Care with Duati-Nursing Hriatzauna

Hriselna leh Taksa Vitamin

Mihring taksa hian macronutrients leh micronutrients kan tih hi engtik lai pawhin a mamawh reng a. Taksa țhang nan leh hrisel nan hian Macronutrients kan tih—carbohydrates(buh fai, thlai leh thei mu, etc.), proteins(sa leh sangha, etc.) leh fats (thau) te hi tamtak kan mamawh a. “Macro” tih awmzia chu “tam” emaw “lian” emaw anih lai in “Micro” awmzia chu “tlem” emaw “te” tih sawi duhna ani ve bawk.

Kan taksa in a mamawh em em mai, nimahsela tamtak tul lo Micronutrients(Vitamins leh minerals) abik in Vitamin chungchang hi han sawi zau dawn ila;
Hriselna atana kan mamawh Vitamin hi chi hrang hrang a awm a, Vitamin A,B,C,D,E leh K te an ni a, Vitamin B hi B1, B2, B6, B12 bakah chawhpawlh, B Complex a awm bawk.

B-vitamins leh Vitamin C te hi taksa ah rei tak an cham reng lo va, energy min pe tu atan leh taksa khawl (immune system) tih chak nan an pawimawh hle ani.
Vitamins A,D,E and K te hi kan thau(fat) leh thin(liver)ah hian an awm a, khawhmuh fiah nan te, ruh insiam nan te leh thisen chhuak tikhang tu atan te an țangkai hle bawk.

Lo belchiang dawn ila;

Vitamin 'A'

Tisa tihriseltu a ni a, thlaiah te, bawnghnute, sathin ah te a awm. Vitamin A ei hnem/tam lutuk chuan sam a tlakawlh thei.

Vitamin 'B1'

He Vitamin hi Thiamine an ti bawk. Buh, artui chhungmu, sathin ah te a tam em em a, ke vung (Beriberi) natna laka min vengtu a ni.

Vitamin 'B2'

Vitamin 'B2' hi Riboflavin an ti ve tho va. Bawnghnute, thlaihring, artui leh saah te a awm.

Vitamin 'B6'

He Vitamin hi hmeichhiain thi an neih dawna natna eng engin emaw a tlakbuak thin enkawl nana hman a ni.

Vitamin 'B12'

Vitamin B12 hian kan thling atangin thisen sen (red blood cells) a siam chhuak a, a pawimawh hle a ni. He Vitamin hi thin atanga lakchhuah a ni.

Vitamin 'B Complex'

Vitamin B ho sawi tak chawhpawlh (combined) a ni.

Vitamin 'C'

He Vitamin hi "Ascorbic Acid" tiin an ko bawk a, thei thurah leh thei lam chi leh thlai hringah a awm a; natna chi khat 'Scurvy' laka min vengtu a ni. Tin, hritlang na lutuk atan pawh a tha.

Vitamin 'D'

Thahrui chat kan tih ang te, tisa phu zuk zuk ang te laka min vengtu a ni a. Tin, "Rickets" an tih, ruh tinotu laka min vengtu a ni bawk. Sangha thauvah te, butter ah te leh artui chhungmu ah te a awm. Tin, ni zungin kan taksaah hian a siam thei bawk.

Vitamin 'E'

He Vitamin hian nau neih theih lohva ching lakah min veng a. Buh, sa, bawnghnute ah te leh artui chhungmu ah te a awm.

Vitamin 'K'

Thi danna kan tih mai hi a ni a, thisen chhuak tikhangtu a ni. Thlai hringah a awm ani.

P.s.Vitamins i lo hmehziah dawn ania.

Down Syndrome chu enge a nih?

Down Syndrome (Trisomy 21) chu mihring inthlahchhawnna kawnga chi kal sual vanga naupang rilru, pianphung leh hmel lan dan a thil danglam emaw, rualbanlohna lo thleng ta thin hi a ni. Heng mite hi rilru lama rualbanlohna, thanlenna kawng a midang phaklohna, leh pianphung leh hmel lan dan a midang aia danglam bikna nei in an lo piang chhuak thin a ni.

Down Syndrome chu engvanga lo awm nge?

Mihring hian cell kan tih mai kan timur ah hian kan DNA atanga insiam la zai ang tak mai chromosomes kan tih hi pair 23 (a vaiin 46) kan nei a, chu kan chromosome pair 21 na ah khan engemaw vanga timur inthensawm dikloh vanga chromosome dang a lo awm belh khan kan chromosome 21 na ah khan pahnih awm turah pathum a lo awm ta a, chu chuan Down Syndrome chu a lo thlen ta thin a ni.

Engtin nge Down Syndrome chu alo lan chhuah thin?

Down Syndrome hian lan chhuah dan chi hrang tam tak a nei a, chung zinga a tlanglawn chu a mawlmang thei ang berin han sawi dawn teh ang.

