Balagtas Phinma-Saint Jude College

11/10/2025

Maligayang Araw ng mga G**o! 🎉

10/10/2025

Maligayang Kaarawan sa aming Tagapayo, G. Joshua L. Borlado🎉

Maraming salamat po sa inyong patuloy na paggabay, pagtitiwala, at inspirasyon sa buong BALAGTAS. Ang inyong dedikasyon at malasakit ang nagsisilbing haligi ng aming samahan.

Nawa’y patuloy kayong pagpalain ng Diyos ng kalakasan, kasiyahan, at tagumpay sa lahat ng inyong adhikain.

Mula sa BALAGTAS maraming salamat at maligayang kaarawan! 🎉

01/10/2025

𝗛𝗜𝗚𝗛𝗟𝗜𝗚𝗛𝗧𝗦 𝗹 𝗕𝗨𝗪𝗔𝗡 𝗡𝗚 𝗪𝗜𝗞𝗔 𝟮𝟬𝟮𝟱

Sa paglipas ng dalawang araw ng pagdiriwang ng BUWAN ng WIKA noong Agosto 22 at Setyembre 5, tunay na nadama ng bawat isa ang kahalagahan ng wika na nagsilbing pagkakakilanlan ng ating bansa. Sa temang “𝘗𝘢𝘨𝘭𝘪𝘯𝘢𝘯𝘨 𝘴𝘢 𝘍𝘪𝘭𝘪𝘱𝘪𝘯𝘰 𝘢𝘵 𝘒𝘢𝘵𝘶𝘵𝘶𝘣𝘰𝘯𝘨 𝘞𝘪𝘬𝘢: 𝘔𝘢𝘬𝘢𝘴𝘢𝘺𝘴𝘢𝘺𝘢𝘯 𝘴𝘢 𝘗𝘢𝘨𝘬𝘢𝘬𝘢𝘪𝘴𝘢 𝘯𝘨 𝘉𝘢𝘯𝘴𝘢” hindi lamang natin pinagyayaman ang ating mga salita kundi pati na rin ang puso at diwa ng kulturang Pilipino na nagbuklod sa ating pagkakakilanlan bilang isang bansa.

Sa bawat handog na programa at aktibidad, naipamalas ng ating mga kapwa kamag-aral ang kanilang pagmamahal sa wikang Filipino. Mga likha, salita, sigaw, at galaw na may dalang inspirasyon at pagmamalasakit sa ating bayan. Higit pa rito, ang pagkakaisa at pagtutulungan ng bawat isa ay nagpatunay na sa gitna ng mga hamon, ang wika ang nagsisilbing tulay upang tayo ay magkaisa.

Hindi lamang ito isang selebrasyon ng wika, kundi isang paalala na ang bawat Pilipino ay may mahalagang bahagi sa pagpapanatili at pag-unlad ng ating pambansang wika. Sa pagkakataong ito, taos-puso naming ipinagpapasalamat ang walang sawang suporta at pagtangkilik ng lahat ng dumalo at nakiisa. Kayo ang buhay at puso ng pagdiriwang na ito.

𝘔𝘢𝘣𝘶𝘩𝘢𝘺 𝘢𝘯𝘨 𝘸𝘪𝘬𝘢𝘯𝘨 𝘍𝘪𝘭𝘪𝘱𝘪𝘯𝘰, 𝘮𝘢𝘣𝘶𝘩𝘢𝘺 𝘢𝘯𝘨 𝘭𝘢𝘩𝘪𝘯𝘨 𝘗𝘪𝘭𝘪𝘱𝘪𝘯𝘰! Hanggang sa muli nating pagkikita at sama-samang pagtangkilik sa ating WIKA—sapagkat sa bawat salita, naglalakbay ang ating pagkakakilanlan at pagmamahal sa bayan.

Taos-pusong nagpapasalamat,
BALAGTAS NCR

17/09/2025

𝐀𝐧𝐠 𝐥𝐚𝐛𝐚𝐧 𝐤𝐨𝐧𝐭𝐫𝐚 𝐩𝐚𝐠𝐛𝐚𝐡𝐚 𝐚𝐲 𝐢𝐬𝐚𝐧𝐠 𝐦𝐨𝐫𝐚𝐥 𝐧𝐚 𝐥𝐚𝐛𝐚𝐧.

Mariing kinokondena ng PHINMA IISA, Student Council Presidents, at PHINMA ED Students ang anomalya sa flood control projects kung saan bilyong pondo ang nawaldas sa ghost projects, substandard na trabaho, at katiwalian. Sabay sabay tayong manawagan ng 𝒉𝒖𝒔𝒕𝒊𝒔𝒚𝒂, 𝒑𝒂𝒏𝒂𝒏𝒂𝒈𝒖𝒕𝒂𝒏, at 𝒑𝒂𝒈𝒃𝒂𝒃𝒂𝒍𝒊𝒌 ng pondo para sa tunay na solusyon laban sa pagbaha.

