DLSP Samahang Sikolohiya - SaSi

DLSP Samahang Sikolohiya - SaSi This is the official page of DLSP Samahang Sikolohiya

🎶 Birthday na ni Ate Kristine, birthday na ni Ate Kristine! 🎂🎉💚Maligayang kaarawan sa aming masipag at napakahusay na So...
22/09/2026

🎶 Birthday na ni Ate Kristine, birthday na ni Ate Kristine! 🎂🎉💚

Maligayang kaarawan sa aming masipag at napakahusay na Social Media Manager! Maraming salamat sa iyong dedikasyon, sipag, at sa patuloy mong pagpapanatiling updated ang ating mga social media platforms. Kitang-kita namin ang iyong pagmamahal, malasakit, at buong pusong paglilingkod para sa organisasyon. Nawa'y mapuno ang iyong espesyal na araw ng saya, pagmamahal, at napakaraming biyaya. 💐✨

Hangad namin ang mabuting kalusugan, walang hanggang inspirasyon, at mas marami pang tagumpay sa mga susunod na taon. Patuloy kang magningning, mangarap, at magbigay-inspirasyon sa marami. Maligayang Kaarawan, Ate Kristine! 🥳🎈💚



Naging bahagi ang DLSP Samahang Sikolohiya ng PASSCODE: Psychological Assessment and Smart Strategies in Test-Taking noo...
21/09/2026

Naging bahagi ang DLSP Samahang Sikolohiya ng PASSCODE: Psychological Assessment and Smart Strategies in Test-Taking noong Setyembre 18, 2026. 🧠📝

Nagbigay ang seminar ng dagdag na kaalaman tungkol sa Psychological Assessment at praktikal na strategies sa test-taking—isang makabuluhang hakbang sa ating paglalakbay bilang mga sikolohista sa hinaharap.

Maraming salamat sa PGCA Cavite at Psychology Society - Philippine Christian University Dasma sa pagbabahagi ng kaalaman at pagbuo ng isang makabuluhang learning experience. 💜

🚶 Kapag iba ang kilos, iba na ba agad ang tingin? 🤔Sa paggunita ng Cerebral Palsy Awareness and Protection Week 2026, na...
20/09/2026

🚶 Kapag iba ang kilos, iba na ba agad ang tingin? 🤔

Sa paggunita ng Cerebral Palsy Awareness and Protection Week 2026, nawa'y magsilbi itong paalala na ang cerebral palsy ay hindi sukatan ng talino, kakayahan, o halaga ng isang tao. Maaari itong makaapekto sa paggalaw, koordinasyon, at pakikipagtalastasan, ngunit hindi nito binubura ang kanilang mga pangarap, talento, at pagkatao. Sa likod ng bawat diagnosis ay isang taong may sariling kuwento, kakayahan, at karapatang mabuhay nang may paggalang at pantay na oportunidad. 🌱💛

Ang isang lipunang tunay na inklusibo ay nabubuo sa paraan ng ating pakikitungo sa kapwa. Sa halip na ituon ang pansin sa mga limitasyon, piliin nating pahalagahan ang kanilang mga kakayahan. Makinig bago tumulong, igalang ang kanilang pasya, at lumikha ng mga pagkakataong makilahok sila sa paaralan, trabaho, at komunidad. Ang inklusyon ay hindi awa, kundi pagkilala sa dignidad, kakayahan, at karapatan ng bawat tao. Piliin ang paggalang. Pairalin ang pagtanggap. Isabuhay ang pakikipagkapwa. 🤝💚

Mga Sanggunian:

🔗 National Council on Disability Affairs. (2026). 23rd Cerebral Palsy Awareness and Protection Week: One Shared Voice, One Collective Choice: Advocacy to Empowerment.

🔗 Republic of the Philippines. (2004). Proclamation No. 588: Declaring the period from September 16 to 22, 2004 and every year thereafter as Cerebral Palsy Awareness and Protection Week.

🔗 World Health Organization. (2023). Package of interventions for rehabilitation: Module 3: Neurological conditions.

🔗 World Health Organization. (2024). Rehabilitation.

🔗 World Health Organization. (n.d.). Disability and health.

🔗 Ilagan, J. A., Hechanova, M. R. M., Co, T. A., & Pleyto, V. J. (2014). Sikolohiyang Pilipino and the importance of kapwa in understanding Filipino behavior. Philippine Journal of Psychology, 47(1), 117–143.

🔗 Pe-Pua, R., & Protacio-Marcelino, E. A. (2000). Sikolohiyang Pilipino (Filipino psychology): A legacy of Virgilio G. Enriquez. Asian Journal of Social Psychology, 3(1), 49–71.





