https://www.facebook.com/126840323854522/

Upig High School - SAMAPA/Samahan ng mga Mag-aaral sa Araling Panlipunan, Upig, San Ildefonso (2026)

07/06/2026

𝗪𝗲𝗹𝗰𝗼𝗺𝗲 𝗕𝗮𝗰𝗸 𝟮 𝗦𝗰𝗵𝗼𝗼𝗹

Kamusta, Upigenyos?

Handa na ba kayong harapin ang panibagong yugto ng inyong paglalakbay sa ating sintang paaralan?

Matapos ang panahon ng pahinga, muli tayong magsama-sama upang mangarap, tumuklas ng mga bagong kaalaman, at bumuo ng mga alaalang magbibigay-kulay sa ating taong panuruan.

Sa pagsisimula ng School Year 2026-2027, dala natin ang sariwang pag-asa, mga mithiin, at mga pagkakataong higit pang mahubog ang ating kakayahan at talento. Nawa’y maging daan ang taong ito upang patuloy tayong umunlad, harapin ang mga hamon na may tapang, at unti-unting maabot ang ating mga pangarap.

May mga ilan na excited muling makita ang kanilang mga kaibigan, ang iba naman ay sabik makilala ang kanilang mga magiging kaklase at g**o. Ngunit anuman ang dahilan ng inyong pananabik, isang bagay ang tiyak—panibagong karanasan at mga alaala na naman ang ating mabubuo sa loob ng paaralan.

Kaya ihanda na ang inyong mga sarili, gamit, at higit sa lahat, ang inyong puso’t determinasyon. Sapagkat naghihintay sa atin ang isang taong puno ng mga bagong aral, hamon, at oportunidad.

Maligayang pagbabalik sa paaralan, Upigenyos! Sama-sama nating gawing makabuluhan, masaya, at matagumpay ang School Year 2026-2027!

Kapsyon at Disenyo ni: Mia R. Fernando | SAMAPA Former President

——————

Mr. Romulo J. Roxas, Jr | School Head
Mr. Beltran M. Raymundo | Head Teacher III
Mrs. Marilou DC. Caysido | SAMAPA Adviser

07/06/2026

𝗕𝗿𝗶𝗴𝗮𝗱𝗮 𝗘𝘀𝗸𝘄𝗲𝗹𝗮 𝟮𝟬𝟮𝟲

Muli nating naisakatuparan ang isang makabuluhang kabanata ng pagkakaisa at paglilingkod.

Mula Hunyo 01 hanggang 05, 2026, buong pusong nakibayanihan ang aming samahan bilang paghahanda sa panibagong taon ng pagkatuto sa temang “𝐁𝐚𝐲𝐚𝐧𝐢𝐡𝐚𝐧 𝐬𝐚 𝐏𝐚𝐚𝐫𝐚𝐥𝐚𝐧: 𝐍𝐚𝐠𝐤𝐚𝐤𝐚𝐢𝐬𝐚 𝐩𝐚𝐫𝐚 𝐬𝐚 𝐊𝐚𝐚𝐲𝐮𝐬𝐚𝐧 𝐚𝐭 𝐊𝐚𝐚𝐥𝐚𝐦𝐚𝐧.”

Sa loob ng limang araw, naging saksi ang ating sintang paaralan sa sama-samang pagkilos ng mga taong may iisang hangarin—hindi lamang upang maglinis at magsaayos ng mga silid-aralan, kundi upang makapagbigay ng mas maayos, ligtas, at maaliwalas na kapaligiran para sa dekalidad na pag-aaral ng bawat mag-aaral.

Limang araw ng pagtutulungan, paglilingkod, at pagkakaisa ang naging daan upang maisakatuparan ang layunin ng ating brigada eskwela.

Sa bawat kamay na tumulong at sa bawat oras na inilaan, muling napatunayan na kapag nagkakaisa ang bawat isa sa atin, walang gawaing hindi matatagumpayan.

𝗠𝗮𝗿𝗮𝗺𝗶𝗻𝗴 𝘀𝗮𝗹𝗮𝗺𝗮𝘁, 𝗨𝗽𝗶𝗴𝗲𝗻𝘆𝗼𝘀!