𝗛𝘂𝘀𝘁𝗶𝘀𝘆𝗮. 𝗧𝗿𝗮𝗻𝘀𝗽𝗮𝗿𝗲𝗻𝘀𝘆𝗮. 𝗣𝗮𝗻𝗮𝗻𝗮𝗴𝘂𝘁𝗮𝗻.

19/08/2025

🅦🅘🅚à🅝🅖 🅚ó🅟🅞🅝🅖-🅚ó🅟🅞🅝🅖
ni Virgilio S. Almario

𝗔𝗡𝗚 𝗧𝗜𝗠𝗔𝗪𝗔̀ 𝗡𝗢𝗢𝗡 𝗔𝗬 𝗠𝗔𝗚𝗜𝗡𝗛𝗔𝗪𝗔

SA NOBELANG 𝘼𝙣𝙜 𝙃𝙪𝙡𝙞́𝙣𝙜 𝙏𝙞𝙢𝙖𝙬𝙖̀ ay may bida na malayàng mag-isip at kumilos, kayâ mapagkakamalan mong mayabang at walâng pakikisáma. Gáling siyá sa US at waring nasagap niya roon ang kamulatang Kano at kontra tradisyonal na búhay at mga kaugalian sa inuwiang nayon. Nakatakda siyáng dumanas ng pighati at kayâ siyá ang tinutukoy na “hulíng timawà” sa pamagat.

Bakit “𝘁𝗶𝗺𝗮𝘄𝗮̀”? Hindi naman siyá matakaw o sakim. Walâ siyáng ninakaw na pagkain o ari-arian. Dahil ganoon ang ibig sabihin ng “timawà” sa ating panahon—isang táo na dahop sa makakain o kinabubuwisitan ng komunidad dahil napakalakas kumain kahit nakikikain lang.

Ngunit sa panahong kópong-kópong, hindi tulad ngayon ang ibig sabihin ng “timawà.” Sang-ayon sa ilang historyan, ang timawà (o 𝘁𝗶𝗺𝗮́𝗴𝘄𝗮 sa ibáng ulat) ay isang kagálang-gálang na miyembro ng balangay. Hindi siyá maralita, lalong hindi siyá pakaínin. Sa isang libro, tinawag siyáng “𝗳𝗿𝗲𝗲𝗺𝗮𝗻” sa Ingles at bagaman nakapailalim sa kapangyarihan ng datu ay hindi alipin o oripun. Sa ibáng ulat, sinasabi na katulad siyá ng “𝗺𝗮𝗵𝗮𝗿𝗹𝗶𝗸𝗮” at “𝗺𝗮𝗴𝗶𝗻𝗼𝗼” sa lipunan. May sarili siyáng tahanan at pamilya; bagaman kailangang maglingkod sa hukbo ng datu kung kailanganin siyá sa digmaan at pangangayaw.

Kayâ nang sakupin ang Filipinas ng mga Español, itinuring na parang malayàng mamamayan ang timawà. Sapagkat walâng salitâ sa Tagalog, Bisaya, at ibang pangunahing wika na katumbas ng “layà” (kalayàan at malayà), ginámit itong pantumbas sa “𝗹𝗶𝗯𝗲𝗿𝘁𝗮𝗱” ng Español o freedom ng Ingles. Hanggang noong ika-19 ay may ganoong tungkulin ang salitâng “timawà.” Sa pasyon, ang 𝗿𝗲𝗱𝗲𝗻𝗰𝗶𝗼𝗻—paglayà o pagsagip sa kasalanan ng táo—ay malimit isáling “pagkatimawà” o “pagkamaharlika.” Sa isang tula ni 𝗠.𝗛. 𝗱𝗲𝗹 𝗣𝗶𝗹𝗮𝗿 tungkol sa paglayà ng mga Filipino sa kamay ng mga Español ay ginamit pa niya ang “timawà”:

Ualang 𝗻𝗮𝘁𝗶𝗺𝗮𝘂𝗮 sa pagca dohagui,
Na di namuhunan ng pamamayani
Kun hindi mo kayang frayle’y ma iuaksi
Magtiis ka, irog, da palad mong imbi.