✍️: Oliver Sarmieto
🎨: Ira Sykia Ilagan
🔍: James John Lumayot

🧠 Higit pa kina Joy at Anger ang nangyayari sa loob ng isip. 🧩Sa paggunita ng Neurological Disorders Awareness Week, naw...
18/09/2026

🧠 Higit pa kina Joy at Anger ang nangyayari sa loob ng isip. 🧩

Sa paggunita ng Neurological Disorders Awareness Week, nawa'y magsilbi itong paalala na may mga laban na tahimik na kinakaharap ng maraming tao araw-araw. Ang mga neurological disorder ay maaaring makaapekto sa paggalaw, pag-iisip, pagsasalita, alaala, at emosyon. Ayon sa World Health Organization, mahigit 3 bilyong tao sa buong mundo ang naapektuhan ng mga kondisyong neurological noong 2021. Sa likod ng bawat estadistika ay isang taong patuloy na nagsisikap, isang pamilyang patuloy na umaalalay, at isang kuwentong nararapat unawain. ☘️💛

Ang kamalayan ay nagsisimula sa tamang kaalaman, ngunit ang tunay na malasakit ay naipapakita sa ating mga kilos. Hindi natin kailangang makita ang bawat pinagdaraanan ng isang tao upang maipadama ang paggalang, pag-unawa, at pagtanggap. Sa bawat munting pagkilos ng kabutihan, nakatutulong tayong bumuo ng isang pamayanang mas inklusibo at may malasakit para sa lahat. 🤝💚

Mga Sanggunian:

🔗 World Health Organization. (2006). Neurological disorders: Public health challenges. World Health Organization.
https://www.who.int/publications/i/item/9789241563369

🔗 World Health Organization. (2023, July 20). New global action plan on epilepsy and other neurological disorders published.
https://www.who.int/news/item/20-07-2023-new-global-action-plan-on-epilepsy-and-other-neurological-disorders-published

🔗 World Health Organization. (2024, March 14). Over 3 billion people living with a neurological condition worldwide.
https://www.who.int/news/item/14-03-2024-over-3-billion-people-living-with-a-neurological-condition-worldwide

🔗 GBD 2021 Nervous System Disorders Collaborators. (2024). Global, regional, and national burden of disorders affecting the nervous system, 1990–2021: A systematic analysis for the Global Burden of Disease Study 2021. The Lancet Neurology, 23(4), 344–381.
https://doi.org/10.1016/S1474-4422(24)00038-3

🔗 Dominguez, J., Jiloca, L., Fowler, K. C., De Guzman, M. F., Dominguez-Awao, J. K., Natividad, B., Domingo, J., Dominguez, J. D., Reandelar, M., Jr., Ligsay, A., Yu, J. R., Aichele, S., & Phung, T. K. T. (2021). Dementia incidence, burden and cost of care: A Filipino community-based study. Frontiers in Public Health, 9, 628700.
https://doi.org/10.3389/fpubh.2021.628700

🔗 Hammel, J., Magasi, S., Heinemann, A., Whiteneck, G., Bogner, J., & Rodriguez, E. (2015). Environmental barriers and supports to everyday participation: A qualitative inductive analysis. Archives of Physical Medicine and Rehabilitation, 96(7), 1196–1205.
https://doi.org/10.1016/j.apmr.2014.12.008





✍️: Oliver Sarmiento
🎨: Ira Sykia Ilagan
🔍: James John Lumayot

Paano kung isang araw, hindi ka na niya makilala? 🤔 May mga alaalang maaaring unti-unting maglaho, ngunit ang halaga ng ...
17/09/2026

Paano kung isang araw, hindi ka na niya makilala? 🤔

May mga alaalang maaaring unti-unting maglaho, ngunit ang halaga ng isang tao ay hindi kailanman nabubura. Sa paggunita ng National Alzheimer's Disease Awareness Week 2026, nawa'y magsilbi itong paalala na ang Alzheimer's disease ay hindi lamang tungkol sa pagkalimot, kundi tungkol din sa patuloy na pag-unawa, pag-aaruga, at pakikipagkapwa. 🌱💛

🧩 ANG MEMORYA BILANG ISANG PALAISIPAN
Ang bawat alaala ay tila isang piraso ng palaisipan na bumubuo sa kuwento ng ating buhay. Sa Alzheimer's disease, maaaring may mga pirasong unti-unting mawala, ngunit hindi nito ibig sabihin na nawawala rin ang buong pagkatao ng isang tao.