Ang inyong sipag, dedikasyon, at malasakit ay naging bahagi ng paghahandang magbubukas ng panibagong yugto ng pagkatuto at pag-asa para sa ating paaralan. Higit sa lahat, naging bahagi kayo ng paglalatag ng daan tungo sa mas maliwanag na kinabukasan ng bawat Kabataang Upigenyo, upang tuluyang makamit ang kanilang mga pangarap sa buhay.

𝐒𝐚 𝐁𝐚𝐲𝐚𝐧𝐢𝐡𝐚𝐧, 𝐧𝐚𝐠𝐬𝐢𝐦𝐮𝐥𝐚.
𝐒𝐚 𝐏𝐚𝐠𝐤𝐚𝐤𝐚𝐢𝐬𝐚, 𝐧𝐚𝐠𝐭𝐚𝐠𝐮𝐦𝐩𝐚𝐲.

Kapsyon at Disenyo ni: Mia R. Fernando | SAMAPA Former President

——————

Mr. Romulo J. Roxas, Jr | School Head
Mr. Beltran M. Raymundo | Head Teacher III
Mrs. Marilou DC. Caysido | SAMAPA Adviser

31/05/2026

“Noong cleaners ako, hinahanap niyo ako kasi wala ako. Ngayong nandito na ako para tumulong sa Brigada Eskwela, tinatanong niyo naman kung bakit ako nandito.” – Ayy, maliii! 😆😥

Kaya ano pang hinihintay ninyo, Upigenyo!

Panahon na upang muling buhayin ang diwa ng bayanihan sa ating sintang paaralan at ipakita ang pagkakaisa para sa mas maliwanag na kinabukasan ng bawat mag-aaral.

Sa temang “𝐁𝐚𝐲𝐚𝐧𝐢𝐡𝐚𝐧 𝐬𝐚 𝐏𝐚𝐚𝐫𝐚𝐥𝐚𝐧: 𝐍𝐚𝐠𝐤𝐚𝐤𝐚𝐢𝐬𝐚 𝐩𝐚𝐫𝐚 𝐬𝐚 𝐊𝐚𝐚𝐲𝐮𝐬𝐚𝐧 𝐚𝐭 𝐊𝐚𝐚𝐥𝐚𝐦𝐚𝐧.” Buong puso namin kayong inaanyayahan na makiisa sa 𝗕𝗿𝗶𝗴𝗮𝗱𝗮 𝗘𝘀𝗸𝘄𝗲𝗹𝗮 𝟮𝟬𝟮𝟲 simula bukas, Hunyo 01-05, 2026. Kasama at katuwang ang aming samahan, sama-sama nating ihanda ang ating sintang paaralan para sa panibagong taong panuruan sa pamamagitan ng pagtutulungan, malasakit, at aktibong pakikilahok ng bawat isa.

Ang bawat pagwawalis ng sahig, pagpipintura ng mga pader, pagsasaayos ng mga lamesa at upuan, paglilinis ng loob at labas ng silid-aralan, at simpleng pag-aabot ng tulong ay isa nang makabuluhang hakbang tungo sa mas maayos, ligtas, at magandang kapaligiran para sa pagkatuto ng bawat Kabataang Upigenyo. Sapagkat kapag nagkakaisa ang komunidad, mas nagiging matatag ang pundasyon ng edukasyon.

Sa bawat patak ng pawis, pagod, at oras na ilalaan, hindi ito masasayang dahil ang isang maunlad na paaralan ay hindi mabubuo ng iisang tao lamang. Ito ay bunga ng sama-samang pagkilos ng mga taong may iisang layunin—ang mabigyan ng pagkakataon ang bawat mag-aaral na maabot at matupad ang kanilang mga pangarap.

Sa Brigada Eskwela, hindi kailangan ng malaking ambag upang makatulong dahil lahat tayo ay magtutulungan at walang maiiwan. Sama-sama nating ipakita na ang tunay na lakas ng paaralan ay nasa ating mga kamay na nagkakaisa para sa kaayusan at kaalaman.

