVELS (PUBLIC and PRIVATE Schools) and government work tomorrow, September 26, 2025 due to the possible threats of Severe Tropical Storm .

Currently, Tacloban City is under Storm Signal No. 1. The City Government urges everyone to stay safe, remain vigilant, and monitor official channels for further updates.

Bilang pagpapahalaga sa ating Pambansang Wika, ang Wikang Filipino, alamin natin ang ilan sa mga mahahalagang pangyayari sa ating kasaysayan na may kaugnayan sa pagbuo ng ating wikang pambansa, ang wikang nagbubuklod at nagkakaisa sa atin bilang mga Pilipino. 🇵🇭

TINGNAN: Ilan sa mga naging highlights sa idinaos na Mr. and Ms. Friendship 2025 kaugnay ng SNSHS Students’ Acquaintance Party noong ika-8 ng Agosto, 2025.

📷 Angel Margallo

TRIBO BALANGAW, KAMPEON SA SPORTS FEST 2025 NG STO. NIÑO SHS

Sto. Niño Senior High School, Hulyo 30 — Nag-alab ang diwa ng palakasan at pagkakaisa sa isinagawang Sportsfest 2025 ng Sto. Niño Senior High School noong Hulyo 29–30, na nilahukan ng limang koponang-tribo: Tribo Sigabo, Tribo Balangaw, Tribo Luna, Tribo Kadayaw, at Tribo Kalayo.

Sa loob ng dalawang araw, nagpasiklaban ang mga mag-aaral sa iba't ibang larong pampalakasan tulad ng basketball, volleyball, badminton, at chess, gayundin sa mga patimpalak na laro ng lahi at Mobile Legends. Nasubok rin ang husay at pagkamalikhain ng bawat tribo sa masigabong Cheers and Chants Competition.

Sa pagtatapos ng palaro, itinanghal na Overall Champion ang Tribo Balangaw, na sinundan ng Tribo Kadayaw sa ikalawang puwesto, Tribo Luna sa ikatlo, Tribo Sigabo sa ikaapat, at Tribo Kalayo sa ikalimang puwesto.

Ang taunang sportsfest ay layong paigtingin ang sportsmanship, teamwork, at school spirit sa hanay ng mga mag-aaral habang nagbibigay daan sa isang mas masigla at makabuluhang karanasang pampaaralan.