28/06/2020
https://www.facebook.com/359105487482485/posts/3733746623351671/
Hinggil sa pagtatapos ng remote, dropbox enrollment sa Hunyo 30
Hunyo 27, 2020 - Pinaaalalahanan ng Kagawaran ng Edukasyon ang mga nais mag-enroll sa public schools na gawin ito bago ang pagsasara ng enrollment sa Martes, Hunyo 30.
Gayunpaman, tatanggap pa rin ang Kagawaran ng Learner Enrollment and Survey Form (LESF) na nai-submit gamit ang drop boxes hanggang Hunyo 30, ang deadline ng enrollment period para sa School Year 2020-2021.
Sa kasalukuyan, mayroong kabuuang 15,182,075 ang nakapag-enroll na sa buong bansa. 14,548,915 sa mga ito ay tala mula sa mga rehistradong public schools kasama ang enrollees sa Alternative Learning System.
Para sa mga karagdagang katanungan at iba pang nais isangguni sa Kagawaran, maaaring kontakin ng mga magulang at mag-aaral ang pinakamalapit na division office o paaralan sa kanilang lugar. Maaari ring magpatulong sa inyong barangay sa pagsu-submit ng LESF.
Iminumungkahi din sa publiko na tumawag sa DepEd Central Office Public Assistance and Action Center sa mga numerong (02) 8636-1663; (02) 8633-1942; mobile phone numbers 0919-456-0027; 0995-921-8461; mag-email sa [email protected]; o bumisita sa www.deped.gov.ph/obe-be para sa FAQs tungkol sa enrollment.
