https://www.facebook.com/403950772803090/

Talulot ng Rosas - RIS

Home
Philippines
Rosario
Talulot ng Rosas - RIS

Directions

Opisyal na pampaaralang pahayagan ng Rosario Integrated School.

Ang page na ito ng Opisyal na pampaaralang pahayagan ng Rosario Integrated School na Talulot ng Rosas ay nilikha upang maging isang mapagkakatiwalaang plataporma para sa mga aktwal, makatotohanang balita at anunsyo. Ito'y isang kanlungan ng impormasyon na naglalayong magbahagi ng mga kaganapan at mga mahahalagang update mula sa loob at labas ng paaralan.

07/10/2026

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻, 𝗗𝗮𝗻𝗶𝗲𝗹𝗹𝗲!

Buong pusong bumabati ang pamunuan ng Talulot ng Rosas kay Danielle Moreen Halog, bagong miyembro ng organisasyon mula sa kategoryang Kolum.

Nawa’y magsilbing tahanan ang TNR para higit mong malinang ang iyong talento sa pagsulat, pagbabahagi ng saloobin, at pagbuo ng mga kuwentong may sariling tinig at paninindigan.

Hiling namin ang iyong patuloy na paglago, inspirasyon, at tapang na gawing makabuluhan ang bawat salitang iyong isinusulat.

Muli, maligayang kaarawan, Danielle!

— Talulot ng Rosas 🌹

🎨 | Amirah Fernandez, Aliyah Shiloh Laceste

06/10/2026

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻, 𝗚𝗮𝗯𝗿𝗶𝗲𝗹!

Buong pusong bumabati ang pamunuan ng Talulot ng Rosas kay Gabriel Halog, Assistant Editor-in-Chief (EIC) ng Senior High School at isa sa mga Litratista ng organisasyon.

Nawa’y patuloy na maging daan ang TNR sa paglinang ng iyong talento sa pagkuha ng mga larawang may kuwentong dapat makita, madama, at pahalagahan.

Hiling namin ang iyong patuloy na tagumpay, inspirasyon, at masasayang alaala sa bawat kuhang nagbibigay-buhay sa mga kuwento ng ating paaralan.

Muli, maligayang kaarawan, Gabriel!

— Talulot ng Rosas 🌹

🎨 | Amirah Fernandez, Aliyah Shiloh Laceste

02/10/2026

𝗟𝗔𝗧𝗛𝗔𝗟𝗔𝗜𝗡 | 𝗧𝗶𝗹𝗮 (𝗧𝗜𝗦𝗔)𝗻𝗴 𝗡𝗮𝗴-𝗶𝗶𝘀𝗮

Pisara. Tisa. Lapis. Bolpen. Papel.

May mga kuwentong hindi kailangang sumigaw upang mapansin ng iba. Tahimik na nagbibigay-direksyon sa paghubog ng isa. Tila nagtuturo upang makawala sa buhay na minsa'y ayaw na. Nagbibigay kaalaman, sakripisyo, at suporta sa supling na ngayo'y mulat na. Nakapagtataka, sino nga ba siya?

Sa bawat pagsilip ng bukang-liwayway, habang ang hamog ay nasisilip pa't yumayakap sa mga dahon, may isang dakilang aninong gising na upang maghasik ng karunungan. Unang babangon, mag-aalmusal, at haharap kay Apo Init ng umaga upang magbigay aral bago pumatak ang dilim ng gabi. Guro—ang mga tahimik na manlililok ng bukas, ang nagtuturo ng daan patungo sa mga pangarap na walang bakas ng pag-aalinlangan.

Sa pagdiriwang ng National Teachers’ Month, hindi lamang natin binibilang isa-isa ang mga araw ng kalendaryo mula ika-5 ng Setyembre hanggang ika-5 ng Oktubre. Bagkus, ating kinikilala ang bawat tagaktak ng pawis, bawat puyat sa gabi, at ang walang-maliw na pag-ibig na nakatatak sa bawat sulok ng pisara.

