UP Kalipunan ng mga Mag-aaral ng Sosyolohiya (UP KMS)

Bili na, mga suki!

𝘗𝘢𝘯𝘢-𝘱𝘢𝘯𝘢𝘩𝘰𝘯 𝘢𝘯𝘨 𝘱𝘢𝘨𝘬𝘢𝘬𝘢𝘵𝘢𝘰𝘯, 𝘮𝘢𝘪𝘣𝘢𝘣𝘢𝘭𝘪𝘬 𝘣𝘢 𝘢𝘯𝘨 𝘬𝘢𝘩𝘢𝘱𝘰𝘯? 🎵

Sa pagbubukas ng bagong taon para sa UP KMS, buklatin natin ang mga pahina kung saan nakaukit ang nakalipas na tatlong dekada. Sa mga pahina na ito nakasulat kung paano nagsilbing tahanan at silong ng ating minamahal na organisasyon.

Sa pagbubukas ng bagong kabanata sa ating ika-31 na taon, inihahandog ng UP KMS ang 𝗣𝗮𝗻𝗮-𝗣𝗮𝗻𝗮𝗵𝗼𝗻: 𝗧𝗵𝗲 𝟯𝟭𝘀𝘁 𝗔𝗻𝗻𝗶𝘃𝗲𝗿𝘀𝗮𝗿𝘆 𝗦𝗲𝗿𝗶𝗲𝘀 𝗦𝗽𝗲𝗰𝗶𝗮𝗹.

Kaakibat ng diwa ng pagdiriwang para sa patuloy na kwento ng organisasyon ay mga inihandang okasyon ng mga miyembro upang salubungin ang panibagong taon:

𝟮𝟮 𝗠𝗮𝗿𝘀𝗼 - Anniversary Party 🎉

𝟱 𝗔𝗯𝗿𝗶𝗹 - Komyu Project 🤝

Pana-panahon na natin itong iginugunita ngunit kahit kailan, hindi kasawa-sawa na kayo ang aming kasama. Ang mga tawa at luha, mga puot at biro, at ang mga hamon at tagumpay na ating natamasa, ito ay sabay sabay nating balikan, KaMaSa.

Throughout history, women have fought for their right to power whether in the streets, in workplaces, in homes, or even in the realm of cinema. From Bona’s explosive defiance against abuse, to the Sunday Beauty Queens’ reclamation of dignity amidst exploitative working conditions, to Ofelia’s quiet rebellion in Pan’s Labyrinth, to Erin Brockovich’s relentless pursuit of justice against corporate greed—these films tell the stories of women who, in different ways, have refused to remain powerless.

Their battles may be fictional or real, past or present, but they all serve as a reminder: Women have always been at the forefront of resistance. And as long as oppression exists, women will continue to rise, to fight, and to reclaim power.

In celebration of International Women’s Day, UP KMS presents a selection of films that highlight the power of women’s defiance, solidarity, and care—because the act of resistance, in all its forms, is a story worth telling. 💜🎥

Ginugunita ngayong araw ang ika-39 na anibersaryo ng EDSA People Power, isa sa mga makabuluhang pangyayari sa kasaysayan ng ating bansa. Ang kolektibong lakas ng sambayanang Pilipino ang nagsilbing daan upang tuldukan ang marahas, mapang-abuso, at ganid na diktadurya ni Ferdinand Marcos Sr. at lalong pinausbong ng pagkilos na ito ang pakikibaka para sa katarungan, pananagutan, at demokrasya ng ating bayan. Idineklara ang Batas Militar noong 1972 at sumailalim sa awtoritaryan na pamumuno ang bansa kung saan napasakamay ang kapangyarihan sa dating Pangulong Marcos Sr. at sa kanyang mga kaalyado, mapa-legal, politikal, o ekonomiko man ito (Sanchez 2021). Ang masalimuot na kondisyong dinanas ng bayan mula sa kanilang pamamalakad ang nag-udyok sa mga Pilipino mula sa iba't-ibang mga sektor na magkaisa upang wakasan ang inhustisya at pang-aabuso ng estado. Bunga ng ilang taong pakikibaka sa ilalim ng Martial Law, nagkilos-protesta ang sambayanan sa EDSA mula Pebrero 22 hanggang 25 noong taong 1986 upang tuldukan ang pagpapatuloy ng rehimeng Marcos (Sanchez 2021) na siyang isang naging tagumpay at ating inaalala hanggang ngayon.

