Rizal Senior High School - Nueva Ecija

𝐖𝐀𝐋𝐀𝐍𝐆 𝐏𝐀𝐒𝐎𝐊 | Batay sa rekomendasyon ng ating LDRRMC at pakikipagugnayan sa DepEd, wala munang face-to-face classes bukas, September 22, 2025 sa lahat ng antas ng paaralan (public and private), pero huwag mag-alala, tuloy pa rin ang pag-aaral dahil gagamitin natin ang modular distance learning. 📚🩵

Kaligtasan ang ating prioridad — para sa sarili, para sa pamilya at para sa bawat Rizaleño. Ingat po tayong lahat. 🤗

💫

#𝐖𝐀𝐋𝐀𝐍𝐆𝐏𝐀𝐒𝐎𝐊 | 𝐒𝐄𝐏𝐓𝐄𝐌𝐁𝐄𝐑 𝟐𝟐, 𝟐𝟎𝟐𝟓 (𝐋𝐔𝐍𝐄𝐒)

Dahil sa inaasahang epekto ng Super Typhoon Nando (Ragasa) at sa rekomendasyon ng PDRRMO – Nueva Ecija, at para sa kapakanan ng mga mag-aaral nating Novo Ecijano, 𝐰𝐚𝐥𝐚𝐧𝐠 𝐩𝐚𝐬𝐨𝐤 𝐬𝐚 𝐥𝐚𝐡𝐚𝐭 𝐧𝐠 𝐚𝐧𝐭𝐚𝐬, 𝐩𝐚𝐦𝐩𝐮𝐛𝐥𝐢𝐤𝐨 𝐚𝐭 𝐩𝐫𝐢𝐛𝐚𝐝𝐨𝐧𝐠 𝐩𝐚𝐚𝐫𝐚𝐥𝐚𝐧 sa buong Lalawigan ng Nueva Ecija bukas, 𝐒𝐞𝐭𝐲𝐞𝐦𝐛𝐫𝐞 𝟐𝟐, 𝟐𝟎𝟐𝟓.

Ang kautusang ito ay nakasaad sa Executive Order No. 21, series of 2025, na pormal na nilagdaan ngayong araw upang tiyakin ang kaligtasan at kapakanan ng bawat Novo Ecijano.

Pinapaalalahanan ang lahat na manatiling ligtas, iwasan ang hindi kinakailangang paglabas, at patuloy na sumubaybay sa mga opisyal na abiso ng inyong lokal na pamahalaan.

📲 Para sa mga lehitimong anunsyo at impormasyon, i-Like at i-Follow ang official page ng 𝐏𝐫𝐨𝐯𝐢𝐧𝐜𝐢𝐚𝐥 𝐆𝐨𝐯𝐞𝐫𝐧𝐦𝐞𝐧𝐭 𝐨𝐟 𝐍𝐮𝐞𝐯𝐚 𝐄𝐜𝐢𝐣𝐚 (PGNE).

Sigla at Diwa ng Palaro!

Kasalukuyang sumisiklab ang diwa ng palakasan sa ginaganap na Dual Meet kung saan ang Rizal District ang nagsisilbing Host District. Sa bawat sigaw ng mga manlalaro, sa bawat indayog ng kanilang mga paa, at sa bawat hiyaw ng suporta mula sa mga manonood, nahahayag ang tunay na layunin ng pagtitipon na ito, ang pagtutulungan, pagkakaibigan, at pagpapalakas ng kakayahan ng bawat kabataan.

Hindi lamang ito isang tagisan ng lakas at galing, kundi isang patunay na sa kabila ng kompetisyon, umiiral ang pagkakaisa at respeto sa bawat kalahok. Ang Rizal District, bilang mapagkalingang host, ay hindi lamang nagbukas ng pinto ng pagkakataon para sa mga atleta, kundi nagsilbing ilaw upang higit na maipakita ang kahalagahan ng palakasan sa pagpapatatag ng karakter at pagkatao.

Sa bawat laban na nasasaksihan ngayon, sumisibol ang pag-asa at inspirasyon, isang alaala na mananatili sa puso ng mga kabataan, na magsisilbing gabay sa kanilang pagtahak sa mas malawak na landas ng buhay.