Madalas nating marinig na ang mga g**o ay ang pangalawang magulang para sa atin na hindi nakikita't nahahanap sa tahanang kinamulatan natin ngunit buhay na buhay sa pangalawang bahay na kung saan tayo ay hinubog at minasa-masa nang pinong-pino upang maging isang obra-maestra ng lipunan. Sa bawat haplos ng kanilang pangaral, tila may mahiwagang kamay na nagtutuwid sa ating mga likong landas, pinupunan ang mga kakulangan ng ating pagkatao, at pinapaypayan ang mitsa ng ating natutulog na katangian.

"Kayo ang gumagawa ng grado niyo at kami'y tagabilang lamang."

Marahil narinig niyo na ang mga katagang 'yan mula sa labi ng isang g**ong tila nag-aalburuto sa galit sa harap ng klase. Isang paalalang nag-uutos sa atin upang magsumikap at magsunog ng kilay. Ngunit sa likod ng mga katagang ito ay may isang katotohanan na mas malalim pa sa numerong nakatala sa kard na kanilang inihahanda. Sila man ang tagabilang ng ating marka, sila naman ang walang-humpay na nagtapi sa ating mga kakulangan noong tayo pa ay salat sa kaalaman. Ang kanilang pagiging mahigpit ay hindi parusa, kundi pag-uga sa natutulog na diwa natin upang magising tayo sa katotohanang ang buhay sa labas ng paaralan ay nangangailangan ng paninindigan.

Hindi natatapos ang kanilang misyon sa pagtunog ng kampana sa hapon, bitbit pa rin nila ang mga pangarap ng iba saan mang dako sila magpunta. Doon, sa ilalim ng malamlam na ilaw ng lampara, muling magsisimula ang isa pang yugto ng sakripisyo. Bubuklatin ang mga kwaderno, titingnan ang bawat marka, at hahanapan ng lunas kung paano itatama ang mga baluktot na linya ng ating tadhana.

Ang pagkilala sa kanila ay hindi dapat nagtatapos sa mga bulaklak, tula, o sa mga palakpak na umaalingawngaw lamang sa loob ng isang buwan. Ang pinakamagandang regalong maibibigay natin sa kanila ay ang pag-iral ng mga turo nila at pag-unlad ng bawat isa na dumaan sa kalinga nila.

Sa huli, balikan natin ang simula: pisara, tisa, lapis, bolpen, at papel. Ang mga materyal na bagay na ito ay madaling mapalitan at maubos sa paglipas ng panahon. Ngunit ang mga aral at pag-ibig na ipinunla ng isang g**o gamit ang mga ito? Kailanma’y hindi mabubura ng kahit anong pambura ng mundong ito. Ikaw, na binuo at hinubog ng kanilang mga sakripisyo, handa ka bang maging patunay na hindi nasayang ang bawat kandilang inubos nila para sa iyo?

𝙄𝙨𝙞𝙣𝙪𝙡𝙖𝙩 𝙣𝙞: 𝘈𝘢𝘭𝘪𝘺𝘢𝘩 𝘑𝘰𝘺 𝘛𝘶𝘳𝘲𝘶𝘦𝘻𝘢
𝙇𝙖𝙮𝙤𝙪𝙩 𝙣𝙞: 𝘈𝘯𝘨𝘦𝘭𝘪𝘤𝘢 𝘍𝘳𝘢𝘯𝘻 𝘛𝘰𝘣𝘪𝘢

28/09/2026

𝗟𝗔𝗧𝗛𝗔𝗟𝗔𝗜𝗡 | 𝗞𝗮𝗶𝗻𝗮𝗻𝗴 𝗣𝗮𝗺𝗶𝗹𝘆𝗮 𝗠𝗮𝗵𝗮𝗹𝗮𝗴𝗮: 𝗛𝗶𝗻𝗱𝗶 𝗟𝗮𝗻𝗴 𝗧𝗶𝘆𝗮𝗻 𝗮𝗻𝗴 𝗕𝘂𝘀𝗼𝗴

Isang plato ang nilapag. Sinundan pa ito ng isa, hanggang sa mapuno. Ngunit higit sa pagkain, ang mas mahalagang pinupuno nito ay ang oras na inilalaan ng bawat isa.

Sa hapag, hindi lamang pagkain ang inihahain. Dito rin nagsisimula ang kuwentuhan tungkol sa mga pangyayari sa maghapon, ingay ng tawanan, at mga sandaling mahalaga.

