DepEd CM Azcarate Elementary School

💚 2nd School Learning Action Cell (SLAC) Session

Isinagawa ngayong Agosto 13, 2026 sa C.M. Azcarate Elementary School ang 2nd SLAC Session na may temang “Mind Matters: Promoting Mental Health and Psychosocial Support for a Safe, Healthy, and Supportive School Environment.”

Naging makabuluhan ang talakayan sa pangunguna ng ating Resource Speaker, Gng. Mylene A. Salubayba, na nagbahagi ng mahahalagang kaalaman tungkol sa mental health at psychosocial support.

Patuloy nating itaguyod ang isang paaralang ligtas, malusog, suportado, at may malasakit. 🌿💚

📢 PAALALA SA ATING MGA MAG-AARAL AT MAGULANG!

Dahil sa masamang panahon na dulot ng Habagat, suspendido pa rin ang face-to-face classes sa Agosto 11, 2026 (Martes).

📚 Sa halip, ipatutupad ang HINAY (Ease-in) – Structured Distance Learning upang maipagpatuloy ang pagkatuto sa mas ligtas at angkop na paraan.

💚 Kaligtasan at kapakanan ng bawat isa ang aming pangunahing prayoridad. Manatiling ligtas, maging handa, at patuloy na makiisa sa ating paaralan.

📢 PAUNAWA SA ATING MGA MAG-AARAL AT MAGULANG!

Dahil sa masamang lagay ng panahon dulot ng Habagat, suspendido ang face-to-face classes sa Agosto 10, 2026 (Lunes).

📚 Bilang tugon, isasagawa ang Hinay (Ease-in) – Structured Distance Learning upang maipagpatuloy ang pagkatuto sa mas ligtas, flexible, at angkop na paraan.

💚 Kaligtasan muna bago ang lahat! Manatiling ligtas, updated, at laging handang matuto.

📢 PABATID | C.M. Azcarate Elementary School

Dahil sa inaasahang epekto ng Tropical Depression “Maymay,” suspendido ang face-to-face classes ngayong Agosto 7, 2026 (Biyernes). Ipatutupad ang modular learning sa ilalim ng HINAY (Ease-in) Structured Distance Learning.

Manatiling ligtas at mag-ingat po ang lahat. 🌧️💚

📢 PABATID | C.M. Azcarate Elementary School

Dahil sa patuloy na malakas na pag-ulan, suspendido ang face-to-face classes ngayong Agosto 6, 2026 (Huwebes). Ipatutupad ang modular learning sa ilalim ng HINAY (Ease-in) Structured Distance Learning.

Manatiling ligtas at mag-ingat po ang lahat. 🌧️💚

📚 Pagbubukas ng Pagdiriwang ng Buwan ng Wika 2026 🇵🇭

Pormal na sinimulan ng Paaralang Elementarya ng C.M. Azcarate ang pagdiriwang ng Buwan ng Wika 2026 sa pamamagitan ng isang makabuluhang Kick-off Ceremony na dinaluhan ng mga mag-aaral, g**o, at mga kawani ng paaralan.

Layunin ng pagdiriwang na higit pang mapalalim ang pagpapahalaga sa wikang Filipino bilang mahalagang bahagi ng ating pagkakakilanlan, kultura, at pambansang pagkakaisa. Nawa’y magsilbing inspirasyon ang mga inihandang gawain upang patuloy nating mahalin, pagyamanin, at ipagmalaki ang ating sariling wika.

“Wikang Filipino at AI: Kasangkapan sa Pananaliksik at Tulay sa Yaman ng Impormasyon.” 🇵🇭

🥗 Buwan ng Nutrisyon 2026 🥗

Bilang pakikiisa sa pagdiriwang ng Buwan ng Nutrisyon, nagsagawa ang Paaralang Elementarya ng C.M. Azcarate ng mga makabuluhang gawaing pangklasrum na isinama sa iba’t ibang asignatura. Sa pamamagitan ng mga gawaing ito, higit na napalalim ang kaalaman at kamalayan ng mga mag-aaral tungkol sa kahalagahan ng wastong nutrisyon, malusog na pamumuhay, at pangangalaga sa kalusugan.

Patuloy na isinusulong ng ating paaralan ang holistikong pagkatuto sa pamamagitan ng pag-uugnay ng mahahalagang aralin sa pang-araw-araw na buhay ng ating mga mag-aaral.

“Nutrisyon at Kalikasan, Ating Pangalagaan!” 💚🍎

📊 JULY 2026 | Utilization of MOOE Allocation

Bilang bahagi ng aming pagsusulong ng transparency, accountability, at tamang paggamit ng pondo ng paaralan, ibinabahagi ng C.M. Azcarate Elementary School ang ulat ng MOOE (Maintenance and Other Operating Expenses) Utilization para sa buwan ng Hulyo 2026.

Patuloy naming tinitiyak na ang bawat pondong ipinagkakaloob ay nagagamit nang wasto at naaayon sa pangangailangan ng ating paaralan at mga mag-aaral.

Para sa mas detalyadong impormasyon, maaaring bisitahin ang aming Transparency Bulletin Board.

Our District Supervisor, Ma'am Rhea A. Dacara, spearheaded the Focus Group Discussion (FGD) on the Early Language, Literacy, and Numeracy Assessment (ELLNA), bringing together the School Head and Grade 3 advisers to strengthen readiness for its effective implementation.

The FGD aimed to identify and better understand the factors affecting learners’ academic performance, particularly in the areas of language, literacy, and numeracy. Through the exchange of insights, experiences, and evidence-based observations, participants contributed valuable information that will serve as the foundation for developing appropriate interventions to strengthen learners’ literacy, numeracy, and overall academic achievement.

This collaborative initiative reflects the Department of Education’s commitment to data-driven decision-making and continuous improvement, ensuring that every learner receives the support needed to thrive and succeed.

📢 School-Based Unannounced Earthquake Drill

Bilang bahagi ng ating patuloy na paghahanda sa anumang sakuna, matagumpay na isinagawa ng C.M. Azcarate Elementary School ang School-Based Unannounced Earthquake Drill. Layunin ng gawaing ito na sanayin ang mga mag-aaral, g**o, at kawani sa tamang pagtugon sa oras ng lindol at palakasin ang kahandaan ng buong paaralan sa pamamagitan ng wastong pagsunod sa “Duck, Cover, and Hold” at maayos na paglikas.

Sa pamamagitan ng regular na pagsasanay, sama-sama nating pinagtitibay ang kultura ng kaligtasan at kahandaan para sa isang mas ligtas na paaralan.