Ika-70 saknong ito ng mahabàng “Sagot nang España sa Hibik nang Filipinas” at kunwa’y nagsasalitâ ang Inang España sa anak na Filipinas kung bakit hindi nitó matulungang lumayà ang kolonya. Kailangan daw ang Filipinas mismo ang kumilos para makawalâ sa pagkaalipin. Gayunman, si M.H. del Pilar din ang isa sa unang gumamit ng salitâng “layà” noong 1886 nang isálin niya ang sanaysay na “Amor Patrio” ni Rizal at ilathala sa 𝗗𝗶𝗮𝗿𝗶𝗼𝗻𝗴 𝗧𝗮𝗴𝗮𝗹𝗼𝗴. Ito ang ugat ng pagbabandila sa “kalayàan” bilang pangunahing mithiin ng Katipunan.

Ngunit sa panahong iyon ay nagbabago na rin ang kabuluhan ng salitâng “timawà.” Mula sa isang kagálang-gálang ay naging busabos ang uring timawa sa panahon ng kolonyalismo. Paano nangyari iyon? Ayon din sa ilang historyan, nang alisan ng kapangyarihan ang mga datu sa balangay ay nawalan din ng silbi ang mga timawà. Nawalan silá ng paglilingkuran at sa gayo’y nawalâ din sa pagkupkop at pangangalaga ng datu. Anupa’t marami sa mga timawà ang naging pakainin sa nayon at naging palaboy. Sa gayon, lumaganap ang kahulugan ng timawa bílang matakaw.

Ang timawà ay maituturing nating isa sa biktima ng pagbabagong dulot ng kolonyalismo sa sinaunang lipunan ng mga Filipino. Nagbago ang kahulugan ng tawag sa timawà sa ating wika dahil sa naturang naganap na pagbabagong pampolitika sa lipunan.

Ferndale Homes
26 Hulyo 2025

19/08/2025

Ngayong araw na ito, Agosto 19, ating ginugunita ang kapanganakan ni Manuel L. Quezon, ang tinaguriang Ama ng Wikang Pambansa, ang Pangulo ng Commonwealth ng Pilipinas, at ang ama ng ating minamahal na lungsod.

Maging inspirasyon sana sa ating lahat ang kanyang pagmamahal sa bayan at kapwa. 🇵🇭

19/08/2025

13/08/2025

“𝙎𝙖 𝙗𝙖𝙬𝙖𝙩 𝙩𝙬𝙚𝙚𝙩, 𝙢𝙖𝙮 𝙠𝙖𝙨𝙖𝙮𝙨𝙖𝙮𝙖𝙣𝙜 𝙣𝙖 𝙣𝙖𝙞𝙨𝙪𝙨𝙪𝙡𝙖𝙩.”

Sa panahon ng teknolohiya, hindi nalilimutan ang ugat ng ating pagkakakilanlan. Sa Twitteratura, ating ginagamit ang lakas ng maiikling salita upang palawakin ang ating pag-unawa sa wikang Filipino at sa mga aral ng kasaysayan.

Mula sa taludtod hanggang sa maiikling sanaysay, muling nabubuhay ang diwa ng kabayanihan at pagkakaisa. Ito ay isang patunay na kahit sa digital na mundo, ang wika ay patuloy na nagsisilbing hibla ng ating pagkabansa.

𝐊𝐚𝐢𝐥𝐚𝐧: Ika - 15 ng Agosto 2025
𝐒𝐚𝐚𝐧: 𝐒𝐉𝐂 𝐐𝐂 PHINMA HALL Room 301
𝐎𝐫𝐚𝐬: ika - 1:00 n.h hanggang ika - 3:00 n.h

Sama-sama tayong mag-ambag ng kaalaman, damdamin, at pagmamalasakit sa bayan—isang tweet sa isang pagkakataon.

13/08/2025

𝗟𝗜𝗞𝗛𝗔 𝗪𝗜𝗞𝗔

“𝙒𝙞𝙠𝙖 𝙖𝙣𝙜 𝙣𝙖𝙜𝙗𝙪𝙗𝙪𝙠𝙡𝙤𝙙 𝙨𝙖 𝙖𝙩𝙞𝙣” Halina’t muling gunitain ang kahalagahan ng ating wika, hindi lamang bilang kasangkapan ng komunikasyon kundi bilang puso ng ating pagkakakilanlan at pagkakaisa. Sa bawat salita at himig na dumadaloy sa ating mga labi, naroroon ang kasaysayan, kultura, at mga pangarap ng ating mga ninuno.