1) Pianphung leh hmel lan dan : Down Syndrome kan tih te hian a tlangpuiin an pianphung leh hmel lan danah hetiang danglamna hi an nei thin :- Hnar ngul leh hmai phek, lei tawt, mi pangai aia k*t, k*tzungtang, ke leh kezungtang tawi, mi pangai aia beng pianzia danglam bik leh te bik, mit meng zim leh mit tlang pawn lam chho deuh, nghawng tawi, k*tze inrin pakhat chauh awm, tihrawl tih mar that theihloh, san lamah mi pangai aia tawi bik.

2) Rilru leh thil hriatthiamna lam : Down Syndrome kan tih hian rilru lama rualbanlona a thlen bawk thin a. Mi thiam ten kan thil hriatthiamna/hriatthiam chak dan tehnan a an hman thin Intelligence Quotient (IQ) test ah hian mi pangaiin 90-110 in kar kan neih laiin anni chuan 70 hnuailam chauh an nei thin. Chung lan chhuah dan tlangpuite chu :- An nausen lai atangin midang aiin an tawng har/tlai tlangpui, thil ho te a ngaih pawh zirthiam an harsat, thil an chhinchhiah rei theilo, anmahni k*m rualpuite tih theih ang an ti ve theilo, kan nitin nuna kan tih thin mahni a zun leh ek thiar, chaw ei, inbual leh thildang tamtakah an rualpui te an phaklo, thil pakhatah an rilru an sawr bing rei theilo.

3) Mizia : Down Syndrome neite ah hian heng mize duhawmlo te hi a hluar hle bawk :- An luhlul, nawrh an ching, thian kawm an thiamlo, ei leh in an duhin thunun/kaihhruai an ngai hle. An mizia te hi an sual hrim hrim vang ni lovin an nihna in a ken tel leh an hriatthiamna a tlem vangte, an thil sawi duh zawng an sawi thiamloh avanga thleng ani fo.

4) Hriselna lam : Down Syndrome neite ah hian heng harsatna neih theihna chance hi a sang bawk. Lung thalo, mit thalo, beng thalo, gastrointestinal problem, thyroid problem, thisen cancer, immunity chhia, Overweight, Alzheimer, sleep problem etc.

Engtin nge naute chu Down Syndrome a nih leh nihloh kan hriat theih ang?

Kan fapa/fanu te an hmel landanah rinhlelhna kan nei anih chuan a rang thei ang ber a Pediatrician emaw Geneticist hnenah kalpui vat tur a ni a, anni in Down Syndrome a ni ngei em tih an lo finfiah thei a ni.

Tute nge Down Syndrome nei thei dinhmunah ding?

Down Syndrome naupang neih leh neihloh hi Pathian thu thu a nia. Tute pawh nei thei din hmunah kan ding vek ani. Chutih rual erawh chuan hmeichhia k*m 18 tlin hma a naupai leh k*m 35 hnu lama naupai te hian Down Syndrome naupang neih na chance an nei sang bik a ni.

Engtin nge Down Syndrome chu kan enkawl ang?

Down Syndrome hian harsatna chi hrang hrang a ken tel avangin mithiam bik pakhat mai ina enkawl theih a ni lova. An mimal harsatna azir zelin heng mithiam bik te hi an mamawh thei a ni. Specialists lamah Pediatrician, Clinical Psychologist, Cardiologist, Gastroenterologist, Endocrinologist, Newrologist, Octolaryngologist, Opthalmologist, Audiologist, Geneticist. Therapists lamah Speech-language Pathologist, Occupational Therapist, Physiotherapist, Behavioral therapist. Educators lamah Special Educators, Early childhood Educators.

Down Syndrome naupangte enkawl tur hian an nu leh pa leh an chhungte kan pawimawh bera, nu leh pa ten kan fate chik taka kan ngaihven a, enge an harsatna, a harsatna a zirin tunge pan tur tih te kan aware em em angai a ni. Down Syndrome naupang te hian kaihhruaina tha leh mumal an dawn chuan nunphung pangai taka nungin chhungkaw tana hlimna nasa tak thlentu an ni thei a, an rualbanlohna hmuliana an hmasawn theihna tur dal khawpa duat leh enkawl hian an dam chhung hun nuam taka an hman theihna tur a tibuai hlauh zawk thei a ni tih hriain kan fa, kan tu, kan thenawmte ah Down Syndrome anlo awm anih pawhin pangai taka kawm leh fuih chungin duat aiin hmangaihna dikin hmangaih hmasa ila an thanlen hnuah hlawkna nasa tak kan hmu thei ngei ang.

Down Syndrome hi natna ni lovin nihna a ni a. Enkawl dam theih ani lo. Chutih rual erawh chuan enkawl dan dik a enkawl chuan tih ziaawm theih a ni.

-Credit to Mizoram Down Syndrome Association