NC Office of Student Affairs and Services

PAG-ALALA AT PAGPUPUGAY SA ARAW NI NINOY AQUINO 🇵🇭

"The Filipino is worth dying for." — Benigno "Ninoy" Aquino Jr.

Ngayong ika-21 ng Agosto, kaisa ang Office of Student Affairs and Services (OSAS) ng Northeastern College sa paggunita sa kabayanihan at legasiya ni dating Senador Benigno "Ninoy" Aquino Jr.

Isang Pagbabalik-Tanaw sa Kasaysayan: Noong Agosto 21, 1983, lumapag sa Manila International Airport ang China Airlines Flight 811 na lulan si Ninoy Aquino, matapos ang 3 taong pamamalagi sa Estados Unidos. Bagama't may banta sa kanyang buhay, pinili pa rin niyang umuwi upang maghatid ng panawagan para sa kapayapaan at demokrasya. Ilang saglit lamang matapos siyang sunduin sa loob ng eroplano, siya ay binaril at nasawi sa tarmac—isang pangyayaring nagbigay-daan sa pagkakaisa ng sambayanang Pilipino upang ipaglaban ang kalayaan.

Nawa’y magsilbing inspirasyon ang kanyang sakripisyo upang patuloy tayong maging mga mag-aaral na may malasakit, prinsipyo, at dedikasyon sa paghubog ng mas maaliwalas na kinabukasan.

Buong pagmamalaking kinatawan ng Students’ Supreme Council (SSC) kasama ang NC Office of Student Affairs and Services ang Northeastern College sa kagaganap na Regional Youth Leadership Forum na may temang: “Advancing the Sustainable Development Goals through Internationalization, Innovation, and Community Action.”

Ang nasabing pagtitipon ay opisyal na idinaos sa Lujo Bar and Restaurant sa Lungsod ng Tuguegarao, Cagayan. Dinaluhan ito ng mga Pangulo, Pinuno, at Officer-in-Charge ng mga pampubliko at pribadong Higher Education Institutions (HEIs), mga iskolar ng UniFAST, at mga lider-estudyante mula sa buong Rehiyon II.

Layunin ng gawaing ito na bigyang-lakas ang mga lider-estudyante at mga iskolar ng UniFAST sa pamamagitan ng pagpapaunlad ng kanilang kasanayan sa pamumuno, pagpapalalim ng sigasig sa inobasyon, at pagtataguyod ng aktibong pagtutulungan—tungo sa paghubog ng pandaigdigang kahusayan at pamumuno para sa ikatatagumpay ng 17 Sustainable Development Goals sa buong mundo. 🏛️ 🌎

🏛️ OSAS and SSC represented the institution at the CHEDRO II Regional Youth Leadership Forum, championing the Sustainable Development Goals through innovation and community action in Tuguegarao City.

The delegation was led by OSAS Director Marlon Jay B. Baysa and OSAS staff Rafael Rico O. Garcia, alongside Students’ Supreme Council (SSC) delegates Ivy Mitz C. Villanueva, Marl Jean S. Pontillas, Ella Heart F. Bernaldez, John Anthony S. Libunao, and Clarisse D. Arquero. 🌍💡

𝐇𝐀𝐏𝐏𝐄𝐍𝐈𝐍𝐆 𝐍𝐎𝐖 | 𝐌𝐈𝐍𝐃 𝐎𝐕𝐄𝐑 𝐏𝐑𝐄𝐒𝐒𝐔𝐑𝐄: 𝐓𝐡𝐫𝐢𝐯𝐢𝐧𝐠 𝐓𝐡𝐫𝐨𝐮𝐠𝐡 𝐂𝐡𝐚𝐥𝐥𝐞𝐧𝐠𝐞𝐬 𝐰𝐢𝐭𝐡 𝐑𝐞𝐬𝐢𝐥𝐢𝐞𝐧𝐜𝐞 𝐚𝐧𝐝 𝐖𝐞𝐥𝐥-𝐁𝐞𝐢𝐧𝐠

"Hindi lahat ng laban kailangan harapin ng mag-isa." — Marlon Jay B. Baysa, Director, Office of Student Affairs and Services.

With these grounding words, Sir Marlon set the tone for today's session with the Guidance and Counseling Center. Joined by learners from across our college departments and the Basic Education Center. The seminar focuses on practical ways to handle stress, build real resilience, and remind everyone that we don't have to carry our burdens alone. 🌿💙

🇵🇭🫡WATAWAT AT PANATA: BUHAY NA DIWA NG KABAYANIHAN

Sa bawat pagtaas ng ating bandila tuwing Lunes, muli nating pinapaigting ang ating pagmamahal at tungkulin sa bayan. Ang lingguhang Seremonya ng Pambansang Watawat, na pinangangasiwaan ng Office of Student Affairs and Services (OSAS)–NSTP/ROTC at Human Resource Management Office (HRMO), ay higit pa sa isang nakagawiang ritwal—ito ay isang matibay na panawagan sa bawat mamamayan.

