Aklatan sa Kabukiran

Sa bawat araw na lumilipas
Sa bawat oras na inilalaan
Nagbibigay sila ng kanilang buong puso
Upang bawat estudyante'y matuto nang husto

Silang mga g**o na magigiting
Na walang pagod sa pagtuturo
Sa bawat pangarap at layunin
Sila ang aming gabay at inspirasyon

Sa kanilang pagmamahal at dedikasyon
Sa bawat araw na kanilang ginugol
Kami'y nagpapasalamat nang taos-puso
Sa kanilang walang sawang pag-aalay ng serbisyo

Bilang mga mag-aaral, kami'y magpapatuloy
Sa pag-aaral at hangarin
Dahil sa inyong mga pangarap
Kami'y magsisikap nang may dedikasyon

Aming mga Maestro Ehemplo, kayo ang aming ilaw
Sa landas ng aming paglingap at tagumpay
Maraming salamat sa inyong lahat
Sa inyong pagmamahal at pagmamalasakit.

YPENCIL ON THE GO!

Sa pangunguna ng mga YPENCIL leaders ay muling binigyan nila ng kulay ang AKLATAN SA KABUKIRAN. Kasama nila ang mga bata ng Gawad Kalinga Pangarap Village kung saan makikita sa ngiti ng mga bata na sila ay natuwa habang pinipintahan nila ang Aklatan gamit ang kanilang sariling kamay.

At sa pagpapatuloy ng pagpanday ng mga kakayahan at kaalaman ng mga kabtaan sa GK Pangarap Village, nandiyan ang kanilang mga Ate at Kuya sa YPENCIL upang sila ay gabayan.

Kaya naman ka-Aklatan kung nais mong magpaabot ng iyong tulong sa Aklatan upang mas mabigyan pa sila ng sapat na mga materyales para sa Aklatan at para sa mga bata magpadala lang ng personal na mensahe kay Kuya Jules at Kuya Jan Michael Delosreyes Espia

Salamat Karajaw mga Ka-Aklatan!

Gawad Kalinga Pangarap Village Kids enjoyed the Film Showing and Play Time activity prepared by YPENCIL Youth Leaders. It became a magical adventure at our Kids Film Showing and Playtime Activity! We let the kids imagination run wild as they watch an exciting movie and then dive into fun-filled playtime activities. Get ready for a day of laughter, games, and endless entertainment every Sunday in Aklatan sa Kabukiran 🌟🎥🎉

✨Pasko ang Pinaka Magandang Kwento🎄✨

Ngayong gabi habang nagpapahinga at patuloy na nagmumuni-muni, aking pinanood ang Kapamilya Christmas Station ID.

Tulad ko marahil naantig din ang inyong mga puso dahil sa mensaheng dala ng station ID na ito. Ito ay nagbibigay sa akin ng inspirasyon na patuloy na magmahal, lumaban, at sumulong bilang isang tao.

Tunay na ang Pasko ang pinaka magandang kwento sa ating mga pilipino di lang dahil tayo ang pinakamahabang nagdirieang ng pasko, damang-dama mo din ang pagmamahalan at pagbibigayan ng isa’t-isa.

Sabi nga sa lyrics ng kanta na ito:

Ilang ulit man ang dilim
Sa buhay nati'y dumating
'Di papanaw, 'di mauubos
Ang mga bituin
Ang magbigay ng sarili sa isa't isa
Ito ang kwento ng Pasko
Ito'y liwanag ng mundo

Kaya naman mga Mahal ko, kasama kayo sa pagdiriwang ng Pasko ang pinakamagandang kuwento sa buhay ko!

Maagang Pagbati ngayong araw ng Pasko!

ABS-CBN Christmas Special ID 2023 | Pasko Ang Pinakamagandang Kwento Saan mang sulok ng daigdig, ang mga kwento ng ating pag-ibig at pagsasama ang mananaig ❤️🎄💙Mga Kapamilya, handog po namin sa Maykapal at sa inyo — ...

Hello mga Ka-Aklatan!

