Tabuk City National High School Peer Support Group

Part 2:

📸: Princes Zurc Benzon, Kwadro Saclag, Raphael Miramonte

🏃‍♂️𝑴𝒂𝒌𝒖𝒍𝒂𝒚 𝒏𝒂 𝑻𝒂𝒌𝒃𝒐 𝒏𝒈 𝑷𝒂𝒈𝒌𝒂𝒌𝒂𝒊𝒔𝒂: 𝑻𝑪𝑵𝑯𝑺 𝑪𝒐𝒍𝒐𝒓 𝑭𝒖𝒏 𝑹𝒖𝒏 𝒎𝒂𝒕𝒂𝒈𝒖𝒎𝒑𝒂𝒚 𝒏𝒂 𝒈𝒊𝒏𝒂𝒏𝒂𝒑 𝒑𝒂𝒓𝒂 𝒔𝒂 𝒊𝒌𝒂-54 𝒏𝒂 𝑭𝒐𝒖𝒏𝒅𝒊𝒏𝒈 𝑨𝒏𝒏𝒊𝒗𝒆𝒓𝒔𝒂𝒓𝒚🏃‍♀️🏃

Ginanap ang "first ever funrun" sa Tabuk City National High School bilang isa sa mga programang isinagawa para sa selebrasyon ng 54th founding anniversary, ngayong biyernes.

Pinangunahan ng 𝐓𝐂𝐍𝐇𝐒𝐄𝐀, 𝐆𝐮𝐢𝐝𝐚𝐧𝐜𝐞 𝐔𝐧𝐢𝐭, 𝐒𝐜𝐡𝐨𝐨𝐥 𝐂𝐥𝐢𝐧𝐢𝐜, 𝐚𝐭 𝐏𝐞𝐞𝐫 𝐒𝐮𝐩𝐩𝐨𝐫𝐭 𝐆𝐫𝐨𝐮𝐩 (𝐏𝐒𝐆) ang paghahanda ng nasabing aktibidad. Nilahukan ito ng mahigit 100 na mag-aaral, alumni, at mga kawani ng TCNHS, na sama-samang nakilahok sa makulay na takbuhan na naglalayong palakasin ang pagkakaisa at kalusugan ng komunidad ng paaralan.

Nakiisa rin sa matagumpay na pagsasagawa ng programa ang iba't ibang organisasyon ng paaralan tulad ng 𝐁𝐊𝐁, 𝐒𝐒𝐋𝐆, 𝐈𝐏𝐒𝐎, 𝐘𝐄𝐒-𝐎, 𝐒𝐓𝐄𝐌 𝐂𝐥𝐮𝐛, 𝐑𝐂𝐘, 𝐓𝐋𝐄 𝐂𝐥𝐮𝐛, 𝐓𝐕𝐋 𝐂𝐥𝐮𝐛, 𝐚𝐭 𝐌𝐀𝐏𝐄𝐇 𝐂𝐥𝐮𝐛, na tumulong sa koordinasyon at pamamahala ng mga gawain sa buong takbuhan.

Samantala, tiniyak naman ng 𝐁𝐅𝐏, 𝐂𝐃𝐑𝐑𝐌, 𝐏𝐍𝐏, 𝐚𝐭 𝐏𝐎𝐒𝐎 ang kaligtasan at kaayusan ng buong ruta upang masig**ong ligtas ang bawat kalahok mula simula hanggang matapos ang aktibidad.

Ipinakita rin ni 𝐉𝐨𝐬𝐞𝐥𝐢𝐭𝐨 𝐂𝐚𝐛𝐞𝐥𝐥𝐨, punong g**o ng paaralan, ang kanyang buong suporta sa programa kasama si Assistant Principal 𝐁𝐨𝐛𝐛𝐲 𝐋𝐢𝐜𝐮𝐝𝐢𝐧𝐞. Bago magsimula ang takbuhan ay nagbigay sila ng mensaheng puno ng inspirasyon at paghihikayat sa mga kalahok na ipagpatuloy ang aktibong pamumuhay.

Layunin ng programang ito na itaguyod ang pisikal na kalusugan at mental well-being ng mga mag-aaral, kasabay ng pagpapalakas ng samahan at pakikipagkapwa sa loob ng komunidad ng TCNHS. Bahagi rin ito ng adbokasiya ng paaralan na hikayatin ang mga kabataan na maging aktibo at magkaroon ng mas malusog na pamumuhay.

Ayon kay 𝐉𝐨𝐡𝐧 𝐋𝐞𝐨 𝐌𝐨𝐥𝐢𝐧𝐚, isang atletang mag-aaral mula sa TCNHS, mahalaga ang pakikilahok sa mga ganitong gawain dahil nakatutulong ito upang mas mapabuti pa ang kanilang kakayahan sa pagtakbo at mapanatili ang isang healthy lifestyle.

