DLSU Departamento ng Filipino

DLSU Departamento ng Filipino Contact information, map and directions, contact form, opening hours, services, ratings, photos, videos and announcements from DLSU Departamento ng Filipino, Education Website, San Roque.
(1)

Malugod na pagbati kay Dr Ramilito B Correa, Associate Professor ng DLSU Departamento ng Filipino, sa pagkakalathala ng ...
17/08/2026

Malugod na pagbati kay Dr Ramilito B Correa, Associate Professor ng DLSU Departamento ng Filipino, sa pagkakalathala ng akdang “Ang Anak at Ina ay Tula” sa TAKÓS: An Anthology of Gendered Refereed Literary Genres, Tomo 6, 2026.

Paano maiwawangis ang tula sa anak at ina? Sa tulang ito, ipinahahayag ng persona na ang tula, kawangis ng ina, ay maaaring manganak ng panibagong mga tula.

Ang TAKÓS ay inililimbag ng Institute of Language and Literature, Nueva Ecija University of Science and Technology.

(Larawan mula sa pabalat ng journal)

Malugod na pagbati kay Dr Ferdinand P Jarin, alumnus ng PhD Araling Filipino - Wika, Kultura, at Midya ng DLSU Departame...
17/08/2026

Malugod na pagbati kay Dr Ferdinand P Jarin, alumnus ng PhD Araling Filipino - Wika, Kultura, at Midya ng DLSU Departamento ng Filipino, sa pagkakalathala ng kaniyang mga malikhaing akda.

Malikhaing sanaysay ang “Campo Santo” na nagpapakilala ng isang bahagi ng kabataan ng may-akda sa bayan ng Candelaria sa probinsiya ng Zambales. Bahagi ito at panahon ng paghahanap ng identidad sa isang bayang kumupkop sa kaniyang kabataan kahit pa hindi ito ang lunan na kaniyang pinagmulan. Mababasa ang akda sa Ani, Tomo 43, 2024-2025 (https://drive.google.com/file/d/1iY3YzPlJgr7VFRy7qipWxhJAite5QAY8/view).

Ang “Kamunsil” at “Lockdown Marketing” ay mga dagling isinulat noong panahon ng pandemya. Pagtatangka ito ng may-akda na kongkretong maisalarawan ang mga posibleng pagsasanib ng sikolohikal at sosyo-ekonomikong espasyo ng mga mamamayan at kung paano lalong itinanghal ng pandemya ang tunggalian sa pagitan ng mga espasyong ito dulot ng magkakaibang antas ng kabuhayan. Mababasa ang mga akdang ito sa 2020: Ang Hinaharap sa Isang Iglap (Mga Dagli), UST Publishing House, 2026.

(Mga larawan mula sa pabalat ng mga antolohiya)

Malugod na pagbati sa Propesyonal na Asosasyon ng mga Tagapagtaguyod ng Salin (PATAS) sa pagkakalathala ng bagong isyu n...
04/08/2026

Malugod na pagbati sa Propesyonal na Asosasyon ng mga Tagapagtaguyod ng Salin (PATAS) sa pagkakalathala ng bagong isyu ng Salin Journal!

Kontribyutor sa isyu ang mga g**o at mag-aaral ng DLSU Departamento ng Filipino na sina Dr Rowell D Madula at Dr Lakangiting C Garcia, Full Professors; Dr Raquel E Sison-Buban, Dr Dolores R Taylan, at Dr Deborrah S Anastacio, Associate Professors; G Mark Joseph P Santos at Bb Jessica May S Reyes, Lecturers; Bb Aurora S Buquir, mag-aaral ng PhD Araling Filipino - Wika, Kultura, at Midya; at G Christian Philip A Mateo, mag-aaral ng MA Araling Filipino - Wika, Kultura, at Midya.

Maaaring mabasa ang Salin Journal, Tomo 3, Blg 1, Setyembre 2024 sa website na ito: https://sites.google.com/view/salinjournal/setyembre-2024-tomo-3-blg-1

Malugod na pagbati kina Dr Analiza D Resurreccion, Dr Christian P Gopez, Dr Henry Leen A Magahis, at Dr Leslie Anne L Li...
24/07/2026

Malugod na pagbati kina Dr Analiza D Resurreccion, Dr Christian P Gopez, Dr Henry Leen A Magahis, at Dr Leslie Anne L Liwanag, alumni ng PhD Araling Filipino - Wika, Kultura, at Midya ng DLSU Departamento ng Filipino, at Dr Feorillo Petronilo A Demeterio III, Distinguished Full Professor ng DLSU Departamento ng Filipino, sa pagkakalathala ng artikulong “A Decade of Coffee Research in Indonesia, Philippines, and Vietnam (2015–2024): Bibliometric and Thematic Insights for Philippine Coffee Science” sa Forest and Society, Tomo 10, Isyu 1, 2026.

