29/06/2026
📢 PABATID SA MADLA
Pagpapatupad ng School-Based Safety and Security Measures
San Marcos Elementary School
Alinsunod sa DepEd Order No. 40, s. 2012 (DepEd Child Protection Policy), DepEd Order No. 55, s. 2007 (Prioritizing the Mainstreaming of Disaster Risk Reduction in the School System), DepEd Order No. 21, s. 2015 (Disaster Risk Reduction and Management Coordination and Information Management Protocols), at iba pang kaugnay na mga polisiya ng Department of Education hinggil sa pagpapanatili ng isang ligtas, protektado, disiplinado, at child-friendly na kapaligiran sa pagkatuto, ang San Marcos Elementary School ay magpapatupad at magpapalakas ng mga sumusunod na School-Based Safety and Security Measures, na magiging ganap na epektibo simula Hulyo 1, 2026. Ang ilan sa mga hakbang na ito ay kasalukuyan nang isinasagawa at higit pang paiigtingin.
Ang pagpapatupad ng mga hakbang na ito ay bahagi ng maagap na pagtugon ng paaralan sa mga insidenteng may kaugnayan sa seguridad na naganap sa ilang paaralan sa bansa. Layunin nitong mapanatili ang isang kapaligirang ligtas, maayos, at kaaya-aya para sa pagkatuto ng bawat mag-aaral at sa kapakanan ng buong komunidad ng paaralan.
________________________________________
✅ 1. Random Bag Inspection
Bilang bahagi ng preventive security measures, magsasagawa ang paaralan ng random bag inspection sa mga mag-aaral at mga bisita sa oras ng pagpasok. Layunin nitong matiyak na walang ipinagbabawal, mapanganib, o anumang bagay na maaaring magdulot ng panganib sa loob ng paaralan.
Legal Basis:
• DepEd Order No. 40, s. 2012 – Child Protection Policy, na nag-aatas sa mga paaralan na magpatupad ng mga hakbang upang mapangalagaan ang kaligtasan at kapakanan ng mga mag-aaral.
• DepEd Order No. 55, s. 2007 – Mainstreaming Disaster Risk Reduction in the School System, na nagbibigay-diin sa pagpigil at pagbawas ng mga panganib sa loob ng paaralan.
________________________________________
✅ 2. Visitor and Guardian Pass Slip System
Ang lahat ng mga bisita, magulang, at tagapag-alaga na papasok sa paaralan ay kinakailangang:
• Magrehistro sa Visitor's Logbook;
• Magpakita ng wastong pagkakakilanlan kung kinakailangan; at
• Kumuha at magsuot ng Visitor/Guardian Pass Slip habang nasa loob ng paaralan.
Layunin nitong masubaybayan ang lahat ng pumapasok at lumalabas sa paaralan bilang bahagi ng pinaigting na seguridad.
Legal Basis:
• DepEd Order No. 40, s. 2012 – Child Protection Policy.
• DepEd Order No. 21, s. 2015 – Disaster Risk Reduction and Management Coordination and Information Management Protocols, na nagtataguyod ng maayos na accounting at monitoring ng mga taong nasa loob ng paaralan.
________________________________________
✅ 3. Learner Log-In and Log-Out System (Off-Campus Lunch Break)
Ang mga mag-aaral na pinahihintulutang lumabas ng paaralan tuwing lunch break ay kinakailangang:
• Mag-log out bago lumabas;
• Mag-log in pagbalik sa paaralan; at
• Magkaroon ng nakasulat na pahintulot mula sa magulang o legal na tagapag-alaga.
Layunin nitong matiyak ang wastong accounting at kaligtasan ng mga mag-aaral habang sila ay nasa ilalim ng pangangasiwa ng paaralan.
Legal Basis:
• DepEd Order No. 40, s. 2012 – Child Protection Policy.
• DepEd Order No. 21, s. 2015 – Disaster Risk Reduction and Management Coordination and Information Management Protocols.
________________________________________
✅ 4. Single Entrance and Exit Gate Policy
Isang pangunahing gate lamang ang gagamiting daanan sa pagpasok at paglabas ng paaralan upang:
• mapadali ang monitoring;
• mapanatili ang maayos na accounting ng mga tao sa loob ng paaralan; at
• mapahusay ang pagpapatupad ng mga security protocols.
Legal Basis:
• DepEd Order No. 55, s. 2007 – Mainstreaming Disaster Risk Reduction in the School System.
• DepEd Order No. 21, s. 2015 – Disaster Risk Reduction and Management Coordination and Information Management Protocols.
________________________________________
✅ 5. Paggamit ng Handheld Metal Detectors at Search Sticks
Bilang karagdagang hakbang sa seguridad, gagamit ang paaralan ng handheld metal detectors at search sticks sa pangunahing pasukan upang makatulong sa pagtukoy at pagpigil sa pagpasok ng anumang ipinagbabawal o mapanganib na kagamitan.
Ang paggamit ng mga kagamitang ito ay isasagawa nang may paggalang sa dignidad at karapatan ng bawat mag-aaral, bisita, at kawani, alinsunod sa umiiral na mga patakaran ng Department of Education.
Legal Basis:
• DepEd Order No. 40, s. 2012 – Child Protection Policy.
• DepEd Order No. 55, s. 2007 – Mainstreaming Disaster Risk Reduction in the School System.
________________________________________
📌 Paalala
Ang lahat ng mga hakbang na ito ay ipinatutupad hindi upang magdulot ng takot o pangamba, kundi upang higit na mapangalagaan ang buhay, kaligtasan, at kapakanan ng ating mga mag-aaral, g**o, kawani, mga magulang, at iba pang stakeholder.
Naniniwala ang San Marcos Elementary School na ang isang ligtas na kapaligiran ay mahalagang salik upang maging matagumpay ang pagkatuto ng bawat bata. Dahil dito, hinihiling namin ang inyong buong suporta, kooperasyon, at pag-unawa sa pagpapatupad ng mga panuntunang ito.
"Ang kaligtasan ng bawat bata ay sama-samang pananagutan ng paaralan, pamilya, at buong komunidad."
Maraming salamat po sa inyong patuloy na pagtitiwala at suporta sa San Marcos Elementary School.
________________________________________
SAN MARCOS ELEMENTARY SCHOOL
"Sama-sama para sa isang ligtas, disiplinado, at masayang paaralan."
Effectivity: Hulyo 1, 2026
