https://www.facebook.com/104173539108016/

Food for the SOUL, Barangay Caanawan, San Jose (2026)

15/06/2023

Hunyo 13, 2023
AWIT 100 •Awit ng Pagpapasalamat•

📍STRIKING VERSE:
Pumasok sa kanyang templo na ang puso’y nagdiriwang, Umaawit nagpupuri sa loob ng dakong banal; Purihin ang ngalan niya at siya’y pasalamatan. [AWIT 100:4]

📍TRUTH:
Walang dapat papurihan kundi si Yahweh. Ang pusong tapat na nagpupuri, ay kalulugdan Niya.

📍ACTION:
Ihanda ang puso at isip sa tuwing magsisimba, magdarasal at magde-devotion. Alisin ang lahat ng mga sagabal sa pagpupuri sa Diyos.

-Bilang paghahanda sa pagpupuri sa Kanya. Umawit at makinig ng mga ‘’worship songs’’

📍REQUEST:
Ama, sa’Yo lamang ang pinakamataas na papuri at pasasalamat. Tulungan Mo po akong magpatuloy sa’Yo nang may kagalakan sa aking puso. Ikaw, o, Yahweh ay patuloy na maghari sa aking buhay. Ikaw ang maitaas sa lahat ng biyaya na aking natatamo. Sa Pangalan ni Hesus, Amen 🙏

15/06/2023

Hunyo 12, 2023
Awit 99 -Awit ng Pagpupuri sa Dakilang Diyos-

📍STRIKING VERSE:
Si Yahweh ay nagsalita sa gitna ng mga ulap; sila naman ay nakinig utos niya ay tinupad.
[AWIT 99:7]

📍TRUTH:
Hindi sapat ang pakikinig, pagbabasa ng mga salita o utos ng Diyos ito ay nangangailangan din ng pagkilos at pagsabuhay upang, maipakita ang kabanalan at pagkilos ng Diyos sa ating buhay.

📍ACTION:
Baguhin ang mga nakasanayang maling gawi na nagpapalayo sa kagustuhan ng Diyos.

-Mamuhay na sumusunod sa mga utos ng Diyos nang may buong katapatan.

📍REQUEST:
Ama, Ikaw ay tunay na Banal. Tulungan Mo akong sumunod sa Iyong mga utos. Baguhin at pagkalooban Mo ako ng mga katangiang makapagbibigay sa’Yo ng kaluwalhatian. Maghari nawa ang Iyong naisin at hindi aking pansariling kagustuhan. Patuloy Mong pag-alabin ang aking puso na sumusunod sa mga iba’t ibang gawaing panambahan. Pagkalooban Mo ako ng karunungan upang mas lumalalim pa ang aking pananampalataya sa Iyo. Sa Pangalan ni Jesus, Amen 🙏.

15/06/2023

Hunyo 11, 2023
Awit 98 -Ang Diyos ang Hari ng Daigdig-
📍STRIKING VERSE:
Magkaingay na may galak, yaong lahat sa daigdig; Si Yahweh ay buong galak na purihin sa pag-awit!
[AWIT 98:4]

📍TRUTH:
Ang Diyos ang tunay at nag-iisang Hari ng sanlibutan. Marapat lang na ibalik sa Kanya ang lahat ng kapurihan at pasasalamat.

📍ACTION:
-Ihayag ang kabutihan at kabanalan ng Panginoon sa ating buhay.

-Magpatuloy sa pagdalo sa Leaders’ Mentoring tuwing Huwebes.

-Ihanda ang sarili sa pagbabagong nais ng Panginoon. Hayaang ang Kanyang kalooban ang maghari.

📍REQUEST:
Ama, ang Iyong kabanalan at kaluwalhatian ang mangibabaw dito sa daigdig. Patuloy Mo po akong baguhin at gamitin sa mga gawaing ikalulugod Mo. Tulungan Mo po akong maibahagi ang mga ito sa aking pamilya upang masumpungan din nila ang tunay na kaligtasan. Sa Pangalan ni Jesus, Amen 🙏

11/06/2023

Hunyo 10, 2023
Awit 97 -Dakila’t Makapangyarihan si Yahweh-

⭐️STRIKING VERSE:
Sa tapat ang pamumuhay sisinag ang liwayway, Sa dalisay namang puso maghahari’y kagalakan. [AWIT 97:11]

⭐️TRUTH:
Pag-asa, kaginhawaan at kapayapaan ang pangako ng Panginoon sa mga anak Niyang patuloy na namumuhay nang may katapatan at taglay ang busilak na puso na maglingkod sa Kanya at sa ating kapwa.

⭐️ACTION:
Ipagkaloob ang buhay sa Panginoon at mamuhay na sumusunod sa Kanya.

-Magpakita ng mga gawi at ugali sa ibang tao na taglay ng pagiging isang kristyano na may tunay na Diyos na nananahahan sa ating buhay.

