Batong Lusong ES - Palidan Tri - Media

Batong Lusong ES - Palidan Tri - Media Contact information, map and directions, contact form, opening hours, services, ratings, photos, videos and announcements from Batong Lusong ES - Palidan Tri - Media, School, Sitio Batong Lusong, Brgy. Villa Floresta, San Jose.

Batong Lusong ES - Palidan Tri - Media is the official online publication of Batong Lusong Elementary School, dedicated to sharing relevant news, events, and stories that inspire and inform the school community.

BALITA: Komprehensibong Serbisyong Medikal at Dental, Isinagawa sa Batong Lusong Elementary SchoolNoong ika-1 ng Hulyo, ...
02/07/2025

BALITA: Komprehensibong Serbisyong Medikal at Dental, Isinagawa sa Batong Lusong Elementary School

Noong ika-1 ng Hulyo, 2025, Martes ng umaga, isinagawa ang isang medical at dental check-up sa Batong Lusong Elementary School ng SDO San Jose City Medical Team. Ang mga nagsagawa ng serbisyo ay sina Doktora Marie M. Alayon, isang medical officer; Doktor Ruel L. Rumualdo, isang dentista; at mga nurse na sina Ilona I. Garcia at Jefferson M. Ganiban.

Lahat ng mag-aaral ng Batong Lusong Elementary School ay nakilahok sa nasabing check-up, kung saan sila ay tumanggap ng mga mahahalagang serbisyong medikal at dental. Bilang karagadagan, nagbigay ang mga ito ng mga gamot sa mga mag-aaral na nangangailangan.

Ang aktibidad na ito ay bahagi ng patuloy na pagsisikap ng SDO San Jose City na tiyakin ang kalusugan at kapakanan ng mga estudyante sa kanilang nasasakupan. Ang medical team ay patuloy na nag-iikot sa iba pang mga paaralan sa SDO San Jose City upang makapagbigay ng serbisyong pangkalusugan sa mas maraming mag-aaral.

BALITA: Sta. Infancia Scholars ng Batong Lusong, Tumanggap ng Bag at School SuppliesTumanggap ng mga bagong backpack at ...
24/06/2025

BALITA: Sta. Infancia Scholars ng Batong Lusong, Tumanggap ng Bag at School Supplies

Tumanggap ng mga bagong backpack at kumpletong school supplies ang mga Sta. Infancia Scholars ng Batong Lusong Elementary School ngayong araw, Hunyo 24, 2025, bilang bahagi ng patuloy na suporta ng Sta. Infancia Scholarship Program sa mga piling mag-aaral.

Pinangunahan ang pamamahagi ni Sister Anita M. Jaurigue, kinatawan ng Sta. Infancia Scholarship Program, na taon-taong nagbibigay ng edukasyonal na tulong sa mga piling mag-aaral mula sa komunidad. Kabilang sa mga ipinamahagi ang mga backpack, notebooks, papel, lapis, ballpen, at iba pang pangunahing gamit sa pag-aaral.

Ang Sta. Infancia Scholarship Program ay sinimulan noong taong 2012 bilang tugon sa pangangailangan ng mga estudyanteng kapos sa buhay ngunit masigasig sa pag-aaral. Sa loob ng higit isang dekada, patuloy itong nagbibigay ng suporta sa anyo ng school supplies at iba pang pang-edukasyong tulong.

Pinasalamatan naman ni G. Esguerra ang Sta. Infancia at ang mga bumubuo ng programa para sa kanilang tuloy-tuloy na pagtulong.

Inaasahan ng mga tagapamahala ng programa na mas mapalawak pa ang sakop ng scholarship sa mga susunod na taon upang mas maraming batang nangangailangan ang matulungan.

Balita: Brigada Eskwela 2025 Kick-Off, Isinagawa sa Batong LusongBatong Lusong, San Jose City - Matagumpay na isinagawa ...
09/06/2025

Balita: Brigada Eskwela 2025 Kick-Off, Isinagawa sa Batong Lusong

Batong Lusong, San Jose City - Matagumpay na isinagawa ngayong araw, Hunyo 9, 2025, ang Kick-Off Program ng Brigada Eskwela 2025 sa Batong Lusong Elementary School. Dinaluhan ito ng mga magulang, g**o, mag-aaral, at mga stakeholders, kabilang na ang sustained partner ng paaralan na Waltermart San Jose City.

