Ang Pagtuon Quezon City Balik-Eskwela Campaign Network ay naglalayong likumin at pag-isahin ang hanay ng mga kabataan, magulang at maging ng mga kaguruan upang ipanawagan na matugunan ang mga pangangailangan para sa balik-eskwela sa Oktubre 5. Ang edukasyon ay batayang karapatan na dapat matamasa ng mamamayan sa anumang kalagayan. Susi ang papel ng edukasyon sa paghubog ng mamamayang makabayan at instrumental sa pambansang
pag-unlad. Isinasaad ng Konstitusyon ang mandato ng estadona protektahan at itaguyod ang karapatan ng lahat ng mamayan sa edukasyon sa lahat ng antas, at gumawa ng mga hakbang na matamasa ito ng lahat ng mamamayan.Hindi nakakabuti sa kabataan ang matagal pagkabalam ng pag-aaral. Nagbubunga ito ng patlang sa pagkatuto, pagkawala ng interes sapag-aaral, at nagbibigay ng puwang sa pamamayani ng di mabubuting impluwensya at gawain. Higit pa, malaki ang papel na dapat gampanan ng edukasyon sa pagharap ng bayan sa kasalukuyang krisis sa kalusugan at kabuhayan. Sa pamamagitan ng edukasyon, kakayaning maarmasan ang mga kabataan at mamamayan ng kakayahang unawain ang kasalukuyang kalagayan ng bansa, at kumilos at tumulong sa pagresolba ng krisis. Ang pag-urong sa petsa ng pagbubukas ng klase ay bunsod ng malalang kapabayaan at kapalpakan ng gobyernong Duterte nakontrolin ang pandemya, tugunan ang tumitinding krisis sa kabuhayan at ihanda ang paghahatid ng ligtas, abot-kamay at de-kalidad na edukasyon sa gitna ng pandemya. Lumalalang krisis sa kalusugan, kabuhayan at karapatang pantao.Umabot na sa halos 200 libo ang positibong kaso ng COVID 19 sa bansa at hindi pa matanaw ang paghupa ng pandemya. Pinabayaan ng pamahalaan na makapasok at kumalat ang COVID-19 sa bansa sa maagang bahagi ng taon. Matapos, nagpatupad ito ng pinakamahaba at pinakamalupit na militaristang lockdown sa daigdig na walang kaakibat na sapat na solusyong medikal ng mass testing, contact tracing, isolation at treatment. Walang signipikanteng pagpapalakas ng sistemang pangkalusugan at pagproteksyon sa manggagawang pangkalusugan kung kaya nabulunan ang mga ospital at libu-libong health workers ang nahawa sa sakit. Nagpapatuloy na krisis sa edukasyon at palpak at pabayang paghahanda sa pagbubukas ng klase. Inilantad ng krisis sa kalusugan at kabuhayan ang tindi ng krisis sa sistema ng edukasyon. Nabuyangyang ang di-ligtas na estado ng mga pampublikong paaralan at ang pagka-atrasado ng kakayahang panteknolohiya ng pampublikong edukasyon na walang kakayahang magsagawa ng epektibong online learning. Hindi tinugunan ng pamahalaang Duterte ang mga batayang problemang ito na susi sa pagbubukas ng klase. Walang interes si Pang. Duterte sa pagpapatuloy ng edukasyon sa gitna ng pandemya. Unang pahayag nito’y maglaro na lamang ang mga bata hangga’t walang bakuna. Pumayag man paglaon, wala ni pisong dagdag na pondong ibinigay ito para sa malaking gastusing kaakibat ng pagpihit tungong blended learning sa halip ay binawasan pa. Pagpapabaya ito sa edukasyon at malaking salik sa pagpalpak ng paghahanda. Sa kabila ng kawalan ng sapat na pondo, ilang buwan na ipinilit ng DepEd ang school opening ngunit ipinasa lamang sa mga paaralan, g**o, estudyante at magulang ang mga tungkulin sa paghahanda. Sapul Hunyo 1, pinapasok sa mga paaralan at opisina ang mga g**o at kawani nang walang proteksyon sa kalusugan. Bunsod nito ang pagkahawa ng higit 600 sa COVID 19 hanggang ilang paaralan ang nag-lockdown. Nginarag ang mga g**o sa online enrolment, paggawa ng modules at activity sheets, at kabi-kabilang online meeting