💭 KAPAG MAY NAWAWALANG PIRASO, NAWAWALA BA ANG TAO?
Maaaring makalimutan ng isang tao ang mga pangalan, lugar, o pangyayari, ngunit nananatili pa rin ang kaniyang kakayahang makaramdam ng pagmamahal, saya, lungkot, at kapanatagan. Ang pagkawala ng alaala ay hindi pagkawala ng dignidad at halaga.

⚠️ MGA PALATANDAAN NA DAPAT MAUNAWAAN
Maaaring kabilang dito ang madalas na pagkalimot sa bagong impormasyon, paulit-ulit na pagtatanong, pagkalito sa oras o lugar, hirap sa pagsasalita, pagbabago sa pag-uugali, at hirap sa mga dating nakasanayang gawain. Hindi lahat ng pagkalimot ay Alzheimer's, kaya mahalaga ang wastong pagsusuri.

🩺 BAKIT ITO NANGYAYARI?
Ang Alzheimer's disease ay isang progresibong sakit sa utak na maaaring maiugnay sa edad, henetika, at iba pang salik sa kalusugan at pamumuhay. Bagama't walang tiyak na paraan upang maiwasan ito, makatutulong ang pangangalaga sa kalusugan ng utak at katawan.

🤝 ANO ANG MAAARI NATING GAWIN?
Magpaalala nang may pagmamahal, makinig nang may pasensya, unawain ang kanilang damdamin, gumamit ng mga pamilyar na bagay, at samahan sila sa kanilang paglalakbay. Hindi lamang ang taong may Alzheimer's ang nangangailangan ng suporta, kundi maging ang kanilang pamilya at mga tagapag-alaga.

🎬 MULA SA PELIKULA PATUNGO SA PAG-UNAWA
Tulad ng ipinakita sa A Special Memory, maaaring hindi na maalala ng isang taong may Alzheimer's ang lahat ng detalye ng nakaraan, ngunit nananatili ang halaga ng pagmamahal, presensya, at pag-aaruga. Minsan, hindi man nila maalala ang bawat sandali, maaari pa rin nilang maramdaman na hindi sila nag-iisa.

🌿 MAGSIMULA SA PAG-UNAWA
Ang tunay na malasakit ay hindi nasusukat sa dami ng ating nalalaman, kundi sa paraan ng ating pakikitungo sa kapwa. Maaaring makalimot ang isang tao, ngunit hindi ibig sabihin na kailangan natin siyang kalimutan.

Magsimula sa pag-unawa. Magsimula sa pakikipagkapwa. 💚

Mga Sanggunian:

🔗 Dominguez, J., Jiloca, L., Fowler, K. C., De Guzman, M. F., Dominguez-Awao, J. K., Natividad, B., Domingo, J., Dominguez, J. D., Reandelar, M., Jr., Ligsay, A., Yu, J. R., Aichele, S., & Phung, T. K. T. (2021). Dementia incidence, burden and cost of care: A Filipino community-based study. Frontiers in Public Health, 9, 628700.
https://doi.org/10.3389/fpubh.2021.628700

🔗 El Haj, M., Antoine, P., Nandrino, J.-L., & Kapogiannis, D. (2015). Autobiographical memory decline in Alzheimer's disease. Current Neurology and Neuroscience Reports, 15, 51.

🔗 National Institute on Aging. (2025, March 4). What is Alzheimer's disease? National Institute on Aging.

🔗 National Institute on Aging. (2025). What are the signs of Alzheimer's disease? National Institute on Aging.

🔗 National Institute on Aging. (2024). What causes Alzheimer's disease? National Institute on Aging.

🔗 World Health Organization. (2026, July 3). Dementia. World Health Organization.

🔗 Sineneng, J. L. (Director). (2026). A Special Memory [Film]. Viva Films; Globalgate Entertainment.

🔗 Enriquez, V. G. (1992). From Colonial to Liberation Psychology: The Philippine Experience. University of the Philippines Press.





✍️: Oliver Sarmiento
🎨: Sky Victoria
🔍: James John Lumayot

17/09/2026

Ohh diba! Ang saya! ⛳🎉

Panoorin ang ilan sa mga naging makabuluhang kaganapan sa 1st Year Orientation at First Team Building ng DLSP Samahang Sikolohiya. Mula sa pagtalon, pagtawa, pakikilahok sa mga laro, paghula, pakikipagkuwentuhan, at kulitan, bawat sandali ay naging bahagi ng mga alaalang sabay-sabay nating binuo. 🧩🎲

Ito pa lamang ang simula ng mas marami pang masasayang karanasan, matitibay na samahan, at mga kuwentong hindi malilimutan. Hangad namin ang inyong tagumpay sa pagsisimula ng paglalakbay sa kolehiyo. 🎉🫶

Hanggang sa susunod nating pagsasama-sama, mga Freshies! 🤗🔱





✍️: Oliver Sarmiento
📷: Bea Javier

Disclaimer: No copyright infringement intended. We do not own the music in this video. They belong to their rightful owners.