Nagpaabot ng pasasalamat si Ma’am Robie-Ann S. Castillo, OIC Head Teacher, bilang kinatawan ni Dr. Jefferson S. Baer, punongg**o ng paaralan. Sa kanyang mensahe, binigyang-diin niya ang kahalagahan ng pagkakaisa at pagtutulungan ng buong komunidad upang matiyak ang ligtas at maayos na kapaligiran para sa mga mag-aaral.

Magpapatuloy ang Brigada Eskwela hanggang Hunyo 13, 2025, kung saan inaasahang mas marami pang makikibahagi sa mga gawaing pangkaayusan at paghahanda para sa darating na pasukan.

Mga Siklista, Naghatid ng Ligaya, Gamit Pang-eskwela, at Pagkain sa Batong Lusong Elementary SchoolSitio Batong Lusong, ...
07/06/2025

Mga Siklista, Naghatid ng Ligaya, Gamit Pang-eskwela, at Pagkain sa Batong Lusong Elementary School

Sitio Batong Lusong, San Jose City — Isang makabuluhang aktibidad ang isinagawa ngayong araw, Hunyo 7, 2025, sa Batong Lusong Elementary School kung saan namahagi ng mga school supplies at nagsagawa ng feeding program ang grupong Team Laspagan, isang samahan ng mga siklista na pinangungunahan ni G. Nico Escudero.

Buong galak na tinanggap ng mga mag-aaral ang mga kagamitan tulad ng lapis, papel, kwaderno, at iba pang pangangailangan sa paaralan — malaking tulong sa kanilang pag-aaral. Bukod dito, nagpaabot din ang grupo ng masarap na pagkain sa mga bata bilang bahagi ng kanilang feeding program, na lalong nagpasaya sa mga mag-aaral.

Sa simpleng programa, ipinaabot ng mga miyembro ng Team Laspagan ang kanilang hangarin na makapagbigay-inspirasyon at suporta sa mga batang patuloy na nagsisikap sa kabila ng mga hamon sa buhay.

Nagpahayag ng pasasalamat si Dr. Jefferson S. Baer, Punongg**o ng paaralan, kasama si Ma’am Robie-Ann Castillo, OIC Head Teacher, sa ipinamalas na kabutihang-loob ng grupo. Ayon kay Dr. Baer, itinuturing niya ang Team Laspagan bilang “Buena Manong Brigada Eskwela Heroes” ngayong taon dahil sa kanilang inisyatibong magpaabot ng tulong bago pa man ang pormal na pagsisimula ng Brigada Eskwela.

Isang patunay ang aktibidad na ito na ang sama-samang pagkilos ng komunidad, kahit mula sa mga hindi tradisyunal na sektor gaya ng mga siklista, may malaking ambag sa tagumpay ng edukasyon ng mga kabataang Pilipino — lalo na sa mga pamayanang katulad ng Sitio Batong Lusong.

Pagtatapos at Paglipat-Antas, Idinaos sa Batong Lusong ESBatong Lusong, San Jose City – Matagumpay na isinagawa ngayong ...
15/04/2025

Pagtatapos at Paglipat-Antas, Idinaos sa Batong Lusong ES

Batong Lusong, San Jose City – Matagumpay na isinagawa ngayong araw, Abril 15, 2025, ang Seremonya ng Pagtatapos ng Grade 6 at Paglipat-Antas ng Kindergarten sa Batong Lusong Elementary School.

Sa temang “Henerasyon ng Pagkakaisa: Kaagapay sa Bagong Pilipinas,” ipinagdiwang ang tagumpay ng mga mag-aaral bilang sagisag ng pagkakaisa at pag-asa para sa kinabukasan. Tema itong nagsisilbing paalala ng mahalagang papel ng kabataan bilang katuwang sa pagpapatatag ng bansa.

