DepEd Anahawan Elementary School

📢 𝗪𝗔𝗟𝗔𝗡𝗚 𝗣𝗔𝗦𝗢𝗞 | 𝗔𝗴𝗼𝘀𝘁𝗼 𝟭𝟵, 𝟮𝟬𝟮𝟲 (𝗠𝗶𝘆𝗲𝗿𝗸𝘂𝗹𝗲𝘀) – 𝗤𝗨𝗘𝗭𝗢𝗡 𝗗𝗔𝗬
Bukas, Agosto 19, 2026, ay ipinagdiriwang ang Araw ni Quezon bilang paggunita sa kapanganakan ng dating Pangulong Manuel L. Quezon.

📌 Ang nasabing araw ay itinuturing na 𝑺𝒑𝒆𝒄𝒊𝒂𝒍 𝑵𝒐𝒏-𝑾𝒐𝒓𝒌𝒊𝒏𝒈 𝑯𝒐𝒍𝒊𝒅𝒂𝒚 sa Lalawigan ng Quezon, Lalawigan ng Aurora, at Lungsod ng Quezon.

KARANGALAN SA KASUOTANG PILIPINO 2026!

Isang masigabong pagbati at pagpupugay sa ating mga mag-aaral na itinanghal na may PINAKAMAGANDANG KASUOTANG PILIPINO 2026 ng Anahawan Elementary School!

Bilang bahagi ng pagdiriwang ng Buwan ng Wikang Pambansa 2026 isinagawa ang pagpili ng mga mag-aaral na may pinakamahusay at pinakamagandang kasuotang Pilipino sa oras ng Flag Ceremony.

MGA ITINANGHAL NA PINAKAMAGANDANG KASUOTANG PILIPINO 2026:

Jarel D. Loresto
Kylie Zemira P. Marjes
B-Jhay P. Pacala
Nathalie Faye D. Septimo

Ang inyong kasuotan ay hindi lamang larawan ng kagandahan at pagiging presentable, kundi isang pagpapahalaga sa ating kultura, tradisyon, at pagkakakilanlang Pilipino.

Patuloy nating ipagmalaki ang ating pagka-Pilipino at panatilihing buhay ang ating kultura sa bawat henerasyon!

Mabuhay ang Wikang Pambansa! Mabuhay ang Kulturang Pilipino!

𝗣𝗔𝗚𝗣𝗨𝗣𝗨𝗚𝗔𝗬 𝗦𝗔 𝗠𝗚𝗔 𝗠𝗔𝗡𝗟𝗔𝗟𝗔𝗥𝗢 𝗡𝗚 𝗔𝗡𝗔𝗛𝗔𝗪𝗔𝗡 𝗘𝗦

Buong pagmamalaki at pasasalamat ang ipinapaabot ng Anahawan Elementary School sa ating mga magigiting na manlalaro na buong husay, tapang, at disiplina na nakilahok sa Palarong Pambayan 2026, na ginanap sa Calauag, Quezon noong Agosto 8, 2026. 🇵🇭👏

Hindi lamang medalya at panalo ang sukatan ng tagumpay—ang tunay na tagumpay ay ang tapang na lumaban, disiplina sa bawat laro, at dedikasyong kumatawan sa ating paaralan. 💚

♟️ CHESS – GIRLS
• Alhex Andrea C. Beldad
• Nhatalie Faye D. Septimo

♟️ CHESS – BOYS
• Jeric F. Beldad
• Alden D. Danseco

🏸 BADMINTON – GIRLS SINGLES
• Khate Angel M. Florido
• Kate Emerald P. Latuna

🏸 BADMINTON – GIRLS DOUBLES
• Kiesha Nathalie B. Cabanela
• Jezzelle Claire R. Celis

🏸 BADMINTON – BOYS SINGLES
• Denver James E. Coralde
• Niel Ezekiel M. Cocamas

🏸 BADMINTON – BOYS DOUBLES
• Cyros S. Mojico
• Francis Cyril M. Cas

🌟🏸 ESPESYAL NA PAGKILALA 🏆

Isang natatanging pagkilala ang iginawad kay KHATE ANGEL M. FLORIDO para sa kanyang kahanga-hangang tagumpay bilang 🥇 1ST PLACE – BADMINTON GIRLS SINGLES sa Palarong Pambayan 2026!

Ang iyong husay, tiyaga, disiplina, at determinasyon ay nagsilbing inspirasyon sa buong Anahawan Elementary School. Ipinagmamalaki ka namin, Khate Angel!

Mabuhay ang ating mga manlalaro! Ang inyong pagsisikap, sportsmanship, at dedikasyon ay tunay na karangalan ng Anahawan Elementary School.

Patuloy kayong magsanay, mangarap, at lumaban nang buong puso. Sa bawat palo, tira, galaw, at laban—dala ninyo ang buong suporta at pagmamalaki ng ANAHAWAN ES!

