21/08/2025
Who is Ninoy?
Pag-alala kay Ninoy: Inspirasyon sa Edukasyon at Demokrasya
Ngayong araw, ika-21 ng Agosto 2025, ating ginugunita ang ika-42 taong anibersaryo ng pagkamatay ni dating Senador Benigno “Ninoy” S. Aquino, Jr.
Mahalaga para sa atin na sariwain ang kanyang katapangan at pagsisikap tungo sa reporma at panunumbalik ng ating demokrasya. Ang kanyang pamana ay nagsisilbing inspirasyon sa ating mithiin na makapaghatid ng dekalidad na edukasyon para sa bawat batang Pilipino—isang edukasyong nakaugat sa katotohanan, katarungan, at pagmamahal sa bayan.
Tulad ng sinabi ni Ninoy:
“I will never be able to forgive myself if I will have to live with the knowledge that I could have done something and I did not do anything.”
Sa DepEd, tinatanganan natin ang diwang ito sa pagbibigay ng mas makabuluhang pagtuturo at sa paghuhubog ng mga kabataang kritikal mag-isip, makatao, at makabansa. Ang ating tungkulin bilang mga g**o, magulang, at tagapagturo ay tiyaking handa silang maging aktibong tagapagtaguyod ng katotohanan at demokrasya.
Nawa’y ipagpatuloy natin ang ehemplong iniwan ni Ninoy—ang paninindigan para sa bayan, ang pagsusumikap para sa pagbabago, at ang pagkilos para sa mas maliwanag na kinabukasan ng ating mga mag-aaral.
