Villa Floresta ES - Ugnayan Tri-Media

01/08/2025

MASIGLANG PAGDIRIWANG NG BUWAN NG NUTRISYON SA VILLA FLORESTA ELEMENTARY SCHOOL

Masigla at makabuluhang ipinagdiwang ng Villa Floresta Elementary School ang Buwan ng Nutrisyon ngayong Hulyo na may temang “Sa PPAN: Sama‑sama sa Nutrisyong Sapat Para sa Lahat!”

Ang pagdiriwang ay sinimulan sa pamamagitan ng isang maikling programa na pinangunahan ng mga g**o ng paaralan. Tampok dito ang mga mag-aaral sa iba't-ibang baitang na nagbahagi ng kaalaman tungkol sa wastong nutrisyon sa pamamagitan ng pagsayaw, sabayang bigkas, at kantang pangkalusugan.

Isa sa mga pinakatampok na aktibidad ay ang Nutri-Cook Fest, kung saan nagtagisan ang mga mag-aaral at magulang sa paghahanda ng masustansyang pagkain gamit ang kalabasa at abot-kayang sangkap. Ipinakita rin sa paligsahan ang malikhaing paraan ng paghahatid ng masustansyang pagkain sa pamilya.

Isinagawa rin ang mga paligsahan tulad ng poster making, slogan making, collage at coloring na may temang tumatalakay sa kahalagahan ng balanseng pagkain, tamang ehersisyo, at kalinisan.

Ayon kay G. Gorgonio V. Esguerra Jr., School Head ng Villa Floresta Elementary School, “Layunin naming maisapuso ng mga mag-aaral at magulang ang kahalagahan ng masustansyang pagkain hindi lamang ngayong Buwan ng Nutrisyon, kundi sa araw-araw.”

Sa pagtatapos ng selebrasyon, binigyang pagkilala ang mga nagwagi sa iba't ibang patimpalak. Naghatid ito ng kasiyahan at dagdag-kaalaman sa mga mag-aaral at kanilang mga magulang.

Ang matagumpay na pagdiriwang ng Buwan ng Nutrisyon ay naging patunay ng pagkakaisa ng buong paaralan sa pagsusulong ng malusog na pamumuhay tungo sa mas malusog na kinabukasan.

12/07/2025

Balita: Matagumpay na Pagsasagawa ng General Assembly sa Paaralang Elementarya ng Villa Floresta.

Hulyo 11, 2025 — Villa Floresta ES

Isinagawa ng Villa Floresta ES ang taunang General Assembly noong Hulyo 11, 2025 sa paaralan na dinaluhan ng mga g**o at magulang. Layunin ng pagtitipon na ipabatid sa mga magulang ang mahahalagang impormasyon ukol sa mga patakaran ng paaralan, iskedyul ng klase, at mga programang pang-akademiko at ekstrakurikular para sa taong panuruan 2025–2026.

Pinangunahan ng Ulong G**o na si Sir Gorgonio V. Esguerra, Jr. ang pagbubukas ng programa kung saan binigyang-diin ang kahalagahan ng pakikiisa ng mga magulang sa paghubog ng magandang kinabukasan ng kanilang mga anak. Ipinaliwanag din sa mga magulang ang pagsasagawa ng Phil-Iri, CRLA at RMA upang matukoy ang antas ng pagbasa at abilidad sa mathematics ng kanilang mga anak.

Nagkaroon din ng bukas na forum kung saan malayang nakapagtanong ang mga magulang ukol sa mga alituntunin ng paaralan, seguridad, at iba pang mga isyung pang-edukasyon.

Ang matagumpay na pagpupulong ay naging daan upang mapalakas ang ugnayan ng paaralan at pamayanan, at nagsilbing inspirasyon para sa mas masigla at makabuluhang taong pampaaralan.

09/06/2025

Brigada Eskwela, Pormal nang Binuksan sa Villa Floresta Elementary School

Villa Floresta, San Jose City - Pormal nang binuksan ngayong Hunyo 9, 2025 ang Brigada Eskwela sa Villa Floresta Elementary School sa pangunguna ni Dr. Jefferson S. Baer, Punongg**o ng paaralan.

Sa temang “Brigada Eskwela 2025: Sama-sama para sa Bayang Bumabasa,” nagsama-sama ang mga g**o, magulang, mag-aaral, at mga boluntaryo upang isagawa ang paglilinis, pagkukumpuni, at paghahanda ng mga silid-aralan para sa darating na pasukan.

Nagpasalamat si Dr. Baer sa suporta ng komunidad at hinikayat ang lahat na ipagpatuloy ang bayanihan para sa kapakanan ng mga mag-aaral.

Magpapatuloy ang gawaing ito hanggang Hunyo 13, 2025.

15/04/2025

Pagtatapos at Paglipat-Antas sa Villa Floresta ES, Idinaos

Villa Floresta, San Jose City – Idinaos ngayong araw, Abril 15, 2025, ang Pagtatapos ng Grade 6 at Paglipat-Antas ng Kindergarten sa Villa Floresta Elementary School.

Sa temang “Henerasyon ng Pagkakaisa: Kaagapay sa Bagong Pilipinas,” ipinagdiwang ang mahalagang yugto sa buhay ng mga mag-aaral bilang simbolo ng pag-asa, tagumpay, at pagkakaisa para sa kinabukasan.

