19/07/2015
Pilipinas: Kulturang Pinangangalagaan
SPA9 Conrado Judith
Ang ating bansa ay tahanan ng iba’t-ibang kultura at paniniwala na dapat ipagmalaki sa buong mundo. Ito ay dapat na pangalagaan sa gayon, makikilala pa rin tayo dahil sa ating kultura sa mga susunod pang henerasyon.
Pagiging maasikaso sa mga bisita, paghahanda tuwing pasko o mga okasyon at paglalamay sa mga patay ito ay isa sa mga kulturang labis na ipinagmamalaki nating mga Pilipino nang dahil sa pinaglalalanan talaga natin ng labis na panahon kahit ang isang miyembro nang pamilyang ito ay pumanaw na, naghahanda tayo ng pagkain upang may maipakain sa mga bisitang nakikiramay hanggang sumikat ang bukang liwayway ay ilan na lamang sa mga kulturang patuloy pa ring isinasagwa hanggang sa kasalukuyan. Maasikaso tayo sa mga bisita para maipakita ang pagrespeto at maligayang pagtanggap sa mga panauhin. Tayo ay may kulturang naiiba at natatangi kung ikukumpara sa ibang bansa .maaaring maraming nagsasabing mas nakahihigit ang ibang bansa sa atin pagdating sa mga kultura’t paniniwala ngunit ang ating sariling kultura ay higit na natatangi at naiiba kung ikukumpara sa kanila .Nakahihigit tayo ng labis pagdating sa mga tradisyon dahil sa kahit minasa’y nakaklimutan na natin ang iba nating mga nakasanayang gawain na ipinamana ng ating mga ulirang mga ninuno na kanila pang ipinaglaban at binuwisan ng buhay upang maipakilala at maipamana lang nila sa atin hanggang ngayon at upang maipamana rin natin ito sa susunod pang mga taon at henerasyon.
Ang Pilipinas ay masasabi nating mayaman sa ibat-ibang paniniwala. Ang paniniwalang nakagisnan ang siyang sumasalamin sa estado ng pamumuhay at kulturang isinasabuhay ng mga mamamayang Pilipino.Kung walang mga paniniwala walang kultura ang isang bansa. Marami sa mga ito ang nakagawian na, hanggang sa kasalukuyan ay atin paring isinsagawa bilang simbolo ng kasaganaan at yamang tunay ng Pilipinas.Isa sa mga ito ang mga pamahiin ng mga matatanda na ikinikuwento nila sa atin.Halimbawa ng mga ito ay:Hindi pagwawalis kapag gabi na sapagkat itinataboy daw ang swerte, bawal matulog na basa ang buhok sa paniniwalang mabubulag ka,bawal magpicturepicture ng tatluhan dahil mamatay ang nasa gitna,kapag nanaginip tungkol sa ngipin may paniniwalang may mamatay sa iyong kamag anak,ang mga ito ay ilan lamang sa libu libong pamahiin na nilikha ng malawak na pagiisip ng ating mga ninuno.Ngunit marami ring mga pamahiin na pinapaniwalaan ng iba at ang iba naman ay hindi naniniwala.Kagaya na lamang ng mga kababalaghang nangyayari sa paligid natin.Sa iba’t ibang bahagi ng ating bansa may mga lugar talaga na naniniwala sa mga aswang o mga kababalaghan sa kanilang lugar dahil ang mga ito ay nangyayari o nasasaksihan nila.
Bawat bansa’y may kanya-kanyang paniniwala at ang mga ito ang nagsisilbing gabay ng mga ninuno natin hanggang ngayon. Kahit minsa’y hindi na natin ito sinusunod at pinapahalagahan, babalik at babalik talaga ito sa ating lipunan. At ang mga tuntunin nito, paniwalaan man o hindi, may tatak na sa ating kasaysayan.