Inihambing ng pag-aaral ang mga pananaliksik kaugnay ng kape sa Indonesia, Pilipinas, at Vietnam mula 2015 hanggang 2024 upang makatulong sa pagpapalakas ng agham pangkape sa Pilipinas. Gumamit ito ng pinagsamang scientometric at tematikong pagsusuri sa mga artikulong nakatala sa Scopus. Sinuri ang produktibidad ng pananaliksik, citation visibility, kolaborasyon, partisipasyon ng mga institusyon, pagpopondo, at saklaw ng mga disiplina gamit ang mga bibliometric indicator at non-parametric trend analysis. Sa dulo, ipinakita ng pag-aaral ang mga estruktural at tematikong katangiang humuhubog sa pandaigdigang bisibilidad at posisyon ng pananaliksik sa kape sa Pilipinas kaugnay ng mga karatig-bansa sa rehiyon.

Maaaring mabasa ang artikulo sa website na ito: https://scholarhub.unhas.ac.id/fs/vol10/iss1/12/

(Larawan mula sa website header ng journal)

Malugod na pagbati kina Dr Heidi C Atanacio at Dr Rita D Morales, alumni ng PhD Araling Filipino - Wika, Kultura, at Mid...
24/07/2026

Malugod na pagbati kina Dr Heidi C Atanacio at Dr Rita D Morales, alumni ng PhD Araling Filipino - Wika, Kultura, at Midya ng DLSU Departamento ng Filipino, at G Kevin P Armingol, mag-aaral ng PhD Araling Filipino - Wika, Kultura, at Midya ng DLSU Departamento ng Filipino, sa pagkakalathala ng librong Bayan, Lahi, at Gunita: Pag-aaral sa Kasaysayan at Lipunang Pilipino para sa Senior High School (C&E Publishing, Inc, 2026).

Inilalahad ng libro ang mahahalagang pangyayari sa kasaysayan ng Pilipinas upang maipakita ang pag-usbong ng kamalayang makabayan at higit na maunawaan ang kalagayan ng bansa sa iba’t ibang panahon. Sinusuri din ang mga ugat ng paghihirap ng mga Pilipino, lalo na sa konteksto ng diktadura at patuloy na paghahari ng mga lokal na elite. Kasabay nito, tinatalakay ng libro ang mga makabuluhang hakbang tungo sa sustenableng pag-unlad sa ika-21 siglo at binibigyang-diin ang mahalagang gampanin ng mga mamamayan sa pagbabago ng lipunang Pilipino.

(Larawan mula sa pabalat ng libro)

Malugod na pagbati kay G Rhyan P Malandog, mag-aaral ng PhD Araling Filipino - Wika, Kultura, at Midya ng DLSU Departame...
20/07/2026

Malugod na pagbati kay G Rhyan P Malandog, mag-aaral ng PhD Araling Filipino - Wika, Kultura, at Midya ng DLSU Departamento ng Filipino, sa pagiging resource person sa Technical Working Group Workshops ng Media and Information Literacy Education Section, National Council for Children’s Televising (NCCT). Idinaos ang workshops sa AL Building, Mariana, New Manila, Quezon City noong Mayo-Hulyo 2026.

Padayon, G Malandog! Lubos ka naming ipinagmamalaki!

Malugod na pagbati kay Bb Rizel Angeline S Manaloto, mag-aaral ng AB Araling Pilipinas medyor sa Filipino sa Mass Media ...
20/07/2026

Malugod na pagbati kay Bb Rizel Angeline S Manaloto, mag-aaral ng AB Araling Pilipinas medyor sa Filipino sa Mass Media ng DLSU Departamento ng Filipino, sa pagkamit ng Gawad Tanghal 2025 na ipinagkaloob ng Culture and Arts Office, Pamantasang De La Salle, noong Mayo 29, 2026 sa Multipurpose Hall, Br Andrew Gonzalez Hall, Pamantasang De La Salle, Maynila.

