ANHS EsP

03/09/2025

Nakasaad sa 1 Pedro 3:8 sa Bibliya, "Magkaisa kayo at magdamayan, magmahalan bilang magkakapatid at maging maunawain at mapagpakumbabá."

Itinuturo ng talatang ito na bilang mga Kristiyano, hindi sapat ang pakikisama lamang—dapat ay may pusong marunong makiramay at umunawa, dahil dito nakikita ang tunay na pagmamahalan bilang magkakapatid kay Kristo.

01/09/2025

Itinampok sa araw na ito ang pagkilala sa sampung (10) natatanging mag aaral sa kanilang pagpapamalas ng pakikipagkaisa sa iba't ibang mga gawain sa loob ng paaralan. Ang kanilang aktibong pakikisangkot ay naging daan upang maging mas mapadali at matagumpay ang pagsasagawa ng mga gawain at programa sa loob ng silid aralan at paaralan.

Binigyang diin ni Gng. Recobo, ang EsP Coordinator ng paaralan, ang kahalagahan ng pagsabuhay sa asal na ito dahil ito aniya ang magdudulot ng pagkatutong makipagtulungan, magkaroon ng malasakit sa kapwa, at maging handa sa pagtulong sa pag-unlad ng komunidad at bayan. ✨

14/08/2025

Magkaisa tayong mag wika ng maikling panalangin para sa ikapapayapa ng bawat paaralan at mapanatili ang maayos na seguridad ng bawat batang mag aaral.

Magtiwala tayo sa kapangyarihan ng panalangin, sapagkat nasusulat sa bibliya, "Magsihingi kayo at kayo ay bibigyan; Magsihanap kayo, at kayo'y makakasumpong; Magsituktok kayo, at kayo'y pagbubuksan." (Mateo 7:7)

29/07/2025

Labimpitong mag aaral ang kinilala at ginawaran ng sertipiko sa pagpapamalas ng birtud ng kalinisan, hindi lamang sa sarili kundi gayundin sa kapaligiran. Sila ay tunay na ehemplo sa lipunan at paaralan na marapat lamang pamarisan o tularan.

Ibinahagi ni Gng. Recobo, ang Koorinator ng ANHS EsP, na mahalaga ang birtud ng kalinisan sapagkat ito ay isang moral na ugali o magandang asal na nagpapakita ng pagpapahalaga sa sarili, kapwa, at kapaligiran sa pamamagitan ng pagiging malinis sa katawan, kaisipan, salita, gawa, at paligid.

01/07/2025

Nitong lunes (Hunyo 23) lamang ay nabigyang pagkilala ang walong mag aaral sa kanilang pagpapamalas ng pagpapahalaga sa sarili (self esteem). Ang parangal na ito ay alinsunod sa Regional Memorandum bilang 023 na may pamagat na "RDELC/RDNEB A.W.A.R.D.S (Acknowledging Worthy Attributes of Remarkable, Dedicated and Self-disciplined Learners." Layon ng programang ito na mabigyang kamalayan ang mga mag aaral sa iba't ibang mga birtud na marapat nilang isabuhay sa loob at labas ng tahanan.

Hinikayat ni Gng. Recobo, ang EsP Coordinator ng ating paaralan ang patuloy na pagsisikap ng mga mag aaral sa pagaaral sapagkat aniya ay "daan sa mas malalim na pagkilala, pagrespeto at pagmamahal sa sarili."

Ang mga mag aaral na kinilala ay sina Mark Khalix Anog, Mark Jhon Laddit, Kate Ashley Esteban, Paul Jake Luzano, Cristalyn Bautista, Cherry Angoluan, Krisel Ubaldo, at Justin Yowhan Madamba. ✨

27/05/2025

14/10/2024

Ang birtud na ipinagdidiriwang ngayong buwan ng Oktubre ay "Pagkamagalang." Bilang paggunita at pagkilala sa kadakilaan at sakripisyo ng ating mga huwarang g**o, at pag talima na rin sa buwanang gawain na tumatalakay sa kahalagahan ng paggalang, ay lumikha ang mga mag aaral ng akrostic ng salitang G**O o TEACHER.

Sa gawaing ito ay malikhain nilang inihayag ang kanilang paghanga at pagbibigay respeto o galang sa kani-kanilang mga g**o. Itinampok sa bidyo na ito ang mga piling likha sa nasabing gawain.

04/10/2024

Mula sa ANHS EsP Circle, malugod naming binabati ang buong kaguruhan ng mataas na paaralan ng Alibadabad ng maligayang buwan ng mga g**o! 🥳✨

Saan man kami mapadpad ay babaunin namin ang inyong mga aral at payo na ibinahagi sa amin. Ito ang magsisilbi naming ilaw at gabay sa pagtahak dito sa mundong ibabaw at galing sa pag harap sa mga pagsubok ng buhay.

Muli, isang nag aalab na pagbati ng HAPPY TEACHERS' DAY mahal naming mga g**o. ❤️

01/04/2023

ANHS through the participation of the ESP Coordinator, took part in the 3-day International Training on Values Formation and Professional Ethics with the theme: "Handling of Teachers with a Knowledge in Values Formation and High Professional Ethics" last March 23-25, 2023.

Here are some snippets of information from the said training.

31/03/2023

Isinagawa ng mga mag aaral ng mataas na paaralan ng Alibadabad noong ika-20 hanggang ika-24 ng Marso ang pagsulat ng Talambuhay na naglalayong buksan ang kanilang kamalayan sa kahalagahan ng PAG ASA upang sila'y manatiling matatag sa pag harap sa mga hamon ng buhay.

Sa gawaing ito, ay nagbalik tanaw ang mga mag aaral sa mga pangyayari sa kanilang buhay na kinapulutan nila ng aral.

Kaisa ng Kagawaran ng Edukasyon ang ANHS sa adhikain nitong mapagtibay at mapatatag, hindi lang ang dunong, kundi ang karakter ng bawat Pilipinong mag aaral.

20/03/2023

Ginawaran ng Sertipiko ng Pagkilala ang mga estudyanteng nagwagi sa patimpalak na Pagsulat ng "Kard ng Pagbati," na isinagawa noon nakaraang buwan ng Pebrero.