🧩 Sabihin mo na kung... sino ang nagwagi! 🏆🤭Matapos ang kauna-unahang Team Building ng DLSP Samahang Sikolohiya na ginan...
14/09/2026

🧩 Sabihin mo na kung... sino ang nagwagi! 🏆🤭

Matapos ang kauna-unahang Team Building ng DLSP Samahang Sikolohiya na ginanap noong Setyembre 11, 2026 sa DLSP Library, narito ang mga kinilalang nagwagi sa iba't ibang kategorya. Maraming salamat sa inyong aktibong pakikilahok, sigla, at kooperasyon na siyang nagbigay-buhay sa bawat laro at hamon. Mula sa bawat laro hanggang sa bawat tagumpay, namayani ang husay at pagkakaisa ng bawat pangkat. 💚✨

Nawa'y magpatuloy ang pagkakaisa, pagtutulungan, at malasakit na nabuo sa araw na ito sa buong paglalakbay ng inyong batch. Hangad namin na patuloy ninyong baunin ang mga aral at karanasang inyong natutunan habang sama-sama kayong umuunlad at hinuhubog ang inyong sarili bilang mga Sikolohistang Malaya at Mapagpalaya. 👏🔱





✍️: Oliver Sarmiento
🎨: Sky Victoria

Freshies, pwede magtanong? "Never Grow Old?" Hindi... Pangkat ano ka? Ayy! 😁✌️Matagumpay na naidaos ang Ika-2 Taunang Or...
14/09/2026

Freshies, pwede magtanong? "Never Grow Old?" Hindi... Pangkat ano ka? Ayy! 😁✌️

Matagumpay na naidaos ang Ika-2 Taunang Orientasyon noong Setyembre 11, 2026 para sa mga Bagong Mag-aaral ng Batsilyer ng Agham sa Sikolohiya na may temang "Mapagpalayang Pagsibol: Pagsisimula ng Paglalakbay ng mga Bagong Sikolohista," gayundin ang kauna-unahang Team Building ng DLSP Samahang Sikolohiya. Sa dalawang makabuluhang gawaing ito, nabigyan kayo ng pagkakataong higit na maunawaan ang landas na inyong tatahakin, makilala ang inyong mga kapwa freshies, makabuo ng bagong pagkakaibigan, at maranasan ang diwa ng pagkakaisa bilang bahagi ng pamilyang Sikolohiya. 💚🧠

Baunin ninyo ang mga aral, inspirasyon, at masasayang alaalang nabuo sa mga araw na ito. Higit sa lahat, hangad naming magsilbi itong matibay na pundasyon ng inyong paglalakbay sa kolehiyo. Ito pa lamang ang simula ng marami pang kuwento, tagumpay, at karanasang sabay-sabay nating bubuuin. Maligayang pagdating sa pamilyang Sikolohiya, mga Sikolohistang Malaya at Mapagpalaya! ??🔱






✍️: Oliver Sarmiento
🎨: Ira Sykia Ilagan

Eyes here, Ka-SaSi! 👀 Narito na ang Annual Membership Drive ng DLSP Association of LGBTQIA+ towards Inclusivity and Dive...
12/09/2026

Eyes here, Ka-SaSi! 👀 Narito na ang Annual Membership Drive ng DLSP Association of LGBTQIA+ towards Inclusivity and Diversity for a better World (ALIW).

Kung ikaw ay new member o renewing member, sila ay bukas upang tanggapin ka. 💚

Buksan ang link na ito para sa Pledge Form: https://docs.google.com/document/d/1rq97yDEYPhsuc-aMTCm41NyY9x73whzb/edit?usp=drivesdk&ouid=100038598070798699689&rtpof=true&sd=true

Maaari ring mag-direkta sa post na ito para mas magkaroon ng kalinawan.

Stand proud, make your voice heard, and help us build a better world, one safe space at a time. 💙
​


Address

PLSP CAS Building, Brgy. San Jose
San Pablo City
4000

Opening Hours

Monday 8am - 8pm
Tuesday 8am - 8pm
Wednesday 8am - 8pm
Thursday 8am - 8pm
Friday 8am - 8pm

Website

Alerts

Be the first to know and let us send you an email when DLSP Samahang Sikolohiya - SaSi posts news and promotions. Your email address will not be used for any other purpose, and you can unsubscribe at any time.

Contact The School

Send a message to DLSP Samahang Sikolohiya - SaSi:

Shortcuts

Share

Category