Kita-kits sa Brigada Eskwela, Upigenyo! Makiisa at makibahagi para sa mas handa, matatag, at matagumpay na School Year 2026-2027! 💚✨️

Kapsyon at Disenyo ni: Mia R. Fernando | SAMAPA Former President

——————

Mr. Romulo J. Roxas, Jr | School Head
Mr. Beltran M. Raymundo | Head Teacher III
Mrs. Marilou DC. Caysido | SAMAPA Adviser

24/01/2026

📍 𝗣𝗿𝗼𝗷𝗲𝗰𝘁 𝗦𝗣𝗔𝗥𝗞𝗟𝗘

📆 January 22, 2026

Sa muling pagsisimula ng 𝗣𝗿𝗼𝗷𝗲𝗰𝘁 𝗦𝗣𝗔𝗥𝗞𝗟𝗘, isinagawa ang isang matagumpay na 𝐂𝐥𝐞𝐚𝐧-𝐔𝐩 𝐃𝐫𝐢𝐯𝐞 upang muling buhayin, ayusin, at pagandahin ang bawat hardin sa ating sintang paaralan, kaisa ang buong 𝗦𝗔𝗠𝗔𝗣𝗔 gayundin ang iba’t ibang club o organisasyon sa loob ng paaralan.

Ang aktibidad na ito ay naging patunay ng diwa ng pagtutulungan, pagkakaisa, at pagmamahal sa ating kapaligiran. Sa sama-samang pagkilos at pagtutulungan ng bawat mag-aaral, naipakita ang disiplina, malasakit, at responsibilidad.

Ang tagumpay ng 𝐂𝐥𝐞𝐚𝐧-𝐔𝐩 𝐃𝐫𝐢𝐯𝐞 na ito ay nagsisilbing inspirasyon upang ipagpatuloy ang mga programang nagtataguyod ng malinis, ligtas, at maayos na kapaligirang pampaaralan, hindi lamang para sa kasalukuyan kundi pati na rin sa mga susunod na henerasyon ng mga mag-aaral sa ating paaralan.

✍️: 𝗗𝗮𝗽𝗵𝗻𝗲 𝗚𝗮𝗹𝗲 𝗔. 𝗘𝘀𝘁𝗿𝗲𝗹𝗹𝗮 | 𝗦𝗔𝗠𝗔𝗣𝗔 𝗩𝗜𝗖𝗘 𝗣𝗥𝗘𝗦𝗜𝗗𝗘𝗡𝗧
🖼: 𝗠𝗶𝗮 𝗥. 𝗙𝗲𝗿𝗻𝗮𝗻𝗱𝗼 | 𝗦𝗔𝗠𝗔𝗣𝗔 𝗣𝗥𝗘𝗦𝗜𝗗𝗘𝗡𝗧

👩‍🏫: 𝗠𝗮𝗿𝗶𝗹𝗼𝘂 𝗗𝗖. 𝗖𝗮𝘆𝘀𝗶𝗱𝗼 | 𝗦𝗔𝗠𝗔𝗣𝗔 𝗔𝗱𝘃𝗶𝘀𝗲𝗿
👨‍🏫: 𝗥𝗼𝗺𝘂𝗹𝗼 𝗝. 𝗥𝗼𝘅𝗮𝘀, 𝗝𝗿. | 𝗦𝗰𝗵𝗼𝗼𝗹 𝗛𝗲𝗮𝗱
✍️: 𝗗𝗮𝗽𝗵𝗻𝗲 𝗚𝗮𝗹𝗲 𝗔. 𝗘𝘀𝘁𝗿𝗲𝗹𝗹𝗮 | 𝗦𝗔𝗠𝗔𝗣𝗔 𝗩𝗜𝗖𝗘 𝗣𝗥𝗘𝗦𝗜𝗗𝗘𝗡𝗧

23/01/2026

📍 𝗙𝗶𝗿𝘀𝘁 𝗣𝗵𝗶𝗹𝗶𝗽𝗽𝗶𝗻𝗲 𝗥𝗲𝗽𝘂𝗯𝗹𝗶𝗰 𝗗𝗮𝘆

📆 January 23, 2026

Sa araw na ito ating ipinagdiriwang ang 𝗜𝗸𝗮-𝟭𝟮𝟳 𝗔𝗻𝗶𝗯𝗲𝗿𝘀𝗮𝗿𝘆𝗼 𝗻𝗴 𝗣𝗮𝗴𝗸𝗮𝗸𝗮𝘁𝗮𝘁𝗮𝗴 𝗻𝗴 𝗨𝗻𝗮𝗻𝗴 𝗥𝗲𝗽𝘂𝗯𝗹𝗶𝗸𝗮 𝗻𝗴 𝗣𝗶𝗹𝗶𝗽𝗶𝗻𝗮𝘀, isang mahalagang yugto sa kasaysayan na sumasalamin sa tapang, talino, at matibay na paninindigan ng mga Pilipino para sa kalayaan.