Hindi na nakapagtataka na idineklara na naman bilang isang special working holiday ng kasalukuyang administrasyong Marcos ang araw na ito. Ipinapakita lamang ng hakbangin na ito na wala sa interes ng mga naghaharing-uri na gunitain ang diwa ng EDSA. Ngunit, sa kabila ng tahasang pagkalimot ng pamahalaan sa kahalagahan ng , hinding-hindi mabubura sa alaala ng sambayanan ang diwa ng araw na ito. Suspendido ang mga trabaho at klase sa ilang mga institusyong akademiko (Sigales 2025), gayundin sa mga ilang pamahalaang lokal sa Pilipinas, bilang panghihikayat na makiisa sa paggunita ng makasaysayang araw na ito. Nakiisa rin ang ilang mga institusyong nasa ilalim ng Simbahang Katolika sa paggunita sa diwa ng EDSA. Hindi maiiwasang maihalintulad ito sa panghihikayat ni Jaime Cardinal Sin na tumungo’t mag-organisa sa EDSA upang labanan ang diktadurya at tuldukan ang pamamayagpag ng pansariling interes ni Marcos, Sr. sa Malacañang (Samson 2025) noong 1986. Ipinapakita lamang nito ang kahalagahan ng kolektibong pakikibaka na ikinintal ng EDSA People Power sa ating pambansang kamalayan, at ang kahalagahan nito tungo sa makamasa at demokratikong oryentasyon ng lipunan.

Gayunpaman, tatlumpu’t-siyam na taon na ang nakakalipas, nasa gitna pa rin ang ating bayan sa isang madugo at marahas na away sa pagitan ng mga mapang-aping naghaharing-uri. Nananatili pa rin ang sistemang ito na nagpapahirap sa masa, habang sila ay nagpapakasasa sa kaban ng bayan. Makikita ito ngayon sa bangayan ng dinastiyang Marcos at Duterte para sa kapangyarihan at karangyaan. Ang lahat ng ito ay nangyayari habang ang sambayanan ay patuloy na nagdurusa sa tumataas na presyo ng bilihin, bumubulusok na ekonomiya, kahirapan, kawalang trabaho, lumalalang krisis sa edukasyon (IBON Foundation 2025), at iba pang krisis panlipunan. Sa kanilang away, ang taumbayan ang dehado, dahil ang kanilang tanging interes ay ang kanilang pansariling layunin, at hindi ang kapakanan ng nakararami.

Bukod pa rito, ngayong taon ay gaganapin ang midterm elections, kung saan labindalawa sa dalawampu’t apat na Senador ang ihahalal, kabilang na ang mga kinatawan sa mga distrito, party-list groups, at mga pinuno at sanggunian ng mga lokal na pamahalaan. Kasado na ang kampanya para sa mga kandidato ng kasalukuyang administrasyon at gayundin sa panig ng nakaraang administrasyon. Sa ganitong tipo pa lamang ay makikita na ginagamit ang eleksyon bilang plataporma ng pagpili sa kung sino sa mga “naghahari-harian” ang dapat mamayani sa ating bayan (Valmonte 2025). Pero ang interes ng sambayanan? Wala sa diskusyon.

Kaya naman, buhay ang kolektibong pakikibaka ng sambayanang Pilipino para sa interes ng masa. Napatunayan na ng kasaysayan na sa pamamagitan nito, magtatagumpay ang panawagan ng sambayanan sa gitna ng bangayan at kasakiman ng mga naghaharing-uri. Sa kolektibong pakikibaka nakasandig ang diwa ng EDSA. Kaya totoo na buhay ang diwa ng EDSA sa ating patuloy na pakikibaka laban sa korapsyon, kahirapan, kawalang pananagutan, at inhustisya. Buhay ang diwa ng EDSA sa ating paglabas sa ating mga silid-aralan tungo sa lansangan upang ipaglaban ang kapakanan ng bayan. Buhay ang diwa ng EDSA sa ating paglaban at pagtindig kasama ang hanay ng sambayanan. Nakikiisa ang UP Kalipunan ng mga Mag-aaral ng Sosyolohiya (UP KMS) sa pag-alala ng nag-aalab na damdamin ng pakikibaka laban sa paniniil. Sa ating paglaban, umuusbong ang pag-asa para sa isang malayang bukas.





