Ang Parola

𝗧𝗮𝗻𝗴𝗶𝗻𝗴 𝗶𝗹𝗮𝘄 𝗻𝗴 𝗮𝘁𝗶𝗻𝗴 𝘁𝗮𝗵𝗮𝗻𝗮𝗻

Makikita sa collage ang mga larawan—ilaw ng tahanan, pundasyon ng pamilya, at isang taong maraming ginagampanang papel para sa kaniyang mga supling—sumisimbolo sa hindi matatawarang kuwento sa likod ng pagiging isang ina. Pinapatunayan lamang nito na napakaraming kahulugan ang salitang "INA."

Kaya ngayong araw ng ating mga minamahal na ina, atin silang batiin at iparamdam kung gaano natin sila kamahal at pinasasalamatan.

Mula sa publikasyong Ang Parola, binabati namin ang mga ilaw ng tahanan ng Maligayang Araw ng mga Ina!

𝘒𝘢𝘱𝘴𝘺𝘰𝘯 𝘯𝘪: 𝘑𝘩𝘢𝘯𝘪𝘯𝘦 𝘓𝘦𝘨𝘢𝘳𝘥𝘢
𝘓𝘪𝘬𝘩𝘢𝘯𝘨 𝘴𝘪𝘯𝘪𝘯𝘨 𝘯𝘪: 𝘈𝘪𝘴𝘩𝘢𝘯 𝘌𝘣𝘶𝘦𝘯𝘨𝘢

𝗣𝗔𝗕𝗔𝗧𝗜𝗗 | Mula sa tanggapan ng Punongg**o

Pansamantalang isususpinde ang operasyon ng pagpapatala o 'enrollment' sa Paaralang Sekondarya ng Lungsod Quezon mula Mayo 7-8, 2026, Huwebes hanggang Biyernes upang bigyan daan ang gaganaping oryentasyon ng Department of Education (DepEd) Learning Systems Reform Policies na dadaluhan ng mga g**o at kawani ng paaralan.

Samantala, magpapatuloy naman ang enrollment sa Martes, Mayo 12, 2026.

𝗧𝗼𝗱𝗼 𝗸𝗮𝘆𝗼𝗱, 𝗸𝗮𝗽𝗼𝘀 𝘀𝗮𝗵𝗼𝗱
𝗧𝗨𝗟𝗢𝗬-𝗧𝗨𝗟𝗢𝗬 𝗡𝗔 𝗞𝗔𝗟𝗕𝗔𝗥𝗬𝗢

Kailan kaya na ang Mayo Uno ay nakalaan sa isang tunay na selebrasyon para sa mga manggagawa at hindi sa mga ngawang patuloy na idinadaing sa araw-araw nilang pakikibaka.

Tangan na nga ang responsibilidad para sa kanilang pamilya, pati ba naman pantawid sa pamilya ng iba ay sagot pa nila? Nasaan ang liwanag sa buhay kung pati nakaw na kuryente kasama sa binabayaran ni Juan, tapos sa ayuda ay hindi sila kabilang.

Sa muling pagsapit ng Mayo Uno ngayong 2026, bitbit pa rin ng manggagawang Pilipino ang mga lumang panawagan na tila nabaon na sa limot ng panahon: sapat na sahod, seguridad sa trabaho, bagsak-presyo ng mga bilihin, at tunay na dangal sa paggawa. Sa gitna ng mga makukulay na banner at martsa, isang masakit na reyalidad ang nananatili habang ipinagmamalaki ng pamahalaan ang paglago ng ekonomiya. Ang mga minimum wage earners ay nananatiling nakagapos sa kakarampot na kita. Imbes na ang buong pamilya ang makakain gamit ang pinaghirapan, ang implasyon ang lumalamon ng kanilang kakaunting sahod na nagpapatunay na ang pag-unlad ay hindi nararamdaman ng mga nasa laylayan.

Ang kasalukuyang sistema ng Regional Wage Boards ay tila naging bitag na lamang ng "patingi-tinging" umento na hindi na nakasasapat sa pangangailangan ng bawat pamilya. Bagama’t may mga ipinatupad na dagdag-sahod sa ilang rehiyon tulad ng Central Luzon, Northern Mindanao, at Caraga, malinaw na ang mga ito ay nagsisilbi lamang na pampalubag-loob. Ang mga umentong ito ay madalas na huli na at laging kulang para makahabol sa mabilis na pagtaas ng presyo ng bilihin at mga bayarin.

Hindi dapat gawing panangga ang pagprotekta sa mga Micro, Small, and Medium Enterprises (MSMEs) upang manatiling nakapako sa lupa ang kita ng mga manggagawa. Sa halip, ang panawagan para sa isang Legislated Nationwide Wage Hike ay dapat tingnan bilang isang mahalagang usapin ng katarungang panlipunan at hindi lamang isang teknikal na usaping pang-ekonomiya. Higit pa sa usapin ng barya sa bulsa, ang katarungan para sa mga manggagawa ay nakaugat din sa seguridad at proteksyon.

