17/12/2025
8 𝓭𝓪𝔂𝓼 𝓽𝓸 𝓒𝓱𝓻𝓲𝓼𝓽𝓶𝓪𝓼!
Ngayong araw, ang mga mag-aaral mula Elementarya hanggang Senior High School ay nagsasagawa ng kani-kanilang Christmas Party o Year end Party bilang paggunita sa pagtatapos ng akademikong taon. Ang mga pagdiriwang na ito ay nagsisilbing mahalagang sandali ng pahinga at pasasalamat matapos ang mahabang panahon ng pag-aaral, pagsusumikap, at paghubog ng kaalaman at kakayahan ng bawat mag-aaral.
Higit pa sa kasiyahan, ang mga gawaing ito ay nagbibigay-diin sa kahalagahan ng pagkakaisa, paggalang, at pakikipagkapwa-tao. Sa pamamagitan ng maayos at makabuluhang pagdiriwang, naipapakita ng mga mag-aaral ang pagpapahalaga sa disiplina, pananagutan, at mabuting asal mga saligang pagpapahalagang patuloy na isinusulong ng TUKLAS Club bilang katuwang ng paaralan sa edukasyong nakatuon sa paghubog ng pagkatao.
Ang pagdiriwang ng Pasko ay nagsisilbing paalala ng diwa ng pagmamahalan, malasakit, at pagbibigay, na nararapat isabuhay hindi lamang sa panahong ito ng kapaskuhan kundi sa pang-araw-araw na gawain ng bawat isa. Ito rin ay pagkakataon upang balikan ang mga aral na natamo sa loob at labas ng silid-aralan at gamitin ang mga ito bilang gabay sa patuloy na pag-unlad bilang responsableng mamamayan.
Binabati ng TUKLAS Club ang lahat ng mag-aaral, g**o, at kawani ng isang mapayapa, makabuluhan, at ligtas na pagdiriwang. Nawa’y magsilbing inspirasyon ang okasyong ito upang lalo pang mapagtibay ang tiwala, ugnayan, at pagpapakatao sa loob ng ating komunidad ng paaralan.
Maligayang Pasko sa inyong lahat
Photo credit:
Bb. Meliza Principe (Grade 8 )
G. Rodel Bello, G. Ronel Agustin, at G. John Lerry P. Intia (SHS)
Captioned By:
G. John Lerry P. Intia