Ngunit dahil sa magkakaibang responsibilidad, hindi palaging madali ang magsabay-sabay sa pagkain. May mga magulang na abala sa trabaho, mga anak na may pasok at puno ng gawain ang araw. Dahil sa magkakaibang gampanin at gawain, minsa'y natatapos ang araw na hindi man lang nagkakasabay sa lamesa.

Kaya naman ang pagdaraos ng “Kainang Pampamilya Mahalaga” Day ngayong ika-apat na Lunes ng Setyembre ay isang pagkakataon upang pagbuklurin muli ang bawat pamilya. Sa araw na ito, hindi lamang pagkain ang pagsasaluhan, kundi pati na rin ang oras para sa pamilya na madalas kinakain ng mga responsibilidad.

Sa bawat putaheng pagsasaluhan, may panibagong alaalang mabubuo sa hapag. Para sa ilan, maaaring isa lamang itong simpleng tanghalian. Para naman sa iba, ito ay isang bihirang pagkakataon upang muling makapiling ang buong pamilya.

Dahil hindi nasusukat sa dami ng pagkain ang isang masayang pagsasalo. Minsan, ang kuwento at birong dala ng isa't isa ay sapat na. Ang pinakamahalagang bagay ay ang presensya at oras na inilalaan ng bawat miyembro ng pamilya.

Sa pagtatapos ng araw, maaaring ubos na ang mga pagkain at magliligpit na ng pinagkainan. Ngunit ang mga alaalang mabubuo mula sa pagsasalo ay mananatili. Sapagkat sa isang simpleng pagsasalo, hindi lamang tiyan ang nabubusog—nag-iiwan din ito ng masasayang alaala sa hapag.

Isang hapag, maraming kuwento

𝙃𝙖𝙥𝙥𝙮 𝙆𝙖𝙞𝙣𝙖𝙣𝙜 𝙋𝙖𝙢𝙞𝙡𝙮𝙖 𝙈𝙖𝙝𝙖𝙡𝙖𝙜𝙖 𝘿𝙖𝙮

𝙄𝙨𝙞𝙣𝙪𝙡𝙖𝙩 𝙣𝙞: 𝘈𝘯𝘨𝘦𝘭𝘢 𝘏𝘰𝘨𝘢𝘵
𝙇𝙖𝙮𝙤𝙪𝙩 𝙣𝙞: 𝘔𝘩𝘢𝘳𝘪𝘦𝘭 𝘎𝘢𝘳𝘤𝘪𝘢

26/09/2026

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻, 𝗦𝗮𝗺𝗶𝗿𝗼!

Buong pusong bumabati ang pamunuan ng Talulot ng Rosas ng isang maligayang kaarawan kay Samiro Bienne Calpo, bagong miyembro ng organisasyon at kabilang sa hanay ng mga manunulat sa ISPORTS.
Nawa’y magsilbing daan ang TNR sa patuloy na paghubog at pagpapalago ng iyong talento sa pagsusulat, lalo na sa pagbabalita at paglalahad ng mga kaganapan sa mundo ng palakasan.

Hiling namin ang iyong patuloy na tagumpay, inspirasyon, at masasayang alaala sa bawat salitang iyong isinusulat.

- Talulot ng Rosas 🌹

🎨 | Amirah Fernandez, Aliyah Shiloh Laceste

25/09/2026

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻, 𝗔𝘂𝗱𝗿𝗲𝘆!

Buong pusong bumabati ang pamunuan ng Talulot ng Rosas ng isang maligayang kaarawan kay Audrey Palaruan, miyembro ng organisasyon at kabilang sa hanay ng mga manunulat sa ISPORTS. Nawa’y magsilbing daan ang TNR sa patuloy na paghubog at pagpapalago ng iyong talento sa pagsusulat, lalo na sa pagbabalita at paglalahad ng mga kaganapan sa mundo ng palakasan.

Hiling namin ang iyong patuloy na tagumpay, inspirasyon, at masasayang alaala sa bawat salitang iyong isinusulat.

