Enfants Du Mekong - Laura, Villa Beatriz, Kaligtasan and Samonte Community

Birthday Greetings! 🎂

Happy Birthday to one of our dedicated and passionate Area Leader of EDM Laura Squat, Jaychel Montemayor - Palcon 🥳🎉🎈

Today, we want to honor your unwavering dedication and perseverance in guiding the young minds in Samonte. To your team, you are much more than a sister figure—you are a true maternal figure to all of your "Junakis." 👩‍👦

​Speaking of motherhood, you have been blessed with your own cute little son, "Natnat," whom you can now call your very own Junakis! Even with the beautiful responsibility of raising him, you—just like the rest of our dedicated core team—always find a way to contribute your time, effort, and talent to the program. We are deeply grateful for the passion you continuously display. 😘❤️

The EDM Family, we'd like to wish you a good health for you and also for your own family, more birthdays and blessings to come, stay pretty, keep inspiring us all!🫶🥰 Keep Slaying Te!💅

We Love you Ate Jaychel ❤️
-EDM Beneficiaries & Core Team

📚 BACK TO SCHOOL 🎒✨

A new school year means new opportunities to learn, grow, and create unforgettable memories.

As we welcome another exciting academic journey, may every student be inspired to dream bigger, work harder, and strive for excellence.

Wishing everyone a successful, productive, and fun-filled school year ahead. Let’s make this year one to remember!

Goodluck!

A TESTIMONY FROM AN ALUMNUS OF EDM LAURA SQUAT:

Ako po si Micaella Rose P. Abong, isang beneficiary ng Enfants du Mékong simula pa noong Grade 8. Ngayon po, sa tulong ng Diyos at ng lahat ng taong naging bahagi ng aking paglalakbay, ako ay gagraduate na ngayong taon ng Bachelor of Science in Entrepreneurship sa Quezon City University.

Hindi naging madali ang aking paglalakbay bilang estudyante. Bilang anak ng isang solo parent, nasaksihan ko kung gaano nagsikap ang aking mama upang maitaguyod kaming magkapatid. Maraming pagkakataon na kinakailangan naming magtipid para lamang matugunan ang aming mga pang-araw-araw na pangangailangan. Dumating din sa punto na nag-aalala kami kung paano mababayaran ang mga gastusin sa pag-aaral tulad ng pamasahe, proyekto, school requirements, at iba pang pangangailangan sa eskwela.

Habang nag-aaral sa kolehiyo, hindi rin naging madali ang pagsabay sa mga akademikong gawain, personal na responsibilidad, at mga hamon sa buhay. Dumaan ako sa mga panahong napapagod, nawawalan ng kumpiyansa sa sarili, at nag-aalala kung kakayanin ko pa bang tapusin ang aking kurso. May mga pagkakataon ding kinailangan kong magsakripisyo at magsumikap nang higit upang maipagpatuloy ang aking pag-aaral sa kabila ng mga pagsubok na aking kinakaharap.

Ngunit sa gitna ng lahat ng ito, dumating ang Enfants du Mékong bilang isang malaking biyaya sa aking buhay. Hindi lamang nila tinulungan ang aking pamilya sa aspetong pinansyal, kundi naging bahagi rin sila ng aking paghubog bilang isang tao. Dahil sa kanilang suporta, nabawasan ang bigat na pasan ng aking pamilya at nagkaroon ako ng pagkakataong makapagpatuloy sa pag-aaral nang may pag-asa at inspirasyon.

Hindi lang tulong pinansyal ang natanggap ko mula sa Enfants du Mékong. Nakahanap din ako rito ng pangalawang pamilya, mga taong handang makinig, gumabay, at maniwala sa aking kakayahan. Dahil sa organisasyong ito, mas naging matatag ako, mas naniwala sa sarili, at mas naging pursigido na abutin ang aking mga pangarap para sa aking sarili at sa aking pamilya.

Lubos din po akong nagpapasalamat sa aking sponsor na si Kuya Jeff. Kahit malayo po siya at nasa ibang bansa, naramdaman ko ang kanyang pagmamalasakit at suporta sa pamamagitan ng mga sulat at mensaheng kanyang ipinapadala. Sa bawat liham na natatanggap ko, nakakakuha ako ng inspirasyon at lakas ng loob upang ipagpatuloy ang aking pag-aaral. Maraming salamat, Kuya Jeff, sa paniniwala sa aking kakayahan at sa pagiging bahagi ng aking tagumpay. Hindi ko po makakalimutan ang kabutihang inyong ipinakita sa akin.

