Sentro ng Wika at Kultura - Occidental Mindoro State University

13/07/2026

𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝟐𝟎𝟐𝟔: 𝐏𝐨𝐬𝐭𝐞𝐫 𝐑𝐞𝐯𝐞𝐚𝐥!

Maaari mo nang ma-download o makakuha ng kopya ng poster ng Buwan ng Wikang Pambansa 2026 na may temang "Wikang Filipino at AI: Kasangkapan sa Pananaliksik at Tulay sa Yaman ng Impormasyon.”

Mada-download ang digital na poster at iba pang kolaterals sa: https://hostyurl.com/HB40c1

𝐇𝐢𝐧𝐠𝐠𝐢𝐥 𝐬𝐚 𝐭𝐞𝐦𝐚

Kinikilala ng tema ng Buwan ng Wika 2026 ang magkaugnay na papel ng wikang Filipino at artificial intelligence (AI) para sa makabansang gawain ng pananaliksik. Panawagan ito para sa responsableng paggamit ng AI habang tinitiyak na may makabuluhang espasyo ang Wikang Pambansa sa mga usaping may kinalaman sa mga umuusbong na teknolohiya at kaugnay na usaping pang-etika rito.

Itinuturing ang AI bilang kasangkapan para maiangat pa lalo ang kalidad ng saliksik na inihahandog ng mga Pilipino, unang-una, para sa mga kapuwa Pilipino. Habang kinakasangkapan ang AI, patuloy pa ring tinatahak ng wikang Filipino ang landas ng intelektuwalisasyon na magbubunga ng panloob at panlabas na pagbabago sa bansa. Sa ganitong paraan, kapuwa ang AI at wikang Filipino ay nagiging tulay na gagamitin ng mga Pilipino para sa kanilang pinapangarap na magandang búkas.

Ating ipagdiwang ang ating Wikang Pambansa sa Agosto 2026!

12/07/2026

✨ 𝑮𝒆𝒏𝒅𝒆𝒓-𝑭𝒂𝒊𝒓 𝑳𝒂𝒏𝒈𝒖𝒂𝒈𝒆

The Extension Services Office issued Memorandum No. 6, Series of 2026, directing the adoption of gender-fair language in all extension communications, reports, and IEC materials. Together, let us promote equality, foster inclusivity, and respect every individual through the words we choose. 💜💜

12/07/2026

𝗣𝗔𝗕𝗔𝗧𝗜𝗗 | BUWAN NG WIKANG PAMBANSA 2026 🇵🇭

Alinsunod sa Proklamasyon Blg. 1041 at sa pangunguna ng Komisyon sa Wikang Filipino (KWF), ipagdiriwang ang Buwan ng Wikang Pambansa ngayong Agosto na may temang:

“𝐖𝐢𝐤𝐚𝐧𝐠 𝐅𝐢𝐥𝐢𝐩𝐢𝐧𝐨 𝐚𝐭 𝐀𝐈: 𝐊𝐚𝐬𝐚𝐧𝐠𝐤𝐚𝐩𝐚𝐧 𝐬𝐚 𝐏𝐚𝐧𝐚𝐧𝐚𝐥𝐢𝐤𝐬𝐢𝐤 𝐚𝐭 𝐓𝐮𝐥𝐚𝐲 𝐬𝐚 𝐘𝐚𝐦𝐚𝐧 𝐧𝐠 𝐈𝐦𝐩𝐨𝐫𝐦𝐚𝐬𝐲𝐨𝐧.”

Binibigyang-diin ng temang ito ang mahalagang papel ng Wikang Filipino sa makabagong panahon, kung saan ang Artificial Intelligence (AI) ay maaaring magsilbing katuwang sa pananaliksik, pagkatuto, komunikasyon, at pagpapalawak ng akses sa impormasyon. Kasabay ng pag-unlad ng teknolohiya, nananatiling mahalaga ang ating pambansang wika sa pagpapanatili ng ating kultura, pagkakakilanlan, at pagpapahalagang Pilipino.

Para sa Diyos, Bayan, Wika at Panitikan

04/07/2026

Maligayang Kaarawan Dr. Rowena Cordero Ulay 🎂🎉

02/07/2026

29/06/2026

28/06/2026

PAGPAPATATAG NG UGNAYAN PARA SA WIKA, KULTURA, AT PAMANANG MINDOREÑO

Bilang bahagi ng patuloy na pagtataguyod ng wika at kultura, nakiisa ang Direktor ng Sentro ng Wika at Kultura sa Joint Meeting ng Municipal Tourism Council (MTC) at Local Culture and the Arts Council (LCAC) ng San Jose na ginanap noong Hunyo 23, 2026 sa ABC Building.

Ang pagdalo sa nasabing pagpupulong ay sumasalamin sa matibay na pakikipagtuwang ng Sentro sa mga lokal na institusyon upang maisulong ang mga programang nagtataguyod sa wika, sining, kultura, at turismo. Sa pamamagitan ng pagkakaisa ng iba't ibang sektor, higit na mapalalakas ang mga inisyatibang naglalayong pangalagaan, paunlarin, at ipagmalaki ang mayamang kultura at pagkakakilanlan ng mga Mindoreño.

Sama-sama sa iisang layunin—ang pagpapanatili, pagpapayabong, at pagpapalaganap ng wika at kulturang Mindoreño para sa kasalukuyan at sa mga susunod na henerasyon.

25/06/2026

25/06/2026