Ang Gawad Tanghal ay ipinagkakaloob sa pinakamahusay at pinakaaktibong miyembro ng DLSU Harlequin Theatre Guild (HTG) na nagsisilbing huwaran sa pagbibigay ng inspirasyon sa mga kapwa estudyanteng aktor, mga manonood ng HTG, at sa mga kaakibat na komunidad.

Padayon, Bb Manaloto! Lubos ka naming ipinagmamalaki!

Malugod na pagbati kay Dr Melanie D Turingan-Marcos, alumna ng PhD Araling Filipino - Wika, Kultura, at Midya ng DLSU De...
17/07/2026

Malugod na pagbati kay Dr Melanie D Turingan-Marcos, alumna ng PhD Araling Filipino - Wika, Kultura, at Midya ng DLSU Departamento ng Filipino, sa pagkakahirang bilang dekano ng University of Santo Tomas Faculty of Arts and Letters. Hinirang din siya bilang Board Member ng Philippine Postal Corporation.

Padayon, Dr Melanie! Lubos ka naming ipinagmamalaki!

Malugod na pagbati kay Dr Joven B Makiling, alumnus ng PhD Araling Filipino - Wika, Kultura, at Midya ng DLSU Departamen...
17/07/2026

Malugod na pagbati kay Dr Joven B Makiling, alumnus ng PhD Araling Filipino - Wika, Kultura, at Midya ng DLSU Departamento ng Filipino, sa pagkakalathala ng artikulong “Ang Batalya bilang Ritwal ng Pananampalataya: Pagmamapa sa Pista ni San Nicolas de Tolentino sa Guadalupe Nuevo, Makati” sa Universitas, Tomo 3, Blg 2, 2025. Kasama niyang mananaliksik si Prop Mary Acel D German ng University of Makati.

Layunin ng pag-aaral na suriin ang Batalya bilang ritwal ng pananampalataya sa taunang pista ni San Nicolas de Tolentino sa Guadalupe Nuevo, Lungsod ng Makati. Gamit ang teorya ng cultural performance at ang penomenon ng panata, pagtitipon, at pagdiriwang ni Tiatco, ipinakita ng pag-aaral na ang Batalya ay hindi lamang sentrong ritwal ng pista kundi isang buháy na pamana na patuloy na nagbabago habang pinananatili ang sakripisyo at debosyon ng pamayanan. Sa huli, binigyang-diin ng mga mananaliksik na nagbibigay ang pag-aaral ng espasyo para sa dokumentasyon ng mga naratibo mula sa mga nasa laylayan na makapag-aambag sa mas malalim na pag-unawa sa kaugnayan ng pananampalataya, kultura, at kasaysayan sa lokal na konteksto.

Maaaring mabasa ang artikulo sa website na ito: https://journals.umak.edu.ph/universitas/article/view/452/219

(Larawan mula sa front cover ng journal)

Malugod na pagbati kay G Erdy Freian P Falcutila, alumnus ng MA Araling Filipino - Wika, Kultura, at Midya ng DLSU Depar...
16/07/2026

Malugod na pagbati kay G Erdy Freian P Falcutila, alumnus ng MA Araling Filipino - Wika, Kultura, at Midya ng DLSU Departamento ng Filipino, sa pagiging speaker sa Salinlahi 1: Serye ng Seminar-Pagsasanay sa Kuwentong Bayan at Panitikan ng Office of Extension Services and College of Teacher Education, Batangas State University, San Juan Campus na idinaos noong Mayo 14, 2026.

Ibinahagi niya ang panayam na “Bekët Panitikan, Bakit Panitikan?: Moog sa Gitna ng Krisis, Paninikil at Kamangmangan (Tungo sa Dokumentasyon ng Panitikang Lokal).” Tinalakay ni G Falcutila ang pagdodokumento ng panitikang lokal at ang mga dahilan kung bakit hindi dapat isantabi ang panitikan lalo na sa panahon ng krisis, paninikil, at kamangmangan. Binigyang-diin ng panayam na kinakailangan natin ang panitikan sa kasalukuyan sapagkat nagtuturo itong makaramdam, nagbibigay ito ng tinig, at nag-uudyok itong maging mapanuri sa mga nangyayari sa paligid.

Padayon, G Falcutila! Lubos ka naming ipinagmamalaki!

Address

San Roque

Telephone

+63285244611

Website

Alerts

Be the first to know and let us send you an email when DLSU Departamento ng Filipino posts news and promotions. Your email address will not be used for any other purpose, and you can unsubscribe at any time.

Shortcuts

Share

Category