Pormal na naitatag noong 𝗝𝗮𝗻𝘂𝗮𝗿𝘆 𝟮𝟯, 𝟭𝟴𝟵𝟵 sa 𝐁𝐚𝐫𝐚𝐬𝐨𝐚𝐢𝐧 𝐂𝐡𝐮𝐫𝐜𝐡 sa 𝗠𝗮𝗹𝗼𝗹𝗼𝘀, 𝗕𝘂𝗹𝗮𝗰𝗮𝗻, kung saan nanumpa si 𝐄𝐦𝐢𝐥𝐢𝐨 𝐀𝐠𝐮𝐢𝐧𝐚𝐥𝐝𝐨 bilang kauna-unahang 𝗣𝗮𝗻𝗴𝘂𝗹𝗼 𝗻𝗴 𝗥𝗲𝗽𝘂𝗯𝗹𝗶𝗸𝗮. Ang pagkakatatag ng Unang Republika ay patunay na kahit sa gitna ng pananakop at pagsubok, nananaig ang diwa ng pagkakaisa at pagmamahal sa bayan. Ito ay naging simbolo ng ating kakayahan bilang isang malayang bansa na pinamumunuan ng sariling mamamayan.

Sa pagdiriwang sa makasaysayang araw na ito, ating inaalala at pinahahalagahan ang mga sakripisyo ng ating mga bayani na nag-alay ng buhay, talino, at lakas para sa kinabukasan ng susunod na henerasyon.

Nawa’y magsilbing inspirasyon ang kanilang mga adhikain upang patuloy nating ipaglaban ang demokrasya, katarungan, at tunay na kalayaan. Mula sa 𝗦𝗔mahan ng mga 𝗠ag-aaral sa 𝗔raling 𝗣𝗔nlipunan kami ay taos pusong nakikibahagi sa araw na ito.

✍️: 𝗗𝗮𝗽𝗵𝗻𝗲 𝗚𝗮𝗹𝗲 𝗔. 𝗘𝘀𝘁𝗿𝗲𝗹𝗹𝗮 | 𝗦𝗔𝗠𝗔𝗣𝗔 𝗩𝗜𝗖𝗘 𝗣𝗥𝗘𝗦𝗜𝗗𝗘𝗡𝗧
🖼: 𝗠𝗶𝗮 𝗥. 𝗙𝗲𝗿𝗻𝗮𝗻𝗱𝗼 | 𝗦𝗔𝗠𝗔𝗣𝗔 𝗣𝗥𝗘𝗦𝗜𝗗𝗘𝗡𝗧

👩‍🏫: 𝗠𝗮𝗿𝗶𝗹𝗼𝘂 𝗗𝗖. 𝗖𝗮𝘆𝘀𝗶𝗱𝗼 | 𝗦𝗔𝗠𝗔𝗣𝗔 𝗔𝗱𝘃𝗶𝘀𝗲𝗿
👨‍🏫: 𝗥𝗼𝗺𝘂𝗹𝗼 𝗝. 𝗥𝗼𝘅𝗮𝘀, 𝗝𝗿. | 𝗦𝗰𝗵𝗼𝗼𝗹 𝗛𝗲𝗮𝗱

01/01/2026

𝐌𝐚𝐧𝐢𝐠𝐨𝐧𝐠 𝐁𝐚𝐠𝐨𝐧𝐠 𝐓𝐚𝐨𝐧, 𝐔𝐩𝐢𝐠𝐞𝐧𝐲𝐨! 🎆✨️

“𝐈𝐭 𝐢𝐬𝐧’𝐭 𝐨𝐧𝐥𝐲 𝐚 𝐧𝐞𝐰 𝐲𝐞𝐚𝐫 𝐢𝐭 𝐢𝐬 𝐚 𝐧𝐞𝐰 𝐜𝐡𝐚𝐧𝐜𝐞 𝐟𝐨𝐫 𝐞𝐯𝐞𝐫𝐲𝐨𝐧𝐞 𝐭𝐨 𝐫𝐞𝐬𝐭𝐚𝐫𝐭.” – 𝗠𝗼𝗵𝗮𝗺𝗺𝗲𝗱 𝗦𝗲𝗸𝗼𝘂𝘁𝘆.