Dumalo sa programa ang mga magulang, g**o, at mga opisyal ng paaralan na buong pusong sumuporta sa mga nagsipagtapos. Kabilang sa mga panauhing dumalo si Sir Exlan W. Timbol, Education Program Supervisor sa MAPEH, bilang kinatawan ni Dr. Ericson S. Sabacan, Schools Division Superintendent ng SDO San Jose City.

Nagsilbi namang Panauhing Tagapagsalita si Patrolman Cesar Q. Ariz, dating mag-aaral noong Batong Lusong Primary School pa lamang at kauna-unahang naging pulis mula sa komunidad ng Sitio Batong Lusong. Nagbahagi siya ng kanyang inspiradong kwento — mula sa pagiging batang mag-aaral sa liblib na lugar patungo sa pagtupad ng pangarap bilang alagad ng batas. Mensaheng puno ng inspirasyon ang kanyang iniwan sa mga mag-aaral upang patuloy silang mangarap at magsikap sa kabila ng mga hamon sa buhay.

Isinara ang programa sa masiglang selebrasyon ng kultura at pagkakaisa, higit pang nagpapatibay sa layunin ng paaralan na hubugin ang mga mag-aaral hindi lamang sa akademikong larangan kundi pati na rin sa pagiging responsableng mamamayan.

Batong Lusong ES, Matagumpay na Ipinagdiwang ang Pagtatapos ng Purple Wednesday at National Women’s MonthBatong Lusong, ...
26/03/2025

Batong Lusong ES, Matagumpay na Ipinagdiwang ang Pagtatapos ng Purple Wednesday at National Women’s Month

Batong Lusong, San Jose City – Matagumpay na isinagawa ngayong araw, Marso 26, 2025 sa Batong Lusong Elementary School ang culminating activities para sa National Women’s Month, kasabay ng pagtatapos ng Purple Wednesday campaign. Isinagawa ang pagdiriwang sa ilalim ng temang “Babae sa Lahat ng Sektor, Aangat ang Bukas sa Bagong Pilipinas”, na nagbibigay-diin sa mahalagang papel ng kababaihan sa pagtataguyod ng mas inklusibo at progresibong kinabukasan.

Sa programa, ibinahagi ang iba’t ibang gawain na isinagawa sa buong buwan upang mapalakas ang kamalayan sa gender equality at empowerment ng kababaihan. Tampok din ang mga pagtatanghal, pagpaparangal, at iba pang aktibidad na naglalayong ipagdiwang ang kontribusyon ng kababaihan sa lipunan.

Sa pagtatapos ng selebrasyon, muling binigyang-diin ng pamunuan ng paaralan ang patuloy na pagsuporta sa adbokasiya ng pagkakapantay-pantay at pagbibigay ng higit na oportunidad sa lahat, anuman ang kasarian.

A Word a Day (AWAD) Kankanaey VersionPALIDANAlam n’yo ba…?Ang Palidan ay tumutukoy sa hasaang bato ng mga Kankanaey na g...
24/03/2025

A Word a Day (AWAD) Kankanaey Version

PALIDAN

Alam n’yo ba…?

Ang Palidan ay tumutukoy sa hasaang bato ng mga Kankanaey na ginagamit upang patalasin ang mga kagamitan tulad ng itak at kutsilyo.

Sa mundo ng pamamahayag, layunin din ng Palidan na hasain ang husay ng mga mag-aaral sa pagsusulat at pagbabalita—upang maging matalas sa pag-unawa, wasto sa paglalahad, at matibay sa paghahanap ng katotohanan.

Sa bawat salitang hinahasa ng Palidan, hinuhubog ang bagong henerasyon ng matatalino, mapanuri, at mapanagutang mamamahayag.

Source: Kankanaey-English Dictionary
www.webonary.org

Address

Sitio Batong Lusong, Brgy. Villa Floresta
San Jose
3121

Website

Alerts

Be the first to know and let us send you an email when Batong Lusong ES - Palidan Tri - Media posts news and promotions. Your email address will not be used for any other purpose, and you can unsubscribe at any time.

Shortcuts

Share

Category