𝗞𝗔𝗦𝗨𝗢𝗧𝗔𝗡𝗚 𝗣𝗜𝗟𝗜𝗣𝗜𝗡𝗢, 𝗦𝗔𝗚𝗜𝗦𝗔𝗚 𝗡𝗚 𝗔𝗧𝗜𝗡𝗚 𝗣𝗔𝗚𝗞𝗔𝗞𝗔𝗞𝗜𝗟𝗔𝗡𝗟𝗔𝗡!

Bilang pakikiisa sa pagdiriwang ng Buwan ng Wika 2026 na may temang “Wikang Filipino at AI: Kasangkapan sa Pananaliksik at Tulay sa Yaman ng Impormasyon,” buong pagmamalaking isinusulong ng Anahawan Elementary School ang pagsusuot ng kasuotang Pilipino at katutubong kasuotan tuwing Seremonya ng Pagtataas ng Watawat.

Sa bawat Lunes ng ating pagtitipon, hindi lamang natin ipinapakita ang ating paggalang sa watawat at pagmamahal sa bayan, kundi ipinagmamalaki rin natin ang makulay na kultura, tradisyon, at pagkakakilanlang Pilipino.

Sa makabagong panahon ng teknolohiya at Artificial Intelligence, patuloy nating binibigyang-halaga ang Wikang Filipino at kulturang Pilipino bilang mahalagang bahagi ng ating pagkatao at pagkakaisa.

Kasuotang Pilipino, kultura nating buhay—ipagmalaki at pahalagahan!

𝐖𝐀𝐋𝐀𝐍𝐆 𝐏𝐀𝐒𝐎𝐊 | Alinsunod sa 𝐄𝐱𝐞𝐜𝐮𝐭𝐢𝐯𝐞 𝐎𝐫𝐝𝐞𝐫 𝐍𝐨. 𝟏𝟕 𝐬𝐞𝐫𝐢𝐞𝐬 𝟐𝟎𝟐𝟔 na nilagdaan ni 𝐌𝐚𝐲𝐨𝐫 𝐑𝐨𝐬𝐚𝐥𝐢𝐧𝐚 𝐎. 𝐕𝐢𝐬𝐨𝐫𝐝𝐞, 𝐬𝐮𝐬𝐩𝐞𝐧𝐝𝐢𝐝𝐨 𝐚𝐧𝐠 𝐥𝐚𝐡𝐚𝐭 𝐧𝐠 𝐤𝐥𝐚𝐬𝐞 (𝐟𝐚𝐜𝐞-𝐭𝐨-𝐟𝐚𝐜𝐞) bukas, 𝐀𝐠𝐨𝐬𝐭𝐨 𝟏𝟎, 𝟐𝟎𝟐𝟔 (𝐋𝐮𝐧𝐞𝐬), sa lahat ng antas ng paaralan, pampubliko at pribado, sa Bayan ng Calauag, dahil sa inaasahang patuloy na pag-ulan dulot ng 𝐄𝐧𝐡𝐚𝐧𝐜𝐞𝐝 𝐒𝐨𝐮𝐭𝐡𝐰𝐞𝐬𝐭 𝐌𝐨𝐧𝐬𝐨𝐨𝐧 (𝐇𝐚𝐛𝐚𝐠𝐚𝐭).

Kasama rin sa suspensyon ang mga g**o at non-teaching personnel upang mabigyan sila ng pagkakataong manatili sa ligtas na lugar at maiwasan ang mga panganib na maaaring dulot ng patuloy na pag-ulan.

Maaaring ipatupad ng mga paaralan ang angkop na 𝐀𝐥𝐭𝐞𝐫𝐧𝐚𝐭𝐢𝐯𝐞 𝐃𝐞𝐥𝐢𝐯𝐞𝐫𝐲 𝐌𝐨𝐝𝐞𝐬 (𝐀𝐃𝐌) o iba pang learning arrangements kung ito ay ligtas at naaayon sa umiiral na mga patakaran ng Department of Education.

Pinapaalalahanan ang lahat na mag-ingat, manatiling alerto, at patuloy na subaybayan ang mga opisyal na abiso mula sa 𝐃𝐎𝐒𝐓-𝐏𝐀𝐆𝐀𝐒𝐀, 𝐂𝐚𝐥𝐚𝐮𝐚𝐠 𝐌𝐃𝐑𝐑𝐌𝐎, at iba pang kinauukulang ahensya.
Mag-ingat po tayong lahat.

CONGRATULATIONS, KHATE ANGEL M. FLORIDO! 💚🏸

Anahawan Elementary School proudly celebrates your 1st Place victory in Girls’ Singles Badminton! 🥇🏆

Your dedication, discipline, determination, and passion for the sport have truly paid off. You have shown that with hard work and perseverance, dreams can become victories! 💪✨

🌟 ROAD TO PALARONG QUEZON! 🌟
Keep training, keep believing, and keep making ANAHAWAN ES proud! 💚

Padayon, Khate Angel! Your AES family is cheering for you all the way! 🏸

𝐆𝐀𝐋𝐈𝐍𝐆 𝐀𝐓 𝐃𝐈𝐒𝐈𝐏𝐋𝐈𝐍𝐀: 𝐀𝐍𝐀𝐇𝐀𝐖𝐀𝐍 𝐄𝐒 𝐒𝐀 𝐂𝐀𝐋𝐀𝐔𝐀𝐆 𝐏𝐀𝐋𝐀𝐑𝐎𝐍𝐆 𝐏𝐀𝐌𝐁𝐀𝐘𝐀𝐍 𝟐𝟎𝟐𝟔!