REFERENCES:

IBON Foundation. 2025. “Stagnant Growth due to Worsening Joblessness, Poverty -- IBON.” IBON Foundation. Retrieved February 24, 2025 (https://www.ibon.org/mr-stagnant-growth-q4-2024/).

Samson, Oliver. 2025. “Philippines’ Cardinal Sin: The Voice That Summoned the Waves of Peaceful EDSA Revolution.” Radio Veritas Asia. Retrieved February 24, 2025 (https://www.rvasia.org/feature-story/philippines-cardinal-sin-voice-summoned-waves-peaceful-edsa-revolution).

Sanchez, Mark John. 2021. “The People Power Revolution: Philippines 1986.” Origins.osu.edu. Retrieved (https://origins.osu.edu/milestones/people-power-revolution-philippines-1986).

Sigales, Jason. 2025. “LIST: More Schools Suspend Classes for Edsa People Power Anniversary.” INQUIRER.net. Retrieved February 24, 2025 (https://newsinfo.inquirer.net/2035837/list-more-schools-suspend-classes-for-edsa-anniversary).

Valmonte, Kaycee. 2025. “Will the 2025 Midterm Elections Be a Referendum on Dutertes?” Rappler. Retrieved February 25, 2025 (https://www.rappler.com/philippines/will-2025-midterm-elections-be-referendum-dutertes/).

‘𝘿𝙞 𝙣𝙖 𝙢𝙖𝙜𝙝𝙖𝙝𝙖𝙣𝙖𝙥 𝙣𝙜 𝙠𝙪𝙣𝙜 𝙖𝙣𝙤’𝙣𝙜 𝙨𝙖𝙜𝙤𝙩 𝙨𝙖 𝙢𝙜𝙖 𝙩𝙖𝙣𝙤𝙣𝙜
𝘿𝙖𝙝𝙞𝙡 𝙞𝙠𝙖𝙬 𝙖𝙣𝙜 𝙠𝙖𝙩𝙞𝙮𝙖𝙠𝙖𝙣 𝙠𝙤~ 🎶🎙️

Mga Ka-Sosyo, dahil opisyal na ang pagtatapos ng Socio Week 2024 ngayong linggo, sariwain natin ang ✨𝗕𝗮𝘄𝗮𝘁 𝗗𝗮𝗮𝗻 𝟮𝟬𝟮𝟰: 𝗡𝗮𝘃𝗶𝗴𝗮𝘁𝗶𝗻𝗴 𝗖𝗮𝗿𝗲𝗲𝗿 𝗣𝗮𝘁𝗵𝘀 𝗶𝗻 𝗦𝗼𝗰𝗶𝗼𝗹𝗼𝗴𝘆 ✨ na ginanap noong ika-26 ng Nobyembre 2024 sa PH 316. Sa gabay ng ating mga kahanga-hangang alumni speakers, nasagot natin ang tanong na “Saan?”, at natunghayan natin kung paano nila napuntahan ang kanilang kasalukuyang mga destinasyon 🛤️.

Dahil sa inyong partisipasyon, nagkaroon din ng mga talakayan at diskusyon ukol sa mga hakbang na tatahakin at mga hamon na haharapin anumang daan ang mapili mo 💪

Kaya mga Ka-Sosyo, maraming salamat sa pagdalo! At nawa’y patuloy nating lakbayin ang daan tungo sa mas malinaw na kinabukasan! ⭐️🧑‍🏫

Ginugunita ngayong ika-10 ng Disyembre ang International Human Rights Day bilang pag-alala sa paglagda ng iba’t ibang bansa, kasama na ang Pilipinas, sa isa sa mga pinakamahalagang pandaigdigang kasunduan: ang Universal Declaration of Human Rights (UDHR). Nakapaloob sa dokumentong ito ang mga likas at di-maikakait na karapatang pantao na natatamasa dapat ng bawat indibidwal anuman ang lahi, kulay, relihiyon, kasarian, wika, estado, at iba pang katayuan niya sa buhay (United Nations n.d.). Nagsisilbing pamantayan din ang dokumentong ito ng iba’t-ibang mga batas at polisiya sa internasyonal, pambansa, at lokal na antas na may kinalaman sa karapatang pantao.

