LSR - Tinta Saletino

20/09/2026

20/09/2026

MATAGUMPAY NA NAIDAOS ANG SEARCH FOR LITTLE AMBASSADOR AND AMBASSADRESS OF RECONCILIATION 2026

Matagumpay na naidaos ang pinaka-aabangang Search for Little Ambaassador and Ambassadress of Reconciliation 2026 ngayon, ika-19 ng Setyembre, sa LSR gymnasium.

Nilahukan ito ng 12 pares ng mga kandidato mula sa iba’t ibang baitang na nagpakitang-gilas sa Production Number, School Uniform, Sports Wear, Talent Portion at Formal Attire.

Matapos ang mahigpit na labanan, kinoronahan bilang Little Ambassador and Ambassadress 2026 sina Zeph Clarion Z. Zalun mula sa Grade 1 - Faith at Marcaella B. Dela Cruz mula sa Grade 2 - Justice para sa Cluster A. At sina Henry M. Rodriguez at Jeusef Ceana A. Ang mula sa Grade 5 - Prudence para naman sa Cluster B.

Ang patimpalak na ito ay hindi lamang tungkol sa pagiging maganda at matikas, kundi para matulungan ang mga mag-aaral na magkaroon ng kumpiyansa at maipakita ang kanilang talento at talino.

Nagtapos ang programa sa masigabong palakpakan mula sa mga estudyante, g**o, at magulang na sumuporta sa nasabing patimpalak.

19/09/2026

𝙉𝙂𝘼𝙔𝙊𝙉 | Laro ng Lahi sa Ikatlong Araw ng Foundation

19/09/2026

𝙉𝙂𝘼𝙔𝙊𝙉 | FIESTA MASS NG LA SALETTE, IDINAOS SA SAN ROQUE PARISH

SAN ROQUE PARISH — Isinagawa ngayong araw ang Fiesta Mass bilang bahagi ng pagdiriwang ng kapistahan ng La Salette.

Pinangunahan ni Rev. Msgr. Edmundo “June” C. Castañeda, PhD., ang banal na misa bilang presider, na dinaluhan ng mga Salettinian at mananampalataya bilang pagpapakita ng pananampalataya at pagkakaisa.

18/09/2026

Mga Kuhang-Larawan | KARAKOL 2026

18/09/2026

Nasa Municipal Ground na ang mga mananayaw para sa Karakol Competition. Handa nang ipakita ng bawat year level ang kanilang indak sa harap ng mga manonood.

18/09/2026

𝙉𝙂𝘼𝙔𝙊𝙉 | Sa Wakas, Kompetisyon na!

Sa wakas, dumating na ang pinakahihintay na Karakol Competition bilang bahagi ng pagdiriwang ng ika-58 Anibersaryo ng La Salette of Ramon. Maipamamalas ngayong hapon ang bawat mag-aaral ang kanilang galing sa sayaw.

18/09/2026

Pinarangalan ang mga nagwagi sa Readers’ Theater at Balagtasan matapos ang kanilang mahusay na pagtatanghal bilang bahagi ng ika-58 Anibersaryo ng La Salette of Ramon. Iginawad ang mga parangal bilang pagkilala sa kanilang husay, pagsisikap, at pakikiisa sa pagdiriwang.

18/09/2026

𝙉𝙂𝘼𝙔𝙊𝙉 | Wikang Filipino at AI, Tampok sa Readers’ Theater at Balagtasan

Tampok sa ikalawang araw ng ika-58 Anibersaryo ng La Salette of Ramon ang Readers’ Theater at Balagtasan na nilahukan ng mga mag-aaral mula Elementarya at High School. Sa pamamagitan ng mga pagtatanghal, naipakita nila ang kanilang husay sa pagsasalita at pagganap, gayundin ang kanilang kaalaman at pananaw tungkol sa Wikang Filipino at AI.

17/09/2026

𝙉𝙂𝘼𝙔𝙊𝙉 | Unang Tally ng Puntos

Matapos ang mga paligsahan sa unang araw ng pagdiriwang, narito ang kasalukuyang tally ng puntos ng bawat team na kanilang naipon.

Batay sa kasalukuyang tala (3:45 PM), pinangunahan ng bawat koponan ang kanilang laban sa pagkamit ng ginto, pilak, at tansong medalya. Na kung saan nangunguna ang red, sinundan ng blue, at ng yellow.

Patuloy pa ang kompetisyon sa mga susunod na araw bago matukoy ang kabuuang kampeon sa lahat ng mga aktibidad sa 3-Day Foundation Day ng La Salette of Ramon.