12/08/2020
Teachers on the New Normal
03/08/2020
📍 PAHINUMDOM ALANG SA TANAN GINIKANAN SA TOMAS FLORYA EDER MES 📍
Hapit na ang Agosto 24. Adlaw nga mag-sugod na an klase. Amo ini an mga butang na ato himumduman:
🚩 Wayay ato face-to-face class interaction tungod kay waya pa man ang bakuna sa Covid-19. Sa ato pa, dili kinahanglan nga muadto an ijo mga anak sa eskuylahan.
🚩 An paagi sa pagtudlo dili lamang sa online o internet. Jaoy ato tagtawag na Modular ug Blended Learning nga pwede magamit an ato cellphone, TV ug radio. Pwede ra sab gani nga mag Modular Learning an ato mga bata kon waya kitay cellphone, TV ug radio. Dili ta dapat mag-panic ug pamalit ini na mga butanga.
🚩 Dili sab nato baligya ang modules. Ini taghaguan paghimo nan ato mga magtutudlo na haum sa lebel sa pagkat-on sa ato mga anak. Ini ipagamit sa mga bata na wayay bayad.
🚩 Ajaw sab anay nijo pangaju-a ang 1st to 4th quarter na modules. Ato ra hinay-hinayon kay an pagkat-on, amo ra sa pagkaon, hinay-hinay sab para masiguro nga masabtan sa bata ang leksyon matag module.
🚩 Ajaw pag-panic sa pagpalit sa mga baligya online pariha sa wifi modem, laptops, gadgets, workbooks, printers hilabi na kung lisud karajaw an ato kahimtang. Nakasiguro ta nga mutaas an presyo ini na mga butanga kay lage "in demand" kuman na mga panahona.
🚩 Ajaw ka stress sa pagtudlo sanan giya sa ijo mga bata sa pag-tubag sa module. Jaon si Ma'am, si Sir ug ang learning facilitator sa ijo lugar na pwede kaw makapangutana. Pangaju lamang sa ila numero sa cellphone, facebook account, para sajun ra para sa imo ang pagtawag ug pagpangutana.
🚩 Sa ini na panahon sa pandemya, kinahanglan nga mas pahugtan pa nato ang pagtinabangay sa mga ginikanan ug magtutudlo para pagsiguro na ang ato mga anak, padajun an pagkat-on, padajun ang pag-ugmad sa ila tagsa-tagsa ka kaugalingon. Inin ato taghimo para sa matag batan-on/kabataan dri sa Surigao sanan sa lain pang kasikbit nga lugar.
🚩 Palihug sa balik-balik sa pagbasa. Kon jaoy kitay way masabti, pangutana lamang sa ato mga awtoridad sa Surigao City District 2 or sa Division of Surigao City diin kita nasakop.
🔰 Ang NEW NORMAL nagdaya nan dako na hagit sa ato tanan mga tinun-an, ginikanan, magtutudlo sanan sa tibuok komunidad. Ato tabangan ug abagan ang matag isa sa ato. Ang Ginoo permaninte man magtabang nato tanan ug manghinaut ta nga ang tanan jaon sa luwas, kapiskay, ug marajaw na panlawas!🔰
CTTOcopypaste
03/08/2020