⭐️REQUEST:
Ama, tunay nga na dakila at makapangyarihan Ka. Itinataas ko ang aking buhay, mga plano, naisin at pangarap. Kaluguran Mo nawa ang puso kong tapat na naglilingkod sa’Yo. Pagtibayin Mo ang aking pananampalataya at patuloy na sumunod at maging tapat sa Iyo nang may kagalakan sa aking puso. Sa Pangalan ni Jesus, Amen 🙏

10/06/2023

Hunyo 9, 2023
AWIT 96 -Ang Diyos ang Makapangyarihang Hari-

⭐️STRKING VERSE:
Si Yahweh ay pupurihin, pagkat siya ay daratal, Paparito sa daigdig, upang lahat ay hatulan. Tapat siya kung humatol at lahat ay pantay-pantay.
[AWIT 96:13]

⭐️TRUTH:
Sa muling pagbabalik ng Panginoon tayong lahat ay Kanyang hahatulan. Lilitisin Niya ang ating naging buhay dito sa daigdig ng may katarungan.

⭐️ACTION:
Magpasakop, magpuri at tanggapin si Jesus bilang ating Diyos tagapagligtas.

-Ibahagi ang salita ng Diyos sa aking pamilya upang masumpungan din nila ang kaligtasan.

⭐️REQUEST:
Ama, isinusuko ko po ang buhay ko na ito sa Iyo. Huwag mo pong hayaang kami ay pagharian ng mga makamundong pagnanasa. Gawing mong karapat-dapat kaming mga likha mo na makapasok sa Iyong kaharian. Sa Pangalan ni Jesus, Amen 🙏

07/06/2023

Hunyo 06, 2023/Martes
Awit 93 -Ang Diyos ang Hari-
📍STRIKING VERSE:
Walang hanggan, Panginoon ang lahat ng tuntunin mo, Sadyang banal at matatag ang sambahang iyong templo. [AWIT 93:5]

📍TRUTH:
Ang Diyos ang Hari ng mga hari.

Wagas ang Kanyang Kapangyarihan.

Tanging ang kaparaanan ng Diyos ang nagbibigay ng tunay na layunin sa ating buhay at sa pamamagitan ng pagsunod sa mga alituntunin Niya tayo’y magpapatuloy nang may katatagan.

📍ACTION:
Mamuhay na sumusunod sa mga utos ng Diyos.

•Patatagin ang pananampalataya sa Diyos.

📍REQUEST:
Ama, itinataas ka namin at kinikilala bilang Hari ng mga hari. Ang iyong kabanalan ang siyang maghari sa aming buhay. Gabayan Mo po kami at panatilihing sumusunod sa Iyong mga utos. Nawa ang hangarin Mo ang siyang mangibabaw sa lahat ng pagkakataon sa aming buhay. Sa Pangalan ni Hesus, Amen 🙏

05/06/2023

Hunyo 05, 2023/Lunes
Awit 92 -Awit ng Pagdakila sa Diyos-

📍STRIKING VERSE:
Pag-ibig n’yang wagas ay dapat ihayag, kung bukang liwayway, Pagsapit ng gabi
Ang katapatan n’ya’y ihayag din naman.

📍TRUTH
Habang pinagkakalooban tayo ng Diyos ng buhay marapat lang na Siya ay dakilain. Walang hihigit na gawain ng Kanyang mga likha na Siya’y purihin nang may pagpapakumbaba.

📍ACTION:
Maging gawi ang pagdarasal sa umaga at magkaroon nang pagninilay sa kabutihan ng Diyos sa buong maghapon.

-Ihayag ang kabutihan ng Diyos sa ibang tao.

📍REQUEST:
Ama naming Diyos, na makapangyarihan sa lahat tunay nga na Ikaw ang aming gabay sa bawat sandali. Salamat Ama, sa buong maghapon na kami’y Iyong iningatan. Balutin Mo kami sa tuwina ng Iyong proteksyon at pagmamahal. Ilayo Mo kami sa anumang uri ng kapahamakan. Nawa ang Iyong presensya ay maging aming gabay sa pagpapatuloy nitong buhay. Sa Pangalan ni Hesus, Amen 🙏

03/06/2023

Hunyo 3, 2023/ Sabado
Awit 90 -Ang Diyos at ang Tao-

📍STRIKING VERSE:
Yaong taong niliha mo’y bumabalik sa alabok, Sa lupa ay nagbabalik kapag iyong inutos. [AWIT 90:3]

📍TRUTH:
Si Yahweh ang nagbibigay ng lahat ng buhay rito sa daigdig at Siya rin ang tanging nakakaalam ng hangganan nito. Tayong mga tao ay nagmula sa alabok at babalik din dito.

📍ACTION:
Pahalagahan ang buhay na ipinagkaloob ng Panginoon. Gamitin ang ito sa tama at naaayon sa Kanyang kagustuhan.

•Ihanda ang sarili at kaluluwa sa muling pagdating ng Panginoon.

Paano?

👉Tanggapin si Hesus bilang Panginoong tagapagligtas.