- Talulot ng Rosas 🌹

🎨 | Amirah Fernandez, Aliyah Shiloh Laceste

22/09/2026

𝗜𝗦𝗣𝗢𝗥𝗧𝗦 | HULING TIRA, PANALO: ROSARIO, KUMABIG KONTRA PUGO

Binalagbag ng Rosario ang Pugo sa iskor na 17-15, matapos ang dikdikang sagupaan sa Cluster Meet 2026 Basketball 3x3, Setyembre 10, 2026, sa pamamagitan ng matibay na depensa at mabilis na opensa.

Mula sa unang sipol ng pito, dikit na agad ang laban habang parehong koponan ay nagpalitan ng puntos. Umabot sa 12-12 ang running score bago tuluyang kumawala ang Rosario sa mga huling minuto ng laro.

Sa krusyal na yugto, pinangunahan ng kapitan ng Rosario ang kanilang koponan upang mapanatili ang momentum at maitabla ang laban sa kanilang panig.

Naging susi rin ang maagap na depensa at mabilis na transition play upang makuha ang dalawang-puntos na kalamangan.

Hindi naman nagpahuli ang Pugo at patuloy na nakipagsabayan hanggang sa huling segundo. Gayunpaman, nanatiling kalmado ang Rosario sa closing minutes upang maisara ang laro sa iskor na 17-15.

Samantala, nasungkit ng Rosario ang pilak sa 5x5 Boys matapos makaharap ang Tubao, habang nakamit naman ng 5x5 Girls ang tanso laban sa Sto. Tomas.

Sa tatlong dibisyon, ipinakita ng mga koponan ng Rosario ang determinasyon at disiplina sa court habang kinatawan ang kanilang bayan sa Cluster Meet 2026.

𝗜𝘀𝗶𝗻𝘂𝗹𝗮𝘁 𝗻𝗶 | Samiro Calpo, Audrey Palaruan
𝗠𝗴𝗮 𝗟𝗮𝗿𝗮𝘄𝗮𝗻 | Myles Laureta, Kris Charles Apilado, Kurt Kirby Calub, Gabriel Halog, Angel Garcia

22/09/2026

𝗜𝗦𝗣𝗢𝗥𝗧𝗦 | ROSARIO, KUMABIG SA DALAWANG KAMPEONATO SA CLUSTER BILLIARDS

Nangibabaw ang mga pambato ng Rosario matapos masungkit nina Queenie Nonan at Yrish Rose Bencio ang tig-isang kampeonato sa Cluster Billiards Meet, Setyembre 11, 2026, sa Pob East, sa 9-Ball Girls at 8-Ball Girls Set A, ayon sa resulta ng torneo na nilahukan ng mga manlalaro mula Rosario, Pugo, Sto. Tomas, at Tubao.

Pinatunayan ni Queenie Nonan ang kanyang husay sa 9-Ball Girls matapos manguna sa kompetisyon at makuha ang unang puwesto para sa Rosario. Sa 8-Ball Girls Set A, muling umangat ang Rosario nang masungkit ni Yrish Rose Bencio ang kampeonato.

Samantala, nagkampeon si Milan ng Pugo sa 8-Ball Girls Set B, habang si D.J. Coy-om naman ng Tubao ang nanguna sa 8-Ball Boys.

Sa dalawang kampeonatong naiuwi ng Rosario, kapwa ipinakita nina Nonan at Bencio ang kahandaan at husay sa pagharap sa mga katunggali, dahilan upang maiangat ang pangalan ng kanilang bayan sa cluster competition.

𝗜𝘀𝗶𝗻𝘂𝗹𝗮𝘁 𝗻𝗶 | Lyka May Gonzales
𝗠𝗴𝗮 𝗟𝗮𝗿𝗮𝘄𝗮𝗻 | Myles Laureta, Rhea Lyn Santos

19/09/2026

𝗠𝗮𝗹𝗶𝗴𝗮𝘆𝗮𝗻𝗴 𝗞𝗮𝗮𝗿𝗮𝘄𝗮𝗻, 𝗞𝘂𝘆𝗮 𝗚𝗶𝗮𝗻!

Malugod na bumabati ang buong pamunuan ng Talulot ng Rosas ng Maligayang Kaarawan sa aming dating Editor-in-Chief, kuya Gian Halog!

Lubos na nagpapasalamat ang TnR sa iniwan mong dedikasyon at pagmamahal sa pagbibigay kulay at karakter sa mga pahayag at kwentong taglay ang katotohanan at tapang.