Nais ko rin pong magbigay ng espesyal na pasasalamat kay Father Daniel. Bagama't wala na po siya sa ating piling ngayon, mananatili siyang buhay sa aming mga puso, alaala, at panalangin. Marami pong salamat, Father Daniel, sa pagmamahal, dedikasyon, at malasakit na inyong ipinakita sa napakaraming kabataan. Ang inyong mga mabubuting gawa at ang misyong inyong sinimulan ay patuloy na nagbibigay ng pag-asa at inspirasyon sa amin. Isa po kayo sa mga naging instrumento ng Diyos upang mabago at mapabuti ang buhay ng maraming kabataan, kabilang na ako. Hindi man po namin kayo nakakasama ngayon, patuloy naming dadalhin ang inyong mga aral at kabutihan saan man kami dalhin ng buhay.

Nagpapasalamat din po ako sa aming mga area leaders at sa lahat ng volunteers ng Enfants du Mékong. Maraming salamat po sa inyong oras, sakripisyo, effort, at malasakit sa bawat beneficiary. Hindi po matatawaran ang inyong dedikasyon upang matulungan kaming maabot ang aming mga pangarap. Ramdam po namin ang inyong pagmamahal at suporta sa bawat programa, activity, at pagkakataong ibinibigay ninyo sa amin upang matuto at lumago bilang mga tao.

Sa aking mga kaibigan sa Enfants du Mékong, maraming salamat sa masasayang alaala, tawanan, at samahang nabuo natin sa paglipas ng mga taon. Marami akong natutunan mula sa bawat isa sa inyo. Naging mas makulay, mas masaya, at mas makahulugan ang aking journey dahil sa ating pagkakaibigan.

At higit sa lahat, para sa aking pamilya, lalo na sa aking mama, maraming maraming salamat po. Salamat sa lahat ng sakripisyo, pagod, at pagmamahal na ibinigay mo para sa amin. Bilang isang solo parent, alam kong hindi naging madali ang lahat ng pinagdaanan mo upang maitaguyod kaming magkapatid. Salamat sa bawat araw na pinili mong maging matatag para sa amin kahit nahihirapan ka rin. Ikaw ang naging inspirasyon at lakas ko sa tuwing gusto ko nang sumuko.

Mama, ang pagtatapos kong ito ay bunga rin ng lahat ng iyong sakripisyo at pagmamahal. Sana po ay hayaan ninyo akong makabawi sa lahat ng inyong ginawa para sa amin. Salamat dahil natupad natin ang isa sa ating mga pangarap. Salamat dahil gagraduate na ang bunso mo.

Higit sa lahat, nagpapasalamat ako sa Diyos na siyang naging sandigan ko sa bawat pagsubok, pagod, luha, at tagumpay. Siya ang nagbigay sa akin ng lakas upang magpatuloy sa tuwing pakiramdam ko ay hindi ko na kaya.

Ang tagumpay na ito ay hindi lamang para sa akin. Ito ay para sa aking pamilya, sa Enfants du Mékong, kay Kuya Jeff, kay Father Daniel, sa lahat ng volunteers at sponsors, sa aking mga kaibigan, at sa lahat ng taong naniwala at sumuporta sa akin sa bawat hakbang ng aking paglalakbay.

Maraming maraming salamat po mula sa kaibuturan ng aking puso.

MICAELLA ROSE P. ABONG
BS ENTREPRENUERSHIP
QUEZON CITY UNIVERSITY
BATCH 2026

A TESTIMONY FROM AN ALUMNUS OF EDM LAURA SQUAT :

Ako po si Lenie F. Generalo, dalawampu’t dalawang taong gulang at kumuha ng kursong Bachelor of Science in Business Administration major in Marketing Management sa Bestlink College of the Philippines.

