DepEd Kiloloron Elementary School

14/09/2026

TUPAD Beneficiaries, Nagsagawa ng Paglilinis at Pag-aayos ng Paligid ng Kiloloron Elementary School

Kiloloron, Quezon — Nagsagawa ng malawakang paglilinis at pag-aayos ng paligid ng Kiloloron Elementary School ang mga benepisyaryo ng TUPAD noong Setyembre 13, 2026, sa pangunguna ni Aine B. Mortiz.

Aktibong nakiisa ang mga TUPAD beneficiaries sa pagpapanatili ng kalinisan at kaayusan ng kapaligiran ng paaralan sa pamamagitan ng paglilinis ng mga pasilidad, pag-aalis ng kalat, pag-aayos ng mga paligid, at pagsasaayos ng mga lugar na nangangailangan ng pansin.

Layunin ng nasabing gawain na mapanatili ang ligtas, malinis, at maayos na kapaligiran para sa mga mag-aaral, g**o, at iba pang stakeholders ng paaralan. Ipinakita rin ng aktibidad ang kahalagahan ng pagtutulungan ng paaralan at komunidad sa pagsusulong ng disiplina at pangangalaga sa kapaligiran.

Nagpaabot naman ng pasasalamat ang pamunuan ng Kiloloron Elementary School sa mga TUPAD beneficiaries at kay Aine B. Mortiz sa kanilang oras, pagsisikap, at mahalagang ambag upang maging mas maaliwalas at kaaya-aya ang kapaligiran ng paaralan.

13/09/2026

KILOLORON ELEMENTARY SCHOOL TABLE TENNIS TEAM, KINILALA ANG GALING SA PALARONG QUEZON 2026

Gumaca, Quezon — Buong puso ang pagbati at pasasalamat ng Kiloloron Elementary School sa mga batang manlalaro ng Table Tennis na buong husay na kumatawan sa paaralan sa Palarong Quezon 2026 na ginanap sa Gumaca, Quezon.

Sa pangunguna ng kanilang masipag na coach na si Coach Doreen M. Crisostomo, ipinakita ng mga atleta ang kanilang determinasyon, disiplina, at dedikasyon sa bawat laban. Ang kanilang pagsisikap at pagsasanay ay nagsilbing inspirasyon sa buong paaralan.

Taos-pusong pasasalamat ang ipinapaabot sa mga manlalaro, coach, trainor, at mga magulang na patuloy na sumuporta at gumabay upang maabot ng mga kabataan ang kanilang pangarap sa larangan ng palakasan.

Gayundin ang pagkilala at pasasalamat kay PSDS Ireen O. Aveno at Bb. Jeanette A. Poblete Principal I sa walang sawang suporta, paggabay, at pagbibigay ng oportunidad upang maipamalas ng mga mag-aaral ng Kiloloron Elementary School ang kanilang talento at kakayahan.

Ang inyong tagumpay ay tagumpay ng buong paaralan. Mabuhay ang Kiloloron Elementary School Table Tennis Team! 🏓👏

03/09/2026

Kiloloron Elementary School Dancers Ipinamalas ang Husay sa 1st Congressional Festival of Talents

Sampaloc, Quezon — Setyembre 3, 2026

Matagumpay na kinatawan ng Kiloloron Elementary School Dancers ang Real Districtsa ginanap na 1st Congressional Festival of Talents na idinaos sa Sampaloc, Quezon noong Setyembre 3, 2026.

Ipinamalas ng mga batang mananayaw ang kanilang talento at dedikasyon sa larangan ng Indak ng Lahi, kung saan kanilang ipinakita ang husay sa pagsayaw, pagkakaisa, at pagmamalaki sa kulturang Pilipino. Pinangunahan at ginabayan ang pangkat nina Coach Kathrine Jolla R. Marquita at Melissa Jane L. Marasigan.

Nagbigay rin ng mahalagang Technical Assistance (TA) si Ma’am Odenah Rutas, School Principal I, na nagsilbing gabay at suporta upang higit pang mapahusay ang paghahanda at pagtatanghal ng mga kalahok. Patuloy rin ang suporta nina Ma’am Jeanette A. Poblete, School Principal I ng Kiloloron Elementary School, at Ma’am Ireen O. Aveno, Public Schools District Supervisor (PSDS) ng Real District, sa pagpapaunlad ng talento ng mga mag-aaral.

Nagpaabot ng pasasalamat ang paaralan sa mga mag-aaral na buong puso at dedikasyong kumatawan sa Real District, gayundin sa mga coach na walang sawang gumabay at nagsanay sa mga kalahok. Kinikilala rin ang mahalagang suporta ng mga magulang na patuloy na nagbigay inspirasyon at tulong upang maging matagumpay ang kanilang paglahok.

Ang paglahok ng Kiloloron Elementary School sa nasabing paligsahan ay patunay ng patuloy na paglinang ng talento ng mga mag-aaral at pagpapahalaga sa kulturang Pilipino sa pamamagitan ng sining at sayaw.

03/09/2026

28/08/2026

𝐀𝐁𝐈𝐒𝐎 𝐑𝐄𝐀𝐋𝐄Ñ𝐎: 𝐒𝐔𝐒𝐏𝐄𝐍𝐒𝐘𝐎𝐍 𝐍𝐆 𝐊𝐋𝐀𝐒𝐄 𝐒𝐀 𝐋𝐀𝐇𝐀𝐓 𝐍𝐆 𝐀𝐍𝐓𝐀𝐒

Dahil sa hindi magandang lagay ng panahon at bilang pag-iingat sa kaligtasan ng ating mga mag-aaral, sinususpinde ang klase sa lahat ng antas sa buong Municipality of Real ngayong araw.