𝐊𝐚𝐢𝐥𝐚𝐧: Ika - 15 ng Agosto 2025
𝐒𝐚𝐚𝐧: 𝐒𝐉𝐂 𝐐𝐂 PHINMA HALL Room 313
𝐎𝐫𝐚𝐬: ika - 1:00 n.h hanggang ika - 3:00 n.h

Mahalin natin at tuklasin ang mahika ng ‘Agos ng Wika’—isang paglalakbay na magbubukas ng pinto upang mas maunawaan natin ang yaman ng Filipino, ang mga kwento ng bayan, at ang diwa ng bayanihan na nag-uugnay sa bawat isa sa atin. Sa pamamagitan nito, patuloy nating pagyamanin ang ating wika, na siyang tunay na lakas ng ating pagkakaisa at pagkakakilanlan bilang Pilipino.

13/08/2025

𝗦𝗔𝗡𝗔𝗬𝗦𝗔𝗬: 𝙃𝙄𝙉𝘿𝙄 𝙇𝘼𝙉𝙂 𝘽𝘼𝙎𝙏𝘼 𝙎𝙐𝙇𝘼𝙏, 𝙆𝙐𝙉𝘿𝙄 𝙆𝙒𝙀𝙉𝙏𝙊 𝙉𝙂 𝘽𝙐𝙃𝘼𝙔 𝘼𝙏 𝘿𝘼𝙈𝘿𝘼𝙈𝙄𝙉

Sa bawat salita, may kahulugan. Sa bawat pangungusap, may damdamin.
Ang sanaysay ay hindi lamang gawaing pampaaralan — ito’y sining ng pagsasalaysay ng ating karanasan, opinyon, at pananaw sa mundo.

Kung marunong kang makinig, marunong kang magsalita. At kung marunong kang magsalita, kayang-kaya mong magsulat.
Walang tama o maling kwento — basta totoo, galing sa puso, at may layuning magpahayag.

𝐊𝐚𝐢𝐥𝐚𝐧: Ika - 15 ng Agosto 2025
𝐒𝐚𝐚𝐧: 𝐒𝐉𝐂 𝐐𝐂 PHINMA HALL Room 313
𝐎𝐫𝐚𝐬: ika - 8:00 n.u hanggang ika - 10 n.u

Kaya simulan mo na! Huwag hayaang mabaon sa katahimikan ang iyong saloobin.
Sa sanaysay, may tinig ang bawat isa. 📣

13/08/2025

𝗧𝗔𝗚𝗜𝗦𝗔𝗡 𝗡𝗚 𝗧𝗔𝗟𝗜𝗡𝗢

“𝙏𝙖𝙡𝙞𝙣𝙤 𝙣𝙜 𝘽𝙖𝙮𝙖𝙣, 𝘽𝙪𝙣𝙜𝙖 𝙣𝙜 𝙆𝙖𝙨𝙖𝙮𝙨𝙖𝙮𝙖𝙣.”
Makiisa sa 𝐓𝐀𝐆𝐈𝐒𝐀𝐍 𝐍𝐆 𝐓𝐀𝐋𝐈𝐍𝐎—isang laban ng diwa’t dunong na sumasalamin sa lalim ng ating kasaysayan at sa tatag ng ating pagkabansa. Sa bawat tanong at sagot, naipapamalas ang kahalagahan ng wika bilang tulay ng kaalaman at pagkakaisa.

𝐊𝐚𝐢𝐥𝐚𝐧: Ika - 15 ng Agosto 2025
𝐒𝐚𝐚𝐧: 𝐒𝐉𝐂 𝐐𝐂 PHINMA HALL Room 301
𝐎𝐫𝐚𝐬: ika - 8:00 n.u hanggang ika - 10 n.u

Binubuo ito ng tatlong bahagi. 𝑴𝑨𝑫𝑨𝑳𝑰, 𝑲𝑨𝑻𝑨𝑴𝑻𝑨𝑴𝑨𝑵, at 𝑴𝑨𝑯𝑰𝑹𝑨𝑷 na may tig-10 tanong bawat isa at may iba't ibang puntos.

💬 Dahil sa paglinang ng talino, lumalalim ang ating pagmamahal sa wikang Filipino at sa bayan.





:MakasaysayansaPagkakaisangBansa

13/08/2025

𝗞𝗔𝗟𝗘𝗡𝗗𝗔𝗥𝗬𝗢 𝗡𝗚 𝗠𝗚𝗔 𝗚𝗔𝗪𝗔𝗜𝗡

Ihanda na ang inyong talento at galing!
Narito na ang Kalendaryo ng mga Gawain para sa Buwan ng Wika 2025 ng PHINMA–Saint Jude College, College of Education – BALAGTAS.

Sama-sama nating ipagdiwang at pahalagahan ang ating wika at kultura sa pamamagitan ng masaya at makabuluhang mga aktibidad ngayong Agosto.



:MakasaysayansaPagkakaisangBansa