Pangatlo po ako sa apat na magkakapatid. Noong wala pa sa buhay ko ang Mekong, gaya rin po ako ng ordinaryong estudyante na nangangarap makapagtapos ng pag-aaral. Sabay-sabay kaming magkakapatid na nag-aaral kaya hindi sapat ang kinikita ng aming papa upang matustusan ang lahat ng aming pangangailangan. Dumating pa sa punto na ang ate ko ay huminto sa pag-aaral at nagtrabaho upang kahit papaano ay makatulong sa aming pamilya. Ang trabaho po ng aking papa ay hindi rin palagian—minsan mayroon, minsan wala—depende kung may kontratang dumarating para sa kanya.

May isang tao pong naging instrumento ng Diyos upang subukan kong makapasok sa Mekong, at nabigyan ako ng pagkakataong maipagpatuloy ang aking pag-aaral. Malaking tulong ito dahil nabawasan ang mga alalahanin ng aking mga magulang. Dito ko rin nakilala si Ate Jennylyn, na naging daan upang maipabatid sa amin ang lahat ng impormasyon tungkol sa Mekong at upang maging ganap akong benepisyaryo ng programa.

Sa labing tatlong taon kong pagiging bahagi ng programa, napakarami kong nabalikan at natutunang alaala. Tuwing may mga bagong benepisyaryo, nakikita ko ang sarili ko sa kanila—mahiyain, tahimik, laging nasa isang sulok, walang makausap, at kinakabahan lalo na kapag hindi ko dala ang resibo ko. Wala akong kaibigan noon at madalas ay naghihintay lang na tawagin para sa request. Habang naghihintay, iniisip ko kung paano ko ipapaliwanag ang mga naging gastusin ko sa nakaraan.

Isa sa pinakamalaking hamon sa akin ay noong baguhan pa lamang ako sa programa ngunit pinili ako ni Kuya Jayfee upang maging susunod na Area Coordinator ng Laura 1. Kinabahan ako at nagdalawang-isip kung kakayanin ko bang mamuno gayong ako mismo ay hirap pang mag-adjust sa bagong kapaligiran. Hindi naging madali sa umpisa, ngunit kalaunan ay napagtanto kong ito pala ang paraan upang mas yakapin ko ang programa nang walang takot.

Unti-unti kong nakilala ang aking mga ka-area at natutunan kong masaya palang magkaroon ng mga bagong taong makakasama. Isa sa pinakamagandang alaala ko ay ang Summer Camp. Dahil sa Mekong, naranasan kong mapuntahan ang iba’t ibang ilog at campsite sa Tanay, Rizal. Kasabay ng magagandang tanawin ay ang mas magagandang alaala—ang mga kwentuhan sa gabi, tawanan, mga bagong kaibigan, at ang simpleng pagsasalo-salo sa pagkain tuwing umaga kahit ang iba ay may muta pa.

Nakakatuwa ring balikan na noong una kong Summer Camp ay muntik na akong malunod. Siguro ayaw lang talaga ni Mekong na makalimutan ko ang karanasang iyon dahil ang Summer Camp ang isa sa mga aktibidad na tunay na humubog sa akin upang maging kung sino ako ngayon—isang produkto ng Enfants du Mekong.

Sobrang saya ng puso ko dahil sa wakas, pagkatapos ng maraming taon ng pagsisikap, matutupad ko na ang pangarap naming pamilya—lalo na nina mama at papa—na makita akong magsuot ng itim na toga, magmartsa sa red carpet, at makita ang sarili kong nakikipagkamayan sa entablado.

Marami ang nagsasabing ang pagtatapos ay simula pa lamang. Ngunit para sa akin, isa itong pahina ng libro na puno ng alaala, aral, at karanasang habambuhay kong babalikan kahit iba na ang susunod kong kabanata.

Nais ko pong magpaabot ng taos-pusong pasasalamat sa lahat ng taong naging bahagi ng aking paglalakbay. Kay Ate Jennylyn, na nag-udyok sa aking mga magulang na sikaping makapasok ako sa Mekong. Kay Kuya Jayfee, sa kanyang paggabay bilang Area Leader. Kay Kuya Michael, na tumanggap at nagbigay sa akin ng pagkakataon sa programang ito. At kay Father Daniel, dahil kung hindi dahil sa kanya, maraming alumni ng Jesus of Nazareth Parish ang hindi mabibigyan ng pag-asa upang ipagpatuloy ang kani-kanilang laban at pangarap sa buhay.

Muli , Maraming maraming salamat po.