Nawa’y patuloy kang maging instrumento sa pagbibigay-sining at larawan sa mga kwento at isyung panlipunan.

Muli, Happy Birthday, kuya!

- Talulot ng Rosas 🌹

🎨 | Amirah Fernandez, Aliyah Shiloh Laceste

16/09/2026

𝗜𝗦𝗣𝗢𝗥𝗧𝗦 | RISERS Tahimik Pero Matinik Ang Teknik!

Nitong Setyembre 11, 2026, ginanap ang Chess Tournament sa RIS, gamit ang teknik, estratehiya, at matalas na pag-iisip, bawat manlalaro'y nagpakita ng kanilang dedikasyon at determinasyon, ngunit tatlo lamang ang maaaring makakuha ng kanilang pwesto, upang makasama sa provincial meet, ang mga kalahok ay nagmula sa Tubao National High School (TNHS), Pugo National High School (PNHS), Santo Tomas National High School (STNHS), at Rosario Integrated School (RIS).

Ang mga makakuha lamang ng kanilang pwesto para sa Provincial Meet ay ang Gold, Silver, at Bronze medalist, sa Boys' Category ay namayagpag ang PNHS bilang kampeon na tumanggap ng Gold Medal si Randyl Panasan, Ang tumanggap naman ng Silver Medal ay si Kurt Patrick Canda mula sa RIS, at ang Bronze medal naman ay nakamit ni Sebastian Carl Gonzales, mula rin sa RIS, ang mga kalahok na nakakuha ng pwesto sa boys category ang lalarga patungong Provincial Meet.

Sa Girls' Category naman ay nanguna sa listahan si Rianne Laconsay bilang kampeon mula sa RIS, na nakatanggap ng Gold Medal at makakapasok para sa Provincial Meet, hindi rin nagpatinag si Jamaica Faith Lang-es na nakakuha ng Silver Medal na nagmula rin sa RIS, at ang Bronze Medalist naman ay si Gemma mula sa TNHS, ang mga kalahok na nabanggit at nakasungkit ng medalya sa Girls' category ay maglalayag na bitbit ang pag-asa at determinasyon, sisimulan na ng mga atleta ang kanilang paglalakbay patungo sa Provincial Meet upang ipaglaban ang Probinsya ng La Union.

Pinangunahan Chess Tournament ni Tournament Director Blair S. Heruela, na kasama si Deputy Chief Arbiter Jimmy D. Estacio, at si Arbiter Joanne Lou D. Clores, na nagpatakbo ng kompetisyon na payapa, at binigyan ng oras ang bawat manlalaro na makapag isip, at lumaban ng patas, upang masig**o ang kapayapaan ng laro.

Round 1 hanggang round 4 hindi inatrasan ni Rianne Laconsay ang laban, nagningning at nagliwanag ang kanyang isipan, dahil nakakuha siya ng 12 points sa final ranking, maglalakbay at ipaglalaban niya muli ang RIS para sa Provincial Meet, kasama si Jamaica Faith Lang-es, na maglalabay rin patungong Provincial Meet, at sa boys category RIS makakasama sa Provincial Meet sina Kurt Patrick Canda, at si Sebastian Carl Gonzales na magpapatuloy ng kanilang paglalakbay papuntang Provincial Meet na irerepresenta ang Probinsya ng La Union.

𝗜𝘀𝗶𝗻𝘂𝗹𝗮𝘁 𝗻𝗶 | Shawn Michael Maligsa
𝗠𝗴𝗮 𝗟𝗮𝗿𝗮𝘄𝗮𝗻 | Kimberly Rivera, Rhea Lyn Santos

Address

Poblacion East
Rosario
2506

Website

facebook.com

Alerts

Be the first to know and let us send you an email when Talulot ng Rosas - RIS posts news and promotions. Your email address will not be used for any other purpose, and you can unsubscribe at any time.

Want your school to be the top-listed school/college in Rosario?

Talulot ng Rosas - RIS

07/10/2026

06/10/2026

02/10/2026

28/09/2026

26/09/2026

25/09/2026

22/09/2026

22/09/2026

19/09/2026

16/09/2026

Address

Website

Alerts

Shortcuts

Share

Category

Listing takedown request