Humihingi kami ng paumanhin sa biglaang abiso at sa mga magulang na kinakailangang sunduin ang kanilang mga anak, lalo na ang mga nasa elementarya. Nauunawaan namin ang abala at dagdag na pangambang maaaring maidulot nito.

Gayunpaman, mas mabuting maging maingat ngayon kaysa magsisi sa huli. Ang desisyong ito ay ginawa upang maiwasan ang anumang maaaring mangyari habang patuloy na hindi maganda ang lagay ng panahon.

Ang kaligtasan ng bawat mag-aaral, g**o, at kawani ang ating pangunahing prayoridad.

Maraming salamat sa inyong pang-unawa, pakikiisa, at patuloy na pagbibigay-prayoridad sa kaligtasan ng ating mga anak.

Mag-ingat po ang lahat. Manatiling ligtas, Realeño!

𝐀𝐁𝐈𝐒𝐎 𝐑𝐄𝐀𝐋𝐄Ñ𝐎 | 𝐒𝐔𝐒𝐏𝐄𝐍𝐒𝐘𝐎𝐍 𝐍𝐆 𝐊𝐋𝐀𝐒𝐄 𝐒𝐀 𝐋𝐀𝐇𝐀𝐓 𝐍𝐆 𝐀𝐍𝐓𝐀𝐒

Dahil sa patuloy na pagsama ng panahon at bilang pag-iingat sa kaligtasan ng ating mga mag-aaral, minabuti ni Mayor Julie Ann Orozco Macasaet na suspendehin ang klase sa lahat ng antas sa mga paaralan ngayong hapon.

“SUSPENDIDO PO ANG KLASE NGAYONG HAPON SA LAHAT NG ANTAS SA BAYAN NG REAL DAHIL SA HINDI MAGANDANG LAGAY NG PANAHON.
PAUMANHIN PO SA BIGLAANG ABISO KAYSA MAGSISI SA HULI. STAY SAFE, REALEÑOS!”

Maraming salamat po at mag-ingat po ang lahat.

22/08/2026

Kiloloron Elementary School Captures Championship in Indak ng Lahi at Real District Festival of Talents 2026

Real, Quezon — August 22, 2026 — Kiloloron Elementary School proudly achieved another milestone after being hailed as the Champion in Indak ng Lahi during the District Festival of Talents 2026 held at Real Central Elementary School.

The talented learners of Kiloloron Elementary School delivered an outstanding performance that showcased their creativity, teamwork, discipline, and appreciation for Filipino culture. Their impressive presentation earned the admiration of the audience and the recognition of the judges, securing the championship title in the competition.

Behind this remarkable achievement was the unwavering dedication and guidance of their coach, Kathrine Jolla R. Marquita, who provided continuous training, encouragement, and support to the learners throughout their preparation.

The school also extends its heartfelt gratitude to Jeanette A. Poblete, School Principal I of Kiloloron Elementary School, for her invaluable support and leadership in providing opportunities that allow learners to develop and showcase their talents. Appreciation is likewise given to the parents for their cooperation, encouragement, and continuous support in helping their children achieve this success.

This victory reflects the strong partnership among learners, teachers, school administrators, and parents in promoting excellence beyond the classroom.

Congratulations, Kiloloron Elementary School Indak ng Lahi Champions! Your dedication and passion have brought pride and honor to the entire school community. 🏆

21/08/2026

BASAHIN: Inilabas ng Kagawaran ng Edukasyon (DepEd) ang Memorandum kaugnay ng Nationwide Simultaneous School Safety Drill for Active Attack Incidents.

Alamin ang mga detalye at gabay sa pagsasagawa ng drill sa inyong paaralan.

17/08/2026

𝐀𝐁𝐈𝐒𝐎 𝐑𝐄𝐀𝐋𝐄Ñ𝐎!

Alinsunod sa 𝘔𝘦𝘮𝘰𝘳𝘢𝘯𝘥𝘶𝘮 𝘊𝘪𝘳𝘤𝘶𝘭𝘢𝘳 𝘕𝘰. 127 𝘯𝘨 𝘔𝘢𝘭𝘢𝘤𝘢ñ𝘢𝘯𝘨, ipinatutupad ang ALTERNATIVE LEARNING MODE sa lahat ng antas ng pampubliko at pampribadong paaralan, at ALTERNATIVE WORK ARRANGEMENT sa mga tanggapan ng pamahalaan simula 12:00 NN ngayong araw, Agosto 17, 2026, dahil sa patuloy na malakas na pag-ulan dulot ng Southwest Monsoon.

Para sa iba pang updates, manatiling nakatutok sa opisyal na anunsyo ng LGU Real.

14/08/2026

Ang Pamahalaang Panlalawigan ng Quezon ay susunod sa inilabas na Memorandum Circular No. 126 ng Office of the President Malacañang at lilipat sa ALTERNATIVE WORK ARRANGEMENT simula 12:01 PM ngayong araw, Agosto 14.

Ito ay kaugnay ng rekomendasyon ng NDRRMC, dahil sa Heavy Rainfall Warning ng PAGASA at patuloy na malakas na pag-ulan dulot ng Habagat.

Samantala, ang mga ahensiyang responsable sa paghahatid ng pangunahing serbisyo at serbisyong pangkalusugan, paghahanda at pagtugon sa mga sakuna at kalamidad, at pagsasagawa ng iba pang mahahalagang serbisyo ay inaatasang magpatuloy sa kanilang operasyon at magbigay ng kinakailangang serbisyo.

Pinapayuhan naman ang lahat na mag-ingat,maging alerto at agad na sumunod sa ipinag-uutos ng mga lokal na pamahalaan.