LENIE GENERALO
BSBA MARKETING MANAGEMENT
BESTLINK COLLEGE OF THE PHILIPPINES

A TESTIMONY FROM AN ALUMNUS OF EDM LAURA SQUAT :

Ako po si kherjay G. Alinsasaguin. Dalawampu’t dalawang taong gulang, nakatira sa Laura St., Old Balara, Q.C. Ako po ay naging iskolar ng Enfants du Mekong (EDM) noong grade 8 palang po ako. At ngayon po ay grumaduate na sa kursong BACHELOR OF SCIENCE IN INFORM TECHNOLOGY (BSIT), sa eskwelahan ng Bestlink college of the Philippines (BCP).
‎
‎Ako po ay panganay sa tatlong magkakapatid. Sa simula pa lamang, hindi na naging madali ang aming pamumuhay dahil hindi na sapat ang kinikita ng aking papa sa pagtatrabaho. Napupunta lamang ang kanyang sahod sa pambayad ng bahay, tubig, kuryente, at pagkain, kaya kaunti na lamang ang natitira para sa aming allowance sa pag-aaral noong ako ay high school pa lamang.
‎
‎Sa kabutihang palad, nabigyan ako ng pagkakataon na maging iskolar ng EDM. Sila ang tumulong sa akin, hindi lamang sa aspetong pinansyal, kundi pati na rin sa paghubog ng aking pagkatao.
‎
‎Noong bago pa lamang akong iskolar sa EDM, ako ay mahiyain at medyo takot pang makipaghalubilo. Ngunit may paraan ang EDM para turuan akong makipagkapwa-tao. Sa mga activities pa lang tulad ng big games, baking, at lalo na ang summer camp na lagi kong inaabangan, unti-unti akong nagbago. Sa summer camp, kailangan ko talagang makipaghalubilo dahil sila ang nakakasama ko sa loob ng dalawa hanggang tatlong araw. Doon, nakilala ko sila nang malalim,hindi lang sa pangalan, kundi pati na rin ang kanilang buong pagkatao.
‎
‎Higit sa lahat, hindi lang sila ang nakilala ko, kundi pati na rin ang tunay na ako. Dahil sa mga activities ng EDM, nasagot ko ang mga tanong sa aking sarili, kung ano ang gusto kong gawin sa buhay, saan ako magaling, at kung ano ang aking mga pangarap. Sa dami ng aktibidad sa EDM, natuto akong makipaghalubilo at makipagkulitan, hanggang sa hindi ko na namamalayan na unti-unti na palang nagbabago at umuunlad ang aking pagkatao.
‎
‎Pagtungtong ko sa kolehiyo, tila mas namulat ako sa hirap at sa laki ng mga bayarin. Dumating sa puntong naghanap na rin ako ng paraan para suportahan ang sarili ko, lalo na para sa aking allowance sa araw-araw na pagpasok. Hiniram ko ang bike ng pinsan ko na hindi na ginagamit at pumasok ako sa pagde-deliver ng pagkain, naging maganda naman ang kitaan ko roon nung una.
‎
‎Subalit, naging mas masubok ang sitwasyon nung dalawa na kaming magkapatid sa kolehiyo at ang bunso naman namin ay nasa high school. Dagdag pa rito, hindi na naging permanente ang trabaho ng aking papa, kaya kinakailangan na ring magtrabaho ng aking mama para matustusan ang dalawa kong kapatid. Sa dami ng pasanin, napatanong na lang ako sa aking sarili, "Kaya ko ba?"
‎
‎Sa kabila ng lahat ng hirap, hindi ako pinabayaan ng Diyos sa itaas at ng EDM na patuloy na tumulong sa akin. Dahil dito, opisyal akong nakapagtapos nitong nakaraang Mayo 7, 2026. Ang dating tanong sa sarili na "Kaya ko ba?" ay matagumpay ko nang nasagot ngayon ng, "Kala ko hindi ko kaya, kala ko lang pala."
‎
‎Lubos din akong nagpapasalamat sa aking sponsor na si Madame Madelyn Keyser. Kahit malayo siya, ramdam ko ang kanyang tiwala at suporta sa aking pag-aaral, na siyang naging inspirasyon ko para pagbutihin ang aking pag-aaral at upang maging proud siya sa akin. Malaking pasasalamat din sa mga area leaders, coordinator, at sa lahat-lahat ng bumubuo ng EDM, lalong-lalo na kay Fr. Daniel. Salamat po sa effort at sa oras na ibinigay ninyo sa aming mga beneficiaries.
‎
‎Nagpapasalamat din ako sa mga naging kaibigan, tropa, ate, at kuya ko sa EDM na nagpadali at nagpasaya sa aking journey bilang isang benipisyaryo.
‎
‎Siyempre, nagpapasalamat din ako sa aking mga magulang. Kahit anong hirap ang pinagdaanan ay hindi ninyo pinabayaan kaming magkakapatid. Maraming salamat sa tiwalang ibinigay ninyo sa akin, maraming thank you, Ma, Pa! At higit sa lahat, sa Panginoon na siyang naging gabay at lakas ko mula sa simula hanggang ngayon.

