Manhuyay Elementary School

Pahinumdom sa mga ginikanan sa Manhuyay Elementary School magsugod na ang atong klase karong September 13, 2021.
Kini ang mga butang nga dapat nato hinumduman sa panahon sa klase.😊🥰
1. Andamon nato ang atong mga anak. Sultihi sila nga magsugod na ang klase. Modular learning gihapon ta kay dili pa pwede ang face to face.
2. Bisan wala pa tay face to face, regular gihapon ang pagmata sa buntag ug sa tamang oras ang pag answer sa mga modules. Sundon nato ang Home Learning Plan nga ihatag sa magtutudlo para sa atong mga anak.
3. Pangitae sila ug lugar sa inyong balay kung asa sila pwede makatuon nga walay disturbo. Dapat limpyo, hayag ug insakto sa mga gamit sama sa ballpen, papel, lapis ug uban pa.
4. Ibutang ang schedule time sa lugar nga dali lang makita para magiyahan ang bata ug mga ginikanan. Kinahanglan pod sa bata ang recess/break time.
5. Sa pag answer sa modules,dili ang mama, papa, ate o kuya ang mo sulat sa answer, pasagdihi nga maningkamot ang bata nga maoy mobasa og mosulat sa answer kay importante nga naa sila makat-onan sa ila mga leksyon. Ang mga ginikanan igo lang mo giya og mopasabot sa mga anak kung adunay gikalibogan sa pag answer.
6. Paanseri ang modules o activity sheets sa tamang eskidyol aron dili kaayo mabug atan ang atong mga anak sa pag answer.
7. Kung adunay gikalibogan sa modyul, pwedy kamo mangutana sa mga magtutudlo,etext, o tawag lamang kamo o kung walay signal o cellphone pakigkitae ang maong magtutudlo sa eskwelahan.
8. Kanunay kamong magsuot sa facemask og faceshield kung moadto kamo sa skwelahan og atong batasanon ang 2 meters physical distancing aron makalikay kita sa maong virus.

Atong himumduman mga nanay og mga tatay nga kabahin kita sa pag edukar sa atong mga anak. Kamo , kaming mga magtutudlo og ang tibook kumunidad kabahin kini sa paglambo sa mga kabataan. Magtinabangay kita para sa kaugmaon sa atong mga anak.

KEEP SAFE EVERYONE

Kaninyo matinahuron,

MES teaching staff

sa Bata, Para sa Bayan!
Edukalidad


9 Comments