Buong puso at pagmamalaki nating ipinagbubunyi ang mga manlalaro ng Anahawan Elementary School na buong tapang at determinasyong nakilahok sa Calauag Palarong Pambayan 2026. Ipinakita ng ating mga batang atleta ang kanilang husay, sipag, tiyaga, disiplina, at tunay na diwa ng sportsmanship sa bawat laban na kanilang hinarap.

Sa larangan ng Badminton, buong dedikasyon silang ginabayan nina Ma’am Genelen E. Durante at Ma’am Joanna Marie A. Pereira, habang sa Chess, buong tiyaga at malasakit na umalalay sina Ma’am Joan A. Comia at Ma’am Glaiza I. Panotes.

Patuloy namang naging katuwang at tagapagsanay ng ating mga atleta si Sir Milden L. Segarra, School Sports Coordinator, na naglaan ng panahon, gabay, at suporta upang maihanda ang mga manlalaro sa kompetisyon. Sa pamumuno naman ni Sir Sherwin L. Inofre, School Principal, patuloy na sinusuportahan ng Anahawan Elementary School ang pagpapaunlad ng talento at kakayahan ng ating mga mag-aaral sa larangan ng palakasan.

Higit sa anumang medalya o parangal, ang bawat pawis, pagsisikap, tapang, at karanasang natamo ng ating mga atleta ay isang tagumpay na maipagmamalaki ng buong Anahawan Elementary School.

Mabuhay ang mga Atletang Anahawan!
Laban, Anahawan ES!
Proud AES!

♟️💚 Best of Luck, Anahawan ES Chess Team!💚♟️

Ang buong Anahawan Elementary School ay buong pusong sumusuporta at nagbubunyi sa ating mga mag-aaral na kakatawan sa ating paaralan sa larangan ng Chess.

Dalhin ninyo ang inyong talino, disiplina, at determinasyon sa bawat galaw. Nawa'y maging inspirasyon ang inyong sipag at dedikasyon upang maipakita ang husay at magandang sportsmanship na siyang tunay na tatak ng isang Anahawanian.

Anuman ang maging resulta, ipinagmamalaki na namin ang inyong pagsisikap at tapang na lumaban para sa ating paaralan.

Good luck, Anahawan ES Chess Team!
Think Smart. Play with Confidence. Make Anahawan Proud!♟️🏆💚

🏸💚 Laban, Anahawan ES Badminton Players! 💚🏸

Buong pusong ipinapadala ng Anahawan Elementary School ang aming taos-pusong suporta at pagbati sa ating mga badminton players na buong tapang na kakatawan sa ating paaralan.

Nawa’y magsilbing inspirasyon ang inyong sipag, disiplina, at dedikasyon sa bawat laban. Anuman ang maging resulta, ipinagmamalaki na namin ang inyong pagsisikap at determinasyong ibigay ang inyong pinakamahusay.

Good luck, Anahawan ES Badminton Team! 💪🏸
Play with heart. Play with pride. Bring home the victory! 💚💛

𝗕𝗨𝗪𝗔𝗡 𝗡𝗚 𝗪𝗜𝗞𝗔𝗡𝗚 𝗣𝗔𝗠𝗕𝗔𝗡𝗦𝗔 2026 🇵🇭

Malugod na nakikiisa ang Anahawan ES sa pagdiriwang ng Buwan ng Wikang Pambansa 2026 na may temang:

"Wikang Filipino at AI: Kasangkapan sa Pananaliksik at Tulay sa Yaman ng Impormasyon."

Ang temang ito ay nagpapaalala sa atin na ang Wikang Filipino ay nananatiling mahalagang kasangkapan sa paghubog ng kaalaman, pagpapayaman ng kultura, at pagpapatibay ng ating pambansang pagkakakilanlan. Kasabay ng pag-usbong ng Artificial Intelligence (AI), higit nating mapapalawak ang pananaliksik at pag-access sa impormasyon habang patuloy na pinahahalagahan at ginagamit ang ating sariling wika.

Sa buong buwan ng Agosto, magsasagawa ang Anahawan ES ng iba't ibang gawaing pang-edukasyon na naglalayong malinang ang pagmamahal sa Wikang Filipino, mapaunlad ang kakayahan ng mga mag-aaral, at maitaguyod ang makabagong pagkatuto.

Halina't makiisa sa pagdiriwang ng ating pambansang wika. Sama-sama nating itaguyod ang Wikang Filipino bilang wika ng karunungan, pagkakaisa, at pag-unlad. 🇵🇭