Papalapit na po ang pasukan sa mga pampubliko at pribadong paaralan. Kaya naman kami sa Aklatan sa Kabukiran ay nais makatulong sa mga bata at kabataan sa kanilang pag-aaral ngayong darating na pasukan.

Maliban sa ligtas na espasyo na kanilang pwedeng maging pangalawang silid aralan ay ninanais ng aming grupo na makapagbigay sa 100 na bata at 50 na kabataan ng karagdagang kagamitan sa kanilang pag-aaral.

Kaya kami ay kumakatok sa inyong mga mabubuting puso. Kayo ay maaaring mag-sponsor ng isang bata o kabataan na inyong bibigyan ng kanilang paunang kagamitan sa pag-aaral.

Muli, kung nais niyong magbigay ng tulong ay maaari lamang na magpadala ng mensahe sa aming FB page o magkomento sa post na ito. O di kaya ay magpadala ng inyong tulong sa mga sa impormasyon na makikita sa litrato sa ibaba.

Salamat Karajaw!

Call for Applications: GBF TeachSTEM Scholarships | Application Deadline: July 31, 2023

Gokongwei Brothers Foundation is now accepting applications for the GBF TeachSTEM College and Master's Scholarship Programs.

Through TeachSTEM, GBF supports pre-service and in-service teachers in becoming champions of STEM education and meaningful student learning experiences.

Since its founding in 2018, GBF TeachSTEM has graduated 24 scholars and currently supports 349 scholars.

This year, GBF is looking for 142 new TeachSTEM college and master's scholars. The application deadline is on July 31, 2023.

🔗 Read the scholarship details and application process here: https://bit.ly/gbfteachstem

➡️ Apply for TeachSTEM College: https://bit.ly/gbftscollege2023
➡️ Apply for TeachSTEM Master's: https://bit.ly/gbftsmasters2023

Ang LIBRO o tinatawag ring AKLAT o BOOK sa salitang Ingles. Kung saan ito ay kinapapalooban din ng mga larawan upang suportahan o higit na maipaliwanag ang mga impormasyong nais nitong ipahatid.

Mayroon din na iba't-ibang uri ng libro isa na nga rito ang " storybook" kung saan ito ay naglalaman ng mga kuwento na kapupulutan ng aral ng mga mambabasa.

Kaya naman lubos ang pasasalamat ng Aklatan sa Kabukiran sa ipinaabot na mga storybooks ng Gokongwie Brothers Foundation.

Tiyak na matutuwa ang mga bata ng Aklatan sa muli nitong pagbubukas dahil marami na naman silang mababasang bagong kuwento na kapupulutan nila ng aral na maibabahagi nila sa kanilng mga kalaro at kamag-aral!

Muli, Maraming Salamat!

Bangon Aklatan sa Kabukiran Update:

Ilang buwan na rin ang nakakalipas noong sinimulang i-rebuild ang Aklatan sa Kabukiran. Sobrang dami ng naging aberya dahil pabugso-bugso pa din ang malakas na ulan at may kasamang pagbaha pero hindi pa rin kami nawalan ng pag-asa. At patuloy pa din na isinasakatuparan ang muling pagbangon ng Aklatan sa Kabukiran.

Sa ngayon ay patuloy pa rin ang "REBUILDING NG AKLATAN SA KABUKIRAN" at dahil sa inyong suporta at dasal kami ay naniniwala na muling mabubuksan ang Aklatan sa Kabukiran para magbigay ng pag-asa sa bawat kabataan na nangangarap maabot ang kanilang mga pangarap!

Hello mga Ka-Aklatan!

Sa kasalukuyan ay patuloy pa rin ang ating pagsasaayos ng Aklatan sa Kabukiran. Kami ay nagpapasalamat sa mga dumating na libro, laruan, materyales pang-edukasyon, costumes at iba pang mga gamit na maaaring magamit ng mga kabataan sa muling pagbubukas ng Aklatan sa Kabukiran

Muli, Maraming Salamat sa Library Hub Philippines at sa kanilang mga donors sa patuloy na pagsuporta ng aming adhikain. Asahan po ninyo na hindi namin sasayngin ang tulong na inyong ipinaabot.