Mula sa 𝗦𝗔𝗠𝗔𝗣𝗔, taos-puso naming ipinapaabot ang aming pinakamainit na pagbati ng isang masagana, masaya, at mapayapang bagong taon!

Ang bawat taon na dumarating ay panibagong pahina sa ating buhay, panibagong pagkakataon upang mangarap, magsumikap, at magtagumpay. Nawa’y maging inspirasyon ito para sa atin na harapin ang bawat hamon nang may tapang, determinasyon, at positibong pananaw.

Sa 2026, nawa’y punuin natin ang ating mga puso at isipan ng pagmamahal, pagkakaisa, at pasasalamat. Huwag kalimutan pahalagahan ang bawat sandali kasama ang ating pamilya, kaibigan, at kapwa sapagkat sa pagtutulungan at pagmamahalan, tunay na nagiging makulay at makabuluhan ang ating buhay.

Panibagong taon, panibagong pagkakataon! Sama-sama nating gawing mas maliwanag, mas masaya, at mas matagumpay ang panibagong taon. Magsimula tayo nang may ngiti, puno ng pag-asa, at may pusong bukas sa lahat ng bagong karanasan at oportunidad. 🎉❤️

✍️ & 🖼 : 𝗠𝗶𝗮 𝗥. 𝗙𝗲𝗿𝗻𝗮𝗻𝗱𝗼 | 𝗦𝗔𝗠𝗔𝗣𝗔 𝗣𝗥𝗘𝗦𝗜𝗗𝗘𝗡𝗧

👩‍🏫: 𝗠𝗮𝗿𝗶𝗹𝗼𝘂 𝗗𝗖. 𝗖𝗮𝘆𝘀𝗶𝗱𝗼 | 𝗦𝗔𝗠𝗔𝗣𝗔 𝗔𝗱𝘃𝗶𝘀𝗲𝗿
👨‍🏫: 𝗥𝗼𝗺𝘂𝗹𝗼 𝗝. 𝗥𝗼𝘅𝗮𝘀, 𝗝𝗿. | 𝗦𝗰𝗵𝗼𝗼𝗹 𝗛𝗲𝗮𝗱

30/12/2025

📍 Rizal Day

📆 December 30, 2025

“𝐖𝐚𝐥𝐚𝐧𝐠 𝐦𝐚𝐧𝐠-𝐚𝐚𝐥𝐢𝐩𝐢𝐧, 𝐤𝐮𝐧𝐠 𝐰𝐚𝐥𝐚𝐧𝐠 𝐦𝐚𝐠𝐩𝐚𝐩𝐚𝐚𝐥𝐢𝐩𝐢𝐧.” - 𝗗𝗿. 𝗝𝗼𝘀𝗲 𝗥𝗶𝘇𝗮𝗹

Ipinagdiriwang natin ngayon ang 𝐈𝐤𝐚-𝟏𝟐𝟗 𝐧𝐚 𝐓𝐚𝐨𝐧𝐠 𝐏𝐚𝐠-𝐚𝐥𝐚𝐚𝐥𝐚 𝐬𝐚 𝐊𝐚𝐛𝐚𝐲𝐚𝐧𝐢𝐡𝐚𝐧 ni 𝗝𝗼𝘀𝗲́ 𝗣𝗿𝗼𝘁𝗮𝗰𝗶𝗼 𝗥𝗶𝘇𝗮𝗹 𝗠𝗲𝗿𝗰𝗮𝗱𝗼 𝘆 𝗔𝗹𝗼𝗻𝘇𝗼 𝗥𝗲𝗮𝗹𝗼𝗻𝗱𝗮, ang pambansang bayani na gumising sa kamalayan ng sambayanang Pilipino. Sa pamamagitan ng kanyang panulat, talino, at matibay na prinsipyo lalo na sa mga akdang 𝐍𝐨𝐥𝐢 𝐌𝐞 𝐓𝐚𝐧𝐠𝐞𝐫𝐞 at 𝐄𝐥 𝐅𝐢𝐥𝐢𝐛𝐮𝐬𝐭𝐞𝐫𝐢𝐬𝐦𝐨. Ipinakita niya na ang tunay na lakas ng isang Pilipino ay nagmumula sa kaalaman, tapang, at malasakit sa kapwa.

