28/08/2025
Isang makulay at makasaysayang pagtatanghal ang ipinakita ng SOCIO-CULTURAL CLUB 🔥 bilang bahagi ng pagdiriwang ng Buwan ng Wika 🇵🇭 ngayong Agosto 28, 2025. Sa bawat kumpas ng gangsa, at indak ng paa, ipinapakita namin ang pagmamahal ❤️ at pagpapahalaga sa ating mayamang kultura at tradisyon. Ito’y hindi lamang isang palabas, kundi isang simbolo ng pagkakaisa, kasaysayan, at dangal ng ating mga ninuno.
Sa bawat sayaw na aming isinayaw at tugtugin na aming pinatunog, ramdam namin ang koneksyon sa ating lahi—isang paalala na ang ating kultura ay dapat ingatan at ipagmalaki. Nawa’y magsilbi itong inspirasyon sa lahat na ipagpatuloy ang paglinang at pagpapalaganap ng ating sariling wika at kultura.
Mabuhay ang kulturang Pilipino, at mabuhay ang ating pagkakaisa bilang isang bansa! 🇵🇭✨
✍️: President Maricar Magallis
📷: Pres. Maricar Magallis, VP Junace Balasi