Ipinaaabot namin ang aming malalim na pasasalamat sa College of Information Technology sa kanilang mahusay at maayos na pang ung una sa ating Flag Ceremony ngayong umaga.

Sa lahat ng bumubuo ng NC Community, patuloy nating isabuhay ang ating pagka-Pilipino araw-araw. Ating ipagmalaki ang watawat, isabuhay ang panata, at buong-pusong panindigan ang ating pananagutan sa bayan.
Isang watawat. Isang panata. Isang bayan. Isang Northeastern College!

💚 INTERNATIONAL YOUTH DAY 2026

“Kabataan ng Northeastern College: Nagkakaisa, Naglilingkod, at Nangunguna.”

Ngayong International Youth Day, ipinagdiriwang natin hindi lamang ang sigla at pangarap ng kabataan, kundi ang kanilang tinig, kakayahan, malasakit, at kakayahang maging bahagi ng tunay na pagbabago.

Sa Northeastern College, ang kabataan ay hindi lamang mga mag-aaral. Sila ay mga lider, boluntaryo, katuwang sa serbisyo, tagapagtanggol ng kaligtasan, tagapagtaguyod ng kapakanan ng kapwa, at mga susunod na tagapagdala ng pagbabago.

Mula sa iba’t ibang student organizations, councils, clubs, NSTP, ROTC, academic organizations, at iba pang youth formations ng NC community, iba-iba man ang kanilang tungkulin at adhikain, iisa ang kanilang ipinapakita:

Kapag ang kabataan ay nagkaisa, may lakas silang lumikha ng pagbabago.
Kapag ang kabataan ay naglingkod, may pusong nababago.
At kapag ang kabataan ay binigyan ng pagkakataon, may kinabukasang nabubuo.

💚 Kabataan ng Northeastern College, patuloy kayong mangarap.
Patuloy kayong matuto.
Patuloy kayong maglingkod.
At higit sa lahat, patuloy kayong maging bahagi ng pagbabago.

Happy International Youth Day!
The future is not simply waiting for the youth—the youth are already building it today.

🇵🇭 SA BAWAT LUNES, PANATA NG PAGIGING PILIPINO

Sa pangunguna ng Office of Student Affairs and Services (OSAS) – NSTP/ROTC at Human Resource Management Office, patuloy nating binibigyang-halaga sa bawat Lunes ang Seremonya ng Pambansang Watawat bilang bahagi ng paghubog sa ating mga mag-aaral bilang makabayan, disiplinado, responsable, at may malasakit sa kapwa at sa bayan.

Ang pag-awit ng Lupang Hinirang, Panunumpa sa Watawat, at Panatang Makabayan ay hindi lamang mga awit at panatang inuulit natin tuwing Lunes.

Ito ay isang paalala.

Paalala na bilang mga Pilipino, mayroon tayong bayan na dapat mahalin, mga pagpapahalagang dapat pangalagaan, at mga tungkuling dapat isabuhay.

Sa OSAS–NSTP/ROTC at Human Resource Management Office, naniniwala tayo na ang pagiging makabayan ay hindi nagtatapos sa seremonya. Ito ay dapat makita sa ating disiplina, paggalang, katapatan, pananagutan, at kahandaang maglingkod sa kapwa at sa bayan.

Ngayong Buwan ng Wika, higit nating bigyang-kahulugan ang bawat salitang ating binibigkas at bawat panatang ating ipinapangako.

🇵🇭 Ang watawat ay hindi lamang ating itinataas—ito ay ating ipinagmamalaki.
🇵🇭 Ang panata ay hindi lamang binibigkas—ito ay ating isinasabuhay.
🇵🇭 At ang pagiging Pilipino ay hindi lamang pagkakakilanlan—ito ay pananagutan.

Ngayong araw, taos-pusong pasasalamat ng OSAS–NSTP/ROTC at Human Resource Management Office sa College of Geodetic Engineering-Northeastern College, na nagsilbing tagapanguna sa Seremonya ng Pambansang Watawat ngayong Lunes.

Sa buong NC Community, sama-sama nating panatilihing buhay ang diwa ng pagmamahal sa bayan, paggalang sa ating mga simbolo, at paglilingkod sa kapwa.

Isang watawat. Isang panata. Isang bayan. Isang Northeastern College. 🇵🇭

Mabuhay ang Wikang Filipino!
Mabuhay ang Northeastern College!
Mabuhay ang Pilipinas! 🇵🇭