Hindi man siya humawak ng sandata, ang kanyang mga salita ay naging apoy na gumising sa kamalayan ng sambayanan at nagbigay-liwanag sa landas ng rebolusyon. Hanggang sa kasalukuyan, patuloy na nagsisilbing sandigan ang kanyang mga aral. Ang kanyang buhay at kamatayan ay patunay na ang tunay na kalayaan ay nakakamit sa tapang, sakripisyo, at matatag na paninindigan para sa katotohanan, katarungan, at karapatang pantao.

Sa paggunita kay 𝗥𝗶𝘇𝗮𝗹, nawa’y magsilbi siyang paalala na ang kabayanihan ay hindi lamang nasusukat sa pagbuwis ng buhay, kundi sa pang-araw-araw na paggawa ng tama para sa kapwa at sa bansa.

Mabuhay ang alaala ni 𝗗𝗿. 𝗝𝗼𝘀𝗲 𝗥𝗶𝘇𝗮𝗹, at mabuhay ang sambayanang Pilipino! ❤️🇵🇭

📜: https://tl.wikipedia.org/wiki/Jos%C3%A9_Rizal

✍️ & 🖼 : 𝗠𝗶𝗮 𝗥. 𝗙𝗲𝗿𝗻𝗮𝗻𝗱𝗼 | 𝗦𝗔𝗠𝗔𝗣𝗔 𝗣𝗥𝗘𝗦𝗜𝗗𝗘𝗡𝗧

👩‍🏫: 𝗠𝗮𝗿𝗶𝗹𝗼𝘂 𝗗𝗖. 𝗖𝗮𝘆𝘀𝗶𝗱𝗼 | 𝗦𝗔𝗠𝗔𝗣𝗔 𝗔𝗱𝘃𝗶𝘀𝗲𝗿
👨‍🏫: 𝗥𝗼𝗺𝘂𝗹𝗼 𝗝. 𝗥𝗼𝘅𝗮𝘀, 𝗝𝗿. | 𝗦𝗰𝗵𝗼𝗼𝗹 𝗛𝗲𝗮𝗱

24/12/2025

Mula sa 𝗦𝗔𝗠𝗔𝗣𝗔, isang taos-pusong 𝐌𝐚𝐥𝐢𝐠𝐚𝐲𝐚𝐧𝐠 𝐏𝐚𝐬𝐤𝐨, 𝐔𝐩𝐢𝐠𝐞𝐧𝐲𝐨! 🎄✨

“𝐂𝐡𝐫𝐢𝐬𝐭𝐦𝐚𝐬 𝐢𝐬 𝐚 𝐝𝐚𝐲 𝐨𝐟 𝐦𝐞𝐚𝐧𝐢𝐧𝐠 𝐚𝐧𝐝 𝐭𝐫𝐚𝐝𝐢𝐭𝐢𝐨𝐧𝐬, 𝐚 𝐬𝐩𝐞𝐜𝐢𝐚𝐥 𝐝𝐚𝐲 𝐬𝐩𝐞𝐧𝐭 𝐢𝐧 𝐭𝐡𝐞 𝐰𝐚𝐫𝐦 𝐜𝐢𝐫𝐜𝐥𝐞 𝐨𝐟 𝐟𝐚𝐦𝐢𝐥𝐲 𝐚𝐧𝐝 𝐟𝐫𝐢𝐞𝐧𝐝𝐬.” - 𝗠𝗮𝗿𝗴𝗮𝗿𝗲𝘁 𝗧𝗵𝗮𝘁𝗰𝗵𝗲𝗿

Parang kailan lang ngunit heto na naman tayo, muling nagsasama-sama bilang isang pamilya, nagbubuklod ang mga puso, at masayang ipinagdiriwang ang Pasko. Sa kabila ng mga pagsubok at hamon na ating pinagdaanan at sama-samang natagumpayan, nawa sa araw na ito ay maramdaman natin ang kapayapaan, pag-ibig, at pag-asa na hatid ng kapaskuhan.