Sa kabila ng pakikibahagi ng Pilipinas sa kasunduang ito, nananataling malaking hamon sa bansa ang pagtanggol at pagpapatibay ng karapatang pantao ng bawat mamamayan. Marami pa rin ang hindi nakakatamasa ng kanilang mga karapatan at humaharap sa iba’t ibang uri ng inhustisya. Ang malawakang kahirapan at kawalan ng kabuhayan na nararanasan ng maraming Pilipino ay isang manipestasyon nito dahil ipinagkakait sa kanila ang karapatang mabuhay ng ligtas at maaliwalas habang patuloy lamang ang malawakang korupsyon sa pamahalaan na nagpapayaman naman sa mga nakaluklok dito. Ayon sa IBON Foundation, ang pinakamababang pasahod sa Metro Manila ay hindi umaayon sa bilis ng pagtaas ng inflation o kahit sa produktibidad ng mga manggagawang Pilipino (Simeon 2024). Nangangahulugan lamang ito na hindi pa rin sapat at nakabubuhay ang kinikita ng marami para sa kanilang pang-araw-araw. Samantala, habang ang panawagan para sa dagdag-sahod ay tila kinakailangan pang dumaan sa isang mahaba at masalimuot na proseso, umaabot sa tumataginting na sampung bilyong piso ang nakuhang pondo ng mga opisyales para lamang sa kanilang kwestyonableng paggamit ng mga confidential at intelligence funds (Reyes 2024). Malinaw na isang mabigat na sagabal ang mga sistematikong suliranin ng kahirapan at korapsyon sa pagtataguyod ng karapatang pantao ng bawat Pilipino.

Bukod sa isyu ng kahirapan, marami rin ang naitalang paglabag sa karapatang makapagpahayag nang malaya, kumilos, at bumuo ng mga asosasyon sa bansa. Ayon sa Philippine Center for Investigative Journalism (2023), mayroong 75 na insidente ng pag-atake sa midya, mula intimidasyon hanggang pananakit at pagkitil sa mga mamamahayag, ang naitala sa ilalim ng administrasyong Marcos Jr. Dagdag pa rito, isang manipestasyon din ay ang patuloy na panghihimasok ng mga pulis at militar sa mga pampublikong institusyon. Halimbawa nalang nito ay ang makikita sa Facebook post ng Rise for Education - UP Diliman noong Oktubre 17 kung saan iniulat ang mga namataang pulis at militar sa loob ng UP Diliman na nakasuot ng riot gear at may mga dalang armas habang minamasid ang mga estudyante sa paligid ng AIT, University Avenue, at Ylanan gate. Nariyan din ang patuloy na pagharang at paggamit ng dahas ng kapulisan sa mga pagtitipon-tipon kagaya na lamang noong naganap sa Bonifacio Day rally ngayong taon kung saan 37 na aktibista ang nasugatan at nasaktan sa demonstrasyon (Tupas 2024). Mula sa mga sitwasyong naibahagi, nanatiling mapanganib at walang-katiyakan ang kalagayan ng karapatang pantao dito sa Pilipinas, lalo na sa mga kinakaharap ang panggigipit ng estado.

Kaya naman, kaisa ang UP KMS sa pagpapatuloy ng panawagan na ipagtanggol at ipagpagtibay ang karapatang pantao ng bawat indibidwal. Sa ating paggunita sa International Human Rights Day, tayo ay nananawagan hindi lamang para sa pagkilala kundi para rin sa kolektibong hakbangin laban sa iba’t ibang anyo ng pang-aabuso at inhustisya. Makibahagi tayo sa pagsulong ng isang ligtas, makatao, at makatarungang lipunan kung saan natatamasa ng lahat ang kanilang karapatan at kalayaan.




Mga Sanggunian

Philippine Center for Investigative Journalism. 2023. “2023 State of Press Freedom in the Philippines.” Philippine Center for Investigative Journalism. Accessed December 8, 2023 https://pcij.org/article/10122/2023-state-of-press-freedom-in-the-philippines.

Reyes, Dempsey. 2024. “Secret fund use hits P10B; OVP outspends 4 security agencies.” INQUIRER.NET, December 10. https://newsinfo.inquirer.net/2013987/secret-fund-use-hits-p10b-ovp-outspends-4-security-agencies.

Rise for Education - UP Diliman, 2024. “ALERT: Police seen roaming along various colleges in UP Diliman.” Facebook, October 17. https://www.facebook.com/r4eUPDiliman/photos/alert-police-seen-roaming-along-various-colleges-in-up-diliman-october-18-today-/856171923382177/

Simeon, Louise Maureen. 2024. “Study: Metro Manila wages not keeping up with inflation.” Philippine Star, June 25. https://www.philstar.com/business/2024/06/25/2365297/study-metro-manila-wages-not-keeping-inflation.