Aklatan sa Kabukiran Update:

Sa kasalukuyan ang Aklatan sa Kabukiran ay nasa estado ng "pagbangon", kung saan ang bayanihan ay patuloy na nanaig sa komunidad ng Gawad Kalinga Pangarap Village.

Hinding-hindi rin matatawaran ang suportang hatid ng mga iba't-ibang mga donasyon nanggaling sa mga indibidwal at organisasyon na may mabuting puso at gustong maghatid ng pag-asa sa mga kabataan ng Gawad Kalinga.

Ang Aklatan ngayon ay patuloy na bumabangon upang magbigay tulong sa mga kabataan na magkaroon ng isang ligtas at kaaya-ayang lugar upang pandayin ang kanilang mga kaalaman at kakayahan lalong-lalo na sa kakayahang magbasa, wastong pakikipagkomunikasyon, pakikisama at iba't-iba pang mga kasanayan.

Magandang Buhay mga Ka-Aklatan!

Sa patuloy na pagdami ng porsyento ng mga kabataan na hindi nahihilig sa pagbabasa o pagkakaroon ng kakulangan sa kasanayan ng pagbasa ay mas higit na kailangan ng mga kabataan ngayon ng suporta.

Kaya naman ang Aklatan sa Kabukiran ay nagkaroon ng partnership sa isang privadong organisasyon na kung tawagin ay NABU. Si Nabu ay isang Non-Government Organization na naglalayon na mabigyang pag-asa ang kabataan na matuto pang bumasa at maging mahilig sa pagbasa. Nitong nakaraang buwan lamang ay inilunsad ng NABU ang kanilang app na tinatawag na " NABU: Multilingual Kids Books" kung saan ito ay magsisilibing Aklatan ng mga iba't-ibang istorya na orihinal na sinulat ng mga manunulat ng NABU.

Ang NABU APP na ito ay naglalaman ng iba't-ibang istoryang pambata na tiyak na kagigiliwan nila. Mayroon ang English Story, Tagalog Story at mga Story na isinalin sa iba't-ibang dialect.

Sa ngayon ay mayroon pa lamang 45 Istorya ang nasa app na ito pero punong-puno ito ng aral at pwede pang maging bonding niyo ng inyong mga o pagsasanay ng inyong mga anak.

TANDAAN: Libre po ang App na ito at walang bayad kaya naman DOWNLOAD NA!!!

Sabay-sabay po tayong MATUTO upang ang susunod na henerasyon ang MAGING PAG-ASA NG ATING NASYON!

(P.S: Tignan ang mga litrato kung paano ito ma-download o gamitin. At maaari niyo rin pong i-click ang link na ito upang idownload https://play.google.com/store/apps/details?id=org.libraryforall.simplified )

Magandang Buhay mga📗Ka-Aklatan!
Ilang buwan na ang nakalipas simula ng nagupdate tayo patungkol sa kasalukuyang proyekto ng Aklatan sa Kabukiran, kaya naman nais namin na ipaalam na sa patuloy nating paghingi ng suporta sa iba't-ibang indibidwal at organisasyon.

Ang Aklatan sa Kabukiran ay buong pusong nagpapasalamat kay Nigel Jeon at sa bumubuo ng The Sum of Nigel www.nigeljeon.com sa suporta na kanilang ipinaabot sa halagang Php. 5,000.

Ang inyong donasyon ay gagamitin sa mga sumusunod:
🏗️ Karagdagang Materyales
- Ito ay magagamit upang makabili ng iba pang materyales na sa pag-gawa ng mga kagamitan sa loob ng Aklatan tulad ng Bookshelves at iba pa.
📝 Materyales Pang-Edukasyon
- Ito ay gagamitin natin sa pambili ng mga "school materials" na maaring magamit ng mga kabataan at iba pang gagamit ng Aklatan sa tuwing sila ay bibisita.

Kaya naman abangan natin ang muling pagbubukas ng AKLATAN SA KABUKIRAN!

Muli, Maraming Salamat sa inyong pagtitiwala at patuloy na suporta sa aming adbokasiya.