Sa araw na ito, nawa ang Pasko ay magsilbing paalala ng kahalagahan ng pagkakaisa, malasakit, at wagas na pagmamahal sa isa't isa. Nawa’y patuloy tayong pagpalain ng lakas, pag asa, at gabay ng Poong Maykapal.

Higit sa lahat, sariwain natin ang tunay na diwa ng Pasko, ang pagsilang ni Hesus, ang ating Tagapagligtas, na siyang liwanag at pag-asa ng sanlibutan. Nawa’y mapuno ng pasasalamat at pananampalataya ang ating mga puso at maghari ang pagmamahalan sa bawat isa.

Muli isang masaya, makabuluhan, at mapagpalang Pasko sa ating lahat. ❤️🙏

✍️ & 🖼 : 𝗠𝗶𝗮 𝗥. 𝗙𝗲𝗿𝗻𝗮𝗻𝗱𝗼 | 𝗦𝗔𝗠𝗔𝗣𝗔 𝗣𝗥𝗘𝗦𝗜𝗗𝗘𝗡𝗧

👩‍🏫: 𝗠𝗮𝗿𝗶𝗹𝗼𝘂 𝗗𝗖. 𝗖𝗮𝘆𝘀𝗶𝗱𝗼 | 𝗦𝗔𝗠𝗔𝗣𝗔 𝗔𝗱𝘃𝗶𝘀𝗲𝗿
👨‍🏫: 𝗥𝗼𝗺𝘂𝗹𝗼 𝗝. 𝗥𝗼𝘅𝗮𝘀, 𝗝𝗿. | 𝗦𝗰𝗵𝗼𝗼𝗹 𝗛𝗲𝗮𝗱

30/11/2025

📍 𝗣𝗿𝗼𝗷𝗲𝗰𝘁 𝗕𝗔𝗬𝗔𝗡𝗜 – 𝗠𝗼𝗻𝘁𝗵 𝗼𝗳 𝗡𝗼𝘃𝗲𝗺𝗯𝗲𝗿

📆 November 30, 2025

Ngayon ay ating ipinagdiriwang ang kaarawan ni 𝗚𝗮𝘁. 𝗔𝗻𝗱𝗿𝗲́𝘀 𝗕𝗼𝗻𝗶𝗳𝗮𝗰𝗶𝗼 𝘆 𝗱𝗲 𝗖𝗮𝘀𝘁𝗿𝗼. Siya’y ipinanganak noong Nobyembre 30, 1863 sa 𝗧𝗼𝗻𝗱𝗼, 𝗠𝗮𝘆𝗻𝗶𝗹𝗮, at kinikilala bilang 𝗔𝗺𝗮 𝗻𝗴 𝗞𝗮𝘁𝗶𝗽𝘂𝗻𝗮𝗻. Mula sa payak na pamumuhay, nagsikap si 𝗕𝗼𝗻𝗶𝗳𝗮𝗰𝗶𝗼 na mag-aral at unti-unting nahubog ang kaniyang matatag na diwang makabayan.

Noong 1892, siya ang nagtatag ng 𝐊𝐚𝐭𝐚𝐚𝐬𝐭𝐚𝐚𝐬𝐚𝐧, 𝐊𝐚𝐠𝐚𝐥𝐚𝐧𝐠𝐠𝐚𝐥𝐚𝐧𝐠𝐚𝐧𝐠 𝐊𝐚𝐭𝐢𝐩𝐮𝐧𝐚𝐧 𝐧𝐠 𝐦𝐠𝐚 𝐀𝐧𝐚𝐤 𝐧𝐠 𝐁𝐚𝐲𝐚𝐧 (𝐊𝐊𝐊), isang lihim na samahan naglalayong makamit ang kasarinlan ng 𝗣𝗶𝗹𝗶𝗽𝗶𝗻𝗮𝘀 mula sa kolonyal na 𝗘𝘀𝗽𝗮𝗻𝘆𝗮. Kalaunan, siya ay naging 𝗦𝘂𝗽𝗿𝗲𝗺𝗼 ng kilusan.

Sa kaniyang pamumuno, sumiklab ang 𝗛𝗶𝗺𝗮𝗴𝘀𝗶𝗸𝗮𝗻𝗴 𝗣𝗶𝗹𝗶𝗽𝗶𝗻𝗼, na nagbukas ng daan tungo sa pakikipaglaban para sa kalayaan ng bansa. Ang kanyang buhay at prinsipyo ay nagpapaalala na ang tunay na pagmamahal sa bayan ay nakikita sa paninindigan, sakripisyo, at walang sawang paglilingkod.