👉Sumunod at manatiling tapat sa paglilingkod sa Kanya.

👉Pagsisihan at talikdan ang mga kasalanan.

📍REQUEST:
Ama, tunay nga na Ikaw ang may lalang ng lahat dito sa mundo. Sa Iyong, pagpapala ipinagkaloob Mo ito. Kaya Panginoon dalangin ko na nawa Ikaw ang patuloy na maghari sa aking buhay. Iligtas Mo ako sa kapahamakan at panatilihing nasa Iyong proteksyon upang sa Iyong muling pagbabalik Ikaw ay aking makapiling. Sa Pangalan ni Hesus. Amen 🙏

02/06/2023

Hunyo 2, 2023/Biyernes
AWIT 89 •DALANGIN UPANG ILIGTAS•

📍STRIKING VERSE:
Isa sa lahi mo’y laging maghahari, Ang kaharian mo ay mamalagi.

📍TRUTH:
Ipinangako ng Panginoon na patuloy ang Kanyang pagpapala sa isang lahi at lipi na kailanman hindi Niya pababayaan.

•Kung ang isang pamilya ay binubuklod ng Banal na Esperitu ang pagpapala ng Panginoon ay mananatili.

📍ACTION:
Patuloy ibahagi ang ginagawang pagdedevotion at pagninilay sa mga salita ng Diyos sa aking pamilya.

Mas pag-ibayuhin ang pag-aaral sa salita ng Diyos upang mas lumalim ang aking kaalaman at karunungan nang maibahagi ito ng wasto.

📍Ama, patuloy Mo pong palalimin ang aking kaalaman sa Iyong mga salita, upang siyang maging daan na makakilala rin ang aking pamilya sa Iyo. Pag-alabin Mo po ang aking puso na patuloy maglingkod sa’Yo nang may katapatan. Sa Pangalan ni Hesus, Amen 🙏

01/06/2023

Hunyo 01, 2023/Huwebes
AWIT 88 •Dalangin ng May Karamadaman•

📍Striking Verse:
Dahilan sa lungkot, Ang aking paningi’y lumalamlam, Kaya naman, Yahweh, Tumatawag ako sa’yo araw-araw, Sa panalangin ko ay taas ang kamay. [AWIT 88:9]

📍TRUTH:
Ang anumang kapighatian na ating nararanasan sa buhay ay may kaakibat na kaginhawaan kung tayo ay tatawag at magtitiwala sa Panginoon.

📍ACTION:
Sa tuwing makakaranas ng dagok sa buhay, manalangin at idulog ito sa Panginoon. Ipanalangin ang mga mahal sa buhay na dumaranas ng sakit, paghihirap at pagsubok na masumpungan nila ang kagalingan sa pagpapala ng Panginoon.

📍REQUEST:
Ama, tunay nga na Ikaw ang Siyang nagkakaloob ng kagalingan sa bawat unos na dumadating sa aming buhay. Ipagkaloob Mo po ang kalakasan at katagumpayan sa mga pagsubok na ito. Huwag Mo pong hayaang kami ay manghina at tuluyang lumamlam ang pananampalataya sa Iyo. Sa Pangalan ni Hesus, Amen 🙏

31/05/2023

Mayo 31, 2023/Myerkules

AWIT 87 •Pinupuri ang Jerusalem•

📍STRIKING VERSE:
[6] Si Yahweh ay gagawa, ng isang talaan ng lahat ng taong doo’y mamamayan,
[7] Ang lahat ng ito ay magsisiawit at pawang sasayaw. AWIT 87:6-7

📍TRUTH:
Ang mga taong kumikilala sa Panginoon ay may lugar kanyang kaharian. Kaligtasan at buhay na walang hanggan ay ating makakamtan.

📍ACTION:
Palalimin ang relasyon at pananampalataya sa Panginoon sa pamamagitan nang pagdarasal, pagdedevotion, pagbabasa ng Biblia at pagsisimba.

•Patuloy na ibahagi ang devotion sa pamilya at kaibigan upang makakilala at tanggapin si Hesus na tagapagligtas ng buong sanlibutan.

📍REQUEST:
Ama, naming Diyos, narito ako sa Iyong harapan nagpapakumbaba at nagsusumamo. Hinihiling ko pong itala Mo ang aking pangalan sa aklat ng buhay. Maghari ka at manguna sa lahat ng bagay na aking gagawin. Patatagin Mo po ako at ihanda sa mga suliraning susubok ng aking pananampalataya bilang anak Mo. Tulungan Mo po akong maibahagi ang kaligtasan sa aking pamilya. Sa Pangalan ni Hesus, Amen 🙏

Food for the SOUL

15/06/2023

15/06/2023

15/06/2023

11/06/2023

10/06/2023

07/06/2023

05/06/2023

03/06/2023

02/06/2023

01/06/2023

31/05/2023

Address

Website

Alerts

Shortcuts

Share

Category

Listing takedown request