Maraming-maraming salamat po sa inyong lahat. God bless us!

KHERJAY ALINSASAGUIN
BS INFORMATION TECHNOLOGY
BESTLIK COLLEGE OF THE PHILIPPINES
BATCH 2026

Thanksgiving 2026

1 DAY LEFT before applications close!

📞 Psst… tawag ka ni Lord. Huling araw ng pagsumite bukas at huwag ka na magdalawang isip sa pagpasa ng application mo!

Kitakits bukas sa mga satellite locations para sa last day ng submission ng application requirements!

🗓️ May 31, 2026
📍 Novaliches Cathedral
📍 Mary the Queen Parish
⏰ 10:00 AM – 3:00 PM

Better late than never! Celebrations deserves no deadline! 🎉
Belated Happy Birthday! Wishing you happiness, good health, and more blessings in the year ahead. 🥳🎂

Greetings from your EDM Family ❤️🌸

BASKETBALL is life but WINNING is lifer!🏀🏆

𝘾𝙊𝙉𝙂𝙍𝘼𝙏𝙐𝙇𝘼𝙏𝙄𝙊𝙉𝙎 to all the winners of our EDM BASKETBALL LEAGUE 2026!

𝚃𝙴𝙰𝙼 𝙷𝚄𝚂𝚃𝙻𝙴 man ang kanilang pangalan ngunit pinatunayan nila na walang ka-hassle hassle mapagtagumpayan ang kanilang ang 𝐊𝐀𝐌𝐏𝐄𝐎𝐍𝐀𝐓𝐎!

Hindi hassle maabot ang pangarap basta't sasamahan natin ng sipag, tyaga, tiwala sa sarili, kapwa at higit sa lahat sa Poong Maykapal. 😇🙏

Pagbati sa mga nag uwi ng medalya! 🥇🥈🥉
𝘛𝘌𝘈𝘔 𝘏𝘜𝘚𝘛𝘓𝘌 - Gold Medalist (CHAMPION)
𝘛𝘌𝘈𝘔 𝘉𝘌𝘛𝘏𝘌𝘓 - Silver Medalist (2nd Placer)
𝘛𝘌𝘈𝘔 𝘌𝘋𝘔 𝘉𝘈𝘓𝘓𝘌𝘙𝘚 - Bronze Medalist (3rd Placer)
𝘛𝘌𝘈𝘔 𝘚𝘓𝘈𝘚𝘏𝘌𝘙𝘚 - Certificate Awardee (4th Placer)

ᎷᏉᎮ - 𝗭𝗲𝗻 𝗚𝗲𝗿𝗼𝗯𝗶𝗲𝘀𝗲 🏆🏅💪

ꜱᴘᴇᴄɪᴀʟ ᴀᴡᴀʀᴅ
ⓂⓎⓉⒽⒾⒸⒶⓁ ⒻⒾⓋⒺ
1. Zen Gerobiese
2. Luigi Tahup
3. Lucky
4. Kyle Defiesta
5. Cedrick Sison

Ang pamunuan ng EDM Laura Squat ay lubos na nagpapasalamat sa lahat po ng nakiisa sa ating kauna unahang Basketball League. Thank You to all EDM Beneficiaries na nag participate, EDM Staff, mga imports, at special thanks sa mga committee, at sa pamunuan ng Brgy. Old Balara para sa Feria covered court.

Hindi po magiging possible at magiging successful ang event na ito kung hindi po dahil sa ating lahat. 👏🤝🥳

Hmmm...We guess, see you again in our next Basketball League? 🤔