Dumalo sa seremonya ang mga g**o, magulang, at Punongg**o ng paaralan, kasama si G. Exlan W. Timbol, Education Program Supervisor, na naghatid ng makabuluhang mensahe ng inspirasyon para sa mga nagsipagtapos.

Itinampok bilang panauhing tagapagsalita si G. Roy Chester V. Andres, Master Teacher II ng Tumana Elementary School at dating g**o ng Villa Floresta Elementary School. Ibinahagi niya ang mahahalagang aral at karanasang nagbigay inspirasyon at pag-asa sa mga mag-aaral, magulang, at buong pamayanan.

Isang makabuluhang seremonya ang nagpatibay sa kahalagahan ng edukasyon bilang sandigan ng mas maliwanag na bukas.

26/03/2025

Villa Floresta ES, Nagsagawa ng Culminating Activity para sa National Women’s Month

Villa Floresta Elementary School – Matagumpay na isinagawa ngayong Marso 26, 2025, ang culminating activity para sa National Women’s Month na may temang “Babae sa Lahat ng Sektor, Aangat ang Bukas sa Bagong Pilipinas.”

Tampok sa programa ang makabuluhang pagtatanghal ng mga mag-aaral, kabilang ang sayaw, kanta, at tula, na nagpapatibay sa papel ng kababaihan sa iba’t ibang sektor ng lipunan. Nagkaroon din ng awarding para sa mga nanalo sa lingguhang patimpalak tulad ng poster at slogan-making na may temang pangkababaihan.

Sa pamamagitan ng pagdiriwang na ito, higit pang naipamalas ang pagpapahalaga sa kontribusyon ng kababaihan at ang kanilang mahalagang papel sa pag-unlad ng Bagong Pilipinas.

14/03/2025

Villa Floresta ES, Nagsagawa ng Launching para sa Virtue Voyage: Roads to Core Values

Villa Floresta ES, San Jose City – Ngayong araw, opisyal na inilunsad sa Villa Floresta Elementary School ang Virtue Voyage: Roads to Core Values, isang makabagong programa para sa character formation ng mga mag-aaral. Layunin ng launching event na ito na gabayan ang mga estudyante sa pagpapaunlad ng kanilang pagkatao sa pamamagitan ng pagtuturo ng mga core values na nakaangkla sa pagiging Maka-Diyos, Maka-tao, Makakalikasan, at Makabansa.

Sa pangunguna ng Punongg**o na si Dr. Jefferson S. Baer at sa mahalagang pagdalo ni Dr. Christian C. Halili, Education Program Supervisor, naging matagumpay ang paglulunsad ng proyekto. Ang mga g**o, magulang, at opisyal ng barangay ay nagsilbing mga tour guides sa paglalakbay ng mga mag-aaral sa Mata-Diyos Street, Maka-tao Highway, Makakalikasan Avenue, at Makabansa Boulevard—isang simbolikong ruta patungo sa paghubog ng magandang asal at wastong pag-uugali.

Layunin ng programa ang patuloy na pagkakaisa at pagtutulungan ng paaralan at komunidad upang ihanda ang mga kabataan sa mga hamon ng buhay sa pamamagitan ng pagsasabuhay ng mga pangunahing pagpapahalaga.

13/03/2025

Villa Floresta Elementary School, Aktibong Lumahok sa NSED

Villa Floresta Elementary School – Matagumpay na isinagawa ngayong araw ang National Simultaneous Earthquake Drill (NSED) sa Villa Floresta Elementary School. Sa pangunguna ng paaralan, sama-samang nakiisa ang mga g**o, mag-aaral, at iba pang kawani sa pagsasanay upang mapalakas ang kahandaan sa oras ng lindol.

Sa pagsisimula ng drill, isinagawa ang Duck, Cover, and Hold technique kasabay ng tunog ng alarma, sinundan ng maayos at mabilis na paglikas patungo sa ligtas na lugar. Pinangunahan ng mga designated evacuation leaders ang pagsig**o na ligtas at sistematiko ang paglabas ng mga mag-aaral sa kanilang mga silid-aralan.

Layunin ng aktibidad na patuloy na palakasin ang kaalaman at kahandaan ng komunidad ng paaralan sa harap ng sakuna, bilang bahagi ng Disaster Risk Reduction and Management (DRRM) initiatives ng Department of Education at iba pang ahensya ng gobyerno.

07/03/2025

Dahil sa matinding init ng panahon at para sa kaligtasan ng lahat, suspendido ang face-to-face classes ngayong hapon, Marso 7, 2025 (Biyernes) sa lahat ng Pampublikong paaralan sa SDO San Jose City. ❌🎒

Paalala sa lahat na uminom ng maraming tubig 💧, manatili sa malamig na lugar 🏠❄️, at iwasan ang matagalang pagbabad sa araw 🌅. Mag-ingat tayo at alagaan ang ating kalusugan!



https://www.facebook.com/share/1AxfCBBmUr/?mibextid=wwXIfr

Dahil sa matinding init ng panahon at para sa kaligtasan ng lahat, suspendido ang face-to-face classes ngayong hapon, Marso 7, 2025 (Biyernes) sa lahat ng Pampublikong paaralan sa SDO San Jose City. ❌🎒

Paalala sa lahat na uminom ng maraming tubig 💧, manatili sa malamig na lugar 🏠❄️, at iwasan ang matagalang pagbabad sa araw 🌅. Mag-ingat tayo at alagaan ang ating kalusugan!