Mabuhay ang mga alaala ni 𝗔𝗻𝗱𝗿𝗲́𝘀 𝗕𝗼𝗻𝗶𝗳𝗮𝗰𝗶𝗼! Mabuhay ang Pilipinas ❤️🇵🇭

📜: https://tl.wikipedia.org/wiki/Andr%C3%A9s_Bonifacio

✍️ & 🖼 : 𝗠𝗶𝗮 𝗥. 𝗙𝗲𝗿𝗻𝗮𝗻𝗱𝗼 | 𝗦𝗔𝗠𝗔𝗣𝗔 𝗣𝗥𝗘𝗦𝗜𝗗𝗘𝗡𝗧

👩‍🏫: 𝗠𝗮𝗿𝗶𝗹𝗼𝘂 𝗗𝗖. 𝗖𝗮𝘆𝘀𝗶𝗱𝗼 | 𝗦𝗔𝗠𝗔𝗣𝗔 𝗔𝗱𝘃𝗶𝘀𝗲𝗿
👨‍🏫: 𝗥𝗼𝗺𝘂𝗹𝗼 𝗝. 𝗥𝗼𝘅𝗮𝘀, 𝗝𝗿. | 𝗦𝗰𝗵𝗼𝗼𝗹 𝗛𝗲𝗮𝗱

25/11/2025

📍 𝗘𝗡𝗗 𝗩𝗔𝗪

📆 November 25, 2025

Ang bumubuo ng Upig High School sa pangunguna ng masipag at maaasahang Punong G**o G. Romulo J. Roxas Jr., ang butihing GAD Focal Person, B. Karenrose H. Idago at ng 𝗦𝗔mahan ng mga 𝗠𝗔g-aaral sa Araling 𝗣𝗔nlipunan (SAMAPA) ay nakikisa sa patuloy na pagsusulong ng isang lipunang walang anumang uri ng karahasan laban sa kababaihan.

Sa pamamagitan ng pagtataas ng aming kanang kamay‚ buong puso naming ipinapahayag ang aming matatag na paninindigan para sa respeto‚ pagkakapantay-pantay‚ at karapatang pantao.

Ngayon araw, sama-sama nating itaguyod ang isang 𝗩𝗔𝗪-𝗙𝗿𝗲𝗲 na komunidad kung saan ligtas‚ pinapakinggan‚ at lubos na pinahahalagahan ang bawat kababaihan. ✋🧡

✍️: 𝗥𝗵𝗲𝗮 𝗠𝗮𝗲 𝗧. 𝗩𝗲𝗻𝘁𝘂𝗿𝗮 | 𝗦𝗔𝗠𝗔𝗣𝗔 𝗧𝗿𝗲𝗮𝘀𝘂𝗿𝗲𝗿

🖼: 𝗠𝗶𝗮 𝗥. 𝗙𝗲𝗿𝗻𝗮𝗻𝗱𝗼 | 𝗦𝗔𝗠𝗔𝗣𝗔 𝗣𝗿𝗲𝘀𝗶𝗱𝗲𝗻𝘁

👩‍🏫: 𝗠𝗮𝗿𝗶𝗹𝗼𝘂 𝗗𝗖. 𝗖𝗮𝘆𝘀𝗶𝗱𝗼 | 𝗦𝗔𝗠𝗔𝗣𝗔 𝗔𝗱𝘃𝗶𝘀𝗲𝗿
👨‍🏫: 𝗥𝗼𝗺𝘂𝗹𝗼 𝗝. 𝗥𝗼𝘅𝗮𝘀, 𝗝𝗿. | 𝗦𝗰𝗵𝗼𝗼𝗹 𝗛𝗲𝗮𝗱

Upig High School - SAMAPA/Samahan ng mga Mag-aaral sa Araling Panlipunan

07/06/2026

07/06/2026

31/05/2026

24/01/2026

23/01/2026

01/01/2026

30/12/2025

24/12/2025

30/11/2025

25/11/2025

Address

Website

Alerts

Shortcuts

Share

Category

Listing takedown request