at webinars nang walang suportang laptop o internet allowance. Sa huli, mga school head, g**o at kawani rin ang pumasan sa malaking suliranin sa module printing. Ang lantad na kapabayaan, kapalpakan at kawalan ng kahandaang ito ang sentimyento ng publiko, mga sektor at maging mga mambabatas nanawagan ng pag-urong sa petsa ng pagbubukas ng klase. Nakikita nila ang nagbabadyang panganib sa mga g**o, kawani, bata at magulang sa pilit na pagbubukas ng di-handang sistema ng pampublikong edukasyon. Ang pag-urong ng pamahalaan ng pagbubukas ng klase sa Oktubre 5 ay pag-amin ng kanilang kapalpakan at kapabayaan. Gayunpaman, hindi ito dapat na maging tuntungan upang tumakas ang gobyerno sa tungkulin sa edukasyon. Ano ang kailangang ihanda upang matiyak ang kaligtasan, maka-masa at de-kalidad na edukasyon sa Oktubre 5? Dapat tiyakin ng pamahalaan na tunay nang maihahatid ang ligtas at de-kalidad na edukasyon sa bawat bata saOktubre 5. Kailangang tiyakin ang pagtupad sa karapatan sa edukasyon sa gitna ng pandemya, nang may pag-angkop at pagtugon sa kalagayan at pangangailangan ng mamamayang lubog sa krisis. Sa susunod na mga linggo, dapat magpokus ang pamahalaan sa pagtupadsa minimum nahakbangin para maisakaruparan ito. Pondohan ang lahat ng pangangailangan para sa pag papatuloy ng edukasyon sa gitna ng pandemya. Tiyakin ang kaligtasan sa mga paaralan at protektahan ang kalusugan ng mga g**o at kawani. Magsagawa ng health screening at mass testing bago pagtrabahuhin sa paaralan at opisina ang mga g**o at kawani. Tiyakin ang sapat na pasilidad sa sanitasyon at tauhan sa bawat paaralan. Mag-empleyo ng nars at tiyakin ang gumaganang klinik sa bawat paaralan. Mamahagi ng mga hygiene kit at personal protective equipment sa mga g**o at kawani. Bigyan ng sick leave ang mga g**o, hazard pay sa mga g**o at kawani, at libreng pagpapagamot sa mga mahahawa sa COVID 19. Ipatupad ang minimum health standards sa pamamahagi ng modyul at iba pang pagtitipon sa paaralan. Bigyan ng suportang laptop, gadget at internet allowance ang mga g**o at mahihirap na mag-aaral. Patungong Oktubre 5 at lampas pa, dapat pag sumikapan ng pamahalaan ang mas mabibigat at esensyal na hakbangin upang tuluy-tuloy na maibigay ang edukasyon at makaahon ang bansa sa pandemya. Magpatupad ng komprehensibong aksyong medikal na pipigil sa tuloy-tuloy na paglala ng pandemya. Magbigay ng makabuluhang ayuda at trabaho sa mamamayan. Punuan ang mga kakulangan sa paaralan, klasrum, pasilidad, at bilang ng mga g**o at kawani. Pahusayin ang kakayahang panteknolohiya ng mga paaralan at internet connectivity sa buong bansa. Kaakibat nito, dapat pag-iwanan na ang patakaran ng panunupil sa mamamayang nagsusulong ng mga batayang karapatan. Malaking hamon din sa mga g**o, estudyante, magulang at mamamayan kung paano maisusulong ang mga panawagan at kahilingan sa gitna ng mga limitasyong ipinapataw ng pandemya at quarantine protocols. Gayunpaman, hindi maaaring isuko na lamang ang karapatan at kapakanan ng mamamayan. Higit kailanman, kailangan ang mahigpit at malawak na pagkakaisa upang ipagtanggol ang mga karapatan. Kailangang maging mapanlikha sa pagkakampanya sa paraang ligtas at epektibo upang makamit ang tagumpay. Tugunan ang mgapangangailangan para sabalik-eskwela sa Oktubre 5! Ibigay ang sapat na badyet para sa pagpapatuloy ng edukasyon! Itaguyod ang ligtas at de-kalidad na edukasyon para salahat! Isulong ang makabuluhang edukasyon sa gitna ng pandemya! PIRMA PARA LIGTAS, MAKA-MASA AT DEKALIDAD NA EDUKASYON. PANGALAN TIRAHAN PIRMA