Ang trahedya ng manggagawang Pilipino ay ang pagsisikap nang walang katiyakan. Ang magpagal ng walong oras o higit pa, ngunit uuwing kabado kung may trabaho pa ba silang babalikan kinabukasan. Sa pamumuno ng Committee on Labor sa ilalim ni Sen. Raffy Tulfo ngayong Abril 2026, muling nabuhay ang hamon na tuluyan nang wakasan ang "ENDO” o ang hindi makatarungang kontraktwalisayon. Gayundin, hindi na dapat maging "anino" lamang sa ating batas ang boses ng mahigit 33 milyong Pilipino sa informal economy. Ang pagrerepaso sa mga programa gaya ng TUPAD ng (DOLE) at ang mabilis na pagsusulong sa Magna Carta for Workers in the Informal Economy ay mga hakbang na hindi na dapat pang maantala.

Kung ating iisipin, ang tunay na sukatan ng pag-unlad ay hindi matatagpuan sa dami ng inilunsad na job fairs, sa ganda ng mga propaganda banner ng gobyerno, o sa bilis ng pag-angat ng Gross Domestic Product (GDP). Hindi matatawag na ‘disente’ ang isang trabaho kung ang sahod ay pambarya lamang kumpara sa bilyong kitang kinakamit ng mga dambuhalang korporasyon. Ang tunay na tagumpay ay nasusukat sa laman ng sikmura at kapanatagan ng isip ng pinakamaliit na manggagawa. Ang Mayo Uno ay dapat magsilbing hudyat para sa ika-20 Kongreso na ang muling pagsusuri sa mga batas para sa makabuluhang dagdag-sahod ay maging prayoridad at hindi isang opsyon lamang.

Samakatuwid, ang Labor Day ay hindi dapat manatiling isang taunang ritwal ng pagpupugay sa mga ‘bagong bayani’ na walang kaakibat na sapat na sahod at seguridad. Kung patuloy na mababalam ang mga panukalang ito sa madidilim na koridor ng kapangyarihan, ang Mayo Uno ay mananatiling paalala ng isang pangakong laging napapako. Ito ay magiging araw ng pagdiriwang para sa mga nasa itaas, ngunit mananatiling araw ng patuloy na pakikibaka para sa masang siyang tunay na nagpapatakbo sa ating bansa.



𝘌𝘥𝘪𝘵𝘰𝘳𝘺𝘢𝘭 𝘯𝘪: 𝘈𝘷𝘦𝘳𝘺 𝘑𝘢𝘥𝘦 𝘐𝘣𝘶𝘺𝘢𝘵
𝘒𝘢𝘳𝘵𝘶𝘯 𝘯𝘪: 𝘊𝘢𝘳𝘭 𝘑𝘦𝘴𝘳𝘪𝘭 𝘚𝘢𝘯𝘤𝘩𝘦𝘻

𝗛𝗮𝗻𝗱𝗮 𝗸𝗮 𝗻𝗮 𝗯𝗮𝗻𝗴 𝗺𝗮𝗴𝗶𝗻𝗴 𝗶𝘀𝗮𝗻𝗴 𝗤𝘂𝗲𝘇𝗼𝗻𝗶𝗮𝗻?

Halina't mag-enroll sa Quezon City High School!

Ihanda lamang ang mga kinakailangang dokumento at sundin ang mga hakbang upang mas mabilis ang proseso.

Kita-kits sa QCHS!

𝗦𝗨𝗟𝗬𝗔𝗣𝗔𝗡 | 𝗡𝗖𝗥, 𝗔𝗻𝗴 𝗣𝗮𝗿𝗼𝗹𝗮 𝗼𝗻 𝗧𝗼𝗽 🏆🍍

Naging maningning ang sinag ng liwanag ng Ang Parola, Opisyal na Publikasyon sa Filipino ng Paaralang Sekondarya ng Lungsod Quezon matapos kilalanin bilang isa sa 'Best School Paper' sa katatapos lamang na 2026 National School's Press Conference na ginanap sa Ormoc City, Leyte.

Nakamit din ng National Capital Region ang ikalawang puwesto bilang pinakamahusay na rehiyon sa buong bansa.

Taos-pusong pasasalamat ang ipinahahatid ng aming hanay sa patnubay at gabay ng aming Tagapayo na si Gng. Christy F. Baccoy, Punongg**o na si Dr. Remedios P. Danao, at Puno ng Kagawaran sa Filipino na si G. Jesse Vicente. Lubos na pasasalamat din para sa mga patuloy na sumusuporta sa aming Publikasyon at mga mamamahayag pangkampus. Magiging inspirasyon pa ito ng bawat isa sa patuloy na paghahayag ng katotohanan sa loob at labas ng kampus.

𝗧𝗜𝗡𝗚𝗡𝗔𝗡 | Nasa Ormoc na!

Kasalukuyang itinatampok ang pahayagan ng Ang Parola kasama ng iba pang mga mahuhusay na pahayagang pangkampus sa iba’t ibang rehiyon para sa unang araw ng National Schools Press Conference (NSPC)— School Paper Exhibit, ika-14 ng Abril sa SM Ormoc City, Leyte.

Layon ng gawain na ilatag at ibandila ang iba’t ibang peryodiko ng mga paaralan sa buong bansa kung saan isa ang publikasyon sa mga pinalad na makasali at maging bahagi ng kinatawan ng National Capital Region sa itinuturing na pinakamataas na antas ng journalism competition matapos maiuwi ang NCR’s 4th Overall Best School Paper sa nagdaang RSPC.

𝘓𝘢𝘳𝘢𝘸𝘢𝘯 𝘮𝘶𝘭𝘢 𝘬𝘢𝘺: 𝘎. 𝘌𝘮𝘮𝘢𝘯 𝘏𝘢𝘭𝘢𝘣𝘢𝘴𝘰