Tupas, Emmanuel. 2024. “46 injured in Bonifacio Day rallies.” Philippine Star, December 1. https://www.philstar.com/nation/2024/12/01/2404252/46-injured-bonifacio-day-rallies

United Nations. n.d. “Human Rights Day and the Universal Declaration of Human Rights.” United Nations. Accessed December 6, 2024 https://www.un.org/en/observances/human-rights-day.

🎉 PRICE DROP ALERT! 🎉

Sobrang good news para sa lahat ng kaSosyo! 🖨️✨ Simula ngayon, ang aming printing services ay mas mura na!

➡️ Black & White: ₱1.00/page 🖤

➡️ Semi-Colored: ₱2.00/page 🎨

Iyan ay mula sa dating ₱2.50-₱4.50/page! 😱 Kaya huwag nang magdalawang-isip—ipasa ang requirements na sulit sa kalidad at presyo. 💯

📍 Order now at https://forms.gle/r6RF8a1RAp5L7ZT46

Ang tunay na kaagapay ng kapwa-sosyologo ng bayan! 👩‍🎓👨‍🎓

𝐒𝐚 𝐈𝐤𝐚-161 𝐊𝐚𝐚𝐫𝐚𝐰𝐚𝐧 𝐧𝐠 𝐢𝐬𝐚𝐧𝐠 𝐁𝐚𝐲𝐚𝐧𝐢 𝐚𝐭 𝐑𝐞𝐛𝐨𝐥𝐮𝐬𝐲𝐨𝐧𝐚𝐫𝐲𝐨

Ngayong araw ay ginugunita ang ika-161 kaarawan ni G*t Andres Bonifacio; ang makabayan at rebolusyonaryong bayani ng Katipunan at ng masang-api. Ipinanganak sa isang gitnang uring pamilya ng Tondo, saksi si Bonifacio sa mga pang-aabuso na dinanas ng maraming Pilipino sa kamay ng mga Kastila (National Historical Commission of the Philippines 2012). Siya’y naging manggagawa sa murang edad at kalaunan ay naging lider ng rebolusyon matapos magbigay-siklab sa kaniyang diwang makabayan ang patuloy na panggagapos ng España sa ating bansa. Ang kanyang pagtatatag sa Kataas-taasan, Kagalang-galang na Katipunan ng mga Anak ng Bayan o K*K ay nagbigkis sa kolektibo lakas ng mga magsasaka, manggagawa, at malawak na hanay ng masang-api laban sa paghahari ng Espanya sa lupang tinubuan (R. Constantino and L. Constantino 1975).

Ayon kina Marx at Engels, ang idudulot ng hindi mapagkasundong pagkakaiba sa pagitan ng naghaharing uri at ng mga manggagawa ay ang rebolusyon. Ang Rebolusyong 1896 ay tagumpay sa pagmumulat, pagpapakilos at pagiging inspirasyon sa mga sumunod na pag-oorganisa, pag-aaklas, at paglaban sa naghaharing uri at kolonyalista (R. Constantino and L. Constantino 1975). Isa rin itong pagpapatuloy ng mga naunang pag-aalsa tutol sa iba’t-ibang uri ng paggigiit ng mga kolonisador at ang rebolusyon ang nagsilbing tugatog ng mga kilusang ito tungo sa paglaban para sa pambansang kasarinlan.

Maiuugnay din ang kolektibong paghahangad sa pagtamasa nito sa ating modernong kasaysayan sa pamamagitan ng awitin na pinamagatang “Bayan Bayan Bayan Ko”. Halaw ito mula sa musikal na bersyon ng Dekada ‘70 kung saan ibinahagi ang kuwento ng pagharap ng isang pamilya sa mapangahas na diktadurya noong panahon ng Batas Militar. Matingkad sa mga liriko nito ang tema ng pagpapatuloy ng mapagpalayang rebolusyon: "bayan ay bumabangon, nagbubuklod muli para sa laban."

Kaya naman, sa paggunita sa ika-161 taon ng kaarawan ni Bonifacio, nawa’y ipagpatuloy natin ang mga aral na mahihinuha mula sa makamasa at mapagpalayang kilusan na isinulong niya at ng Katipunan. Ang UP KMS ay nakikibaka kasama ang malawak na hanay ng masa para sa nakabubuhay na sahod, edukasyon, karapatan at kasarinlan. Mga Iskolar ng bayan, ating isabuhay ang diwa ng rebolusyonaryong pagpapalaya!