Bilang pagkilala sa kanilang pagsisikap, iginawad ang medalya sa Top 20 finishers bilang simbolo ng kanilang determinasyon at pagsusumikap sa takbuhan.

“𝐖𝐡𝐚𝐭 𝐦𝐨𝐭𝐢𝐯𝐚𝐭𝐞𝐬 𝐦𝐞 𝐭𝐨 𝐣𝐨𝐢𝐧 𝐭𝐡𝐢𝐬 𝐟𝐮𝐧 𝐫𝐮𝐧 𝐢𝐬 𝐛𝐞𝐜𝐚𝐮𝐬𝐞 𝐈 𝐰𝐚𝐧𝐭 𝐭𝐨 𝐞𝐱𝐜𝐞𝐥 𝐢𝐧 𝐦𝐲 𝐬𝐩𝐨𝐫𝐭𝐬 𝐚𝐧𝐝 𝐭𝐨 𝐦𝐚𝐤𝐞 𝐦𝐲 𝐟𝐞𝐥𝐥𝐨𝐰 𝐚𝐭𝐡𝐥𝐞𝐭𝐞𝐬 𝐩𝐫𝐨𝐮𝐝,”
pahayag ni Mayo Esquivel, isa sa mga kabilang sa Top 20 finishers.

Lubos namang nagpapasalamat ang Tabuk City National High School sa mga indibidwal at tanggapan na nagbigay ng suporta at sponsorship upang maging matagumpay ang programa:
• 𝑶𝒇𝒇𝒊𝒄𝒆 𝒐𝒇 𝒕𝒉𝒆 𝑷𝒓𝒐𝒗𝒊𝒏𝒄𝒊𝒂𝒍 𝑮𝒐𝒗𝒆𝒓𝒏𝒐𝒓 𝒉𝒆𝒂𝒅𝒆𝒅 𝒃𝒚 𝑮𝒐𝒗𝒆𝒓𝒏𝒐𝒓 𝑱𝒂𝒎𝒆𝒔 𝑩. 𝑬𝒅𝒅𝒖𝒃𝒂
• 𝑽𝒊𝒄𝒆 𝑴𝒂𝒚𝒐𝒓 𝑫𝒊𝒄𝒌 𝑩𝒂𝒍-𝒐
• 𝑻𝑪𝑵𝑯𝑺 𝑨𝑳𝑼𝑴𝑵𝑰 𝒐𝒇𝒇𝒊𝒄𝒆
• 𝑳𝒆𝒕𝒕𝒚 𝑱𝒖𝒏𝒆 𝑳. 𝑩𝒊𝒅𝒆𝒔
• 𝑱𝒐𝒄𝒆𝒍𝒚𝒏 𝑫. 𝑷𝒍𝒂𝒏
•𝑨𝒒𝒖𝒂𝒘𝒆𝒔𝒕 ( 𝑲𝒂𝒕𝒆𝒍𝒚𝒏 𝑵𝒂𝒐𝒚 𝑩𝒓𝒊𝒐𝒔𝒐𝒔 𝒂𝒏𝒅 𝑭𝒂𝒎𝒊𝒍𝒚)
• 𝑨𝒄𝒆 𝑴𝒂𝒍𝒂𝒏𝒏𝒂𝒈
• 𝑱𝑷 𝑵𝒂𝒐𝒚 𝑺𝒕𝒐𝒓𝒆
• 𝑵𝒂𝒐𝒚 𝑮𝒓𝒐𝒄𝒆𝒓𝒚
• 𝑺𝒉𝒊𝒆𝒍𝒂 𝑻𝒐𝒓𝒐𝒈𝒊
• 𝑮𝒆𝒏𝒆𝒗𝒊𝒆𝒗𝒆 𝑫𝒂𝒈𝒐𝒉𝒐𝒚

Makikita sa mga ngiti ng mga kalahok ang saya at tagumpay ng aktibidad. Dahil dito, ipinangako ni PSG President 𝐊𝐢𝐚𝐧 𝐃𝐚𝐠𝐨𝐡𝐨𝐲 sa patnubay ng PSG Adviser/Guidance Counselor, 𝐉𝐮𝐧𝐞𝐧𝐚 𝐋. 𝐌𝐚𝐭𝐚𝐦𝐦𝐮, at ng Guidance Counselor, 𝐉𝐚𝐬𝐦𝐢𝐧 𝐏. 𝐏𝐢𝐦𝐞𝐧𝐭𝐞𝐥, na hindi lamang ito mananatiling isang beses na kaganapan, kundi layuning ipagpatuloy ang Color Fun Run sa mga susunod pang taon bilang bahagi ng pagpapalakas ng pagkakaisa at kalusugan ng komunidad ng TCNHS. 🎨🏃‍♂️

✒️: Rayen Yzma Garnacha
📷: Kwadro Uno Saclag , Raphael Yniego Ibcas Miramonte