Mga Sanggunian:

Constantino, Renato and Letizia R. Constantino. 1975. The Philippines: A past revisited. Manila: Tala Pub. Services. Pp. 81-108, 129-145.

National Historical Commission of the Philippines. 2012. “Andres Bonifacio and the Katipunan.” Retrieved from https://nhcp.gov.ph/andres-bonifacio-and-the-katipunan/.

Valera, Pat. 2018. Dekada '70. Musical Stage Adaptation. Quezon City, PH: Blackbox Productions.

Binabati namin sina Katrina C. Perez and Allea Lorra G. Castro, ang ating mga UP KMS alumna mula sa Batch 2017, na kabilang sa mga pumasa sa October 2024 Physician Licensure Examinations (PLE)! 🥳

Isa kayong inspirasyon sa marami, lalo na sa inyong kapwa sosyologo na ninanais tahakin ang larangan ng medisina. 🩺 Ikinagagalak namin masaksikhan ang inyong tagumpay bilang mga KaMaSa. Mula sa pamantasan tungo sa bayan, nawa'y isadiwa ninyo ang mga aral ng sosyolohiya sa inyong gampanin bilang mga bagong lisensyadong doktor. 💛

𝘽𝙞𝙩𝙞𝙣 𝙖𝙣𝙜 𝙫𝙞𝙙𝙚𝙤𝙠𝙚 𝙨𝙚𝙨𝙝 𝙠𝙪𝙣𝙜 𝙬𝙖𝙡𝙖𝙣𝙜 𝙏𝘼𝙂𝘼𝙔 𝙨𝙚𝙨𝙝! 🎤

Ilabas mo na ang baso🍺 bumili ka na ng yelo🧊dahil nandito na ang pinakahinihintay nating amats sa lahat🎤

Press: 11-27-24 sa inyong mga karaoke machines at sabay sabay tayong TUMAGAY!

Inihahandog ng UP Praxis, kasama ang UP Kalipunan ng mga Mag-aaral ng Sosyolohiya (UP KMS) at Sociosphere - The Sociology Core Group, ang 𝙏𝙝𝙧𝙤𝙪𝙜𝙝 𝙩𝙝𝙚 𝙛𝙞𝙧𝙚: 𝙖 𝙏𝘼𝙂𝘼𝙔 (𝙏𝙖𝙡𝙖𝙠𝙖𝙮𝙖𝙣 𝙣𝙜 𝙢𝙜𝙖 𝘽𝙖𝙜𝙖𝙮-𝘽𝙖𝙜𝙖𝙮) 𝙤𝙣 𝙎𝙩𝙪𝙙𝙚𝙣𝙩 𝙋𝙤𝙡𝙞𝙩𝙞𝙘𝙖𝙡 𝙋𝙖𝙧𝙩𝙞𝙘𝙞𝙥𝙖𝙩𝙞𝙤𝙣.

Ang UP Praxis ay nagsasagawa ng mga Talakayan ng mga Bagay-Bagay o TAGAY bilang isang anyo ng pagbubukas ng mga teorya at mga sosyolohikal na pagbabalangkas sa mga usapin at isyung panlipunan. Sa pamamagitan ng flexibility sa daloy, layunin ng isang TAGAY na mapakinggan at makabilang ang plural at diverse na mga saloobin bilang bahagi ng pagpapalalim sa diskurso ng mga tinatalakay na “bagay-bagay”.

Ihanda na ang mga lalamunan dahil tayo ay magdidiskusyon habang may pulutan!

🗓️Kailan: November 27, 2024 (Miyerkules), 4:00-6:00PM
📍Saan: Palma Hall, Room 316

Cheers sa saya! Cheers din sa mga teorya at cheers sa pagsasapraktika!

𝘕𝘖 𝘢𝘭𝘤𝘰𝘩𝘰𝘭𝘪𝘤 𝘥𝘳𝘪𝘯𝘬𝘴 𝘸𝘪𝘭𝘭 𝘣𝘦 𝘪𝘯𝘷𝘰𝘭𝘷𝘦𝘥 𝘪𝘯 𝘵𝘩𝘦 𝘦𝘷𝘦𝘯𝘵

TAGAY responsibly!